(الأقتصاد الجزئي = لحسة مخ) المؤيد يدخل ويعطينا أنطباعاته

[salem alqahtani]

أخواني وأخواتي والله ما بي أحبطكم لكن هالمادة أكتشفت انه يبيلها مذاكرة جدية لاتقل المدة عن شهرين حتى تقدر تفهمها ما ينفع يومين ولا ثلاثة وهذا مافعلته ذاكرت لكن أحساسي أني جايب العيد جايبه وراح أحمل هالمادة وصدقوني اني ما ني زعلان لأني أستاهل ووالله مو بيدي عندي عمل صعب شوي يحتاج لتواجدي فيه اغلب الوقت فوق كذا الأهل والعيال مره ما فيه وقت وتفرغت فقط وقت الأختبارات وبالقوة بعد والصياح (الوالد الله يهديه من مدراء الطراز القديم شيبان أول) مهما كان عندك لازم تحضر وبدري والاجازة الجمعة بس وين القى وقت أذاكر الله يكون بعوني ومن هو في مثل وضعي.

لذلك أنصح من قلبي من سيحمل هذه المادة أن يذاكرها أول بأول وانا أولكم سأطبق هذا الأمر من الترم القادم

مع تمنياتي لكم جميعا بالتوفيق والنجاح

[خلود الشهري]

والله ياخوي انت صادق
انا حاملتها والي الحين احاول افهم مو قادره
مع انه كان ناقصني درجه على النجاح بس ربي ماكتب

وشكلي بحملها هالترم لاني دوبني افكر اذاكر وتوني استوعب المسائل والسوالف الصعبه هذي :12:

الله يسهل علينا ويوفق الجميع

[ام القمل]

لا لا لا تكفون لاتصرعوني لحالي قاضيه

والله اني كنت احضر المحاضرات بشكل تدريجي من اول الترم وحاولت اراجع قبل بداية الاختبارات بفترة ومع ذالك مااااش بس ان شاء الله بنجح لو على الحافه
بس جد الماده تجيب العله
الله يوفق الجميع

[سفير المشاعر]

وكلوا امركم لله وان شاء الله ربي يسهل المادة علينا جميعاً ونعديها بإذن الله تعالى

[nouraalwdaani]

انا لله و انا اليه راجعون
تعوذو من أبليس و بلا تشأوم
لا أن شاء الله نعديهااا
بأذن الله و قوةً منه
قدامكم ( 11 ) ساااعه
طبقووو المذاكررره و كلااام الدكتور
ع حياتكم اليوميه
و أن شاء الله بنفلح :27:
يآآآ رب
( أنا عند حسن ظن عبدي بي )

ررربي يوفقنااا و يسعدنااا يآآآ رب :1: ...

[نورالدوادمي]

تعوذ من بليس اذا واحد قال انا حامل الماده
خلاص تجي عندك سلبيه انك مو مذاكر او احل ب اختبار
طيب وش رايك باللى توها تذاكر الماده انا والله امشي على الاسئله الاختبارت
وبس وشوله اسوي زحمه لمخي هههههههه
ب توفيق

[sul6an me]

ياحماعه معكم 20 سوال راح يحيبهآ بالاختبار اللي هي أسئله المراجعه 28 درجه ان شاء الله وعندكم الاسئله محلوله واكيد بيجي منهآ :: وعلى مراجعتكم ان شاء الله أجوبون خلنا نقول 10 اسئله واجوبه الحظ 5
ودرجه المشاركه إيضآ .. كذآ تمام :21: معكم 6 ساعات

[لطموحي حكاية]

طيب ليه ما تذاكر أسئلة الأعوام اللي راحت ممكن تضمن لك درجة النجاح على الأقل
توكل على الله و أترك التشاؤم عنك , أنا أنلحس مخي أكثر منك بس نقول إن شاء الله نعدي على خير

[sul6an me]

أدخلو على الرابط وحلو لين تجيبون على كل الاسئله صح واهم شي أحفظوهآ مهمه الاسئله .. الله يجزئ اخوانا ابو نايف 1420 ارسلها لي وستفدت من الكويز


كويزات برطم النمله

http://www.ckfu.org/vb/quiz.php?u=132361

[nouraalwdaani]

سلطااان جعلني قبلك
وش هي الاسئلة بالضبط
و إيذا تقدررر تنزلهااا
طلبتك نزليهااا و لا عليك آمررر
أنتظرك :1: ...

[e6allee]

شهرين مره وحده
اسبوع كافي
المشكله احنا ما نركز بالمذاكره

افضل طريقه للمذاكره

اول شي اقراى خل مخك يتعود على الماده سوا له فرشه
مر مرور الكرام كانك تتصفح جريده

ثم ارجع ذاكر بقرائه مركزه بدون حفظ حاول تفهم وتميز بين المواضيع

ثم اديها مذاكره
يعني 3 ايام كافيه جد
خصوصا انه في 12 محاظره فقط
يعني بيمديك تجاوب على 20 سؤال ان شاء الله

[آدّميرَآل؛<]

الله يعينكم على تفكيركم روحو ذاكرو بدال ماتجلسسو تتفلسفو تخلو حتى الي مذاكر زين يقول خلاص انا بحمل المادة من ورا كلامكم الي ماله داعي ...

المادة سسهلة جدآ للي ذاكر بسس شدو حيلكم وبتعدو انشالله

موفقيينّ يَ رب :33: :1:

[ابونايف1420]

بالعكس الماده حلوه ولا هي بالصعوبه اللي انتم مصورينها

وبعدين الله يهديكم هذي مواضيع تكتب في مث هالوقت ؟؟

اخوانكم الان يذاكرون والاختبار اليوم !!! منطقياً ماله داعي هالكلام في هالوقت

تببون احباط لغيركم




ترى باقي وقت احفظوا اللي بالمرفقات وان شاءالله تعدون الماده بإذن الله

[nouraalwdaani]

^ أبو نايف
جعل عيني ما تبتسيك يآآآ الغااالي
بيض الله وجهك و جعلك أووول
:1: ...

[آدّميرَآل؛<]

:42:

[nouraalwdaani]

^
:30:

[أبو حكم]

أنا من قبل تبدأ الاختبارات وأنا خايف من الماده ..والظاهر لو يقولون لي خذ ورقة الأسئله وروح بيتكم ولاتجيبها الا يوم السبت محلوله برضو ماراح احل .

[ابونايف1420]

^ أبو نايف
جعل عيني ما تبتسيك يآآآ الغااالي
بيض الله وجهك و جعلك أووول
:1: ...

الله يجزاك خير

بالنسبه لحل الاختبار اللي بالملف الاخير فيه اجابات غير صحيحه
لكن من الملف الاول والثاني صحيح وتقدري تعرفي حل الاختبار الاخير


موفقه وفالك a+

[آدّميرَآل؛<]

^ :28:

[ابونايف1420]

أنا من قبل تبدأ الاختبارات وأنا خايف من الماده ..والظاهر لو يقولون لي خذ ورقة الأسئله وروح بيتكم ولاتجيبها الا يوم السبت محلوله برضو ماراح احل .


افاااا وليه هالتشائم

اذكر الله واعرف ان الاختبار هذا اخر اختبار بالترم وبتطلع ان شاءالله وانت مبسوط

بس مثل ماذكرت راجع هالملفات وادع لي

[ساره ال جابر]

شوفوا اسسئلة المراجعه كلها راح تجي اللي عليكم تحفظون كم سؤال من اسئلة الاختبار اللي راح

[khaled_26]

ِكلي ببدا باختيار >>حقره بقره....ههههههه ووالله مقفل ذا المخ

[salem alqahtani]

هههههههههههههههههههههههههههههههههههههههههههههههههه ههههههههههههههههههه
تدرون وش صار لي اليوم بجامعة الملك عبدالعزيز المبنى91 جاي مكيم وخذيتلي كم مطب لأني تأخرت أم العيال الله يهديها تحسب الأختبار بكرة ولا قومتني من النوم الا مع آذان المغرب المهم دخلت المبنى لقيت واحد يقولي ايش اختبارك من الخمه قلتله (قانون) جلس يدور في الورقة الي معه قال ياخي ما في قانون فيه كذا وكذا وكذا واقتصاد جزئي قلت لا قانون قال خذ الورقة وشوف أخذت الورقة تفحصتها مرتين في الثالثة تذكرت انه أختبار اقتصاد جزئي
المهم أختبرت والله يعديها رغم ان الأسئلة والأجابات فيها شطحات تلحس المخ

أتمنى من الله للجميع التوفيق وسامحوني

[آلعبير]

هههههههههههههههههههههههههههههههههههههههههههههههههه ههههههههههههههههههه
تدرون وش صار لي اليوم بجامعة الملك عبدالعزيز المبنى91 جاي مكيم وخذيتلي كم مطب لأني تأخرت أم العيال الله يهديها تحسب الأختبار بكرة ولا قومتني من النوم الا مع آذان المغرب المهم دخلت المبنى لقيت واحد يقولي ايش اختبارك من الخمه قلتله (قانون) جلس يدور في الورقة الي معه قال ياخي ما في قانون فيه كذا وكذا وكذا واقتصاد جزئي قلت لا قانون قال خذ الورقة وشوف أخذت الورقة تفحصتها مرتين في الثالثة تذكرت انه أختبار اقتصاد جزئي
المهم أختبرت والله يعديها رغم ان الأسئلة والأجابات فيها شطحات تلحس المخ

أتمنى من الله للجميع التوفيق وسامحوني

هههههههههههههههههههههههههههههههههههههه
آلله يستر عليك :5:
إن شاء الله تعدي :2: