رجاء خاص لإدارة التعليم عن بعد

[Abdullrhman]

بسم الله الرحمن الرحيم

السلام عليكم و رحمة الله و بركاته و بعد ,,

أرجو من إدارة الجامعة و خاصة عمادة التعليم عن بعد اذا كانت هي المعنية بالامر ، تغيير الدكتور اللي يدرس مادة الاحصاء و الاحصاء التحليلي مع كامل الاحترام لشخصه ، الصراحه شرح الدكتور لم يكن موفقا بالماده ارجو منهم تغييره الماده صعبه و معقده و لم يكن شرحه عون للطالب بالماده مع احترامي الكبير لشخصه .. / ما رأي الاخوان و الاخوات في المنتدى ؟!

[ddira]

وش اسم الدكتور

[DAMINIT]

وش اسم الدكتور


عبدالله عمر النجار :23:

[Abdullrhman]

up

[حـوور]

هههههه انتهت الحين سالفة يغيرونه خلونا بمصيبتنا حقت يوم الاثنين

وقسسسم خايفففه حدي ..:4:.

والمحتوى كثيررر مايكفي يوم واحد اذاكره كله ..والله لو مخي هاردسك بومدري كم قيقه ماجمع كل ذا :24:

[حسن الغامدي]

بالعكس النجار ماقصر معنا في المواد السابقه افضل من غيره بكثييييييييييييييير

احس موضوعك هذا بيجيب فينا العيد في المستويات المستقبليه ترى النجااار معك على طول بس لانغضبه ويغير في اسلوبه


مع احترامي لكم انتم تحوسون وتجيبونا فينا العيد دائم

[s.alman]

اصبر اصبر خلنا نشوف اسئلته يوم الاثنين ..


اما نغيروا وحنى ماختبرنا للحين ..!

تقهون يمديه يصعب الاسئلة لو قلنا نبي نغيروه هههههههه

بالنسبة لي بالاختبار الماضي بدعت بالاحصاء لانه جاب الاسئلة كوبي للترم الماضي وكانت سهله وزعلوا الدوافير ( الي بعم شوي حسد ) قالوا وش الفايده نتعب ونذاكر وتجي الاسئلة نفس اسئلة العام الماضي . كان ودي التقي باحدهم واعلمه الفايده .. والحين تقولون صعبه اسئلة الدكتور ونبيهم يغيرونه .. والله عجز يفهم لكم النجار

ذاكروا ذاكروا بدال هالخربطه بس

[Assir]

يعني اكشخ الاثنين والبس ملابس جديدة

دام اني جايب العيد خلني اكشخ ع الاقل

ههههههه

الله يسهل الوضع ما يطمن

[الطرقــي]

من جد لاتستعجــل الله يرحم والديـك

ولاتسبق الحدث وتجهز الدواء قبل الجـرح ههههه

ننتظر المفاجأه يوم الاثنين ونحدد المصير وإلى الان

كل اغلب لدكاتره ماقصروا ربي يجزاهم خير

تفآآآآآآآءل خير والله الماده صعبـه >> مدري وش الحـل واش اسوي

اللهم يسر ولاتعسـر :7::40:

[مساهر]

مع احترامي لك

هالحين مو وقته , والاعتراض مامنه فايده.

لكن خلنا نتأمل خير ، واذا مافهمت عالشرح تدرب على حل الاسئله.

وانا واثق ميتين بالميه ان الاسئله رح تكون سهله.

بس انت ركز :27:

بالتوفييق :16:

[الـغـامـض]

الماده دسمه بما تعنية الكلمه

النجار كويس وماقصر معانا الترم اللي راح

لكن هل بيقصر معانا هالترم وبيحوسنا الله واعلم


الله يعديها ع خير

[البطله xp]

اذا فات الفوت ما ينفع الصوت :13:

[الـغـامـض]

ههههههههههههههههههههههه ومن قالك في صوت من الاساس

[ساري مساري]

ياليت والله يسمع منك انه يتغير والله انه كرهني في الجامعه بكبرها

[المحترمه]

وعليكم السلام ورحمة الله وبركاته

يا عزيزي ... بدأنا في تاريخ 10 / 3 / 1434هـ
لهذا السمستر وقطعنا شوط مع المقرر بغض النظر
عن مدى الإستيعاب .. والآن باقي يوم على الإختبار
وتطلب تغيير الدكتور !!!؟

نقول الله يعديها على أحسن حال ويسّرها الماده تتيسر من عنده سبحانه

بالتوفيق :16:

[ميرامار]

صباح الخيرات

لسه تطالب بتغير الدكتور عبدالله لآن في نظرك مايعرف يشرح

ع فكره في كثيرين من الدكتاره كوبي باست
من الافضل تغير الكادر الجامعي

اترك الاعتراض بماان الطلاب عارفين طريقه الدكتور عبدالله لايدعون عليك :5:

[خيرشوف]

الى مابعد الاختبار


والسلام عليكم

[abomosned]

ههههههههههههههههههه

والله بعض ردود تبرد الكبد ، من جد انا بعد بلبس سروال وفنيله جديده للعيد يوم الاثنين .
ههههههههه من جد مو وقت تغيير خلنا بمصيبتنا ههههههههههه


اقول خذوها مني ولاتخافون من شي الاسئله بتكون نفس الترم الماضي كوبي بست .

[Abdullrhman]

يالربع انا ادري انه ماراح يتغير الحين سلامات و الله لو اني وزير التعليم العالي ،،

أقصد للضعوف اللي بعدي بياكلون هواا ، الدكتور احيان يحسسك انه مو متقن الماده يحل و يوقف شوي يطالع بحله و يرجع للدفتر يطالع و يسكت ،، الله يزينها بس

[Manal Abdullah]

حالتنا صعبه
الماده سهله جدا و الدكتور ما قصر معنا
و ما نتابع معه و لا نذاكر اول باول
و نحط اللوم عليه ؟؟

اصلا ما جا هالقرار قبل الاختبار بيوم الا انه فعلا توكم تفتحون المنهج .. انا توي افتحه لكن مستحيل اخلي اللوم ع الدكتور ..

[سنيوره ♥]

اوفق ع تغير الدكتور

[Az~OoO~Zz]

تبون الجد .. انا مستغرب من الموضوع بالكامل .. لأنه مو وقته نهائي ويهبط عزوم وماله داعي الحين بالذات.. وإذا الواحد فينا مو فاهم شي معين من المادة وراه ما بحث الموضوع مع الدكتور في المحاضرات المباشرة.. صحيح انا المادة صعبة مش بس علينا طلاب التعلم عن بعد حتى على الطلبة المنتظمين وللمعلومية سألت عنها شباب في عدة جامعات كلهم اجمعو على انها مادة صعبة ... بس بنسبالنا خلوها تحدي مع انفسنا وانركز قدر المستطاع على المادة .خصوصا انه مابقى وقت. ونصيحتي للأخوان جميعا اللي يبي يعدي المادة وبس .. ركزو على اسئلة أختبارات الماضية .. واذا فيه تغيير راح يكون في الأرقام والصيغ فقط .. وتوكلوا على الله وان شألله نعديها

[قتال القلوب]

بالعكس النجار ماقصر معنا في المواد السابقه افضل من غيره بكثييييييييييييييير

احس موضوعك هذا بيجيب فينا العيد في المستويات المستقبليه ترى النجااار معك على طول بس لانغضبه ويغير في اسلوبه


مع احترامي لكم انتم تحوسون وتجيبونا فينا العيد دائم

:17::3::21:

[YouseF2011]

:26::26::26:

[sssidalani]

صحيح ان المادة دسمه
والله الدكتور النجار ما قصر معانا
الله يجزاه الجنة يارب

[l a v e n d e r]

الله يرضــا عليكم ..

الموضوع مو بوقتـه ويسبب توتر للاعضاء ..

نسأل الله التوفيق والسداد ..

بعد اذنكم جميعا يغلق ..

دمتم بحفظ الله ..

:16: