الله يرحم والديكم بدل ماتساعدونا تراكم جبتو العيد فينا

[نواف بن نايف]

السلام عليكم ورحمة الله وبركاته
أسعد الله مساء الجميع ..

لاحظت في مادة ( الصحه واللياقه ) أنها أكثر من ماده من كثر
الملخصات اللي تنزل عنها كل شوي وهي للاسف ماده وحده مثلها مثل باقي المواد وكل شوي طالع لي عضو بمخلص جديد
وش السالفه نبي الزبده نبي شي واحد الجميع يرسي عليه ..
اذا نزل هذا ملخص قال الثاني لأ هذا افضل والدكتور قاله ,,
وقال وقيل وقال وقيل .... الخ
مابي اطول عليكم بس ( نبي الزبده ) وارسو على بر ,,
مو عشاني بس عشان وربي فيه اعضاء ضاعت افكارهم وضاع وقتهم من بعض المواضيع وماعاد يعرفون وش يذاكرون من كثرة الملخصات ..
انا اتكلم عن نفسي واقول مابي +a ابي انجح وبس وش نذاكر منه ترى كثرة علينا هالملخصات ومن البارح والمواضيع هنا ماينزل فيها الا ملخصات وكل مخلص يختلف عن الثاني .. تشتتنا وربي ..

والسلام عليكم ,, وأسف على الاطاله .. وبالتوفيق للجميع ,,

[نونه الحلوة]

والله من البدايه نقول اعتمدوا على ملزمته الدكتور اللي اختصرها هتان وسلاف وولاء في 90 صفحه والدكتور بنفسه قال اللي يبي النجاح فقط يعتمد عليها...
واللي يبي الامتياز الملزمه مع المحتوى والشرح..

بس البعض مصر على الملخصات الثانيه مثل ابو موزه والمعتقل مع انها تختلف عن الدكتور..
وكلن عقله براسه ويعرف خلاصه:35:

[جناين الحلوه]

المشكله لا استفسرنا قاموا يهايطون كنه احد جابرهم يردوون !!:23:

[نواف بن نايف]

المشكله لا استفسرنا قاموا يهايطون كنه احد جابرهم يردوون !!:23:


هذا اللي فاقع تسبدي !!!!

[نونه الحلوة]

والله يأختي مو سالفه مهايط..
شوفي المنتدى كم فيه موضوع كله يدور في نفس السالفه ..وش نذاكر وش مانذاكر
الواحد يبحث مالقى جواب يطرح استفساره ماقلنا شي

[Ʀəɱσ ᶎᵾЌ]

انا اقوول متل ما اعتمدتوا على الله ثم على ملازم هتان بكل المحتويات

سووا نفس الشي مع الصحة واللياقة

> يعني الصحة على راسها ريشة مثلاً :30:

[نواف بن نايف]

والله من البدايه نقول اعتمدوا على ملزمته الدكتور اللي اختصرها هتان وسلاف وولاء في 90 صفحه والدكتور بنفسه قال اللي يبي النجاح فقط يعتمد عليها...
واللي يبي الامتياز الملزمه مع المحتوى والشرح..

بس البعض مصر على الملخصات الثانيه مثل ابو موزه والمعتقل مع انها تختلف عن الدكتور..
وكلن عقله براسه ويعرف خلاصه:35:

الحين اللي يبي النجاح يذاكر 90 صفحه بس !!
اجل اللي يبي التفوق والامتياز وش يذاكر ؟؟

[نواف بن نايف]

انا اقوول متل ما اعتمدتوا على الله ثم على ملازم هتان بكل المحتويات

سووا نفس الشي مع الصحة واللياقة

> يعني الصحة على راسها ريشة مثلاً :30:




هم اصلاً خلونا في حالنا ..

بعض الاعضاء ينزل حاجات وملخصات مايدري انها تنكب طلاب من كثرتها ماعاد نعرف وش نرسي عليه !!

[نونه الحلوة]

الحين اللي يبي النجاح يذاكر 90 صفحه بس !!
اجل اللي يبي التفوق والامتياز وش يذاكر ؟؟
قلته في ردي الامتياز الملزمه مع المحتوى والشرح

[Qooot]

حمل ملزمة الدكتور الله يعين عليه بدل مايهونها ويسهلها علينا اخر يوم:32:


بالنسبه لي كنت اذاكر من ملزمة ابو موزه والحين بطبع ملزمته<ماتبي تقول اسمه حتى:32:



^^الدكتور اقصد

[الالماسه55]

انا نزلت ملزمة هتان بس مونفس المحتوى حق الدكتور
ملزمة ابو موزه هي اللي طلعت نفس المحتوى فيا ليت توضحون

[soso...]

