تنبيه هام لجميع الاخوان والاخوات في الصحة واللياقة [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : تنبيه هام لجميع الاخوان والاخوات في الصحة واللياقة

اكاديميه111

2013- 5- 20, 12:13 PM

السلام عليكم ورحمة الله وبركاته

والله يوفقكم جميعا

وهانت بكره ان شاء الله تتحررون من هم الاختبارات

وغيركم باقي مابدى يختبر وهذه ميزه لكم

المهم

انا زوج صاحبة هذا المعرف

وطلبت مني دعم لوجستي !!!!

وهو مراجعة المذكرات الكثيرة لهذه المادة الي سببت لكم تشتت

وبعد المراجعه الدقيقة لكل المواضيع وكلام الدكتور والمذكرات ((( تعرفون فاضي )))

اعطيكم نتيجة الفرز :

1) ابتعدوا عن مذكرات المعتقل وابوموزه خلاص دقه قديمه وراح زمنها

2) حتى لو لقيتوا الاسئله الماضيه قريبه من مذكرات المعتقل وابوموزه

خلاص انتهت لان الدكتور الترم الماضي درسها من المذكرات القديمه

فوضع الاسئله من المذكرات القديمه

الان هو مخمخ صح ووضع محتوى خاصه به والاسئله منها بكل تاكيد

3) وهو الاهم (( مذكره هتان وسلاف ))

مذكره رائعه رائعه رائعه بكل ماتحمل من كلمه فلهم الشكر

وجميع النقاط التي في محتوى الدكتور بالاجاز مكتوبه فيها وانا واعوذ بالله من هذه الكلمه

راجعتها بالتفصيل الممل واندهشت من التلخيص الي فيها

وانصحكم بها والي ماعنده يحملها على فلاش وينقز !!!!! الان الى اقرب مكتبه ويطبعا من

الفلاش ماتكلف 20 ريال

4) وجدت مختصرات ملخصه في مجلس المذاكره مثل ملخص الامراض المعديه وغير المعديه

اقول لاتعتمدوا عليها وابتعدوا عنها وعن كل الملخصات لانها على المذكرات القديمه والمحتوى

لايتكلم عنها وحتى انواع الامراض مختلفه ووووو كلام كثير المهم طنشوها كلها قديمه

5) قد وانتبهوا اقول قد

يرحمكم الدكتور ويضع 25سؤال من الاسئله القديمه عشان الي يبغى ينجح

لكن لزاماً عليه ان يضع 25 سؤال من المحتوى الجديد

لهذا ذاكروا اخر اسئله الترم الماضي شهر 2 عام 1434

فقط فقد تجدون نصف الاختبار منها او اقل

هذا ماحبيت اوضح لكم وهي خلاصه فرز دقيق

لكل ماكتب في كل ارجاء المنتدى والافتراضي والمكتبات

واتمنى لكم النجاح بامتياز

اخوكم ابويزن

الاثنين 10 / 7 / 1434هـ

Doremi

2013- 5- 20, 12:19 PM

وعليكم السلام و رحمة الله و بركاته

شكرا ً أبو يزن على المعلومات ، أنا أتفق معك في بعض النقاط الي كنت متوقعتها
و انذهلت بباقي الاستنتاجات و عجبتني و تحمست شوي أكمل المذاكره ..

فعلا ً أنا أذاكر من ملزمة هتان و ولاء و سلاف و هي منطقيه و مختصره و ممتازه
و هو أساسا ً قال ماراح يجيب من بين السطور معناها ليش خايفين؟

بالتوفيق لزوجتك في الاختبار و يعطيك العافية

نونه الحلوة

2013- 5- 20, 12:23 PM

يعطيك الف عافيه على الجهد المبذول..:3::21:
انا عندي ملزمه هتان وولاء وسلاف فعلا ممتازه لكن الفصل الثالث والرابع جدا دسم وماعقدني الا هو نفسي افهم وش بنستفيد منها خاصه القياسات ومادري ايش:39:

بالتوفيق لزوجتك عشان تسوي لها حفله والله يخليكم لبعض:42:

ثلجه فوشية

2013- 5- 20, 12:31 PM

ابي ملزمة هتان ممكن الرابط

Rseel

2013- 5- 20, 12:40 PM

كلام صحيح وربي يجزاك خير ويوفق زوجتك ويجعلها من الناجحات

ســــلآف

2013- 5- 20, 12:45 PM

الله يوفق زوجتك ويوفقك وشجعتني اكمل

الملزمه هناااا حمليها يا ثلجه

http://www.gulfup.com/?iRKTER (http://www.gulfup.com/?iRKTER)

••ريــــم••

2013- 5- 20, 12:55 PM

مشكوووووور
ع النصيحه

الله يجزاك خير وربي يوفقك انت وزوجتك

رضاك ارجو يارب

2013- 5- 20, 01:06 PM

الله يجزاك خير بالدآرين إنت وزوجتك ..ويفرج عليكم زي مافرجتو علينا
سؤال؟؟!؟ملزمه هتان حقه العام تنفع ولاتقصد الجديده!!!!:42:

fearless

2013- 5- 20, 01:11 PM

يعطيــك العافيـــة ..،

فعـلاً .. هنـا " أحس بأني بيـن أخـواني وخـواتـي " الكل ع قلـب واحــد

يـارب يدومهـا علينـا " وشكـراً ع النصائــح " ... :1:

بيدو1

2013- 5- 20, 01:27 PM

الله يوفقك ويوفق ام يزن ويخليكم لبعض ويسعدكم

فعلآ كلآم وآقعي مآدآم الدكتور غير الملزمة فالتوقع آكيد بيضيف اسئلة جديده ودآمه قآل مآرآح ينعآد سؤال فهذآ يبين لنآ انه ينبهنآ للمذآكرة من الجديد وانآ بأذن الله اذآكر من ملزمة الدكتور اللي اختصرهآ هتآن والآخوآت ربي يوفقهم

وان شاء الله ختامه مسك

بنت الغربية

2013- 5- 20, 02:24 PM

السلام عليكم ورحمة الله انا صورة ملزمة المعتقل وأبو الشياب واحس أني تايه وشرايكم :5::5:

الأريج

2013- 5- 20, 02:33 PM

الله يجزاك الجنة والله بصراحة ماعندي غير مذكرة المعتقل

لكن بطيع شورك وأبحمل المحتوى

وربي يسهل الأمور للجميع

أبرارالدهامي

2013- 5- 20, 02:40 PM

جزاكم ربي الجنه انت وزوجتك

وداد عبدالله

2013- 5- 20, 03:00 PM

:30:

وداد عبدالله

2013- 5- 20, 03:02 PM

مساء الخير اخوني واخواتي المقصود اذكر من ملخص هتان مع الاسئله الاعوام سابقه سنه 1434

هـــتـــون

2013- 5- 20, 04:49 PM

طيب مذكرة طموح شايب ممتازة وهي مع الملزمة الجديدة

توتهه

2013- 5- 20, 04:53 PM

ااناا بععد حمملت ططموح ششايب ممادري اعتممد ولا لا .. نككفو ن رددو بسسرعه
اذاا لاا ,, عططوني رابط ملخص هتاان ويككون ووررد :12:

وجدان خالد

2013- 5- 20, 05:02 PM

ملزمة هتان رائعه فعلا ..راح اذاكر منها بالاضافه الى اسئلة العام السابق مثل ما ذكرت
جزاك الله ألف خير ..

سمسم E

2013- 5- 20, 05:12 PM

الله يجزاك خير كلامك منطقي جدا و مدري ليش فتح نفسي ونشطني هههههههههههه:5:
الله يوفقك ويوفق زوجتك ويوافق بينكم :16:

شروق الأحمري

2013- 5- 20, 05:24 PM

الله يجزاك خير كلامك منطقي جدا و مدري ليش فتح نفسي ونشطني هههههههههههه:5:
الله يوفقك ويوفق زوجتك ويوافق بينكم :16:

أي والله فتح أنفسنا للمذاكره الله يسعده هههههههه

الله يوفقك دنيا وأخره وييسر لزوجتك :1::43:

سمسم E

2013- 5- 20, 05:45 PM

خيو بما انك فاضي ومستمتع بالماده اش رايك تنزل لنا تلخيص للمحاضره الثانيه بس :29:
تكفى تكفى :39:

غــيــث

2013- 5- 20, 05:55 PM

يعطيك العافيه ابو يزن

اممم اقولكم شي

والله ان شغلي الشاغل اليوم هو ملزمه الدكتور المعتمده

والمقارنه بينها وبين ابو موزه وهتان وغيرهم لاني تلخبطت مادري من وين اذاكر

كلن يجيب راي من راسه

اقولكم خلوكم مع هتان وبسسسسس ترا فيها تغييرات انتبهو

ملزمه حلوه وواضحه واعتمدوها بعد التوكل على الله

وفالنا وفالكم النجاح

Reem ziyad

2013- 5- 20, 06:07 PM

يعطيك العافيه ابو يزن ما قصرت الله يسعدك انت و ام يزن و تفرحون بنجاحها:27:

بس حبيت اسالك اذا اطلعت على ملزمة طموح شايب !!!

طبعتها و للحين ما اطلعت عليها هل تنصحني فيها و لا لازم اخذ ملزمة هتان ؟؟؟:7:

sadiq

2013- 5- 20, 06:30 PM

الله يعطيك الصحة والعافية

اميره الجزيره

2013- 5- 20, 08:29 PM

لاحول ولاقوه الابالله يعني مذاكرتي راحت على الفاضي لاني ذاكرت من ملزمة ابو موزه :12:
والله تهت ناس يقولون ابو موزه لانه شااامل ودقيق وناس يقولون هتان :12:
وش الحل الحين انسدت نفسي اكمل مذاكره غير كذا هاذي الماده الوحيده الي اذاكر فيها ملزمه الاغلبيه يقولون غلط وقدييييييييييييييييييييييييييييييمه:18::7:

zoozi

2013- 5- 20, 09:05 PM

أم الحاكم

2013- 5- 20, 09:26 PM

مو راضيه تتحمل

اميره الجزيره

2013- 5- 20, 10:08 PM

وانا بعد زيك من الصباح وانا اذاكر من ملزمه ابو موزه ,,,,,,,,جاني احباط :bawling::bawling::bawling::bawling::bawling:

فتحت الحين ملزمة هتان قاعده اذاكر من الاب توب تخيلي :33:ويارب تسهل

ظاهر راضي

2013- 5- 20, 10:44 PM

يسلمو ,,,

نجم الرياض

2013- 5- 20, 11:42 PM

جهود جباره تشكرون:21: عليها يازملاء اتمنا لكم من اعماق قلبي:1:التوفيق والنجاح

*روبـــي*

2013- 5- 20, 11:56 PM

ربنا يجزااااكم الف خير ..:1::1:

وهــم !!

2013- 5- 20, 11:59 PM

ياساتر

وين احصل مكتبة هالوقت !!
متى تغيرت الملزمة وكيف صار :(
اما في اخر اختبار نفحط هههههههههههههههههه
والله مشكلة

انا جالس اقارن بـ ملزمة بوموزة وهتان والاخوات اللي معه
في اختلاف في كم درس :36:

الله ييسرها وبالتوفيق للجميع

محمد بن بندر

2013- 5- 21, 12:59 AM

اماااااااااااااا كذا

اقول انا قفلت اليوم خلاص
قريت مذكرة طموح شايب وانتهيت من القراءه
وبكره الاسئله حقت الترم الماضي

شموع العسيري

2013- 5- 21, 01:18 AM

مشكور ويعطيك العافيه
وانتبهووو فيه أخطاء ف ملف هتان أسئلة الاختبارات السابقه
مووووفقين

اشراقة امــل

2013- 5- 21, 08:03 AM

:21::21::21:
جزاكم الله خير انت وزوجتك
واحنا بمجال على محمل الجد والواحد مايبي يضيع وقته في شي غير مستفاد
دام الدكتور طلب مالزمته معنها نتقيد بتعليمات :33:
والله يجزا هتان وسولاف ولاء كل خير بحيث اعطون ملخص كل ماهو مهم في الملزمه :16:

بتوفيق جميعا :21:
واختبار سهل وميسر باذن الله :2:
وكل مستوى وانتوووو طيبين بمناسبة انه اليوم اخر اختبااااااااااااااااااااااااااااااار :13::13::13:

Ebtesam 20

2013- 5- 21, 09:35 AM

طيب اانا ذاكرت المحتوى والاسأله القديمه كلها نفس المحتوى :7::7:

اكاديميه111

2013- 5- 21, 08:38 PM

هذا الي خفت منه

والله توقعت يضع 50% من المحاضرات المسجله

و50% من المحتوى الجديد

ولكن طلع اسوأ مما توقعت

الله يعوضكم خير والصبر الصبر

ولا مانع من رفع شكوى

فالدكتور وقع في غلطه فادحه تستدعي التحقيق

كان مشتت نفسه

وماله نفس يغير المحاضرات المسجله وهذا لوحده مشكله عليه

كسلان الاخ محاضرات مسجله قبل سنه ومحتوى ينزل قبل شهر من نهايه السنه

وانا معكم في اي شي تريدون

أم عمر w

2013- 5- 21, 10:47 PM

http://www.ckfu.org/vb/t464607.html