اخالفكم الرائ..!! [الأرشيف] - ملتقى طلاب وطالبات جامعة الملك فيصل,جامعة الدمام

يحيى السفياني

2013- 5- 20, 09:57 PM

اخالفكم الراى فى اسلوب الاعتراض على اسئلة الدكتور
اكيد الكل زعلان
والكل وده يطلع اللى بداخله من غل على المادة
لكن يا اخون..
باسلوب افضل..لا نوصل للسب والشتم فى شخص الدكتور
انا من وجهة نظري ان نسبة 60% من تعديل الاسئله نحن السبب فيها.. ليش؟؟
كلنا سمعنا قبل فترة من ان بعض الاخوان يسال العميد الفريدان ليه الاسئله سهلة والبعض يقول انها نسخ ولصق.!!
ليش طيب يعنى الجامعة ما تدري ولا عمياء!!
ليش ما يكون ادارة الجامعة هى من غيرت بطريقة الاسئله..وهذا ليس دفاع عن الدكتور
انا برضو متضرر من الاختبار وما حليت صح
لكن لا يعمنا الزعل عن قول الحقيقة ولو كانت مرة
اسال الله للجميع التوفيق والنجاح

NorAleman

2013- 5- 20, 09:58 PM

معك حق للاسفى:9::24::18:

+ PRIDE +

2013- 5- 20, 10:01 PM

مستحيل تنزل اسئلة باسمه وهو مايدري عنها

اجل وشوله حاطينه دكتور لهالماده !!!!!!!

ما انحطت الا بعد موافقته اكيد

ايووت

2013- 5- 20, 10:06 PM

كﻻ عشان هالمكافئه الي ماجى وراها اﻻ العله
وجع الرأس
:4:
:28:

صويب الرمش

2013- 5- 20, 10:09 PM

مهما كان من المفترض تقدير ظروف الطلاب بأسئله تكون معقوله وفي متناول الجميع

لكن بهذا الاسلوب اراد التنكيل بنا

الرجاء الدخول على حسابه في تويتر ورفع التظلمات هناك وكونوا صريحين معه

هيرو القحطاني

2013- 5- 20, 10:13 PM

محمد الشمريـ

2013- 5- 20, 10:15 PM

الله بعقد عليه يارب

البطله xp

2013- 5- 20, 10:16 PM

حسبنا الله عليه جايب لنا من الاحصاء تبع مستوى 3

بالله وشو موكا2 :38:

Misoo

2013- 5- 20, 10:17 PM

من الاخير الاسئله مو من المنهج
مايبي لها يمين ولا يساررر :32:

شايب الشريا

2013- 5- 20, 10:17 PM

اولا : ورقة الامتحان مكتوب عليها اسم النجار يعني يفترض انه هو اللي وضع الاسئ

ثانياً : مشكلتهم اذا حاطين اسم النجار واللي يضع الاسئله غيره هذا يعتبر كذب من الجامعة وضحك علينا وفي الاخير احنا نتحمل تبعات هالامر ...

يعني مالنا الا الظاهر خفايا الامور ما تعنينا ...

لطام

2013- 5- 20, 10:18 PM

ماعندنا مشكله يصعب يصعب ويجيب من نفس المنهج..

لكن يجيب لي اسئلة خاصه بمادة العام الماضي احصاء ادارة (1) ليه الا معصي ومعصي ...

ننو الدوسري

2013- 5- 20, 10:19 PM

هو ي عشان هل مكافئه الالف الي م نبيهاااا

اساله من براااااااا لو كلها من المنهج قالت الحق علي واني م درست

لاكن يجب شي يفر المخ هذا خطا

لو نقول اذارة الجامعه شافت وغيرت الله لايهينا تقراء المنهج بالاول

بعدين تحط الاساله بكيفيها :32:

الي يقهر تروح دراستي وتعبي على الفاضي :18:

وليد مساعد

2013- 5- 20, 10:19 PM

من جد وشو موكا2 !!؟

im Diamond

2013- 5- 20, 10:19 PM

صح كلامك بس والله كله من البدايه مننا وفينا ناس ضلمو الناس كلهم حسبي الله ونعم الوكيل

جورج العنزي

2013- 5- 20, 10:22 PM

ياشباب اسئلة الاحصاء في الادارة لمستوى 3 و

الاحصاء التحليلي لمستوى 4

والتحليل الاجتماعي لمستوى 7

كلها نفس المدرس ونفس الاسئله

واذا حابين تتاكدو شوفو هالرابط مصور فيه الاسئله

http://www.ckfu.org/vb/t455631.html

مو معقوله كذا هذا ظلم للجميع

الزعيم2

2013- 5- 20, 10:23 PM

يا اخوان ليش مانسوي حملة علية في التويتر الحين الكل يشبك معة في التويتر ونهرية رسايل وانا اولكم

تماضر هذلول

2013- 5- 20, 10:24 PM

طيب مايحطون نسخ لصق ويحطون شي يبون المجهود اووكي معاك حق
بس الاسئله فووق مستوى المادة وفووووق مستوى شرح الدكتووور !!

فقع قوولوني:20::20:

وادي زاعم

2013- 5- 20, 10:24 PM

الحمدلله اولا واخيرا ..............

شباب عن السب والدعاء عليه ........

نرجو النقد الهادف . كلانا متضررين , وقد تكون نسبة ضررنا نحن فعلناها

AL RABIE

2013- 5- 20, 10:25 PM

انا اشتكيت في المركز تبع الاختبار .. لان مدير مركز الاختبار الدكتور عبدالرحمن الحماد _ اللي درسنا تسويق .. شرحت له الحال وكتبت له معروض اعتراض انا وسته اشخاص من الطلاب ..
المشكله انا الوم الدكتور النجار انه غير الاسئله لان بعض الناس اشتكوه الترم اللي راح .. وهذا من حقه يغير الاسئله .!!! لكن ماتطلع عن المحتوى اللي درسنا ايه 95 بالمئه !!! هذا غير مقبول نهائيا .. انا مذاكر مادته وفاهمها .. لكن تفاجئت باسئله مادرسناها اصلا ,,
عموما انا خزنت الملخصات والاسئله للترم الجاي .. لاني اعتقد اني حامل الماده والله اعلم .. المهم اللي عنده اعتراض خليه بناء ومن ايقونة الشكاوي باشروا الموضوع .. (( ان الاسئله خارج منهج التدريس الخاص في ادارة اعمال ))

Just have fun

2013- 5- 20, 10:29 PM

عادي لو يغير الأسئلة

المشكله انه أسئلته كثير منها للإحصاء في الادارة
بينما مواضيع مهمه مثل spss و مثل المجموعات و مثل حجم العينه ما جاب منها

المعروف ان الاختبار يكون من جميع المحاضرات
يعني لو واحد ذاكر 7 محاضرات يحل نصف الأسئلة

لكن بهالاختبار الي ذاكر باريسون و ذاكر ألعنف الأسري بينجح

أنا لاحظت ان الدكتور ملفي الرشيدي كان موجود بالمنتدى بعد الاختبار
قلبي يقول لي انه هو الي حط الأسئلة خاصة انه دكتور بالاحصاء و الأساليب الكميه
و عقلي يقول لي مب هو لأنه بمادة الأساليب اختباره شامل للمنهج و ما يطلع من المنهج

قاصد_خير

2013- 5- 20, 10:32 PM

حسبي الله ونعم الوكيل عليه ,,, قال الإدارة تغيرها قال

ما شفنا الخربطة غير في مادته , لا شرح مثل الأوادم ولا حضور المحاضرات المباشرة ولا متفرغ لكم اصلاً .. ليش اهوا متفرغ يضل بجامعتكم عميد قبول والتسجيل ويترك منصب وكيل الجامعة الإلكترونية ؟؟؟

حقيقة هذا الشخص يمثل نموذج سيء للدكاترة السعودين

**RAYAN**

2013- 5- 20, 10:36 PM

ههههههههههههههههههههههههه
حنا السبب أجل هاه
حسبي الله على النجار كانه ظلمنا

Faisal590

2013- 5- 20, 10:38 PM

اذا كان من وضع الاسئلة غير الدكتور عبد الله النجار هذي مصيبة، كيف نتابع محاضرات دكتور وبعدين تجي الاسئلة من شخص غير الدكتور سواءً من الجامعة أو غيره أو أي طرف غير الدكتور والاسئلة بأسمه يعني اول من يعترض هو الدكتور نفسه ان تضع الاسئلة بأسمه.

وليد مساعد

2013- 5- 20, 10:42 PM

طيب كيف نعترض الحين ؟؟

Abu Layan1

2013- 5- 20, 10:44 PM

أسئلة اليوم تشيب الرأس خاصة ت بالعربي ما دخلت مخي لأنني متعود على t

العقيل

2013- 5- 20, 10:45 PM

يا اخي القضية ها المرة مو سهلة ولا صعبة

الاختبار 70% من الاحصاء واحد

يعني خارج المنهج والمحتوى والكتاب

الناس تتقدم والنجار بيرجع فينا وراء جايب من مستوى ثالث

كنت متامل فل مارك شفت الاسئلة قلت يالله بس اعدي

كل شي عن الاحصاء واحد نسيتة

في قانون اي انك تختبر من غير منهجك

والله الاحصاء واحد كنت مغيبة

بس الان راح وقتة وضغط الاختبارات ما خلا شي في المخ غير مستوى رابع

ليش يجيب اسئلة اغلبها من مستوى ثالث

القهر انة قبل الاختبار بساعة واحد نزل الاسئلة حقت التحليل لمستوى سابع شفتها فلت لاتتعب نفسك هذي تبع الاحصاء واحد

ما كنت ادري ان الي عد الاسئلة من مستوى ثالث

التحليل سهل والله لو التزم با المنهج اغلبنا الان يدعي لة

غير في الاسئلة بس لا تطلع من المحتوى

ذبحنا بزد وفي الاخير يجيب كا تربيع؟ الي هو مار عليها مرور الكرام في المحاضرة 14

الي حط الاسئلة مو النجار

القهوجي حق النجار لقى اوراق طايحة وخمها وسوى منها اختبار طلعت كوكتيل نصها تحليل ونصها زنجبيل

Abu Layan1

2013- 5- 20, 10:46 PM

لا تنسون جاء كم سؤال من مادة الإحصاء في الإدارة اللي خلصناها الترم الماضي علماً انه عنده منهج في التحليل الإحصائي يكفي مائة مرة قدام

لطام

2013- 5- 20, 10:46 PM

الاعتراض عن طريق ايقونه الاعتراضات في الخدمات الطلابيه وفقكم الله توجهو لها ....

fawadof

2013- 5- 20, 10:51 PM

وين انت عايش

حبيبي اذ الجامعه تغير الاسئله من نفسهم

وش وضعه الدكتور من الاعراب

A3jaby

2013- 5- 20, 10:54 PM

كنت اتمنى ختامها مسك مثل مايقولوا بس للاسف ,,, الحمد لله على كل حال
والحمدلله بعد انها كانت اخر مادة في الاختبارات بالنسبة لي ,, سد نفسي الله يسامحة
فلسفة في الاسئلة مالها داعي ولا تعبر الا عن عقد عنده واستهتار بالطلاب
الله يستر ويعدينا جميعا من هالمادة

ام جواناااا

2013- 5- 20, 11:09 PM

طيب مافيه احد صور الأسئله عشان ع الأقل نضمن درجة النجاح ان شاء الله

Half Smile

2013- 5- 20, 11:18 PM

البطله ههههههههههههههههههههههههههههههه رهيبه موكا2 :13:

ابو منيف

2013- 5- 20, 11:23 PM

صدق ضرسك

meteo911

2013- 5- 21, 12:39 AM

HB 8888

2013- 5- 21, 12:55 AM

شوف اسئلة الأحصاء في الاداره حقت اليوم مستوى ثالث جايب نفس السوال ونفس الاخيارات بس حط عندنا عنف وهم بدون اي شي الجدول حق السنوات ...........

يحيى السفياني

2013- 5- 21, 01:12 AM

واللي يرحم والديك وش هالكلام؟؟؟؟؟
الحين احنا صرنا المذنبين والدكتور ملاااااااك وماسوى شي واحنا اللي ظلمناه وتجنينا عليه:25:
ياناس الشغله واضحه والخطأ واضح وياليته جاب اصعب مافي الماده ماكنا تكلمن بكلمه لكن يجيب اسئله لمادة اخرى فهذا هو الظلم.
يا أخي الدكتور ظلمن بهالأسئله فلا تجي انت بمثاليتك اللي في غير محلها وتكون بكلامك اشد ظلم لنا من الدكتور الللي ماهتم فينا ولاعبرنا.

حياك الله اخوي
انا ما ادافع عنه..ولا ابرر موقفه
لكن مما شفته من الاخوان الله يهدينا وياهم لكل خير ..
خرج الموضوع عن النقد والاعتراض الى السب والشتم..
وهذا فيه تجريح واساءه له
هذا ما ارته توضيحه..
والله الهادى الى سواء السبيل

ملاك1401

2013- 5- 21, 01:22 AM

قدر الله وماشاء فعل :verycute:
احسن الله عزاءكم وعظم اجركم وانا لله وانا اليه راجعون :36:
بجد احس الكل خارج محتاح تعزيه عن مجهوده الي بذله :24:
ولكن .......
الله يعوضنا خير عن تعبنا ومجهودنا وربي ﻻ يضيع لاحد تعب لانه كل واحد تعب وذاكر واخلص نيته ربي راح يعطيه لين يرضيه ويعوضه خير :24:

إستثنائيه

2013- 5- 21, 01:38 AM

حسبنا الله عليه جايب لنا من الاحصاء تبع مستوى 3

بالله وشو موكا2 :38:

شكل الدكتور كان خاطره بموكا وكتبها بالامتحان :14:
هم يضحك وهم يبكي :44:

البطله xp

2013- 5- 21, 02:39 AM

الدفعه الجايه بيحط لهم كابتشينو:5:

إستثنائيه

2013- 5- 21, 02:43 AM

ههههههههههههههههههه
الله يخارجنا من هالماده على خير

أبوشهد2010

2013- 5- 21, 02:47 AM

يحيى السفياني

2013- 5- 21, 01:45 PM

والله ان كلامك درر فيه ملاقيف ضيعونا من كثر البربره اللي مالها سنع

ولا بالله فيه واحد يسأل الدكتور بتجيب نفس الترم اللي طاف وين فيه طلاب المتوسط مايسونها

انا اللي خربنا على انفسنا
الله يعوض على الجميع
ويهدي الجنايات حقين الدفعه

هذا اللى حبيت اوصله من كلامي هذا
بعض الاخوان الله يعافيهم تصورو انى ادافع عنه
بالعكس هو بهالاسئله ظلمنا فيها
سواء اكان هو السبب او ادارة الجامعه..
الله يعوضنا خير

أبو فهد1

2013- 5- 21, 01:58 PM

هذا هم الملاقيف اللي يسألون ليش سهلة ليش نسخ لصق . يله ورونا شطارتكم الحين مع هالأسئلة . خلاص جت الاسئلة سهلة ونفس الترم اللي قبله أحمدوا ربكم وفكونا من حسدكم .:32:

نجلاء123

2013- 5- 21, 02:14 PM

منهو الغبي اللي جالس يسال دكتور مادة بتجيب نفس الاسئلة ؟؟!!! بالله عليك تبغاه

يقولك اي بجيب نفس الاسئلة رح ذاكر الاسئلة الاختبار بس !!!

حنا مانطالب بنفس الاسئلة نطالب بنفس المنهج فقط عندك الاساليب الكمية مو نفس الاسئلة

بس اللكل طالع مبسوط لان اسئلة شاملة كل المنهج وواضحة بس مانقول الا حسبي الله والنعم الوكيل:12:

لليل احبك

2013- 5- 21, 02:23 PM

ماظن بيصير شي وهو مايدري عنه

وش هالاستهتار بنا

جهودنا ضاعت على الفاضي

وتعبنا راح سدا

pop400

2013- 5- 21, 05:12 PM

ياخي الله يرحم والديك لاتدافع على اختبار ء كله من احصاء واحد والتحليل الاحصائي الاجتماعي مستوى 7 اوكي يصعب علينا بس مايجيب من برى المنهج ومع ذلك محاضره واحد ومحاضره 11 ولاسؤال وش هالاجحاف والاستهتار

اقول ارفعوا شكواكم وخلوا عنكم المثاليه اللي مالها سنع

السلام عليكم
اولا الى شكينا من حقنا وان ما شكينا مهيب مثالية وانا أخوك
الرجال قال أخرشوهم بس بأدب والملاقيف اللي يبربسون مع عميد الجامعه يبطلون هالحركات ... يعني وهو صادق الجامعه ماتدري؟ وبعدين الهدؤ علشان نخلي الحشمه لنا وموية وجه لهم والا الأمور واضحة فيه غلط ترتيب واسلوب ونوع الأختبار وانا ندري وهم بعد والخلاصه لا نصير مثل القايل .... لا تعلمه باسمك يا هارون وسلامتك

يحيى السفياني

2013- 5- 21, 07:35 PM

السلام عليكم
اولا الى شكينا من حقنا وان ما شكينا مهيب مثالية وانا أخوك
الرجال قال أخرشوهم بس بأدب والملاقيف اللي يبربسون مع عميد الجامعه يبطلون هالحركات ... يعني وهو صادق الجامعه ماتدري؟ وبعدين الهدؤ علشان نخلي الحشمه لنا وموية وجه لهم والا الأمور واضحة فيه غلط ترتيب واسلوب ونوع الأختبار وانا ندري وهم بعد والخلاصه لا نصير مثل القايل .... لا تعلمه باسمك يا هارون وسلامتك

هذا الكلام اللى ودي اوصله
الله يوفقك
وشكرا لمرورك
:21::21::21: