هنا تجمع انجليزي كتابه .....تــــــرم صيفــــــي [الأرشيف] - ملتقى طلاب وطالبات جامعة الملك فيصل,جامعة الدمام

Majed_ksa

2013- 5- 21, 06:07 AM

السلام عليكم ورحمة الله وبركاته
قال تعالى ( وتعاونوا على البر والتقوى)
هنا تجمع انجليزي كتابه ترم صيفي اتمنى التعاون مع بعضنا البعض كما كنا جمع اسئله الاعوام السابقه وايضا الملخصات عشان نذاكر من بدري واتمنى الي عدا هذه الماده او اختبرها يعطينا انطباعه عنها وعن مدرس الماده تحياتي لكم.

Majed_ksa

2013- 5- 21, 06:12 AM

のя•Fάĵr

2013- 5- 21, 06:34 AM

وعليكم السلام ورحمه الله وبركاته
منزل مبارك:15:
يشرفني مرافقتكم لحين اختباركم .
تفضل جميع مايخص الماده
http://www.ckfu.org/vb/t467474.html
إنطباع طلبه 2013 عن اختبارهم :29:
http://www.ckfu.org/vb/t455449.html
أسأل الله لكم السداد والتوفيق .
~♡

My Ambition

2013- 5- 21, 06:41 AM

الانطباع : الماده سهله جداً جداً
والمدرس متفهم ومساعد للجميع وماخرج بأمثلته من الملخص
والله يوفقكم اجمعين ...

bdoor~

2013- 5- 21, 07:36 AM

الانجلش كتابه كان من أفضل الاختبارات بالنسبه لي ..الحمد لله
نصيحتي أعطو الماده اهتماام وان شاء الله تعطيكم أحلى الدرجات :42:

موفقين يآرب:1:

حسن الشريف

2013- 5- 21, 08:06 AM

اتمنى التعاون والتكاتف لهذه المادة وخصوصا راح تكون ترم صيفي
ربي يوفق الجميع

Majed_ksa

2013- 5- 21, 08:39 AM

استنتاج بسيط شوفو اخر موعد للتسجيل بالصيفي يوم 28 رجب طيب الي حامل الماده ويبي ياخذها صيفي ؟؟؟؟
اتوقع النتائج راح تكون قريبه عشان للي حامل الماده يقدر يسجل والله اعلم.

مستر دافور

2013- 5- 21, 08:55 AM

نبي ناخذ انجليزي كتابة ومادة ثانية نتفق عليها

العضيد1

2013- 5- 21, 09:15 AM

كيف يا إخوان؟ ما قالوا إنه خاص بالخريجين؟.
يقدر أي واحد يأخذ؟. ودي آخذ إنجليزي كتابة لعلي أفتك منه. مش مشكلة الإحساء. نروح نغير جو في الإحساء. عادي جداً.

أسماء السياري

2013- 5- 21, 09:34 AM

انجليزي كتابه مادة سهله حتى اسئلتها كانت جدا جميله
ربي يوفقكم ويكون فالكم التوفيق يارب :16:

(مزعلة النساء)

2013- 5- 21, 10:03 AM

انا معكم اذا ربي كتب :16:

ابي افتك منه عالاقل:27:

عُذَيق

2013- 5- 21, 10:12 AM

أنا إذا كتب الله سآخذها حتى أزيح همها من رأسي وأتفرغ لـلـ عربي :004:

لكن درجتها ستُرفق بأي معدل؟ معدل المستوى الثاني أم الثالث؟

العضيد1

2013- 5- 21, 10:13 AM

استنتاج بسيط شوفو اخر موعد للتسجيل بالصيفي يوم 28 رجب طيب الي حامل الماده ويبي ياخذها صيفي ؟؟؟؟
اتوقع النتائج راح تكون قريبه عشان للي حامل الماده يقدر يسجل والله اعلم.
لا يا ماجد. 7 بالإفرنجي، وباقي وقت طويل. والاختبار في أوائل رمضان. 6 على ما أذكر. نسيت فتحته من فترة.

al_hawawy

2013- 5- 21, 10:57 AM

ياليت الي يسجل يعلمنا عشان نعرف وش حنا عليه اذا اكثر من 100 نسجل ولالا لانكم عارفين مقالي وانقليزي ماتجتمع يااخوان حتى الماده الثانيه نتفق عليها يالحضاره يالمعرفه لازم اتفاق ونجمع اكبر قدر ممكن من الطلاب وبالتوفيق للجميع :16:

أخيراً قررت

2013- 5- 21, 11:04 AM

اما انقليزي مقالي :9:

انا كنت باخذه معكم بس دامه مقالي مابي :44:

ومتى بيكون اختبار الصيفي بالضبط ؟؟ ولازم اروح الحسا عشان اختبر :32:

شموخ الحربي

2013- 5- 21, 11:13 AM

فكره حلوووه

بس الاحساء صعبه عليا :7:

مين يتبرع لنا في باص يشيلنا كلنا للاحساء نختبر ونعود :42:

のя•Fάĵr

2013- 5- 21, 11:22 AM

كيف يا إخوان؟ ما قالوا إنه خاص بالخريجين؟.
يقدر أي واحد يأخذ؟. ودي آخذ إنجليزي كتابة لعلي أفتك منه. مش مشكلة الإحساء. نروح نغير جو في الإحساء. عادي جداً.
أهﻵ العضيد :29:
الَمقصود بتحديدهم للمستوى الثامن' اختيار المواد ← فقط
لو انت مستوى ثامن ، وتحتاج لإضافه ساعتين او اربع ...
شنو تسوي ؟
تضيف مواد هالساعتين او اﻻربع للأيقونه ، وبحاله توفر أعضاء التدريس لها ، تفتح لك الماده :21:
وتتاح لك وللجميع
بالمختصر :15:
الاختيار لَلخريجين فقط ، ولكن التسجيل ` للجميع ` ف:3:ي المواد المختاره .
نعم ، تستطيع التسجيل (: بالمواد المتاحه حاليآ بالجداول .

دعواتي واﻷمنيات
~♡

العضيد1

2013- 5- 21, 11:24 AM

مستحيل تكون مقالية. الإنجليزي تحديداً.

العضيد1

2013- 5- 21, 11:29 AM

معليش. لم أفهم يا دكتورة فجورة. كيف الاختيار للخريجين والتسجيل للجميع؟
المهم هل هذا الصيفي يشملنا أم لا؟ هل أستطيع تسجيل إنجليزي كتابة وأختبر فيها؟.
إن كانت الإجابة بنعم. هل هي بنفس طريقة الاختبار، اختيارية؟.

أخيراً قررت

2013- 5- 21, 11:33 AM

قريت في موضوع دودي الحين ان اذا كان الاختبار الاساسي في الماده مقالي

فالصيفي بيكون مقالي واذا كان موضوعي فالصيفي موضوعي

طبعا انقليزي كتابه ماكان مقالي هالترم

انا بشاور نفسي الى 27 رجب واشوف والاغلب شكلي بسجله

خولة الهلال

2013- 5- 21, 11:37 AM

بس من كلام د/ فجر ان مايشملنا وحنا طالعين مستوى ثالث مو على باب التخرج

رددوا ياليل مأطولك:42:

العضيد1

2013- 5- 21, 11:42 AM

يا أخيرا قررت. التسجيل في شهر 7 افرنجي وليس رجب.
بس من كلام د/ فجر ان مايشملنا وحنا طالعين مستوى ثالث مو على باب التخرج

رددوا ياليل مأطولك:42:
راجعت رد فجورة وكأني فهمت أن المستوى الثامن يطلبون أي مواد وحسب المتاح يعطونهم.
لكن بقية المستويات يختارون المواد المحددة فقط في خانة الترم الصيفي بالخدمات الطلابية. كل ترم له مواد محددة.
كذا يا فجورة؟.

منال26

2013- 5- 21, 11:47 AM

انا من الي بياخذوها بس الاختبار مقالي صحيح؟؟؟

خولة الهلال

2013- 5- 21, 11:47 AM

العضيد لو كلامك هيك

راح افكر اخذ الانجليزي العام ( جعله تنمحي هالماده من الدنيا :23:

بس ياليت العضيد تتاكد متى راح يكون الاختبارات الصيفيه ؟؟:31:

أخيراً قررت

2013- 5- 21, 11:57 AM

يا أخيرا قررت. التسجيل في شهر 7 افرنجي وليس رجب.

راجعت رد فجورة وكأني فهمت أن المستوى الثامن يطلبون أي مواد وحسب المتاح يعطونهم.
لكن بقية المستويات يختارون المواد المحددة فقط في خانة الترم الصيفي بالخدمات الطلابية. كل ترم له مواد محددة.
كذا يا فجورة؟.

يعني متى راح يكون اخرموعد للتسجيل ؟

مستر دافور

2013- 5- 21, 12:00 PM

انصح الجميع بالتسجيل بالترم الصيفي لانه اول مره يطبقونه وبيتساهلون معنا كثير وغير كذا تخفف من ضغط المواد

العضيد1

2013- 5- 21, 12:07 PM

آسف. بداية التسجيل لدفعتنا في 25/5/2013 بعد أربعة أيام. وينتهي في 7/6/2013
يعني ما له دخل في نتائج آخر اختبار، ولا المواد المتوقع حملها. ما يمدي.
بداية الدراسة (في زعمهم سنتابع محاضراتهم) في 8/6/2013
تبدأ الاختبارات في 11/ رمضان. وآخر يوم إنجليزي كتابة في 16/رمضان. وقت كافي جداً لمادة أو مادتين.
ويمدحون الصيام في الأحساء. من زين الرياض. يكفي أن التمر هناك خلاص طازج، من المزرعة إلى المائدة.

