ضروري للي يبي ينزل صيفي وتلافي اسأله المقاليه

[الرايق2008]

السلام عليكم

وهذا رابط موضوع الاستطلاع
تصويت للصيفي (http://www.ckfu.org/vb/t464307.html)

استطلاع معهم عن عدد المسجلين في مادتين فقه السيره و الاخلاق الاسلاميه واداب المهنه

هذا الامر مهم جدا

لازم يكون عددنا اكثر من 100 طالب وطالبه عشان نتلافى الاسأله المقاليه

والصراحه انا اشوف الصيفي هذا فرصه وبذات انها مواد عامه وخفيفه وسهله

يكون في يوم الاثنين13 رمضان و الثلاثاء 14رمضان

وتذكير الاختبار راح يكون في الجامعه الملك فيصل في الاحساء

الله يوفق الجميع

[مروزه]

انا ودي آخذهم بس خوفي يجيبو لنا أسئله مقاليه :40:

[طلول]

ويش معنى لاسئله المقاليه

[alaqil]

أسئلة مقالية يعني المسألة فيها كتابة :
عرف ..
اذكر ...
عدد...

نفس الأسئلة حقت الانتظام

[الرهيف]

انا بسجل اللي فيها فيها مقالي اوغيرة ما مهم اهم شي اني اخلص من بعض المواد

[الكهف]

ليش كذا احس انهم حاسدينا على الترف الصيفي

[زيدان9]

حسب ما عرفت من بعض الطلاب المتواصلين مع العمادة ان الاسئلة تبي تكون بنفس نظام اسئلة هذا الترم يعني المادة اللي كانت مقالية في هذا الترم يبي يكون اختبارها مقالي في الصيفي واللي كانت موضوعية فيبي يكون اختبارها الصيفي موضوعي.

المادتين : العقيدة + الاخلاق = اختبارها اختيار متعدد

المادتين سهلات جدا ... وقميلات قدا:8:

واخذتها في رمضان مناسبة ان شاء الله.

لكن ما يمنع من عمل استفتاء هنا لمعرفة عدد الطلاب تحاشياً لإي توهــــيــقة :41:

[غربة نفس]

العقبة الوحيدة لي ان الاختبار بمقر الجامعة ب الاحساء

مدري احس صعب وبرمضان :7:

ورى ما يفتحون لنا بالظهران :42:

[الرايق2008]

العقبة الوحيدة لي ان الاختبار بمقر الجامعة ب الاحساء

مدري احس صعب وبرمضان :7:

ورى ما يفتحون لنا بالظهران :42:

على العشاء امسكي الطريق والامر بسيط ان شاء الله

[عزيز مجد]

طيب وانا ابعد مسافة ٧٠٠ كيلووو
عن الاحساء
يسجل هالمادتيين ولا يريح

[بو مطلق]

اتمنى من اللي بيسجل في الصيفي يكون جاد علشان نشوف العدد
لان ودي اسجل و متردد :34:

[في امل]

يب معاكم باذن الله
نغير جو وش ورانا:35:

[خرجاوي %]

والله ان يجي تسجيل ماخطر ع بالكم
والذيابه اللي في الجامعه حاطين الاختبار في الاحساء والله ان تجيهم أمه ماحسبوا حسابها
و اذكركم

[إسلامو]

ان شاء الله باخذ ترى مانحس الى بعدين وماده ان شاء االله بترفع المعدل
وبسرعه بيجي الوقت مارح نحس فيها

[skygirl]

موضوع المقالي نصب واشاعه لاتاخذونها صدق وتكبرون السالفه

[الرايق2008]

موضوع المقالي نصب واشاعه لاتاخذونها صدق وتكبرون السالفه


بالعكس المقالي حقيقي وانا شفت المساكين قدام عيني يكتبون ومساكين يشكون واول ترم جربوه ومصدوميه

طبعا التخصصات النادره وتكون الماده عددهم اقل من ميه شخص على مستوى المملكه

[أحمد السراى]

ان شاء الله سوف نسجل فى المواد وستكون مقالى بأذن الله

[Tornado]

السلام عليكم
ما اعتقد اني راح اسجل للاسباب التاليه
1- الاحساء (لو يخلونه با الظهران في مدرسة ابن المظفر وراى بيتنا عشان الحق على الفطور :42:
2- والاسئلة مقاليه :7:
3- اتعب نفسي عشان مادة وحده بما اني اخذت الفقه هذا الترم
اقول يا زين ختم القران برمضان اذا الله احينا

[moghtrb]

احتمال كبير بكون اجازه وقته وفي الباحه 1600 كيلو وراح اجي اختبر وارجع عااادي المهم افتك


بس سؤااااااااااااااااااااال لو سمحتوا اخذت فقه السيره وباقي فقط الاخلاق الاسلاميه


الساعه كم راح يكون الاختبار ؟؟؟؟؟؟ ع حسب وقت الاختبار انزل الماده او لا


لكم كل الشكر

[رمـز]

مالي نيه اسجل صيفي بكون وقتها في أبها وصيام مع الاهل ابرك من المذاكرة واختبار في الاحساء

الله يوفقكم

[المصباح]

السلام ،،،،

إذا تكرمتم لا ترهبون الطلاب والطالبات الأسئلة أن شاء الله اختياري
والعدد ممكن يتجاوز العشرة الآف

لكم فائق ق احترامي

[bntsweet]

بصراحه ودي بس عليهم شروط تجيب الهم وش نختبر بالاحساء اللي بالرياض واللي بيسافر لو صار زي اختبارات الحين احس بكثير نقدر ناخذصيفي بس برمضان وبالاحساء الواحد يسافرعقدوها الله يهديهم

[عاشق الترحال]

سؤال يا شباب اقدر اسجل مادة ترم صيفي ولا لازم مادتين
ومتى التسجيل ؟

مع الشكر

[MFHE]

خذوني معاكم انا بسجل المادتين ان شاءالله

والله يوفق الجميع :42:

[غربة نفس]

على العشاء امسكي الطريق والامر بسيط ان شاء الله




لا لا ما عاد أبي ذل الصيفي

خاطري عااف مانيب مقدمه صيفي وهذا قرار نهائي :42:

الا في حالة وحدة

لو الجامعة تراجعت عن قراراتها ما سوت امسك خط عشان فقه السيرة لو المادة من تخصصنا

فكرت بالموضوع ..

يا الله بكرا يفتحون لنا عدد الساعات وناخذ مواد أكثر ..

الله كريم :16:

[Saudi man]

فقه السيره سهههههههههههههله
لو يختبرونك تسميع ان شاء الله بتنجح


لا تشيلون هم المقالي فيها

[الرايق2008]

سؤال يا شباب اقدر اسجل مادة ترم صيفي ولا لازم مادتين
ومتى التسجيل ؟

مع الشكر

تقدر تسجل ماده واحده

[ŞmiĻęỷ]

والله ان يجي تسجيل ماخطر ع بالكم
والذيابه اللي في الجامعه حاطين الاختبار في الاحساء والله ان تجيهم أمه ماحسبوا حسابها
و اذكركم


هين هين يالفريدان :3:
الوعد ان قاله الله .. ان قاله الله رمضان :3:

:5:

وان شاء الله با خذ اخلاقيات اسلامية صيفي وأفتك من ساعاتها :21:

[ابو عبدالعزيز2]

السلام عليكم
مشاركة في الموضوع الترم الصيفي اشوفة فرصة كبيرة اللي ماأخذ هذه المادتين وانا اولكم .. تطيح عليك 4 ساعات من اجمالي ساعات التخرج .. لكن السؤال متى آخر وقت للتسجيل وتسديد الرسوم ؟ووقت الإختبار هل يكون ( صباحا"والامساء" )؟ وهل في يوم واحد أو على يومين ؟
-------------------------
لو كان في كل منطقة مركزين ( طلاب وطالبات ) ياسلام .. بدال مشوار الأحساء .. مثلا" المنطقة الوسطى في الرياض وتخدم المحافظات اللي تتبعها إداريا" .. منطقة الشمال تكون حائل أو تبوك .. المنطقة الجنوبية مركزها أبها .. المنطقة الغربية مركزها جدة أو الطائف .. المدينة المنورة والقصيم والمنطقة الشرقية تكون في نفس الجامعة لقربها من المحافظات الأخرى (الدمام - الخبر - الظهران - الجبيل - الحفر..الخ) على العموم هذا اول تجربة للجامعة بخصوص الترم الصيفي ويمكن في المستقبل القريب هناك تطورات تخدم الدفعات الجديده..:16:

[ana-vip]

بما ان الاختبار في الاحساء فامستحيل اخذ صيفي

الحمد لله اني مخلصه فقه السيرة هالترم والا كان انقهرت .. الله يوفق اللي بينزلون صيفي وان شاء الله عقبال مايطبقون قرار ابو عبدالعزيز :11:

[حذيفه]

احتمال كبير بكون اجازه وقته وفي الباحه 1600 كيلو وراح اجي اختبر وارجع عااادي المهم افتك


بس سؤااااااااااااااااااااال لو سمحتوا اخذت فقه السيره وباقي فقط الاخلاق الاسلاميه


الساعه كم راح يكون الاختبار ؟؟؟؟؟؟ ع حسب وقت الاختبار انزل الماده او لا


لكم كل الشكر

اوووومااااا تجي من الباحه عشان تختبر ماده وترجع !!!

يا اخي ماده سهله تقدر تحطها في اي سمستر وماتشيل همها

لاكن انك تجي للأحسا ترى صعععبه حبيبي