فزعتكم انا غياب اربع مواد ما اختبرتها معكم وش الحل

[yahya]

بسم الله الرحمن الرحيم


حبايبي ما ابي اطول عليكم انا اختبرت معكم النظم و الاداره العامه ويوم السبت الي هو اختبار اداره عامه تنومت في المستشفى وقرروا الاطباء اجراء عمليه جراحيه لي بالركبه ( قطع في الرباط الصليبي الامامي ) وحاولت تاجيلها اسبوع رفضو وقالوا لو تتاجل ممكن ماراح تسويها الا بعد سنه .
وكلت امري لله وقلت بسويها مع العلم ان الاصابه لها 3سنوات وما جاني السراء في العمليه الافي الاختبارات سويتها الثلاثا الي هو يوم اختبار اداره المعرفه وتكللت بالنجاح ولله الحمد وكتبولي خروج يوم السبت وحاولت اراسل الجامعه عجزت اعرف اراسلها
والمشكله ان الدكتور اعطاني اجازه 3 اشهر بس لجنه التقارير الطبيه رفضوا ويقولون لازم تجيب خطاب من عملك او من الجامعه .......
كيف اخلي الجامعه تخاطب المستشفى الشميسي



تكفوووون الي عنده خلفيه في المواضيع هذي يسعفني وانا والله متورط لا اقدر امشي ولا شي وما اعرف طرق التواصل مع الجامعه .



تمنياتي لكم بالتوفيق والنجاح

[أبـو سعيد]

أولاً الحمد لله على السلامة ، أجر وعافية إن شاء الله وزال الشر ،

الله يعينك تنتظر حتى يتم فتح أيقونة الأعذار للمتغيبين بالخدمات الطلابية وترفق تقاريرك الطبية وإن شاء الله إنها محلوله عذرك شرعي ولا يحتاج قلق .

وبالتوفيق ، ، ،

[saad.m633]

ارفق التقارير واموك طيبه

[الد11هيه]

تتواصل مع العمادة راح يعطونك خطاب موجه للمستشفى

بناءً عليه المستشفى يعطيك التقارير وترفقها في الايقونة الموجودة بالخدمات الطلابية

[bader358]

الحمدلله على السلامة


لما تفتح ايقونة الأعذار ( بعد اسبوع تقريباً) ارفع اوراقك وراح يقبلونها.

اهم شي تأكد من الختم على التقرير الطبي والإجازة المرضية.


ولو تقدر تخليهم يكتبون خطاب خاص للجامعة وترفقه يكون زين على زين


بالتوفيق

[yahya]

لبى قلوبكم كلكم

انا المشكله المستشفى مو راضي يعطيني التقارير الطبيه والاجازة الابخطاب من الجامعه كيف احصل على خطاب



والي قد اخذ اجازه زي كذا يمكن عنده خلفيه

[al_atta]

الحمد لله على السلامة

[ربي احسن مثواي]

الله يفرج عليك

[arij]

الحمد لله على سلامتك

قدم عذرك للجامعة لما تفتح الايقونة ولو ما قبلت الجامعة العذر فبصراحة اهم صحتك ولا تشيل هم الامر:29:

[X_5]

لبى قلوبكم كلكم

انا المشكله المستشفى مو راضي يعطيني التقارير الطبيه والاجازة الابخطاب من الجامعه كيف احصل على خطاب



والي قد اخذ اجازه زي كذا يمكن عنده خلفيه

على الاقل اطلب منهم خطاب رسمي انك دخلت المستشفى بتاريخ كذا وطلعت بتاريخ كذا

والحمد لله على السلامه

شكلك تلعب كوره مع ناس دفشه :42:

[ǺĽ ẕeeห]

سلامتك اخوي "
اطلب من المستشفى اي شي يثبت انك مسوي هالعمليه وارفقه بالأيقونه الي بالخدمات الطلابيه الخاصه للمتغيبين بعذر "

المستشفى لازم تعطيك بعد شلون ما يعطونك ؟
لازم اثبات "

واذا هم يبغون اثبات على انك طالب بجامعه فيصل اطبع - شهاده التعريف - الي بالخدمات الطلابيه "
وعطيهم اياها و خليهم يعطونك العذر ب التاريخ من دخلت لين طلعت "

عشان يرجعون ينزلون لك المواد بدون رسوم الترم الجاي "
موفق خيووو "

واي خدمه كلنا تحت امرك "