مثل كل ترم ومثل سنة لا جديد وينجح الجميع ولله الحمد والمنة

[باسم باغريب]

ي أحبة بداية نحمد الله سبحانه وتعالى بنات وشباب اننا ننجح وننتقل من ترم إلى ترم بدون حمل مواد ولله الحمد والمنة والشكرو الفضل أولا وأخير لله سبحانه ووالله ثم والله ماراح نقدر نتعدى مادة مو مواد إلا بفضله ولكن السؤال اللي يطرح نفسه كل مرة والفيلم اللي يتكرر والكل يتذمر بعيداً عن أخطاء الجامعة انا ما أتكلم عنها او عن أخطاء الدكاترة وتصعيب الأسئلة انا اتكلم عن اللي أشوفه من الكثير من الطلاب والطالبات في كل ترم تذمر وتأفف في كل مادة وتهويل للأمور وقبل ما يذاكر المادة او من يوم مايفتح اول صفحتين في المادة تلقاه يتأفف ويخوف زملائة من الماده ويصعبها عليهم وماشاء الله يجي الترم اللي بعده تلقاه ناجح ولله الحمد والمنه ومرتقي من مستوى لمستوى يعني هونها ربنا وعدت يعني مو المفروض بدال ما نتذمر ونتأفف نرجع شوي كم شهر ونفكر ونقول اللي عداها لنا وحنا كنا خايفين ومتوترين قادر انه يعديها لنا هالترم وكل ترم بعد ، بالله عليكم مو هذا لازم يكون تفكيرنا ي أحبه وانا اقولها لكم اقسملكم بالله لو حفظنا المذكرة من الجلدة للجلدة حرف حرف وكلمة كلمة بس بدون توفيق من رب البريات اقسملكم بالله ووالله ثم والله مانعدي ماده بجهدنا ولا بمذاكرتنا اذا كانت الجنة وهي الجنة تعرفون وش هي الجنة الله يقول ماتدخلونها إلا برحمتي جت ع النجاح في مادة ماتبونه ينجحنا برحمته فتكفون ثم تكفون من اليوم خلونا نوقف تأفف وتذمر واللي يحس ان أي مادة صعبة عليه يتذكر المستويات اللي راحت بس اشلون عدا مواد والله ثم والله صعبه حيل وما عدينا إلا بتوفيق الله سبحانه وبرحمته واذا حسيت بالضيقة قم وصلي ركعتين وادعي رب العالمين وقل لميمتك ادعيلي وتصدق بنية التسهيل وراح تتسهل والله راح تتسهل وعذرا اني طولت عليكم لكن والله محتاجين مثل هالموضوع في مثل هالوقت ي أحبه
:34:

[الحل الصعب 14]

الله يسهلها يارب ..

وشكرا لك والله يجزاك خير .

[باسم باغريب]

الله يسهلها يارب ..

وشكرا لك والله يجزاك خير .


العفو .. وإياك يارب .. ولابنا يسهلها ع الجميع يارب

[a b o a w a d]

كلامات طيبه

جزاك الله الف خير

[فراشة حائرة]

:21:
الله يسهل للجميع وبنعديها باذن الله

[mutlaq646]

الله بس يخارجنا من الدوغانيات

وحنا بااااااااالف خير

[abdul3zizz]

كلام بالصميم :21:

[Ŝђấ₥ş]

رائع كلام غافلين عنه جزاك الله الف خير :16:

[عهد العهود]

جزاك لله خير والتوفيق للجميع انشاءالله

[Student 2010]

سلاااامتك, فيه ناس كثير حملو مواد وياليت كل واحد يتكلم عن نفسه خصوصا أن الكلام جاي متأخر والفصل الدراسي والأختبارات خلصت يا لحبيب!

[باسم باغريب]

سلاااامتك, فيه ناس كثير حملو مواد وياليت كل واحد يتكلم عن نفسه خصوصا أن الكلام جاي متأخر والفصل الدراسي والأختبارات خلصت يا لحبيب!


جزاك الله خير .. واعتذر اخوي ع التأخير بس ابي اقولك ترى باقي مادتين وهي تعتبر ثلث الترم يعني تونا بدري وبعد باقي لنا ترمين ونص تقريبا او اكثر بقليل فيعني تقريباً ما تأخرت ويمكن غيرك ياخذ الكلام ويفيد فيه احد غيره في مستويات ثانية وفي جامعات ثانية وفي اماكن ثانية وفي مكان غير الدراسة انا اتكلم عن شي اسمه (تفويض الأمر لله) وأن الأمر كله بيد الله يعني مو شرط بس في الدراسه والجامعة

يعطيك العافية وكثر الله خير ع الدقايق اللي عطيتيني من وقتك بس عشان تقرا موضوعي فيها والله يوفقنا يارب انا وانت وكل من في الجامعة بنات وشباب ونعدي ع خير يارب يارب بدون حمل مواد يارب

[algeneral]

يعطيك العافيه عزيزي على الكلام المريح الي يريح قلوبنا جزاك الله ألف خر ياشيخ :21:

[ناوي السوكبا]

النجاح لا يمثلني

انتهى

[الرفيق1]

النجاح من سمات القائد

[khaldi2011]

الله يجزاك خير و يوفق الجميع

[باسم باغريب]

شكرا من القلب لكل لمن إهتم لهذه الكلمات التي كتب وقرائها ورد عليها شكرا ..

ووفق الله الجميع يارب ..

[Abukhalid]

سلاااامتك, فيه ناس كثير حملو مواد وياليت كل واحد يتكلم عن نفسه خصوصا أن الكلام جاي متأخر والفصل الدراسي والأختبارات خلصت يا لحبيب!



اتفق معاك

[سلطان نواف]

الحمد لله على كل حال

وألف شكر اخي العزيز

لكن الخوف والتأفف شي بديهي إلى أن تظهر النتيجة

[ǺĽ ẕeeห]

كلام رائع اخوي الله يعطيك العافيه "
ياجماعه خيره و الحمد لله على كل حال كل شي مقدر ومكتوب "

:16:

[باسم باغريب]

الحمد لله على كل حال

وألف شكر اخي العزيز

لكن الخوف والتأفف شي بديهي إلى أن تظهر النتيجة


ونعم بالله أخي الحبيب والعفو وحق وواجب علي إني أكتب مثل هالموضوع لتوضيح الصورة للجميع

وانا وانا اخوك ما أتلكم عن الخوف والتأفف قبل النتايج انا اتكلم عنها قبل كل مادة تلقى الواحد الترم كله مافتح الماده ولا درى عنها وقبل الإختبار بكم ساعة جا وشطف المادة ع السريع ودخل وقال وش هالمادة الصعبة ووشلون نذاكرها فتلقاه بهالشيء دمر نفسيته ودمر نفسية غيره من أخوانه وأخواته ي الغالي هذا مقصدي بالضبط

شكرا ع تلطفك ومرورك ويعطيك العافية

[باسم باغريب]

كلام رائع اخوي الله يعطيك العافيه "
ياجماعه خيره و الحمد لله على كل حال كل شي مقدر ومكتوب "

:16:


الأروع مرورك أخيتي والله يعافيك يارب ويعافي كل من في المنتدى ويوفقنا جميعا يارب يارب وطلع جميعنا مستانسين وفرحانين يارب العالمين

الإعتماد ع الله وحسن الظن به والله غفلة يغفل عنها الكثير والكثير والكثير في وسط زحمة الإختبارات ولايركز الشخص إلا بمذكرة أو محتوى أو أسئلة اختبار او اتصال بالدكتور الفلاني في حين ان الله سبحانه هو من يسخر لنا كل هذه السبل ولكن والله اننا نغفل ونظن اننا بدهئنا وخبرتنا استطعنا ان نصل إلى هذه المواصيل .. انها غفلة قلوبنا

[عروبه العتيبي]

شكراا من القلب على كلامك الجميل وان شاء الله بتسسهل من عند ربي وعلى فكره الماده جمميله والدكتور جميل والحيااه جمميله:1:

[بدران10]

اعتقد انها وجهات نظر

وانطباعات مثل الموضوع اللي بعد كل اختبار

فضفضه واذا فيه ظلم او خطأ نقول لبعض الخدمات الطلابية او نتصل على الجامعه

وياخوي احمد الله

ترا فيه ناس واجد حملت مواد

انت انسان ممتاز وكلامك روعة

بس لاتنظر للامور من زاويتك وخل غيرك يقول رايه حتى لو اختلفت معاه


موووفقين

:16:

[باسم باغريب]

اعتقد انها وجهات نظر

وانطباعات مثل الموضوع اللي بعد كل اختبار

فضفضه واذا فيه ظلم او خطأ نقول لبعض الخدمات الطلابية او نتصل على الجامعه

وياخوي احمد الله

ترا فيه ناس واجد حملت مواد

انت انسان ممتاز وكلامك روعة

بس لاتنظر للامور من زاويتك وخل غيرك يقول رايه حتى لو اختلفت معاه


موووفقين

:16:



سؤالي لك واحد فقط هو بالفعل واحد هل عندك شك في أن الله هو الموفق وهو المسهل وهو الميسر في نجاحي ونجاحك ونجاح الجميع هذا اللي أقصده أفهم ي أخوي موضوعي انا أقصد لنتوكل ع الله ولنحسن الظن بالله قبل الإختبار مو بعد الإختبار ياليت ترجع وتقرأ موضوعي ع رواق بس ي الغالي

وزاويتي هي وحده وهي اللي قالها الرسول صلى الله عليه وسلم وقالها رب العزة في كتابه واللي المفروض انها تكون زوايتك انت وزاوية الكل في هذي الدنيا وهي التوكل ع الله فقط لاغير

[بدران10]

ان شاء الله كلنا متوكلين على الله

في كل امورنا

معناته موضوعك ماله داعي اخوي باسم لان هذا الشي مفروغ منه


عندك مشكلة كبيرة في تنسيق النص

توكل على الله وابذل الاسباب وحاول تطور نفسك في هالجانب:8:

التوكل على الله مع بذل الاسباب والسعي لامورك

ماهو معناته انا بخير خلااص ياناس توكلوا على الله ولحد يقول رايه ولاتشتكون

لان المشكله منكم

مووفقين

[ام جوانااا]

القانون التجاري اي فتره

[باسم باغريب]

ان شاء الله كلنا متوكلين على الله

في كل امورنا

معناته موضوعك ماله داعي اخوي باسم لان هذا الشي مفروغ منه


عندك مشكلة كبيرة في تنسيق النص

توكل على الله وابذل الاسباب وحاول تطور نفسك في هالجانب:8:

التوكل على الله مع بذل الاسباب والسعي لامورك

ماهو معناته انا بخير خلااص ياناس توكلوا على الله ولحد يقول رايه ولاتشتكون

لان المشكله منكم

مووفقين


أبشر وجزاك الله خير ع النصيحة ي الغالي

واذا كان التوكل ع الله وحسن الظن فيه مو موضوعنا وحنا بالإختبارات فأنا اعتذر لكن لو تقرأ ردود البعض من الأخوان والأخوات راح تشوف انه فعلا موضوعنا