أبشروا بالخير مستوى رابع وضعكم رائع. تغريدة د. الفريدان

[abu mohannad]

@alfraidan: لطلبة الاحصاء
ان كان د. النجار وهو استاذ المقرر بنفسه قال لكم ابشروا بالخير
فنحن نثني بالعمادة على ذلك ونقول ابشروا كذلك بالخير

:21:

[ابو اسير]

اللة يبشرك بالخير ونبغى ضغط زيادة عليهم

[سلطااان الشمري]

كثر الدق يفك اللحام وفكه محنا فاكينهم

[مجنونهmeshoo]

الله. يسهلها. وحنا. ماننكر. فضل. الدكتور. النجار. معنا الترم. الي. فات. اغلبنا. جاب a في. مادته.
يمكن. يكون. غلط منه. او. من. غيره. مافي. انسان. مايغلط. الي. اختبرنا. دكتور. موو ملك. من. الملائكه.
امس اغلب. الطلبه والطالبات. تهججموو عليه في. الدعاء وعلى. اهله. وهذا. غلط. لازم. ناخذ. الامور. بحكمه
وعقلانيه. اكثر. لاننا. موو صغار. اغلبنا. تعدا. العشرين. والثلاثين. ويمكن. في. اكثر. حنا اصحاب. حق. والجامعه
تدري. وهو. الرجال. اعترف. بغلطه. واكبر. دليل. ردروه فمن. هذا. احب. اقولكم. الصبر. والركاده. واخذ الامور بالهدوء
عشان. مايضيع. حقنا اتمنى. ماتزعلون. من. كلامي. بس هذا. الي. مفروض. نسويه
عسى. ربي. مايضيع. حقنا. جميع وان شاء الله. كلنا. ناجحين. وبمعدل. مرضي. لجميع
وبذكركم. بهذا الشي
:2:

[هيرو القحطاني]

ياعيال ويابنات لايسكتونكم بالكلام هذا يبون السالفه تبرد نبي شي اكيد ورسمي

[امونه 22]

صور الكلام لاهنت بشوفه

[abood_k]

طيب ومتى النتائج ومتى نشوف الخير ؟

[abu mohannad]

رد د الفريدان على احد الطلبة:

@alfraidan: @NAO*****OCPA بعيد الشر عليك وعقبال ماتنفتح اسارير قلبك بالدرجات الي كنت تسعى لها
:21:

[abu mohannad]

هذا معرفه ع تويتر
الدكتور الفريدان
@alfraidan

وما قال هالكلام الا انه اقتنع ان الطلبه ع حق ومظلومين
الله يدلهم لكل خير

[هيرو القحطاني]

يارب يكون كلامه صحيح بس ياعيال لابد نشوف شي وتعرفون متى وقت النتايج بعد اسبوعين يكون كل واحد بديره ثانيه والا مسافر والا ماهو فاضي نبي نشوف شي رسمي مانبي كلام بالهوى تكفون لايحسونكم ورب ي اني متابع من اول السنه الى اخر السنه واخر شي تعبنا ضاع سدى محاضرت متكونه من جزاين وكل امحاضره لا تقل عن ساعه وقبل لاختبار والله لو احسها مذاكره يوم واحد عشرين ساعه واخر لو نجحنا بننجح عالحفه علشان اهمال دكتور بالاسئله واهمال مراقبين الاسئله

[مجنونهmeshoo]

كانه. يقول صاحب. الحساب. لدكتور. ليش. تكرر الاسئله.
ياناس. هذولي. وش. يبون

[abu mohannad]

صور الكلام لاهنت بشوفه

هذي فيها قبايل
يعني اخترع من راسي :42:
امزح
ههههههههههه
ع حسابه
@alfraidan

[هيرو القحطاني]

يالربع فيه اسم دكتور هنا اسمهdr.qm4buz مادخل هنا الا هو يحب يساعد الطلاب نبي منه الله يعطيه العافيه يشوف لنا حل على اللي صار لنا امس

[alsaad.a.m]

لازم يكون الكلام رسمي
هذي التغريدات عالتويتر تهدئه وتخدير عشان يقفلون عالموضوع لأن التويتر مكشوف لكل الناس ومايبون شي يطلع ..
انا ما اقتنع الا بشي رسمي
وسلامتكم ..

[s.alman]

ردوا على تغريدته وكل واحد يطلب تعويضنا درجات عن الاسئلة التي من خارج
المنهج خصوصا اسئلة الاحصاء الاجتماعي والاحصاء في الادارة

[مجنونهmeshoo]

خلاص. حولوا. لتويتر. و كل. واحد ووحده. ترسل. رساله. ورو. رساله. ازعجوا. يناس.حقنا. بيضيع. كذا. الكل. امس. يطق. واليوم. الكل. نام
رساله. محترمه لدكتور. فيها. دعوه. وكلام. لبق صدقوني. يبلين. قلبه. علينا

[هادئه وملسونه]

:13:وناسه بننحج بالماده لانه الغلط منهم:14: وهياااه

[abu mohannad]

خلاص. حولوا. لتويتر. و كل. واحد ووحده. ترسل. رساله. ورو. رساله. ازعجوا. يناس.حقنا. بيضيع. كذا. الكل. امس. يطق. واليوم. الكل. نام
رساله. محترمه لدكتور. فيها. دعوه. وكلام. لبق صدقوني. يبلين. قلبه. علينا





وهذي رسالتي

@tc***o11: @alfraidan
د. عبدالله ترا طلبة الانتساب محتفلين بكلامك
تكفى خل الأفراح تتم،ولا أوصيك بالعليا
(والله في عون العبد ماكان العبد في عون أخيه )

[هيرو القحطاني]

الدكتور ياخويتي طلع من السالفه الاسئله اللحين واللي يقدر يسوي شي هو وكيل القسم والاالشعيبي او الفريدان اما الدكتور بس تخدير وماراح يعترف علشان مستقبله وانا احلف ومتاكد لو سكتنا تشوف نص العالم راسبين لانهم راح يستفيدوون من هالشي حوالي 1000 ارسل اعتراض وانا اتوقع اكثر غير اللي مايعرف واضربيها في495 ريال يطلع مبلغ خيالي عدد اصفاره ست واكثر وهم يبون كذا حسبنا الله ونعم الوكيل بس وربي لاسوي اقدر عليه والله ماسكت حتى اشوف شي رسمي

[abu mohannad]

الدكتور ياخويتي طلع من السالفه الاسئله اللحين واللي يقدر يسوي شي هو وكيل القسم والاالشعيبي او الفريدان اما الدكتور بس تخدير وماراح يعترف علشان مستقبله وانا احلف ومتاكد لو سكتنا تشوف نص العالم راسبين لانهم راح يستفيدوون من هالشي حوالي 1000 ارسل اعتراض وانا اتوقع اكثر غير اللي مايعرف واضربيها في495 ريال يطلع مبلغ خيالي عدد اصفاره ست واكثر وهم يبون كذا حسبنا الله ونعم الوكيل بس وربي لاسوي اقدر عليه والله ماسكت حتى اشوف شي رسمي



تفائلوا بالخير تجدوه :13:

[~ميريام~]

انا ماصدق احس يبووون يسكتونه بس

[yooosef15]

خلاص ياجماعة .. من الواضح جدا إنهم كرام أبناء كرام ... ويكفي أنهم تجاوبوا معنا والا والله يسحبون وعادي عندهم ولهم مليون عذر ... الله يوفقهم

شكرا الدكتور الفريدان :1:

شكرا الدكتور النجار :1:

[مجنونهmeshoo]

الله. لايضيع. لنا. تعب. انا. بعمري. ماقد رسبت. ولله. الحمد في. اي. مرحله. من. مراحل. التعليم. بس. وش. اقول.
الله يسترر ويلطف. فينا. منها.

[abu mohannad]

تويتر يوصل رسالتك للدكتور الفريدان والدكتور نجار

مناقشات راقية فلن تصل الرسالة بالصراخ
والكلام الطيب يخدم القضية
فكل له نفس تسعد بالطيب من القول
وتشمئز من التعدي في القول واللفظ
تحياتي للجميع
:16:

[قرية غاشرة]

الله يسرها

[New LiFe]

مطالباتنا امس واليوم اثبتت كم حاجه

اولها ان النجار عرف ان الطلاب ماعجبتهم ابدا الاسئلة
ثانيها ان العماده وصل لها الخبر وكونت لجان لدراسة الموضوع
ثالثها ردة فعل العماده مبشرة بالخير

لحد هنا وصلنا لمرحلة جديده.. خلصنا من الشكوى والمطالبه وباقي نشوف
ردة فعل عملية من الجامعه لان كل اللي موجود مجرد كلام

[محمد بن احمد بن]