ذاكر ملزمة هتان لانها نفس ملزمة الدكتور .. و بعدهااا ركز على اسئلة العام ي نواف .. هذي بتضمن منها النجاح باذن الله بالتوفيق :16:

[نواف بن نايف]

والله يأختي مو سالفه مهايط..
شوفي المنتدى كم فيه موضوع كله يدور في نفس السالفه ..وش نذاكر وش مانذاكر
الواحد يبحث مالقى جواب يطرح استفساره ماقلنا شي

اختي نونه هو كثرة الموواضيع والتشتت عن هالموضوع هو اللي خلاني انزل الموضوع ,,

عموماً شكراً لك وبالتوفيق لك ..

[نونه الحلوة]

اختي نونه هو كثرة الموواضيع والتشتت عن هالموضوع هو اللي خلاني انزل الموضوع ,,

عموماً شكراً لك وبالتوفيق لك ..

الله يعافيك اخوي...
الملازم مو من اي واحد تاخذها من اشخاص موثقين ولهم باع في المنتدى..
مو الكل يبي لك النجاح..البعض بالعكس يتعمد يسوي تشتيت وضياع للطلبه..
وملزمه هتان والاخوات موثوقين ان شاءالله وماقصروا اعتمد عليها مع الاسئله السابقه وبالتوفيق للجميع..:29:

[نواف بن نايف]

الله يعافيك اخوي...
الملازم مو من اي واحد تاخذها من اشخاص موثقين ولهم باع في المنتدى..
مو الكل يبي لك النجاح..البعض بالعكس يتعمد يسوي تشتيت وضياع للطلبه..
وملزمه هتان والاخوات موثوقين ان شاءالله وماقصروا اعتمد عليها مع الاسئله السابقه وبالتوفيق للجميع..:29:


انا عندي ملزمة هتان واسلاف ولاء ام 90 ورقه اعتمدها عليه بعد الله واتوكل

[استغفر الله 100]

الي اقدر اقول حسبي الله ونعم الوكيل 3ساعات ولا خلصت المحاضره الثانيه من ملزمة هتان المختصره حرام عليه هادكتور. :25:

[نواف بن نايف]

انا نزلت ملزمة هتان بس مونفس المحتوى حق الدكتور
ملزمة ابو موزه هي اللي طلعت نفس المحتوى فيا ليت توضحون


هذا اللي انا خايف منه وناكبنا

[الالماسه55]

والعمل

[نونه الحلوة]

انا عندي ملزمة هتان واسلاف ولاء ام 90 ورقه اعتمدها عليه بعد الله واتوكل



هذا اللي انا خايف منه وناكبنا

ملزمه هتان الجديده مكتوب عليها اعداد هتان وولاء وسلاف...
واعتمد عليها
ابدأو من الفصل الخامس وورى لاخلصتوا ارجعوا للولى لانها الاصعب..

[نواف بن نايف]

ملزمه هتان الجديده مكتوب عليها اعداد هتان وولاء وسلاف...
واعتمد عليها
ابدأو من الفصل الخامس وورى لاخلصتوا ارجعوا للولى لانها الاصعب..


شكراُ لك ,,

طيب وين ام 15 ورقه اللي يقولنها :34: ماتنفع مع اسئلة اختبارات العام الماضي :34:

[ترووكي القيصومه]

ملزمه هتان الجديده مكتوب عليها اعداد هتان وولاء وسلاف...
واعتمد عليها
ابدأو من الفصل الخامس وورى لاخلصتوا ارجعوا للولى لانها الاصعب..


عطينا رابط ملزمة هتان الجديده

الي الي عندي مكتوب عليها ابو موزه واعداد هتان مخي ضرب قسم

[نواف بن نايف]

مخي ضرب قسم


شرحك سرى !!!!!!!!

[نوره 2007]

فيه ناس يحبون يلهدون انفسهم لا صار الدكتور قايل ركزو ع الملزمه
ليش اتعبون اعماركم بحوسة الملخصاات
وهتان ماقصر اختصرها لنا
واذا هذا راجعو اسألة العام وريحو انفسكم

والله يوفق الجميع

[نواف بن نايف]

فيه ناس يحبون يلهدون انفسهم لا صار الدكتور قايل ركزو ع الملزمه
ليش اتعبون اعماركم بحوسة الملخصاات
وهتان ماقصر اختصرها لنا
واذا هذا راجعو اسألة العام وريحو انفسكم

والله يوفق الجميع


:21::21::21::21::21::21::21::21::21::21::21::21:

[نوره 2007]

و على فكرة ملزمة هتان من ص 12 _28 انا حاذفتها
ما احب القرق الواجد اخذ المفيد بس:42:

[نواف بن نايف]