روح الحب

2013- 5- 21, 12:07 PM

وش سالفت الصيفي شباب
وشنو الاقسام اللي تشملها

روح الحب

2013- 5- 21, 12:08 PM

حياكم عندنا
:11:
نشيلكم بعيونا
ولووووو

عبادي الطائف

2013- 5- 21, 12:11 PM

خولة الهلال

2013- 5- 21, 12:14 PM

شيء جمييييييييل دراسه بالصيف:21: والكريهه ان الاختبار برمضان:23:

ربي يسهل وبغامر بالفايروس الانجليزي العام فقط:36:

ابومحمد2

2013- 5- 21, 12:15 PM

فكره حلوووه

بس الاحساء صعبه عليا :7:

مين يتبرع لنا في باص يشيلنا كلنا للاحساء نختبر ونعود :42:

ابشرو بسعدكم الباص جاهز بس الراكب ب 165:8:

ابومحمد2

2013- 5- 21, 12:17 PM

سجلو معاكم عضو اكبر عقدة له في الحياة مادة العنجليزي

العضيد1

2013- 5- 21, 12:19 PM

ابشرو بسعدكم الباص جاهز بس الراكب ب 165:8:
خلاص. توكلنا على الله.
وفجورة تصير المحرم. تجيبها من هناك ونرجع ثاني مرة مع بعض.

عبادي الطائف

2013- 5- 21, 12:33 PM

بالنسبه لي مستحيل ادرس ترم صيف

ابي اريح لان كانت 9 مواد تعب وارهااااااق نبي تلذذ بالصيفيه:13:

والبنسبه للي يبي يدرس ترم صيفي الانجليزي كتابه. جداً سهل ودخلته من غير ما اذاكر والحمد لله كان جداً بسيط

Manal_M

2013- 5- 21, 01:14 PM

مافهمت
ياليت تشرحون لي صيفي!!! وليه كلكم تقولو انقلش كتابه بس هذي الماده بصيف
والاختبارات بالاحساء!!
ياليت تعلموني ابي اخذ صيفي وارتاح من المواد

منال26

2013- 5- 21, 01:39 PM

يا اخواني واخوتي

اولاً : الاختبار في الأحســـــــــــــــاء في 11 رمضان

ثانياً : الي مستوي ثاني فقط مخير بين ثلاث مواد يدرسها .

أ/ فقه سيرة (12/رمضان الاختبار)
ب/انجليزي كتابه(14/رمضان الاختبار)
ج/احصاء (13/رمضان الاختبار)

تقدر تضيف اي ماده من الثلاث . وكل مستوي له مواد محدده يقدر يضيفها

اووول شي ياشينهم
الغااالب ماخذ فقه السيره والاحصاء ومخلصينهاا :25:

خياراتهم مو حلوه ابد

ماعندي الا انجليزي كتابه باخذه ان شاءالله

ولو يغيرون المكان افضل لنا ولهممم بهالووضع:21:

Manal_M

2013- 5- 21, 01:44 PM

اووول شي ياشينهم
الغااالب ماخذ فقه السيره والاحصاء ومخلصينهاا :25:

خياراتهم مو حلوه ابد

ماعندي الا انجليزي كتابه باخذه ان شاءالله

ولو يغيرون المكان افضل لنا ولهممم بهالووضع:21:

ليه كذاااااا
انا ماخذه كل المواد ما استفدنا من الصيفي :20:

Manal_M

2013- 5- 21, 02:00 PM

اتوقع ناخذ تبع المستوى ٣ صح
الي هي الاخلاق الاسلاميه

Fatwa

2013- 5- 21, 02:06 PM

يصلح اخذ من مواد مستوى ٣ ؟؟؟؟؟؟؟
طيب ايش مواد المستوى ٣ الي منزلينها
احجزو لي مكان في الباص ابي عند الشباك والمكيف علي

Manal_M

2013- 5- 21, 02:14 PM

يصلح اخذ من مواد مستوى 3 ؟؟؟؟؟؟؟
طيب ايش مواد المستوى 3 الي منزلينها
احجزو لي مكان في الباص ابي عند الشباك والمكيف علي

( الأخلاق الإسلامية وآداب المهنة ) هذي ماده وحده

جوااانا

2013- 5- 21, 02:36 PM

لحظة وش القصة انا اجلت الانقلش كتابة ياليت اقدر اخذه
طيب فهموني طالبات في وكيف التسجيل
اذا في طالبات انا معكم

جوااانا

2013- 5- 21, 02:47 PM

كيف يودونا الاحساء ؟؟؟؟
مويقولو محجورة علشان الفاييروس الله يحفظ المسلمين هناك
طيب نكلمهم يخلونا هنا بلا باص ونريح فجوره ...ها ياالعضيد1

الجــــ@ـارح

2013- 5- 21, 02:48 PM

لحظة وش القصة انا اجلت الانقلش كتابة ياليت اقدر اخذه
طيب فهموني طالبات في وكيف التسجيل
اذا في طالبات انا معكم

والله اذا كان كذا حلوووووووو

انا مثلك حذفت الانجليزي كتابه

ورح اخذه هو ومادة اخلاق الاسلام واداب المهنه من مستوى 3

بس ليتهم يعتمدون الترم الصيف

والله بعيد عن الاحساء صعب عليه

لان الاختبار رح يكون في الاحساء

ملكه الذوق

2013- 5- 21, 02:58 PM

اقدر اخذ انجليزى كتابه واخلاق الاسلام

الجــــ@ـارح

2013- 5- 21, 03:01 PM

اقدر اخذ انجليزى كتابه واخلاق الاسلام

ايه اكيد تقدرين

بس اهم شي ليتهم يصملووون يعني انا عندي احساس انهم

ماهم صادقين

ملكه الذوق

2013- 5- 21, 03:09 PM

لا ان شاء الله انهم يصملون
بس ليت ايغيرون مكان الاختبار يعنى كل واحد يختير فى نفس المركز الى اختبر فيه

نوف بنت سعود

2013- 5- 21, 03:39 PM

تكفون اللي عنده معلومات اكيدة ووافرة عن الترم الصيفي ومواعيده ومواده ومكانه يسدحه لنا نبي شيء اكيد يعني هل الوحدة تدخل ترم صيفي وتضرب مشوار عشان مادة مثل الانجلش كتابة وش هالحتسي اللي ماجاز لي ابد :24:.........ابي شرح واااااافي

مرحة جدآ

2013- 5- 21, 03:49 PM

الاختبار كان جدا سهل والاسئلة بسيطه بس يبغاله مزاكره طبعا بس جدا سهل

خلود 3

2013- 5- 21, 03:57 PM

هو حلو للي حامل المواد

ويارب تطلع النتايج بدري
وان شاء الله فلنا كلنا النجاح يارب

على فكرة ابسالكم يقدر الواحد من مستوى ثالث ينزل مادة من المستويات الاخيره

والا لازم من المستوى اللي قبله علطول

al_hawawy

2013- 5- 21, 04:03 PM

عادي تنزل أي ماده بس ماتكون متطلب يعني لازم تاخذ ماده عشان تاخذها ان شاء الله وصلت المعلومه

الجــــ@ـارح

2013- 5- 21, 04:07 PM

تفضلو هذا التقويم للترم الصيفي

مواعيد التسجيل ومواعيد الاختبار

بالتوفيق

:23:

أخصائية اجتماعية

2013- 5- 21, 04:23 PM

حلووو

يعنى خلاص يشملنا الصيفي او لا ودي اصدق

تعبت وانا ارسل للاستاذ احمد بس مادخل تويتر وش اسوي ابي خبر اكيد ع شان اضبط وضعي ب الصيف

بتاخذون ايش انجليزي كتابه و ايش ^_^

ابن السلطان

2013- 5- 21, 04:29 PM

معاكم ان شاء الله

انجليزي كتابة الله يسهل علينا

ويمكن اشوف المادة اللي من المستوى الثالث اذا سهله اخذناها

الجــــ@ـارح

2013- 5- 21, 04:31 PM

حلووو

يعنى خلاص يشملنا الصيفي او لا ودي اصدق

تعبت وانا ارسل للاستاذ احمد بس مادخل تويتر وش اسوي ابي خبر اكيد ع شان اضبط وضعي ب الصيف

بتاخذون ايش انجليزي كتابه و ايش ^_^

والله اختي انا الى الان ماني مقتنع انهم بيوافقون لجميع المستويات

لكن ان وافقو وثبت انهم رح يفتحون الترم الصيفي لجميع المستويات

اكيد رح ناخذ الانجليزي كتابه من مستوى ثاني الي حذفنها

وناخذ الاداب الاسلامه واداب المهنه من مستوى ثالث

رسيل11

2013- 5- 21, 04:33 PM

الصراحه الماده خفيفه عالقلب والدكتور ماطلع عن الملخص ابدد وكان افضل امتحان عندددي
:14:

العضيد1

2013- 5- 21, 04:45 PM

شيء جمييييييييل دراسه بالصيف:21: والكريهه ان الاختبار برمضان:23:

ربي يسهل وبغامر بالفايروس الانجليزي العام فقط:36:
الفيروس مات تقريباً بسبب ارتفاع درجات الحرارة. هو انتشر في وقت محبب إلى الفيروسات كانت الدرجة في أواسط الثلاثينيات. الآن في طريقه للزوال بإذن الله. والله يشفي المرضى الذين أصيبوا به.

خلود 3

2013- 5- 21, 06:42 PM

امين يارب الله يشفيهم ومرضى المسلمين اجمعين

بس جد ياحلوين وان صارت الاسئلة مقاليه :4::33:

*Noura Mohammed

2013- 5- 21, 06:48 PM

الانجليزي كتااابه سهللل والاختبار روعه

الله يوفقكم:16:

のя•Fάĵr

2013- 5- 21, 06:54 PM

سمااااا

2013- 5- 21, 07:05 PM

لازم في الاحساء الاختبار:22: طيب واللي يبغا يختبر ايش يسوي طيب عندهم كرونا فايروس:4: استودعتكم الله يالي بتختبرون :12: ابي اختبر

مراد الجديد

2013- 5- 21, 07:16 PM

يسعد مساكم

ابي اعرف كم مادة نقدر نسجل بالترم الصيفي
كحد اقصى

عُذَيق

2013- 5- 21, 07:40 PM

إذا انجليزي ومقالي .. هذه المصيبة بأم عينها :"(

نريد الخبر الأكيد لنبني عليه قرارنا أندخل أم ننسحب!

تمنيت

2013- 5- 21, 08:28 PM

المهم انا اللحين مو فاهمه الوضع 100%
واشك انهم بيفتحون لنا الترم الصيفي..
ولو صار لازم اسأل ولي الأمر:42: وبعدين افكر وش بيصير لان الاختبار راح يكون ب الاحساء الجميله فما ادري الله يكتب لنا اللي فيه الخير ..~ :16:

لرقيب

2013- 5- 21, 11:43 PM

السلام عليكم انا زائر لكم من مستوى رابع وابي اخذ المادة لاني ما اخذتها قبل نبياحد يحل اسئلة هذا الترم هي موجود بالصور بس التساعد في حلها

لرقيب

2013- 5- 21, 11:45 PM

http://im39.gulfup.com/qIMJP.jpg

http://im39.gulfup.com/8XRcs.jpg

http://im39.gulfup.com/04uS2.jpg

http://im39.gulfup.com/tquLt.jpg

http://im39.gulfup.com/o2pcI.jpg

http://im39.gulfup.com/FrUv1.jpg

http://im39.gulfup.com/edj85.jpg

http://im39.gulfup.com/2YCFK.jpg

http://im39.gulfup.com/0cUFj.jpg

فهود667

2013- 5- 21, 11:49 PM

ان شاء الله راح اخذها هى اسهل نسبيا من انقلش قراءه ودكتورها متعاون وطيب كثير على ماسمعت

همتكم شباب الفصل بس شهر واحد امتحانها 15 رمضان...واحتمال اذا حملت الاحصاء اخذها:36:

حزن الياسمين

2013- 5- 22, 01:09 AM

مابدي أغامر ..

خاصة ان الاختبار في غير مدينتي و في رمضان < جدًا صعبه
كذلك ماندري بيكون موضوعي أو مقالي !

LeLe

2013- 5- 22, 01:11 AM

سهللللللللل وممتع والله يوفقنا وياكم

Majed_ksa

2013- 5- 22, 01:16 AM

الجــــ@ـارح

2013- 5- 22, 02:31 AM

المتاح انجليزي كتابه ومن المستوى الثالث الاخلاق الاسلاميه واداب المهنه نخلصهم صيفي باذن الله معنا 44 يوم من بدء الدراسه الى الاختبار تقريبا يصير المستوى الثالث عندنا 7 مواد نضيف لها انجليزي قراءه وكذا نمشي على الخطه المستويات الجايه .

نعم اخوي صحيح وهاذي ان شاء الله هي خطتي

مع ان الانجليزي قراءه معه مادة ثانيه الي هي اسس الخدمة الاجتماعيه

فتره اولى وثانيه لكن ان شاء الله تزين الامور

هنوش

2013- 5- 22, 02:35 AM

لييييييييييييه كذا انا فرحت انو في صيفي مافي مكان قريب الخبر ليش مايتوسعون يكثرون اماكن ليه الاحساء مكان بعيدددددددددددد هف قهر:12:

Majed_ksa

2013- 5- 22, 02:48 AM

نعم اخوي صحيح وهاذي ان شاء الله هي خطتي

مع ان الانجليزي قراءه معه مادة ثانيه الي هي اسس الخدمة الاجتماعيه

فتره اولى وثانيه لكن ان شاء الله تزين الامور

الجارح حبيب قلبي مافي تعارض ابدا انجليزي قراءه اخر يوم بالاختبارات واسس الخدمه الاجتماعيه اول يوم بالاختبارات ثانيا طال عمرك امديك تسحب ماده من المستوى الرابع وتضمه بعد عشان تصير 18 ساعه :14:

Batoo04

2013- 5- 22, 03:03 AM

معكم بإذن الله:16::37:

Majed_ksa

2013- 5- 22, 03:38 AM

الجارح حبيب قلبي مافي تعارض ابدا انجليزي قراءه اخر يوم بالاختبارات واسس الخدمه الاجتماعيه اول يوم بالاختبارات ثانيا طال عمرك امديك تسحب ماده من المستوى الرابع وتضمه بعد عشان تصير 18 ساعه :14:
فعلا اخوي الجارح اختبار انجليزي قراءه واسس الخدمه الاجتماعيه بنفس اليوم لاكن الانجليزي فتره ثانيه واسس الخدمه الاجتماعيه فتره اولى كنت اشوف جدول قديم للتصحيح بس مو مشكله بنذاكر اول باول عشان نرتاح

Awatef

2013- 5- 22, 07:31 PM

ابي اعرف انقلش كتابه اختباره اي يوم؟

برق الشمال

2013- 5- 22, 10:00 PM

اللي يسئل عن الاختبار مقالي
يقولون اذ كان العدد قليل بيكون مقالي وذا كان العدد كبير بيكون تحريري
واشوف العدد كبير ونا معكم
واحد يفتح موضوع للي نزل الماده ونشوف العدد
واي واحد سجل ننتضر فتره واكيد بيجي العلم الاكيد من الشعيبي الاختبار مقالي او لا
وعندك فتره تقدر تستعيد السداد كامل

ون شاءالله نعديها وبدرجات عاليه
ونا اول واحد بينزل الماده

العيون النرجسيه

2013- 5- 22, 10:05 PM

مساءالخير ..

صدق الاختبار الصيفي بيكون مقال

ودمتم بود 🌹

عزوز2013

2013- 5- 23, 02:20 AM

انا ان شاء الله معاكم بسجل في الماده مع الاحصاء ان شاء الله

Majed_ksa

2013- 5- 23, 03:02 AM

المتاح 6 ساعات باخذ انجليزي كتابه الاخلاق الاسلاميه واداب المهنه قواعد البيانات

Majed_ksa

2013- 5- 23, 03:16 AM

135222 هذي خطة علم الاجتماع

عزوز2013

2013- 5- 23, 08:49 PM

عندي استفسار ممكن؟ ودي انزل مع الانجليزي كتابه ، قضايا ثقافيه معاصره؟ سؤالي الاختبار فتره وحده بس والا فترتين ؟ ارجو افادتي لمن يعلم؟ وشكرا

علم الأجتماع

2013- 5- 23, 08:57 PM

السلام عليكم
اخواني الي تخصص علم اجتماع انصحكم باخذ مع الانجليزي كتابه الاخلاق الاسلاميه وآداب المهنه
وهذا الي راح اخذه صيفي والله يوفق الجميع

al_hawawy

2013- 5- 23, 09:17 PM

وش اسهل ياشباب نظرية المعرفه ولا الاخلاق الاسلاميه لان كثير قال الاخلاق دسمه وباذن الله انقليزي كتابه

بس عطونا خبر لصاملين فقط كم وصل العدد ؟!

Majed_ksa

2013- 5- 23, 10:47 PM

التخصص/ علم اجتماع
الصيفي باذن الله / انجليزي كتابه + الاخلاق الاسلاميه واداب المهنه + قواعد البيانات

ماشاء الله

2013- 5- 23, 10:53 PM

انا باخذ الانقلش كتابه وقواعد البيانات وبرامج الحاسب سجلت الحين ماده واحده الانقلش باقي مادتين قواعدالبيانات مو راضيه تدخل وبرامج الحاسب المكتبيه مو موجوده الرقم المرجعي عندي ياليت اللي عنده يساعدني لوسمحتو الله يفرجها عليكم مثل مافرجتوه علي

علم الأجتماع

2013- 5- 23, 11:32 PM

الاخلاق يا اخوان تراها سهله كلها كلام عام والي يبي يتاكد يقرا الملخص حق الماده اشوفها والله سهله وانا بصراحه ما ابي اضغط علئ نفسي لان اول مره يكون فيه صيفي

سادن كنان

2013- 5- 24, 09:56 AM

الله يوفق الجميع لكل خير

حمد10

2013- 5- 24, 10:23 AM

انا ودي اخذ احصاء إنجليزي عقيدة ترم صيفي تمفون كونو معي في هذا الترم

حمد10

2013- 5- 24, 10:29 AM

طيب اقدر اخذ إحصاء والمادة إلى معها إختبار في نفس اليوم الي هي اخلاق او مذاهب

العضيد1

2013- 5- 24, 11:09 AM

التخصص/ علم اجتماع
الصيفي باذن الله / انجليزي كتابه + الاخلاق الاسلاميه واداب المهنه + قواعد البيانات
تم. معاك.
لكن لازم تعرف حاجة: قواعد البيانات اختيارية مع الشبكات في الترم الرابع (يا هذه يا هذه). والشبكات أسهل، سبق أخذنا معلومات وافية عنها في تقنية المعلومات الترم 1.
لكن مع الأسف ما وضعوا الشبكات في الصيفي.
خلاص. بيانات.

@بوفهد

2013- 5- 24, 11:31 AM

تم. معاك.
لكن لازم تعرف حاجة: قواعد البيانات اختيارية مع الشبكات في الترم الرابع (يا هذه يا هذه). والشبكات أسهل، سبق أخذنا معلومات وافية عنها في تقنية المعلومات الترم 1.
لكن مع الأسف ما وضعوا الشبكات في الصيفي.
خلاص. بيانات.

يالعضيد
لحظة !
انا اخذت قواعد بيانات الترم هذا وبصراحة ما حبيتها بعكس برامج الحاسب ..المهم حذفتها .
افهم من كلامك انه ممكن اخذ شبكات ويطرحون القواعد عني ؟

العضيد1

2013- 5- 24, 12:34 PM

نعم يا بو فهد. تختار يا هي يا الشبكات. حسب الخطة عندي في العربي. وأظنها كذلك في كل الأقسام.
نعم. هي كذلك في كل التخصصات، بما في ذلك قسم العمران البشري.

الهاوي.

2013- 5- 24, 01:31 PM

يشرفني الانضمام اليكم بحول الله وقوتة
طالب مستوى سادس وحامل للمادة وباذن الله راح اخذها صيفي
اسىل الله التوفيق والسداد لي ولكم

منال26

2013- 5- 24, 03:06 PM

انا مستغربه من الي طلعو من الخيارات حقت الاغلبيه

انتم كذا ولا كذا حادفين هالمواد

بالعكس كونوو مع المجموعه العظمى عشان الاستفاده

وان شاءالله فيه صيفي السنه الجديده وبعدها كلن يبدا ياخذ من تخصصه

اما حاليا هذو العامه والمواد الي لجميع التخصصات :16:

のя•Fάĵr

2013- 5- 25, 07:50 AM

ابي اعرف انقلش كتابه اختباره اي يوم؟

أهﻵ .
اليوم الخامس من بدايه اول اختبار :29:
~♡

فهد 99990

2013- 5- 25, 12:56 PM

مساء الخير للجميع
ممكن الى عنده اسئله الترم الماضي
للانجليزي كتابه يسدحها هووون
اتمنى التوفيق للجميع

أمنيات حنين

2013- 5- 25, 01:07 PM

~~~~

ابو رياض2

2013- 5- 25, 01:26 PM

السلام عليكم
انا حامل مادة إنجليزي كتابة
هل هناك من سيسجل هذه الماده في الترم الصيفي؟؟

البياعي

2013- 5- 25, 07:11 PM

انا سجلت معكم انجليزي - نظرية المعرفة

نبي ندرس ونحاول ندرس

واذا مانجحنا اقل شي نشتري تمر من الاحساء

تكفيني انفاسك

2013- 5- 25, 07:17 PM

انا اخذت هالصيفي قواعد بيانات وانجليزي عام وكتابة يارب وفقني فيهم :16:

الــوليــف

2013- 5- 25, 07:37 PM

انا معاكم الانحليزي كتابة وسويتله اضافه في البنر :21:

のя•Fάĵr

2013- 5- 25, 07:45 PM

مساء الخير للجميع
ممكن الى عنده اسئله الترم الماضي
للانجليزي كتابه يسدحها هووون
اتمنى التوفيق للجميع
مساء النور والسرور
تفضل
http://www.ckfu.org/vb/t432080.html (http://www.ckfu.org/vb/t432080.html)
وفقك الله

تكفيني انفاسك

2013- 5- 25, 07:51 PM

のя•Fάĵrالله يوفقك ع هالتجمع انا ابي وش المهم ب هالمواد مابي احمل ولامادة والله يعطيك العافيه <انجلزي كتابة وعام وقواعد بيانات :22:

نادر511

2013- 5- 25, 08:13 PM

فجر الله يعطيك العافيه كنتي خير معين لنا في المستوى الاول ولا ننسى فضلك بارك الله فيك وفي جهودك
بالنسبه لي حملت انجليزي عام
اما الانجليزي كتابه
ونجليزي قراءه او تحدث مدري ناسي اسمها ما أخذتها يمكن اسجلها كلها صيفي ياليت التوضيح وفي اي يوم يكون اختبارها بدون تعارض زاير من المستوى الثالث لكم مني جزيل الشكر والعرفان:16::16:

のя•Fάĵr

2013- 5- 25, 08:28 PM

のя•Fάĵrالله يوفقك ع هالتجمع انا ابي وش المهم ب هالمواد مابي احمل ولامادة والله يعطيك العافيه <انجلزي كتابة وعام وقواعد بيانات :22:

وياج يارب (:
هنا تجمع اﻻنجل كتابه فقط .
الله يهداج .. تحملي ! من هاللحظه تستبقي اﻻحداث بفكره سلبيه :icon1: ﻻتنسي ي أخيه .. انا عند ظن عبدي بي ..
- ماده اﻻنجل كتابه مكونه من قطع وقواعد لاساسيات الكتابه باللغه اﻻنجليزيه ،تحتاج لتدريب على حل عده تمارين بعد اﻻنتهاء من فهم القواعد :21: ميسره ولله الحمد وبالتوكل ع الله ومن ثم تعاون اﻻخوه جميعكم ستجتازونها بتفوق:15:

ودي
~♡

のя•Fάĵr

2013- 5- 25, 08:34 PM

فجر الله يعطيك العافيه كنتي خير معين لنا في المستوى الاول ولا ننسى فضلك بارك الله فيك وفي جهودك
اما الانجليزي كتابه
ونجليزي قراءه او تحدث مدري ناسي اسمها ما أخذتها يمكن اسجلها كلها صيفي ياليت التوضيح وفي اي يوم يكون اختبارها بدون تعارض زاير من المستوى الثالث لكم مني جزيل الشكر والعرفان:16::16:

ﻻيوجد بالجداول المتاحه للصيفي ماده اﻻنجل قراه .
اﻻنجل كتابه هي المتاحه فقط .
يوم اختبارها هو الخامس من اول يوم اختبار :21:
شكرآ ع اﻹطراء
~♡

نادر511

2013- 5- 25, 09:04 PM

لاهنتي مشكوره

لكن اقدر اسجل من المستوى مثلا 4 و5 و 6 و7 لكي اقلص عدد الساعات في المستويات القادمه ولا المواد التي حملتها او تجاهلتها في الاترام الماضيه وشكرا:16::2:

のя•Fάĵr

2013- 5- 25, 09:13 PM

العفو
تحديد المواد على حسب المتاحه فقط بجداول الصيفي :29:

~♡

خالد القحـطاني

2013- 5- 25, 09:29 PM

ياجماعة الخير عندس استفسار ياليت تفيدوني الله يجزاكم خيررر

لم استطيع تنزيل مادة (( الاخلاق الاسلاميه آداب المهنه )) ويطلع معي اثناء التسجيل هذه العباره

closالشعبة مغلقة ونحن في البدايه وانا من دفعة 2012 والجامعه قفلت اشوف بدري اشوي ....؟

ماهو الحل ياخوان؟؟ والله يعطيكم العافيه

نادر511

2013- 5- 25, 09:44 PM

وش نختار مع الانجليزي كتابه ياليت احد يفيدنا

أبو البراء وإياد

2013- 5- 25, 09:54 PM

يااخوان متردد اسجل انجليزي كتابة او لا لاني خايف تكون مقالي

ميشا السعد

2013- 5- 25, 11:03 PM

انا سجلت انجليزي كتابه و نظريه المعرفه

االمتفائله

2013- 5- 25, 11:07 PM

وانا بعد مثلك ميشا ( انجليزي كتابه ونظريه المعرفه):29:

برق الشمال

2013- 5- 25, 11:15 PM

وانا بعد مثلك ميشا ( انجليزي كتابه ونظريه المعرفه):29:
الله يعينك هههههههههههههه
اسبوع بالحساء اختبار يوم السبت وختبار يم الاربعاء

نادر511

2013- 5- 25, 11:24 PM

قواعد البينات + نظريه المعرفه + قظايا ثقافيه معاصره ابي ثنتين مع الانجليزي كتابه

وش تنصحوني فيه مدام التسجيل يقبل معاي

مسافات34

2013- 5- 26, 12:25 AM

يعطيكم العافية
1- نظرية المعرفة
2- انجليزي كتابة
موادي للترم الصيفي...

مسافات34

2013- 5- 26, 12:28 AM

قواعد البينات + نظريه المعرفه + قظايا ثقافيه معاصره ابي ثنتين مع الانجليزي كتابه

وش تنصحوني فيه مدام التسجيل يقبل معاي

مالك الا قواعد البيانات ونظرية المعرفة
قضايا ثقافية ماراح توافق مع الانجليزي كتابة

roa7amal

2013- 5- 26, 01:11 AM

انا سجلت قواعد بيانات وانجليزي كتابه للترم الصيفي

منتسب لغة

2013- 5- 26, 01:18 AM

السلام عليكم
سجلت الانجليزي كتابه فقط

al_hawawy

2013- 5- 26, 01:22 AM

انقليزي لايأتي مقالي دائما اختيارات ان شاء الله وانا معاكم بسجل انقلش كتابه فقط

البياعي

2013- 5- 26, 08:35 AM

صباح الخير ايها الشباب

ليش الخوف اولاً انت اخذت هذه المواد في فترة الصيف يعني خارج الخطة اذا وفقك الله وعديت يكون خففت من المواد كل ترم ... واذا كسلت لن تؤثر على سيرك بالجامعة

وانا اتوقع ان الصيفي راح يكون اسهل بكثير
والمواد ترا كلها سهله وبسيطة

ابن حاتم الطائي

2013- 5- 26, 09:39 AM

انجليزي كتابه

ونظرية المعرفه

هي ماتم تسجيلها بالنسبة لي ليلة البارحه
وحاولت جاهدا لتسجيل قضايا ثقافيه معاصره لكنها مقفله

ابن حاتم الطائي

2013- 5- 26, 09:40 AM

صحيح ان الاختبارات اول يوم وخامس يوم لكن لن استقر هناك سوف اتردد بالمجي

انتسساب

2013- 5- 26, 11:50 AM

معكم بأذن الله وبالتوفيق لنا:36:

تكفيني انفاسك

2013- 5- 26, 12:35 PM

جزاك الله خير وتوكلنا على الله واستودعناامورنا التي لاتضيع ودائعه مع احد والله لايضيع تعب احد فينا والله يوفقنا بالدارين :1:

سادن كنان

2013- 5- 26, 01:08 PM

اشكر اختي في الله のя•Fάĵr
طلبت منها النصيحه فنصحتني ووجهتاني بخصوص الماده

اخواني اخواتي هل تنصحوني اخذها او لا علما اني لم ادرس انجليزي عام حتي الان

ابي ريكم استمر او الغيها

خولة الهلال

2013- 5- 26, 01:17 PM

ودي اخذه وافتك منه بس خايفه منه بقوووه:12::12:

نحووووله

2013- 5- 26, 07:34 PM

بنات انا قدمت صيفي طبعا انا طلب زائر
بس ابي استفسر عن الدكتور محمد محمود هلال كويس و الا شنو

نحووووله

2013- 5- 26, 07:36 PM

صح ما قلت لكم
انا اخذت انجليزي قراءه و كتابه

االمتفائله

2013- 5- 27, 01:38 AM

كيف عرفتو تاريخ الاختبار واليوم :35:

برق الشمال

2013- 5- 27, 01:44 AM

كيف عرفتو تاريخ الاختبار واليوم :35:

ايقونة الترم الصيفي
بعدها جدول المقررات والاختبارات
بعده كلية الاداب
بعده تحت مكتوب جدول الاختبارات
يطلعلك الجدول

مكتوب اليوم بالجدول رقم 1 يعني السبت 2 الاحد 3 الاثنين 4 الثلاثاء 5 الاربعاء

سعودي طموح

2013- 5- 27, 01:55 AM

لم يقبل ان يسجل لي سوى الانجليزي كتابة

وبقية المواد اما يقول ااني أخذتها وأنا لم أسلجها قطُ سابقاً !!

وإما يقول الشعب مغلقة !!!

ما الحل ؟؟!

سعودي طموح

2013- 5- 27, 01:58 AM

كم رقم crn مادة مشروع التخرج ؟

ابو رياض2

2013- 5- 27, 11:02 AM

ابشركم سجلت بمادة انجليزي كتابه ومتفائل بإذن الله باجتياز هذه المادة التى حملتها بتعاون الجميع.:16:

al_hawawy

2013- 5- 27, 12:37 PM

ياجماعه خيره ان شاء الله انها ماتسجلت الا ماده وحده انجلش كتابة خلنا نركز فيها وهي ماده سهله ان شاء الله ومعنا الصيف كله احسن من اننا نتشتت في اكثر من ماده ومنها تطيح عننا ونرتاح منها :16:

ابن السلطان

2013- 5- 27, 02:13 PM

سجلت مادة انجليزي كتابة

الله يوفقنا واياكم فيها

من البداية مذاكرة وان شاء الله نجتازها بجداره مثلها مثل انجليزي قراءة

تمنياتي للجميع بالتوفيق

al_hawawy

2013- 5- 27, 02:25 PM

:21: انقلش كتابه كافيه

خولة الهلال

2013- 5- 27, 03:25 PM

سجلت مادتين ومتردده

ألاخلاق ألاسلامية وأداب المهنة و اللغة الانجليزية كتابة

تنصحوني اخليهم او ابعد وحده فيهم؟؟:29:

االمتفائله

2013- 5- 27, 04:07 PM

اهها ... بس راحو ينزلون با يقونه جدول الاختبارات

اليوم والفتره والتاريخ صح ولا

كيف :35:

ابن السلطان

2013- 5- 27, 04:08 PM

طيب يا اخوان فيه ملخص للمادة مثل ما كان عندنا ملخص للقراءة التايفون كان رائع جداً

اللي عنده ياريت يتكرم ويحط الملخص هنا من احل الاستفادة
الله يجزاكم خير

ابومحمد2

2013- 5- 27, 05:17 PM

طيب يا اخوان فيه ملخص للمادة مثل ما كان عندنا ملخص للقراءة التايفون كان رائع جداً

اللي عنده ياريت يتكرم ويحط الملخص هنا من احل الاستفادة
الله يجزاكم خير

تكفون الفزعه وياليت احد يترجم اسئله الترم اللي راح واللي قبله ترجمه نصيه

خالد لقصيم

2013- 5- 27, 05:41 PM

السلام عليكم انا سجلت الجليزي كتابه ونضرية المعرفه والخلاق الاسلاميه بالتوفيق

のя•Fάĵr

2013- 5- 27, 07:50 PM

طيب يا اخوان فيه ملخص للمادة مثل ما كان عندنا ملخص للقراءة التايفون كان رائع جداً

اللي عنده ياريت يتكرم ويحط الملخص هنا من احل الاستفادة
الله يجزاكم خير

اعتمد بعد ربي على ملخص ام يزن :21:
مترجم ومشروح :29:
وفقكم الله
~♡

سادن كنان

2013- 5- 27, 08:09 PM

روبط من الملتقي
http://www.ckfu.org/vb/t424226.html

http://www.ckfu.org/vb/t429989.html

http://www.ckfu.org/vb/t432080.html

http://www.ckfu.org/vb/t451778.html

http://www.ckfu.org/vb/t464287.html

http://www.ckfu.org/vb/t406817.html
اهم موضوع بنسبه لي
http://www.ckfu.org/vb/t455449.html
اساله سابقه
http://www.ckfu.org/vb/t332233.html
ملخص
http://www.ckfu.org/vb/t375542.html
و
http://www.ckfu.org/vb/7813082-post5.html
و
http://www.ckfu.org/vb/7814974-post6.html

أبو أمل

2013- 5- 27, 11:16 PM

أحبابي الكرام:

السلام عليكم ورحمة الله وبركاته:

اللي ناوي يأخذ مادة الأخلاق الإسلامية وأداب المهنة .. المادة اختبرتها في المستوى الثالث هذا الفصل، وهي مادة من أمتع المواد .. ودكتور المادة - جزاه الله خيراً - ألف مرجع للمادة ، وهو مرجع خفيف الظل (يحوي جميع محاضرات المادة) ويوجد به أسئلة تمارين ... فأنصح من يسجل بالمادة أن يُحاول اقتناء الكتاب ، وأنا أضمن _ بإذن الله - لكل من يقرأ الكتاب ، بقليل من التركيز، مع حل نماذج الأسئلة الموجودة في نهاية الكتاب . (النجاح بامتياز).

سائلاً الله للجميع التوفيق والنجاح بتفوق في الدنيا والآخـرة .

سعودي طموح

2013- 5- 27, 11:17 PM

اريد كامل ملخصات مادة الانجليزي كتابة ؟

のя•Fάĵr

2013- 5- 28, 12:19 AM

طيب يا اخوان فيه ملخص للمادة مثل ما كان عندنا ملخص للقراءة التايفون كان رائع جداً

اللي عنده ياريت يتكرم ويحط الملخص هنا من احل الاستفادة
الله يجزاكم خير

اريد كامل ملخصات مادة الانجليزي كتابة ؟
http://www.ckfu.org/vb/t424226.html:21:

دانه السعوديه

2013- 5- 28, 12:37 AM

الماده ولا اروووووع بس اهم شي دراستها وفهم القواعد زين وإلا ممتعه جداً اسأل الله لكم التوفيق :21:

اميره الجزيره

2013- 5- 28, 06:39 PM

معاكم بأذن الله :29:

نبي افضل ملزمه ومعتمده ومترجمه لان المستوى الماضي كان الانجليزي ملخص لسكرتير الدكتور عمار المعاني كانت ملزمه فوووووق الرائعه والدكتور برضو ساعدنا كثير الله يجزاه الف خير ويوفقه وين ماراح.....

のя•Fάĵr

2013- 5- 29, 07:34 AM

حياج يا أميره
طلبج هنا :29:
http://www.ckfu.org/vb/t424226.html:21:
دعواتي
~♡

عايش الدور

2013- 5- 29, 03:11 PM

قررت ماسجل الا مواد تطبيقية:41:

roa7amal

2013- 5- 29, 09:48 PM

حبيبتي فجور لما اضغط على الرابط يدخلني على موقع ملتقى طلاب وطالبات جامعة الملك فيصل على الاقسام تاكدي من الرابط قلبي لاني في حاجة له

العضيد1

2013- 5- 29, 10:06 PM

قررت ماسجل الا مواد تطبيقية:41:
يعني لن تسجل أي مادة في الاجتماع؟.

اميره الجزيره

2013- 5- 30, 01:13 PM

حياج يا أميره
طلبج هنا :29:
http://www.ckfu.org/vb/t424226.html:21:
دعواتي
~♡

فجوره حبيبتي الرابط يفتح لي المنتديات شكله غلط:40:

のя•Fάĵr

2013- 5- 30, 01:55 PM

http://www.ckfu.org/vb/t424226.html
جربي هذا :-D

al_hawawy

2013- 5- 30, 03:38 PM

اذا تم العاون بيننا ستسهل وتكون غاية في السهولة بأّذن الله ..:16:

Majed_ksa

2013- 5- 30, 05:19 PM

نبي خطتكم بالمذاكره ودنا اي شخص يحطلنا خطه نمشي عليها اول شي يحدد يوم بداية المذاكره مو شرط مع استاذ الماده نبي نستغل الوقت اليوم 20 رجب باقي 44 يوم وشكرا

ابن السلطان

2013- 5- 30, 07:34 PM

السؤال هنا الاختبار مقالي او موضوعي

هل نستطيع تاكيد الخبر بان الاختبار موضوعي من اجل الاستمرار في الترم الصيفي ولا راح انسحب :32:

عايش الدور

2013- 5- 31, 12:36 AM

يعني لن تسجل أي مادة في الاجتماع؟.

العضيد والله انه صعبه علي ماسجل مواد في الترم الصيفي ودي اسجل ولا ودي ابي ارتاح لكن الجامعه بعض الاوقات تجبرك تسجل اذا ودك تنتهي من الدراسه بغيت اكتفي بالتدريب الميداني. لكن تذكرت الانقلش راح اتوعق لو ماخذته عموما بوكل امري لله وراح اسجل ماده الانجلش

لرقيب

2013- 5- 31, 12:22 PM

السلام عليكم ارجو من الاخوة والاخوات التساعد في حل اسئلة الانجليزي كتابة لهذا العام بشكل صحيح وشكراً

のя•Fάĵr

2013- 5- 31, 01:25 PM

السلام عليكم ارجو من الاخوة والاخوات التساعد في حل اسئلة الانجليزي كتابة لهذا العام بشكل صحيح وشكراً

وعليكم السلام ورحمه الله وبركااته
محلوله وجاهزه

مانسيتكم يالصيفي :29:

عايش الدور

2013- 5- 31, 06:30 PM

عندي سؤؤال مهم الاساله من ٧٠ سوال ولا ٥٠ سؤال وش اكثر شيء نركز عليه القطع ولا القرمر يعني الي دايم يكثر منها وكيف دكتورها عسى متعاون

のя•Fάĵr

2013- 5- 31, 08:37 PM

عندي سؤؤال مهم الاساله من 70 سوال ولا 50 سؤال وش اكثر شيء نركز عليه القطع ولا القرمر يعني الي دايم يكثر منها وكيف دكتورها عسى متعاون

تحديد اﻻسئله 70-50 د.وليد هو من يوجهنا .
نوعيه اﻻسئله بكل سنه :
قطعتين .
قواعد .
موفق
~♡

ريم 2012

2013- 5- 31, 10:36 PM

بسوي عرس اذا افتكيت من هاالماده الغثيثه على تسبدي :41:

باخذها السمستر القادم بااذن الله الحين فل تعبت وانا اسجل لي ماده اخرى مارضو فل فل

الحمدالله قبلووني بماده وحيده بعد طلعت الروح :42:

موفقين الي سجلهااأأأ:21:

ابولمار2005

2013- 6- 1, 01:27 AM

اتمنى تثبيت الموضوع لانه لايوجد موضوع مثبت يخص الانجليزي كتاية ......:16::16::16:

خالد لقصيم

2013- 6- 1, 02:14 AM

الله يعين صيفي و عريس خلها ع الله :13:

فهـد الشلاحي

2013- 6- 1, 05:33 AM

بالنسبه لي جبت مدرس مصرى لا وبعد اسمه مصطفى سكنته عندي في البيت قلت ماتسافر مصر لين اصير بلبل انجليزي :8:وكل يوم اجيبله فول وكشري وطعميه:39:يعني راح فيها الراتب:41:

خالد لقصيم

2013- 6- 1, 11:14 PM

بالنسبه لي جبت مدرس مصرى لا وبعد اسمه مصطفى سكنته عندي في البيت قلت ماتسافر مصر لين اصير بلبل انجليزي :8:وكل يوم اجيبله فول وكشري وطعميه:39:يعني راح فيها الراتب:41:
الله يعين ع المصريين انا بعد جبت مدرس مصري والله مدري عنه يقول ماتقلقش
وهوو شكله مايدري وين الله حاطه الله يعديها ع خير

のя•Fάĵr

2013- 6- 1, 11:22 PM

^
انا وياكم هنا اشرح لكم الغامض وبتابعكم لاخر لحظه .

فارس الرومانسيه

2013- 6- 1, 11:45 PM

نصيحة فارس:

خلوكم مع الأميرة / فجر

وتركوا عنكم المصري وخسائر الفول لهم

(^_^)

الله ايه ده ،،، ينهار ابيض (*_^)

(( الأميرة فجر ،،، نعمه من رب العالمين ،،، خلوكم معاها وحافظوا عليها ))

الله يعطيك ملايين الملايين من العافيه يالأميرة / فجر

وتسلم الايادي على المساعدات مع الكل في المنتدى

والله يحفظك ويحفظ قلبك اللي ماينسى الخير أبد

وبالتوفيق للجميع في الترم الصيفي

ومسائكم أخضر

تحياتي لكم
أخوكم / فارس

عايش الدور

2013- 6- 1, 11:57 PM

والله تستاهل كل خير خيتي فجررر

ابوقلب

2013- 6- 2, 01:30 AM

الحمد الله قبل مع النظام وسجلت الماده الحين معك وتراني ماخذها مرتين ورسبت فيها ودي اجتازها

وكلها باقي على النجاح درجتين فقط
ابي انجح فيها تكــــــــــــــــــــــــــــــــــــــــــــــــ ــــــــــــــــــــــــــــــــــــــفون هم على قلبي

اخوكم ابوقلب للغدر عنوااااااان

خالد لقصيم

2013- 6- 2, 03:06 AM

^
انا وياكم هنا اشرح لكم الغامض وبتابعكم لاخر لحظه .
ماتقصري فجوره الله يجزاك خير يارب ويوفقك بالدارين الجليزي صعب عندي
م ررره وان شالله حناء معااك :16:

وش رايك دكتورتنا فجر نبي نبدي من الحين الماده مو سهله عليناء
الو عربي كان خوذي والد

のя•Fάĵr

2013- 6- 2, 05:49 AM

ماتقصري فجوره الله يجزاك خير يارب ويوفقك بالدارين الجليزي صعب عندي
م ررره وان شالله حناء معااك :16:

وش رايك دكتورتنا فجر نبي نبدي من الحين الماده مو سهله عليناء
الو عربي كان خوذي والد

وياك .
حاضره للبدء بأي وقت تبونه :15:
، بالعكس الماده ليست غامضه فهي تتحدث عن اساسيات الكتابه باللغه وبعض القطع القصيره
وباﻻضافه لملخص ام يزن اصبحت واضحه وممتعه :119:
دعواتي
~♡

fahad almutairi

2013- 6- 2, 06:03 AM

السسلام عليكم
أسعد الله صباحكم جميعاً:16:

من هو دكتور هالمقرر ؟؟

のя•Fάĵr

2013- 6- 2, 09:58 AM

وعليكم السﻻم ورحمه الله وبركاته
د.وليد فايز

ابوقلب

2013- 6- 2, 10:22 AM

وياك .
حاضره للبدء بأي وقت تبونه :15:
، بالعكس الماده ليست غامضه فهي تتحدث عن اساسيات الكتابه باللغه وبعض القطع القصيره
وباﻻضافه لملخص ام يزن اصبحت واضحه وممتعه :119:
دعواتي
~♡

الله يسعدك في الدنيا والاخره

نبي الملخص والاسئلة واي شي في هالماده

のя•Fάĵr

2013- 6- 2, 10:30 AM

الله يسعدك في الدنيا والاخره

نبي الملخص والاسئلة واي شي في هالماده

وياك .
تفضل طلباتك /
اسئله اﻻختبارات مصححه هنا http://www.ckfu.org/vb/t432080.html
ملخص الماده هنا http://www.ckfu.org/vb/t424226.html
وفقك الله
~♡

سادن كنان

2013- 6- 2, 10:56 AM

fahad almutairi

2013- 6- 2, 02:47 PM

هالمقرر أخذته قبل سنتين ونص تقريباً
عند نفس الدكتور

عندي ملخصات واسئله من ذاك الوقت محتفظ فيها

راح انزلها لكم لعلى وعسسى تفيدكم وخصوصاً الاسئلة

تحياتي وتقديري لكم:16:

のя•Fάĵr

2013- 6- 2, 04:45 PM

^
عساك ع القوه فهد .
اسئله اختبارات د.وليد؟

ŜΆŗ A

2013- 6- 2, 05:10 PM

مساء الخير

لوسمحتم ابي اسئلةالسمستر الى طاف للانجليزي كتابة

لكم شكري وتقديري :2:

al_hawawy

2013- 6- 2, 06:35 PM

الله يسهلها يارب وياليت احد يصحح اسئلة الاختبارات ,,:16:

سعودي طموح

2013- 6- 2, 06:58 PM

وياك .
حاضره للبدء بأي وقت تبونه :15:
، بالعكس الماده ليست غامضه فهي تتحدث عن اساسيات الكتابه باللغه وبعض القطع القصيره
وباﻻضافه لملخص ام يزن اصبحت واضحه وممتعه :119:
دعواتي
~♡

اين هو ملخص ام يزن ؟

fahad almutairi

2013- 6- 2, 07:02 PM

السسلام عليكم

مسأكم رضى وعافيه:16:

هاذي هي الملخصات للدكتور وليد فايز ( قبل سنتين ونصف ) إن شاء الله المحتوى ماتغيير
وإن شاء الله تفيدكم

شرح مبسط + أسئلة:29:

وفالكم التوووفيق:16::16:

のя•Fάĵr

2013- 6- 2, 07:17 PM

الله يسهلها يارب وياليت احد يصحح اسئلة الاختبارات ,,:16:
امين . مصححه وجاهزه .الحمدلله
اين هو ملخص ام يزن ؟

تفضل http://www.ckfu.org/vb/t424226.html
:119:
موفقين
~♡

الأنسه صفاء

2013- 6- 3, 12:29 AM

هنا رابط اسئله الي اختبرناها قبل ٣ اسابيع
http://www.ckfu.org/vb/t455552.html

ركزو على طريقه الدكتور في طرح الاسئله
موفقين

ريميتك

2013- 6- 3, 12:55 AM

بسالكم اﻻسئله بتكون مقاليه وﻻ موضوعيه :(

الأنسه صفاء

2013- 6- 3, 01:08 AM

بسالكم اﻻسئله بتكون مقاليه وﻻ موضوعيه :(

انا قريت في المنتدى الانجليزي موضوعي

ŜΆŗ A

2013- 6- 3, 04:44 PM

مشكوريين ..يعطيكم العافية جميعآآ

يسعدكم ربي :2:

بركاات

2013- 6- 6, 05:44 AM

السلام عليكم ورحمة الله وبركاتة

مشكور اخوي ماجد على حسن الضيافة وبالتوفيق للجميع,,,,,,,,,:16:

ولد حبيل

2013- 6- 6, 08:22 AM

حاولت اسجل في الترم الصيفي مادة إنجليزي كتابة

متى اخر يوم التسجل

のя•Fάĵr

2013- 6- 6, 08:54 AM

حاولت اسجل في الترم الصيفي مادة إنجليزي كتابة

متى اخر يوم التسجل

يارب تتوفق :119:
تفضل هنا المواعيد : http://www.kfu.edu.sa/ar/Deans/E-Learning/Documents/courses_table_page_summery/%D8%A7%D9%84%D8%AA%D9%82%D9%88%D9%8A%D9%85%20%D8%A 7%D9%84%D8%B2%D9%85%D9%86%D9%8A%20%D9%84%D9%84%D9% 81%D8%B5%D9%84%20%D8%A7%D9%84%D8%B5%D9%8A%D9%81%D9 %8A%201433-1434.pdf

الغابه

2013- 6- 6, 10:02 AM

يسعد صباح الجميع /دكتوره فجر اابغى استشيرك في موضوع عندي ممكن لان رايك يهمني كثييييير

のя•Fάĵr

2013- 6- 6, 10:06 AM

يسعد صباح الجميع /دكتوره فجر اابغى استشيرك في موضوع عندي ممكن لان رايك يهمني كثييييير

وصباحج أسعد
مكانج ومطرحج , تفضلي :119: شنو الموضوع ؟

الغابه

2013- 6- 6, 10:21 AM

のя•Fάĵr

2013- 6- 6, 10:46 AM

تسلمين ربي يعطيك الصحه والعافيه يادكتورتنا الغاليه/ الموضوع انا نزلت مواد مستوى ثاني كلها ماعدا التجويد وانشاء الله اني راح اعديها كلها مع اني متخوفه شوي من الاحصاء لكن الله كريم .الزبدة طلع فيه ترم صيفي ويمكن بعد (مشقة :36:)اقدر اسافر ادرسه /الاستشاره انتي بحكم معرفتك وخبرتك تشوفين ان المستوى الصيفي يستاهل اني احاول بكل استطاعتي واسعى جاهده لدراسته لان موضوعه صعب شوي واذا كان رايك مؤيد للدراسه فاي المواد افضل اني انزلها

وياج .
كما أسلفتي ، الله كريم ، ناجحه يارب .
الفصل الصيفي ممتاز لمن يتيسر له ذلك ﻷنه راح يخفف مواد المستويات القادمه :15: بس بالمقابل ﻻيكون على حساب ضرائب اخرى كتحملج لعبء فوق طاقتج او صعوبه اﻻنتقال لمدينه اﻻحساء او ...
قرري اﻵن . . استخيري ربي واحسمي امر الانضمام للصيفي من عدمه ﻻن غدآ هو اخر يوم للتسجيل .
اختيار المواد بعد ان تقرري وتبلغيني :119:
للتنويه ياصديقه :: كلمه ان شاء الله→ تكتب هكذا :21:

كل الأمنيات
~♡

الغابه

2013- 6- 6, 11:02 AM

のя•Fάĵr

2013- 6- 6, 11:34 AM

عذرااا:35:لصعوبة اتخاذ القرار الان لان امري ليس ملكي فقط , لكن راح اتخذ قرار قبل نهاية التسجيل ان شاء الله واذا كان قراري الانضمام راح ارجع لك لان مالنا غنى عنك بعد الله وشااااكره جهودك
ودمتي بصحه وعافيه:16:

تتسهل ﻻتحاتي ..
وبكﻻ الحاﻻت تقبلي اﻷمر ، ان حصل ودرستي الصيفي فشكرآ لله ثم لمن سيساعدج .
وان لم يكتب الله ذلك فالحمدلله ← الخيره فيما اختاره الله .
العفو.

fahad almutairi

2013- 6- 6, 11:36 AM

فجر .. للأسف لا يمكن أرسال رسالة لك:30::30:

am-rian

2013- 6- 7, 02:27 AM

のя•Fάĵr

2013- 6- 7, 06:18 AM

^
وعليكم السلام ورحمه الله وبركاته
الحمدلله .
ابشري بالمساعده الي ترضيج .
بسم الله إبدأي بالتلخيص ومتابعه وياكم انا :119:

فارس الرومانسيه

2013- 6- 7, 06:48 AM

فجر .. للأسف لا يمكن أرسال رسالة لك:30::30:

الأميرة / فجر

مسكينه نزلوها من الاشراف

علشان هيك محد يقدر يرسل لها

المفروض الإدارة تفتح لها خاصية الرسائل الخاصة

أميرتنا غالية على قلوبنا كثير كثير كثير

أتمنى يتعاملوا معاها معاملة خاصة تقديراً لجهودها وإبداعها

للإبداع معاملة خاصة

ربي يحفظها ،،، ماأوصيكم عليها

فارس الرومانسيه

2013- 6- 7, 06:52 AM

السلام عليكم ورحمة الله وبركاته
اتمنى تكونون بافضل حال
خواتي واخواني في الله اليوم نزلت اول محاضره للماده اتمنى تفيدونا فيها يعني نبداء من الحين مذاكره تخيلو ان الاختبار بكره يعني خلونا نذاكرها كامله ونذكره اهم شي ذكر فيها
ودكتورتنا الغاليه ياليت تساعدينى
وجزاكم الله خير الجزاء
:16:

خلوكم مع الأميرة / فجر

وهي ماراح تقصر معاكم

دمها وعروقها >>> (( حب الخير للجميع ))

أهتموا فيها ،،، ترى تستاهل كل خير

وكل مبدع مثلها يستحق الاحترام والتقدير والاهتمام

بالتوفيق للجميع يارب

فارس الرومانسيه

2013- 6- 7, 06:55 AM

^
وعليكم السلام ورحمه الله وبركاته
الحمدلله .
ابشري بالمساعده الي ترضيج .
بسم الله إبدأي بالتلخيص ومتابعه وياكم انا :119:

أميرتنا الغالية / فجر

تسلم الايادي الجميلة على المساعدة وطرح الشروحات والتوضيحات الرائعه منك

والله يعطيك ملاييين الملاييين من العافيه ويجعلك من أهل الجنه ويرزقك كل خير

ماراح أنساك من الدعاء في شهر رمضان المبارك يالأميرة / فجر

الله يحفظك وين ماكنتي

تحياتي لك
أخوك / فارس

الأنسه صفاء

2013- 6- 7, 08:31 AM

السلام عليكم ورحمة الله وبركاته
اتمنى تكونون بافضل حال
خواتي واخواني في الله اليوم نزلت اول محاضره للماده اتمنى تفيدونا فيها يعني نبداء من الحين مذاكره تخيلو ان الاختبار بكره يعني خلونا نذاكرها كامله ونذكره اهم شي ذكر فيها
ودكتورتنا الغاليه ياليت تساعدينى
وجزاكم الله خير الجزاء
:16:

وعليكم السلام ورحمة الله وبركاته
اختي ذاكريها من الان رمضان قريب
وما اظن في وقت كثير
ابدئي ونحن معك

الأنسه صفاء

2013- 6- 7, 08:33 AM

الأميرة / فجر

مسكينه نزلوها من الاشراف

علشان هيك محد يقدر يرسل لها

المفروض الإدارة تفتح لها خاصية الرسائل الخاصة

أميرتنا غالية على قلوبنا كثير كثير كثير

أتمنى يتعاملوا معاها معاملة خاصة تقديراً لجهودها وإبداعها

للإبداع معاملة خاصة

ربي يحفظها ،،، ماأوصيكم عليها

اعذرني اخي على كلمة مسكينه
فجر ليست مسكينه لانها نالت دعوات بظهر الغيب لها من كل من ساعدته
انما المسكين من فقد هذي الجوهره الغاليه
فجر ستبقى دوما مشرفتنا المتميزه
لها كل الشكر والتقدير:16:

am-rian

2013- 6- 7, 10:54 AM

^
وعليكم السلام ورحمه الله وبركاته
الحمدلله .
ابشري بالمساعده الي ترضيج .
بسم الله إبدأي بالتلخيص ومتابعه وياكم انا :119:

بعدعمري والله فجر
الله يخليك لنا ولا يحرمنا منك يا الغاليه الله يوفقك دنيا واخره ويرزقك الفردوس بلاعذاب ولا ساربق حساب ووالدينك الي خلفوك
:43::43::43:
:16::16::16:

のя•Fάĵr

2013- 6- 7, 11:23 AM

بعدعمري والله فجر
الله يخليك لنا ولا يحرمنا منك يا الغاليه الله يوفقك دنيا واخره ويرزقك الفردوس بلاعذاب ولا ساربق حساب ووالدينك الي خلفوك
:43::43::43:
:16::16::16:

امين .
طبعتي الملخص ؟ :119:

am-rian

2013- 6- 7, 03:06 PM

امين .
طبعتي الملخص ؟ :119:

ايه حبيتي طبعة وخلاص منذ بدري :42:
:16::16:

الجلاد

2013- 6- 8, 02:57 AM

أفا

أثركم متجمعين

وانا تحت ما غير تعرف عايض وتعرف بنجلادش !

أهلا بأصدقائي الصدوقين

والله مشوار أقرى 200 رد :40:

ودي أستفيد من رد كل شخص لأني شايل هم الماده !

على العموم وش عندكم من علوم واخبار

وش الملخص الكويس وش نصايحكم وارائكم

のя•Fάĵr

2013- 6- 8, 03:06 AM

^
حياك الله
اقرأ ثالث رد بأول مشاركه لي بهالموضوع :21:
وفقك المولى
~♡

ابومحمد2

2013- 6- 8, 05:34 PM

يارب توفقني وياهم

ابغاء خدمة من احدكم

رقم مدرس عنجليزي�� ضروري جدا صاحبكم ميح بهالماده بس القدر حطها بطريقي

الله يوفقكم ابغا شخص مجرب من قبل مو من قوقل

ابومحمد2

2013- 6- 8, 05:37 PM

الاخت الاميره فجر هنيئاً لك هذه الدعوات الطيبه وهذا يدل ع روحك المعطيه للغير
ربي يزيدك عطاء ويوقنا واياك للخير

のя•Fάĵr

2013- 6- 8, 06:19 PM

يارب توفقني وياهم

ابغاء خدمة من احدكم

رقم مدرس عنجليزي�� ضروري جدا صاحبكم ميح بهالماده بس القدر حطها بطريقي

الله يوفقكم ابغا شخص مجرب من قبل مو من قوقل

امين يارب .
ابشر ، بس انت بأي مدينه ؟ حتى نقدر نساعدك .
وانا متواجده هنا لخدمتكم بالماده لو واجهت اي صعوبه بفهمها ، ﻻتتردد بسؤالي .
ودي
~♡

ابومحمد2

2013- 6- 8, 09:16 PM

امين يارب .
ابشر ، بس انت بأي مدينه ؟ حتى نقدر نساعدك .
وانا متواجده هنا لخدمتكم بالماده لو واجهت اي صعوبه بفهمها ، ﻻتتردد بسؤالي .
ودي
~♡
شكرا للطفك في مدينة الرياض

のя•Fάĵr

2013- 6- 8, 09:42 PM

^
حاضر .
الحمدلله عندي ، بس أتأكد زود ، واعطيك عناوينهم .
~♡

meme44

2013- 6- 8, 09:43 PM

حبيباتي كيفكم نزلت المحاظرات والا لسى مابدت الدراسه لان بمشي دبي ابغا اعرف متى تبدي شاكره لكم:16:

のя•Fάĵr

2013- 6- 8, 09:49 PM

^
أهﻵ .
نعم بدأت .
رحله & دراسه صيفيه ممتعه اتمناها لج :119:
~♡

عنود الصيد55

2013- 6- 8, 09:51 PM

انا اخذت المادة والله يستر لاني مااعرف شي في الانجليز :39:

のя•Fάĵr

2013- 6- 8, 10:36 PM

وايد بسيطه وممتعه , ﻻتحاتين .
بس اجتهدي من اﻵن , تتحدث حول اساسيات الكتابه باللغه اﻻنجليزيه .
موفقه
~♡

االمتفائله

2013- 6- 8, 11:01 PM

الله يوفقنا يارب ويسهل علينا يارب:1:

am-rian

2013- 6- 9, 02:00 PM

اهلين اختي عنود الصيد 55
بكل صراحه ياختي انا احب الانجليزي وكنت دايم اقول صعب صعب وخايفه منه بس بعد ما كتسبت اثقه من اخواني وخواتي في هذا الملتقى الجميل وعزمت وتوكلت على ربي وقلت لازم احقق حلمي واتخصص انجليزي وحطيت في بااااااالي وهذي اهم نقطه انه سهل وبديت اقراء واسمه كلام انجليزي حسيت ان ادعوه سهلات يعني حنا نقدر نصعب الشي ونقدر نسهله اهم شي الواحد يتوكل على ربي وثني شي يحط في باله انه شي سهل وانه يقدر عليه لان غيره مو احسن منه
يارب يارب يامن اخرجت يونس من بطن الحوت وابراهيم من النار وموسى من البحر ان تسااااعدني واخواني وخواتي المسلمين وتحقق رغبتنا
:16::16::16:

سادن كنان

2013- 6- 17, 09:08 PM

http://im38.gulfup.com/mvOZG.jpg

majed.

2013- 6- 17, 09:11 PM

الله يوفقنا جميعا ..

والله ماني عارف من وين ابتدي .....؟:31:

الله يستر بس :12:

ر يا ن

2013- 6- 18, 01:00 PM

الله يوفقنا واياكم

سعودي طموح

2013- 6- 19, 01:00 AM

اريد حل الواجب الاول لمادة الانجليزي كتابة ؟

のя•Fάĵr

2013- 6- 19, 01:09 AM

هنا الواجبات
http://www.ckfu.org/vb/t467474.html
موفق
~♡

فارس الرومانسيه

2013- 6- 19, 01:36 AM

هنا الواجبات
http://www.ckfu.org/vb/t467474.html
موفق
~♡

الاميرة/ فجر

الله يعطيك ملايين الملايين من العافية

شوفي عاد لون هالبرتقالي اوكى في الاجازة

علشان من نشوف لونك البرتقالي نروح ناخذ

من الثلاجة برتقالة وناكلها (*_^)

ترى مفيد البرتقال بعد الغداء ناكلها (^_^) هم هم

لكن مع بداية الترم القادم ان شاء الله نشوفك بفستانك الوردي

عسى أيامك كلها وردي في وردي

وصيفك برتقالي في برتقالي علشان تذكري البرتقالة وتاكليها (^_^)

بالعافيه على كل شخص ياكل برتقالة (^_^)

بالتوفيق للجميع يارب

ومسائكم أخضر

تحياتي لكم
أخوكم / فارس

••ريــــم••

2013- 6- 19, 03:26 AM

الله يجزاك خير يادكتوره فجر
وربي يسعدك ويسهل عليك كل امورك
:16:

ام لجين 2009

2013- 6- 19, 04:13 AM

السلام عليكم
الحين خلاص نعتمد ملخص ام يزن؟
وهل موجود الملخص في المكتبه والا لا
ماودي اطبع:9:

のя•Fάĵr

2013- 6- 19, 05:41 AM

السلام عليكم
الحين خلاص نعتمد ملخص ام يزن؟
وهل موجود الملخص في المكتبه والا لا
ماودي اطبع:9:

وعليكم السلام ورحمه الله وبركاته
نعم توكلي ع الله واعتمديه :21:
اي مكتبه تقصدي؟