بخصوص المراقبات الي في المدرسه المخصص اﻻمتحان فيها ..

[hour]

السﻻم عليكم ورحمه الله وبركاته

اخباركم مستوى ثاني

عندي مﻻحظه صغيره بخصوص المدرسه الي تم اﻻختبار فيها
يمكن مايكون هذا مكانه المناسب بس حبيت ابدي مﻻحظتي

مدرستنا ماشاء الله منظمه والقائمين فيها تما
بس ضايقني تصرف اليوم المراقبه الي علينا في القاعه
وهذا م اول مره حصل معي حصل معي الموقف في المستوى اﻻول

المهم

الي ضايقني اليوم مثل مو حنا كلنا عارفين مستوى ثاني موادنا كلها فتره ثانيه
وطبعا ندخل القاعات بعد صﻻه المغرب على طول
الكل عارف ان المدرسه بارده وبعض البنات لابسين مﻻبس ثقيله من بروده التكييف
ماابي اطول عليكم
بس انا وحده من الناس مااتحمل بروده التكيف تاثر فيني ع طول
اليوم صليت وع طول ع القاعه الي معانا المراقبه شافتني بجلس في الوسط لان الوسط المكان الوحيد
الي بدون تككييف
قالت الي ع طول لا مافيه تجلسين روحي الجهه الثانيه
طيب انا خبرتها وقلت لها بس انا ماقدر اجلس وفوق راسي مكيف اتعب
قالت الي بنفس خايسه القاعه كلها تكييف روحي اجلس المكان الي قلت لك فيه
مااتوقع بيضرها شي انها تخليني اجلس مكان مافيه تكييف
بالعكس بدعي لهاا
بس هي خلتني اجلس عند التكيف
تخيلوو 10 دقايق صرت بنفسجيه ماابالغ اذا قلت تغيرت اللواني وقلبت
ويدي تجمدت وماقدرت حتي اللون النموذج اﻻجابات
ب اﻻخير ا طلعت من القاعه وانا تعبانه قسم
وحرارتي ارتفعت وجاتني كحه وزكام

كل الي ابي اقوله خفوو علينا يامراقبين
حنا اذاﻻتكلمناا عن وضعنا مو دلع هذا
قدروا وضعنا الصحي والنفسي

كل الي بقوله شو الي استفادته هي الحين وقت الي مرضت انا ؟؟

[Sarez]

حبيبتي في الخدمات الطلابيه ايقونه خاصه بتقييم مركز الاختبار
اكتبي كل ملاحظاتك

والمفروض ما تختبرين لحد ما تجلسين في المكان اللي مريحك

[Ryant alaood]

معلش حبيبتي
ثاني مره اذا صار معك هيك روحي على طول للموجهات
واشرحي لها وضعك
واسم الله عليكي ما على قلبك شر يارب
واشربي شي دافئ ان شاالله راح تصيرن بخير :16::1:

[خالد السعد]

رقم المراقبه واسم المدرسه والماده وارفعي شكوى

بصراحه اسلوب غير منطقي كل من هب ودب صار مراقب

[Binhamdan]

يبدو أنها ساءت الظن بك، ولكن من عفى و أصلح فأجره على الله، وعافاكٍ الله أختي الكريمة مما أصابك،
نفسك الموقت مررت به و لكني بطريقة أخرى، جلست من الجدار فغير المراقب موقعي إلى الأمام فتبسمت:35: فعرف مقصدي و اعتذر كان مراقبا محترما...

بالتوفيق أختي و عافاك الله

[bdoor~]

سلامتك ماتشوفين شر .. اكتبي ملاحظتك بايقونه تقييم مراكز الاختبار عشان ماتتكرر معاك


سؤال يقرقع بقلبي هالمراقبات هم مدرسان ولا ووش من وين جايبينهم .؟:42:

[خالد السعد]

متعاونين مع الجامعه بمكافئه
ومنهم مدرسين بمكافئه

[مناااوي وبس]

احنا مراقباتنا طيبات والبنات ينافخون عليهم مع ذالك يساعدون
بس مراقبتك تبي تسيطر شكلها وطحتي فيها

[مــجــازفــــ]

والله فيه عنجهيه يمارسونها النساء خاصه اذا كانت مسؤولة تتحول من جنس ناعم الى جنس شرس ودكتاتورية عجيبه امرهم .... وهذا الشي ملاحظ في مدارس البنات بعض المديرات لا شفقه ولا رحمه مع الموظفات او الطالبات

على العموم انتي عملتي بأصلك وما بغيتي تكبرين الموضوع وهذا شي تشكرين عليه ولكن في المرة المقبله اختي الكريمه لا تستكتين عن حقك ابدا خاصه اذا كان الموضوع فيه مضرة لك ولصحتك بالدرجة الاولى وفيه مضرة لك بخصوص التركيز بالاختبار وبالتالي يؤثر على اجاباتك

بالتوفيق اختي الكريمه وربي يوفقنا جميعا

[أفا يا قلب]

بعضهم الله يهديهم ماعندهم اسلوب الظاهر مفكرينا بزران عندهم ترى فينا موظفات وامهات وهذولي جايين بفلوس ينافخون علينا