و على فكرة ملزمة هتان من ص 12 _28 انا حاذفتها

ما احب القرق الواجد اخذ المفيد بس:42:




برضو شكراً

<< جاري مزع الاوراق من 2 الى 28 بسوي مثلك شكلك دافور بعتمد الله ثم عليك

[نوره 2007]

[/center]


برضو شكراً

<< جاري مزع الاوراق من 2 الى 28 بسوي مثلك شكلك دافور بعتمد الله ثم عليك



لاااااا بس انا الي احذف
بكرا تجلس تدعي علي

[روح 2006]

انا مع نوره حتى االتشوهات والدرجات واجهزة القياس مالها داعي
عن نفسي قراءه سريعه عشان تانيب الضمير:35:
متشعب بالمره

[Reem ziyad]

ما اشوف احد جاب طاري ملزمة طموح شايب :31::18:
شسالفه اللحين يوم رحت اطبع الملزمه الكل كان يمدحها و اذا ما خاب ظني خذتها من ام عمر اللحين صرتوا تتكلمون بملزمة هتان :4:

الوضع كأنه بدا يخوف :12:

[روح 2006]

هتان ملخص طموح شايب
تلخيص وراء تلخيص:17:

[I am ممدري]

\\. أنآ حقة طموح وخلصتها تقريبنن:17::16:

[سبحانك يارب]

:5:لاحول ولا قوة الابالله
يعني كذا الدكتور مرتاح
على العموم الله يوفقني ويوفقكم وننجح في مادةه بمتياز يارب
قررو وش تذاكرو خلاص بكره الاختبار ملزمة ولاء وسلاف وهتان ولي عنده ابوموزه ترى ملخصه جامد هالملزمه تخافو تضيعو في الاختبار بسببها:36:

[تطلعات ورؤى]

الله يوفقكم جميع .....ختمت ملزمة طموح شايب ...والحمدلله:2:

[رهام الغلا]

مالنا الا الاسئله اصلن انا من بداية مذاكرتي لكل المواد
اقرا الملزمه بس والباقي من الكويزات واسئلة هتان الشامله

بسوي في ذي نفس الشي وش ناقصها عنهم

بقرا ملخص هتان الي 90 صفحه وبحفظ الاسئله والكويزات

الله يجزاهم خيرر مااقصرووو

[to0la]

وش السالفه انا ذاكرت المعتقل وحده قالت لي انها مثل هتان

[نوره 2007]

مالنا الا الاسئله اصلن انا من بداية مذاكرتي لكل المواد
اقرا الملزمه بس والباقي من الكويزات واسئلة هتان الشامله

بسوي في ذي نفس الشي وش ناقصها عنهم

بقرا ملخص هتان الي 90 صفحه وبحفظ الاسئله والكويزات

الله يجزاهم خيرر مااقصرووو

:21:

انا مثلك ما احب احوس على نفسي
هالماده وش ميزها عن غيره

[ام صووصه]

آنـــآ عن نفسسسسسي بقرآها ملزمه هتــآن قراءءه فهم ..
وبركزززز ع اسسئله الاعووووووووام ....

الله يسسسسسسسهلها علينـــآآآ.....:17:

[shosho333]

المشكله لا استفسرنا قاموا يهايطون كنه احد جابرهم يردوون !!:23:



قسم انك جبتيها ع الجرح ام الهياط وام النفخ وام الانتقادات مسوين انهم عارفين الكفت واحنا دخيلين عليهم وما نفهم شيئ ....

ما اقول الا ي صبر الارض :30:

اتكلم عن عينات قليله وليس الكل طبعآ ,,,

قسم بالله اني اعتبرتكم عايلتي الثانيه واحبببكم ولولا الله ثم انتم ماتجاوزت اصعب المراحل وتيسرت الامور ,,,,,:16::16::16:

[walido]

التفائل قبل كل

ومسالة ان لها اكثر من ملزمه وملخص
هذا صحيح
اخوكم الضعيف قاعد يذاكر وفي المحاظره التاسعه
اكتشف انه يذاكر ملزمة ابو موزه
وكلنا عارفين انها قديمه
يعني تعب على قل سنع

وش نسوي الله يعينني ارجع اطبع لهتان ومن جديد ابدا

رفعت الرايه البيضاء
وسلمت الامر لله


انا حزين اليوم
لاني ادري كلها يومين
وتغيب طلت ناس
صارو رمز للابتسامه في يومي

مو مشكله
هذي الدنيا :12:

[иαšeя αłωαđαич]

ألي توه الحين يفزع يدور ملخصات اقوله : صبحك الله بالخير .. وبالتوفيق


ولا تنسى فيه ملخص حلوووو لاخونا : طموح شايب

ياخي حتى اسمه يبعث الامل …

[shosho333]

\\. أنآ حقة طموح وخلصتها تقريبنن:17::16:



امووووووووووووت انا على الطموح ي ناس ههههه


الله يحقق لك مرادك وطموحك وترقين لاعلى الدرجات ي رب ....:43:

اوووووووو فكرت انك تقولين انك طموحه تو استوعب ان قصدك اسم الملزمه :42:

لاتلوميني الفغاره لها دور

[نواف بن نايف]

طيب وش الفرق بين ملخص هتان وموزه مدري وش اسمه وطموح شايب

[Natural]

:12:انا اللي ببكي معلومات كثيره وخربطه والمسائل مدري كيف افهمها كلها وافرق بينهم

انا عن نفسي اذاكر المحتوى اضمن وبراجع الكويزات
انا ملزمته معليششششش مرا كثيره ونفس المحتوى تقريبا وشكلها اساسا يسد النفس

والله يوفقنا ويسهل الامتحان:39:

[shosho333]

التفائل قبل كل


ومسالة ان لها اكثر من ملزمه وملخص
هذا صحيح
اخوكم الضعيف قاعد يذاكر وفي المحاظره التاسعه
اكتشف انه يذاكر ملزمة ابو موزه
وكلنا عارفين انها قديمه
يعني تعب على قل سنع

وش نسوي الله يعينني ارجع اطبع لهتان ومن جديد ابدا

رفعت الرايه البيضاء
وسلمت الامر لله






ام القروشه ي شيخ ,,, بس اهم شيئ لاتتوتر لانك لو توترت والله ماتستوعب كلمه وحده

اهدأ وكمل منها لان ما عندك حاليآ اي بديل بعدين احفظ اسئلة السنوات الماضيه وصدقني بتتيسر ..

فالك التوفيق ي رب

[عوآشه]]

طيب وش الفرق بين ملخص هتان وموزه مدري وش اسمه وطموح شايب


ملزمه هتان (سلاف & ولاء)، أو ،ملزمه طموح شايب
ملخصين لملزمه الدكتور الجديده اعتمد على وحده منهم

ابو موزه ملخص قديم يعني للمحتويات مو للملزمه الجديده

[fearless]

السلام عليكم .. " أخوي " ..


للأسف .." الكل يحآول يجتهد ويقدم الفائدة للأعضاء " وأنت يا أخوي بنفسك قلتها تبي بس النجاح ، وغيرك يبي a+ وغيرك يبي ملخص قليل لأن ماله مزاج يذاكر ، إلخ..

يعني راح تشوف جميع الحلول وأنت تعرف وش يناسبك منها وتختارها /

- اشكر الجميع للجهود يا " أخوي " ولا تبخص حق أحد :1:

[أبوفهد1]

بتوكل على الله ثم ملزمة هتان والبنات والله يكتب اللي فيه الخير

[walido]

ام القروشه ي شيخ ,,, بس اهم شيئ لاتتوتر لانك لو توترت والله ماتستوعب كلمه وحده

اهدأ وكمل منها لان ما عندك حاليآ اي بديل بعدين احفظ اسئلة السنوات الماضيه وصدقني بتتيسر ..

فالك التوفيق ي رب

جاري التشميره
ومخلصك يا هتان مخلصك

ومقسى من فراق الجنوب
الا فراق اهل الجنوب

[z.a]

انا خلصت ملزمه بو موزه

وبذاكر اسئله الاعوام السابقه وبس :39:

[منيره الجامعه]

روعنا هبل فينا دمرنا نفسيا من شهر يقول ماراح اجيب من اسئلة الاعوام السابقه اسئله جديده كل شي جديد قلنا اجل بنذاكر من المحوى طبعناه كله وبدينا نذاكر طلعلنا بملخصه قبل الاختبارات بكم يوم نزله 90 صفحه يقول اللي يذاكره ينجح بسسسسسس ليه كذا معيشنا برعب انا شايله همه من قبل الاختبارات وشف ت ملزمة المعتقل تشبه ملزمته وذاكرتها من الظهر والحين يقولون لا لازم مذكرته انا مااعرف اذاكر كذا كلام تحت بعض لوه حاط سؤال تحته جوابه افضل محد سوا فينا من الدكتاتره مثل حركاته هذي حتى المحاضرات المباشره مايجي بوقتها وياجلها ماتوقتها كذا ابدا ابدا ابدا طاح من عيني وش يستفيد يسوي كذا ابي افهم بس

[منيره الجامعه]

اشوف فيك يوم:18:هبل فينا

[shosho333]

جاري التشميره
ومخلصك يا هتان مخلصك

ومقسى من فراق الجنوب
الا فراق اهل الجنوب





كفففففففففو والله ي سنايدي ي مصطفى وانت قدها وقدود ....تعجبني العزيمه والمغامرات والاصرار ي نااااس :16:

الله يبارك لك فيما تبقى من الوقت وركز بالتوفيق ي رب ,,,

والجنوب تستناك :1: عاد هالايام ابها اجواءها خوقاقيه بااااااااااريسيه قسم ...

[عيون حارتنا]

اعتمدت ملزمة هتان من اول مانزلة ولله الحمد

[نوره 2007]

سهلوها تسهل
وصعبوها تصعب:27:


فيه شي توي ادري عنه

أن التنكس مرض مزمن>>:g2:

[ن الجوري]

طيب انا تهت
ابي اساله العام مدري وينها من كثر هالصفحات والهذره

[شيمووو الدوسري]

شبلااااااكم ياناس تتهاوشون :31::20:
ذاككككرو من أم 15 ورقه أن شاء الله انها منتازه :19::8:
وهي مختصره حقت هتان وغير هتان :33:
الا قولو معي الله يوفق هتااان وين مالقى وجهه دنيا واخر ويسعده ويسر أمره يااااارب :16::16:

[walido]

كفففففففففو والله ي سنايدي ي مصطفى وانت قدها وقدود ....تعجبني العزيمه والمغامرات والاصرار ي نااااس :16:

الله يبارك لك فيما تبقى من الوقت وركز بالتوفيق ي رب ,,,

والجنوب تستناك :1: عاد هالايام ابها اجواءها خوقاقيه بااااااااااريسيه قسم ...


وما حب الديار شغفن قلبي
ولكن حب من سكن الديار

قيس ابن الملوح :thumbup:

[••ريــــم••]

انتم مسوين سالفه انهم ينزلون ملخصات
جزاهم الله خير
احسن خلوهم ينزلون
في ملخص 90صفحه من هتان قالو لكم تلخيص للمحتوى
واللي بعده من عضوه تلخيص للمراجعه15 صفحه
ياليت بعد احد ينزل ملخص صفحتين اذا تجي نمر عليه قبل ندخل القاعه ~>:42:

[Mnom]

انا صراحه عندي ملزمه المعتقل وكثيرة خلصت عشره محاضرات ولا احس اني حفظت شي اغلبه قريته

والله حرام عليهم اخر ماده كذا يسوون فينا ماعندنا اساسا طاقة عشان تدخل المعلومات بالمخ

وان شالله يسهلها الدكتور

مع اني مطلعه على اسئلته احسه بيصعبها

وكله عن الاسعافات الاولية

وش يحس؟؟

لايكون بنتخرج اطباء وانا مدري

[••ريــــم••]

التفائل قبل كل

ومسالة ان لها اكثر من ملزمه وملخص
هذا صحيح
اخوكم الضعيف قاعد يذاكر وفي المحاظره التاسعه
اكتشف انه يذاكر ملزمة ابو موزه
وكلنا عارفين انها قديمه
يعني تعب على قل سنع

وش نسوي الله يعينني ارجع اطبع لهتان ومن جديد ابدا

رفعت الرايه البيضاء
وسلمت الامر لله


انا حزين اليوم
لاني ادري كلها يومين
وتغيب طلت ناس
صارو رمز للابتسامه في يومي

مو مشكله
هذي الدنيا :12:


اشوا
مو بس انا لاني ماكتشفت انها لابو موزه الا امس
يعني الحين مالنا الا الملخصات
واكيد ماراح نحفظ بتركيز كالعاده
>وووو ياااانفسي بس هالمره لااااااتمسحين الاجابه الغلط

[وهــم !!]

يعطيك العافيه خيي وكان الله بعوننا جميعا
تعليق بسيط
مع احترامي وتقديري للجميع
بعض الاخوان والاخوات
يجتهدون وربما يحالفهم التوفيق والحظ ويصيبون
والبعض لا يحالفهم التوفيق والحظ

الاخ بوموزة شخصية موثوقة جدا
يكفي ما قام به في ملزمة المحاسبة 1 ابداع حتى النخاع ,,

يعني لا يجي عضو مايدري وش السالفة ووش الموضوع وناس جالسه تعطي
من وقتها كثير عشان تاخذ اجر وتفيد غيرها ومحد جبرك وقالك خذ ملخصي او تبسيطي

عالعموم انا نزلت ملزمة الدكتور
فعلا مقاربة لملزمة هتان والاخوات ( الله يجزاهم خير )

لكن رجاءا قل خيرا او اصمت ..

فمان الله

[walido]

يعطيك العافيه خيي وكان الله بعوننا جميعا
تعليق بسيط
مع احترامي وتقديري للجميع
بعض الاخوان والاخوات
يجتهدون وربما يحالفهم التوفيق والحظ ويصيون
والبعض لا يحالفهم التوفيق والحظ

الاخ بوموزة شخصية موثوقة جدا
يكفي ما قام به في ملزمة المحاسبة 1 ابداع حتى النخاع ,,

يعني لا يجي عضو مايدري وش السالفة ووش الموضوع وناس جالسه تعطي
من وقتها كثير عشان تاخذ اجر وتفيد غيرها ومحد جبرك وقالك خذ ملخصي او تبسيطي

عالعموم انا نزلت ملزمة الدكتور
فعلا مقاربة لملزمة هتان والاخوات ( الله يجزاهم خير )

لكن رجاءا قل خيرا او اصمت ..

فمان الله

ومحد قال في ابو موزه الا كل خير

بس احنا نعلق على تلخيصه
لانه يعتبر قديم ومايشمل المنهج الجديد
انا مذاكره كويس
واللحين قاعد على ملزمة هتان
وقريبا اقدر اقول
ان كل ملزمه منهم تتكلم عن شي ثاني
ومافيه ترابط الا اشياء سطحيه
والدكتور مابيراعينا ويفتح الملخصات ويجيب منها
والملخص القريب لمنهجه
ملخص هتان
يعني الي اعتمد على ملخص ابو موزه
يغني ماما جابت بيبي

والله اني مصدوم
لان ملخص ابو موزه معتمد على شروح ومناهج قديمه
والي يبي يتاكد من الي ذاكرو لبو موزه
يروح يختبر نفسه في الكويزات الجديده
ومشكوره عليها ام عمر

بيتاكد انه ولا كانه ذاكر
وبيشوف اشياء توها ما نزلت في السينما

انا اقول وانصح
الي ما بعد ذاكر

يلحق نفسه ويفتح لهتان
ويتوكل على الله من الي بقى من عمره

اسال الله لي ولكم التوفيق
اخوكم / الي باقي يحفر توه في السرعه والصفحه 21


ادعولي اخلص قبل مايداهمني النوم :(

[سلطان212]

انا عندي ملزمه ماهو مكتوب فيها لا هتان ولاموزه ولاشايب وفي الاخير مكتوب اساله الاعوام السابقة اعداد هتان

عدد الصفحات82صفحة من غير اسألة الاعوام السابقة

وش هالملزمة اللي عندي اغيثوني راسي صدع

[Lolatkoom Oobs]

مساء السعاده وصباح الخير ><" , يا أعضاء ياجميلين ركزو بليز محتوى المعتقل (محتوووووى وليس ملزمه ) كوبي بيست من محتوى المحاضرات , أما الملزمه أم 250 مدري كم لخصها هتان ب (90 ورقه) فقط

[Lolatkoom Oobs]

انا عندي ملزمه ماهو مكتوب فيها لا هتان ولاموزه ولاشايب وفي الاخير مكتوب اساله الاعوام السابقة اعداد هتان

عدد الصفحات82صفحة من غير اسألة الاعوام السابقة

وش هالملزمة اللي عندي اغيثوني راسي صدع

ملزمه المعتقل فيها (محتوى المحاضرات ) وكوبي بيست منها بعد يعني ذاكريها وربي يوفقج ..:2:

[shosho333]

انا عندي ملزمه ماهو مكتوب فيها لا هتان ولاموزه ولاشايب وفي الاخير مكتوب اساله الاعوام السابقة اعداد هتان

عدد الصفحات82صفحة من غير اسألة الاعوام السابقة

وش هالملزمة اللي عندي اغيثوني راسي صدع



نفس الملزمه اللي عندي وترى تابعت مع الدكتور اغلب المحاضرات واستنتجت طال عمرك ان اللي بالملزمه نفس المحتوى بس فيه اشياء شرحها الدكتور ومو موجوده بالملزمه وكتبتها معاه ...

[shosho333]

اسال الله لي ولكم التوفيق
اخوكم / الي باقي يحفر توه في السرعه والصفحه 21


ادعولي اخلص قبل مايداهمني النوم :([/quote]


طيب اطلع من الحفره وروح شيك ع اسئلة الاعوام السابقه ,,, وحاول تنام ساعتين الى ثلاث واصحى عشان تكمل

الله يوفقك وييسر لك وللجميع ي رب

[~Ghada]

استهدوا بالله
ليه الغلبه والعياط :35:
أنا لما جيت اختار ملخص أو ملزمة ما فكرت كثير
اخترت تبع هتان وسلاف و ولاء
هتان الله يسعده نعرفه من الملازم تبع المواد اللي قبل وسلاف و ولاء أنا أثق فيهم (بالفراسة)
ومع انها 90 صفحة ومعلومات قد الكون لكن تروا أغلبها معلومات ثقافة صحية وللتخمين مجال فيها < بالنسبة لي
ومع الكويزات والواجبات أتوقع كل شي تمام
توكلوا على الله وثقوا بأنفسكم :16:

ع فكرة باقي لي 30 صفحة لكن بكره خير :37:
بونوي ..

[M5tlf:#]

الماده مو بذاك الصعوبه بس الدكتور هو اللي عقدها وغير ذالك انواع الملخصات والناس تبي القليل والمفيد لان تعليم عن بعد مو انتظام يوم يصكني بـ 200 صفحه وشوي

آلممهم آني لاحليت زين بكره ونجحت بهدي الدكتور ايباد بما انه دكتور الصحه وواللياقه (- الدافع:s_45: المعنوي حقهم

[••ريــــم••]

صحيح كلام الاخ وليد
احنا نقصد
انهم خبرونا في هالمنتدى انها قديمه
وتأكد
لو نزل له محتوى وكنا عارفين انه تبع المحتوى الجديد
بناخذه
لان ندور اللي يفيدنا مايهمنا الاسم

والله يجزاهم خير جميععا

[h.9]

انا وصلت لمرحلة البروود مااقول الا حسبي الله ونعم الوكيل
عندي الملزمتين وقلبت حقت ابو موزه بقرا فيها شوي وبرجع افتح ملزمة هتان والاخوات
الله يفتح نفسي واذاكر زي الخلق احس من كثر ماعقدتنا هالماده ماني قادره احفظ منها شي
ابي ابتسي :44:

[wafa al anzi]

والله من البدايه نقول اعتمدوا على ملزمته الدكتور اللي اختصرها هتان وسلاف وولاء في 90 صفحه والدكتور بنفسه قال اللي يبي النجاح فقط يعتمد عليها...
واللي يبي الامتياز الملزمه مع المحتوى والشرح..

بس البعض مصر على الملخصات الثانيه مثل ابو موزه والمعتقل مع انها تختلف عن الدكتور..
وكلن عقله براسه ويعرف خلاصه:35:



:4: كككككيف مختلفه عن الدكتور انا بدية بملخص ابو موزة ؟؟؟؟؟؟؟؟؟؟؟؟؟؟؟؟؟؟؟؟؟؟؟

[نوره 2007]

الشكوى لله طلعت اعيوني هذي وهي مختصره اجل لو 200 ورقه وش وضعه
غير كذا امشي واحذف وعجزت اخلصه يهبي ياشره :44:

[walido]

اسال الله لي ولكم التوفيق
اخوكم / الي باقي يحفر توه في السرعه والصفحه 21


ادعولي اخلص قبل مايداهمني النوم :(


طيب اطلع من الحفره وروح شيك ع اسئلة الاعوام السابقه ,,, وحاول تنام ساعتين الى ثلاث واصحى عشان تكمل

الله يوفقك وييسر لك وللجميع ي رب [/quote]

يارب لا تحرمني

[walido]

صحيح كلام الاخ وليد
احنا نقصد
انهم خبرونا في هالمنتدى انها قديمه
وتأكد
لو نزل له محتوى وكنا عارفين انه تبع المحتوى الجديد
بناخذه
لان ندور اللي يفيدنا مايهمنا الاسم

والله يجزاهم خير جميععا

بشري يمه
كيف انشالله
فيه امل نعديها

[walido]

الماده مو بذاك الصعوبه بس الدكتور هو اللي عقدها وغير ذالك انواع الملخصات والناس تبي القليل والمفيد لان تعليم عن بعد مو انتظام يوم يصكني بـ 200 صفحه وشوي

آلممهم آني لاحليت زين بكره ونجحت بهدي الدكتور ايباد بما انه دكتور الصحه وواللياقه (- الدافع:s_45: المعنوي حقهم

انا متفائل

بس احس هالدكتور
بيحصل دعاوي حتى ياذن

الله يسهلها علينا وبس

[نونه الحلوة]

يعطيك العافيه خيي وكان الله بعوننا جميعا
تعليق بسيط
مع احترامي وتقديري للجميع
بعض الاخوان والاخوات
يجتهدون وربما يحالفهم التوفيق والحظ ويصيبون
والبعض لا يحالفهم التوفيق والحظ

الاخ بوموزة شخصية موثوقة جدا
يكفي ما قام به في ملزمة المحاسبة 1 ابداع حتى النخاع ,,

يعني لا يجي عضو مايدري وش السالفة ووش الموضوع وناس جالسه تعطي
من وقتها كثير عشان تاخذ اجر وتفيد غيرها ومحد جبرك وقالك خذ ملخصي او تبسيطي

عالعموم انا نزلت ملزمة الدكتور
فعلا مقاربة لملزمة هتان والاخوات ( الله يجزاهم خير )

لكن رجاءا قل خيرا او اصمت ..

فمان الله

محد قال شي في ابو موزه والمعتقل والكل اشتراهم من بدايه الترم او طبعهم ..
وانا منهم لكن لما تغير المنهج وقالنا الدكتور ذاكرو الملزمه الجديده شي اكيد بنتركها وناخذ الملزمه الجديده اللي بيختبرنا الدكتور مو هم..
ومثل ماقلتي كلهم ماقصروا بذلو جهد ووقت عشان يلخصون ويساعدون غيرهم..
واكيد ملزمه هتان والاخوات مقاربه لملزمة الدكتور لانها هي التلخيص تبعها!!

[نكهة عناد]

_

انا مااشوف نواف
مآشاء الله شكله يدرس من قلب :42:

[نواف بن نايف]

الاختبار قرب ..

وأن شاء الله .. اموركم طيبه ..

على كثر ماهي غثيثه هالماده الا اني احساسي يقول بتجي الاسئله سهله واضحه في الاختبار .. !!

[الماسة نجد]

الوعد الساعه اربع وربع العصر :29:

[نواف بن نايف]

انا مااشوف نواف
مآشاء الله شكله يدرس من قلب :42:


نواف توه صاحي:23: ولسى مابدى
وماراح اذاكر الملزمه راح امسك اسئلة الاعوام الماضيه الى قبل الاختبار

[نواف بن نايف]

الوعد الساعه اربع وربع العصر :29:



جاني مغص يوم قلت 4 وربع

[wsam]

تدرون وش محيرني ليش الى الان ام عمر مانزلت موضوع سجل انطباعك عن اختبار الصحه و اللياقه

(ودي اسجل تمام وسهل ولا احلى )

[I am ممدري]

امووووووووووووت انا على الطموح ي ناس ههههه


الله يحقق لك مرادك وطموحك وترقين لاعلى الدرجات ي رب ....:43:

اوووووووو فكرت انك تقولين انك طموحه تو استوعب ان قصدك اسم الملزمه :42:

لاتلوميني الفغاره لها دور

\\. هههههههههههههههههههههههههااي
الله يسعدكـ يآ رب :43::43:

[shosho333]

تدرون وش محيرني ليش الى الان ام عمر مانزلت موضوع سجل انطباعك عن اختبار الصحه و اللياقه

(ودي اسجل تمام وسهل ولا احلى )



والله العظيم اني متفاءله وبققققققوه معرفش ليه ؟؟؟؟

بس الاكيد ان لنا رب كريييييييييم ويعلم بالحال ومستحيل يضيع التعب ومن لجأ له وتوكل عليه والله مايخيب ,,,

ف اللهم اني استودعتك واعتصمت بك وتوكلت عليك ي رب كل شيئ ومليكه فانك خير حافظ وانت ارحم الراحمين ...


الله يوفق الجميع:2: :43:

[••ريــــم••]

بشري يمه
كيف انشالله
فيه امل نعديها

حسبي الله على عدوك

:32: لاتقولي يمه
خليتني عجوز


~> بس ان شالله بنعديهااااااا اذا توفر عامل الحظ

[نوره 2007]

مو مصدقه بااااقي ساعتين واعطل
ونااااااااااااااااااااااسه
الله يوفقنا يارب

[walido]

حسبي الله على عدوك

:32: لاتقولي يمه
خليتني عجوز


~> بس ان شالله بنعديهااااااا اذا توفر عامل الحظ

دام في حروفك اسعاد للناس اللي مثلي

الله بيوفقك


اتمنى لك الخير من كل قلبي والله

[سلطان212]

الحين وش اسباب الرعاف

[walido]

مو مصدقه بااااقي ساعتين واعطل

ونااااااااااااااااااااااسه

الله يوفقنا يارب



طول السنه قاعده
وباقي تبين عطله
شوفيني المسكين
الاختبارات بالنسبه لي
اجازه
اليوم اخلص
السبت ادوم

:12: :12: :12: :12:

[••ريــــم••]

شكرا
اخ وليد


الله يوفقكم جميعااااا

ويكون باذن الله. ختااااااامها مسك

[walido]

شكرا
اخ وليد


الله يوفقكم جميعااااا

ويكون باذن الله. ختااااااامها مسك

لي ولك وللجميع التوفيق بأذن المولى يكون ما قلتي

[strowberry]

من جد تشتتنا انا عني اطلعت على كل الملازم واسئلة الاعوام الماضيه لكن حسبنا الله ونعم الوكيل

[walido]

من جد تشتتنا انا عني اطلعت على كل الملازم واسئلة الاعوام الماضيه لكن حسبنا الله ونعم الوكيل

انتظري اندفاعي