فيهم الخير والبركه وما يقصرون وان شاء اللة في موازين اعمالهم .... ويفرج لهم مثل ما يفرجون لنا
وشكراً ( ولو خليت خربت )

[wadeiba]

مطالباتنا امس واليوم اثبتت كم حاجه

اولها ان النجار عرف ان الطلاب ماعجبتهم ابدا الاسئلة
ثانيها ان العماده وصل لها الخبر وكونت لجان لدراسة الموضوع
ثالثها ردة فعل العماده مبشرة بالخير

لحد هنا وصلنا لمرحلة جديده.. خلصنا من الشكوى والمطالبه وباقي نشوف
ردة فعل عملية من الجامعه لان كل اللي موجود مجرد كلام


ردة الفعل ستراها في النتائج النهائية (ناجح في المقرر) ان شاء الله

[أطمح للقمةة]

مهما قالوا ماراح نسكت وناكل حبة المهدأ اللي يعطونا اياها ع اساس ننسى الموضوع
بنضل نزن نزن زي النحلة مو المثل يقول " كثر الدق يفك اللحام "
ومثل مصري يقول " الزن في الودان امر من السحر " :42:
يا احنا يالنجار :35: سكتنا كثير وراحت علينا درجات هالمرة لم ولن نسكت :19:

[RMA]

الله يبشرك بالخير

[دمعة المشتاق]

شوفو يا جماعة الخير اتوقع ان الكل عارف ان الطلاب و الطالبات ثايرين على الجامعه فيبون يهدونهم بالكلام و ابشرووو وما ادري ايش؟؟
المهم لاحد يوقف الكل يستمر في الشكاوي و المطالبه بحقنا
اتمنى الكل لا يتطمن ويسكت عشان حبة باندول قالها الفردان
ولا النجار
الكل يبقى كما هو مستنفر الى ان نحصل عل شي رسمي من اعماااده :21:
و الله يبشرنا بما يسرنا يااارب :14:

[سلطان الخالدي]

نبغى نجاح بمعدل ممتاز مو يعطونا d ويقولون نجحناكم


يخسفون بمعدلاتنا حسبي الله ونعم الوكيل

[B7R]

مافهمت ايش راح يصير راح ينعاد الاختبار ولا بيعطينا درجات عاليه!!!!!!!!!!!!!!!!!!!!!!!!!!!!!!!!

[أبو رفعه]

وش الحل الحين

[abu mohannad]

مع ان لا ناقة لي فيها ولا جمل!

ومودع الانتساب عن قرب ان شاء الله لفرصة افضل #دعواتكم
بس اعتقد لازم نسوي هالاشياء للاحتجاج على الخطأ
١ إيقونة تقييم الاختبار
٢ رسالة تويتر او ايميل للنجار والفريدان بكل لطف وكلمة طيبة
تحياتي
:4::16:

[نجلاء123]

ايي ابشروا بالخير وابشروا بالخير واخرتها حاملين المادة هذي تسكيتة لنا وش تتوقعون بقولكم

لا ساقطين معليش مانقدر نحل مشكلتكم !!

[بجيك]

كلمه ابشرو بالخير ما توكل عيش. يااخوان

نبي شي رسمي مو كلمه ابشرو بالخير

وين قاعدين بجلسه ولا استراحه يوم يقول النجار والفريدان يرفع له

نبي تصريح رسمي من موقع العماده ولا كلام تويتر ما تقدر تمسك عليهم شي :23::20:

[faisal38]

الله يكتب اللي فيه الخيررر

كانه صدق

انا حال عشر اساله وسته يعطونا عليها صح

يعني 16 يبقالي 7

ميه بالميه يطلعون من نظام شختك بختك

خوش وناسه والله لايذكر هالماده بالخير

[الطرقــي]

اخواني صحيح ان مو كل كلمه تسكتنا

ومو اي شي يقنعنا لكن ايضاً في شي يسمونه

احترام وصبر يعني مانسكت لكن نتكلم بواقع

وبكلام مرتب ومنسق ومقنع ومحترم لاننا

أناس متفهمين ومؤدبين ومتعلمين

والله يكتب اللي فيه الخير لاني بصراحه

كذا مره ارى ردود من أخواني ليست في محلها

ولايكتبها شخص متعلم وفاهم للأسف اتمنى

ان نعي مانكتب ونقول .. بـ تروي وحكمه

وان نضع النقاط على الحروف بدقـه ..

وشكراً:16: