المساعد الشخصي الرقمي

مشاهدة النسخة كاملة : ملاحظة على تقويم الفصل الصيفي وفرصة للخريجين

كل العرب
2013- 5- 20, 03:57 PM
السلام عليكم وررحمة الله وبركاته


لاتزال الجامعه تصدر انظمة بدون أي دراسة تذكر ؟ !!


الفصل الصيفي وتقويمه .. لايناسب الطلبة الخريجين ومن هم شبه متخرجين


فرضا لاسمح الله حمل احد الطلبة الخريجين مادة ؟ او مادتين !!

كيف يسجل بالفصل الصيفي ؟ والتسجيل ينتهي بعد 15 يوم من الان

اتوقع 15 يوم غير كافية لظهور النتائج ..


الخريجين هم بحاجة للفصل الصيفي اكثر من غيرهم حتى لايتآخروا ترم كااامل

بسبب مادة او مادتين !!!


ضروري يطالب الخريجين باتاحة التسجيل حتى ظهور النتائج ..

ولو لاسمح الله احد حمل مادة بامكانه يخلصها والتقويم ممتاز الاختبار برمضان .


وش رايكم نكلم الدكتور الفريدان عن هالموضوع ؟

تمديد التسجيل بالفصل الصيفي حتى ظهور النتائج .. لدفعة التخرج خاصة .

ان شاء الله الجميع ناجح .. بتقديرات طيبة .. لكن نضع الاحتمالات

اخر موعد للتسجيل بالصيفي 7 \ 6 \ 2013م بعد 17 يوم من اليوم

الا اذا النتائج بعد 10 ايام ؟ هذا شي ثاني

والاستفسار مطلوب . انا ابكلمهم بكره

واللي يكلمهم او شي يبلغنا هنا وش صار معه .. والله اعلم
كل العرب
2013- 5- 20, 04:00 PM
وبعدين ما لاحظتوا شي ؟؟؟ بالمواد اللي نازله بالصيفي

اصعب اختبارين الترجمة التتابعية والادب الامريكي موجودات

يعني احمد حليمة وبسام ابوزيد قااااعدين لنا بالصيفي وبكذا حطوا أسئلة تعجيزية لاترقى للطالب

الخريج وللمنهج اللي يسردوونه سررد .. !


ان شاء الله الطلاب يتجاوزون هالمادتين واذا في رسوب او شي تتااح الفرصة بالصيفي


مافي مشكلة حقول التجارب يتحملون كافة الامور العالقة .. :2:
الطاير
2013- 5- 20, 05:23 PM
كلام سليم ....انا تعارضت معي مبادى الادارة مع الادب الامريكي ...واضطريت ان اترك الادارة مع ادب الاطفال والترجمة التتابعية وتحليل الخطاب
abu basil
2013- 5- 20, 05:41 PM
انا ماشي على الخطه وماباقي لي الا مواد مستوى ثامن
وجميع مواد مستوى ثامن موجوده ماعدا مشروع التخرج
يعني لو اخذت ترم صيفي ونجحت معقوله راح اجلس ترم كامل عشان مشروع التخرج؟؟
قناص الورد
2013- 5- 20, 06:27 PM
بس فيه سؤال مهم طريقة الاختبار كيف بتكون هل هي مقاليه ولا كالعاده وبعدين كل الاختبارات بالاحسا فقط !!!
ياليت احد يجاوبني .
متخرج
2013- 5- 20, 08:29 PM
ياحبك للفلسفة
التقويم فيه في نص شعبان فترة للحذف والاضافة
والمقررات الي اختارها الخريجين مو العمادة

الدكاترة مالهم دخل !!!
NONYAH
2013- 5- 20, 09:33 PM
انا ماشي على الخطه وماباقي لي الا مواد مستوى ثامن
وجميع مواد مستوى ثامن موجوده ماعدا مشروع التخرج
يعني لو اخذت ترم صيفي ونجحت معقوله راح اجلس ترم كامل عشان مشروع التخرج؟؟



التسجيل للصيفي مادتين فقط :17:
كل العرب
2013- 5- 21, 02:57 PM
ياحبك للفلسفة
التقويم فيه في نص شعبان فترة للحذف والاضافة
والمقررات الي اختارها الخريجين مو العمادة

الدكاترة مالهم دخل !!!

لاتلومنا توصل للمستوى الثامن وتصير فيلسوف مثلي :17:

اي خريج ؟ حنا خريجين محد سألنا ولا اخترنا شي :23:

شكلهم لعبوها عليك الجامعه مثل مالعبوها على ابو فهد قبل يومين .. :20:


واذا طافك التسجيل بموعده ماتقدر تحذف وتضيف .. دام النتائج ماطلعت الوضع مستحيل


وان شاء الله مخلصين بدون فصلهم الصيفي
AbuAbdullah
2013- 5- 21, 03:15 PM
كلام سليم فعلاً ، لو لا قدر الله أحد الطلاب أو الطالبات حمل مادة أو مادتين في الفصل هذا
كيف يقدر يسجل في الصيفي والنتائج لسى ما طلعت؟
يعني بيضطر ينتظر إلى الفصل القادم عشان يتخرج ...
لا بد للجامعة إنها تنظر للنقطة هذي للمصلحة العامة لجميع الطلاب