وش رائيكم يامستوى رابع ابغا نصحتكم؟

[المحارب1]

السلام عليكم ورحمة الله وبركاته
اخواني اخواتي في المستوى الرابع انا اخوكم من المستوى الثاني وسويت معادله مواد
ولخبطت علي الخطه وسرت في كل مسوى اهيم؟
وحبيت استفسر منكم واخذ رئيكم في مواد المستوى الرابع علما ان في المستوى الثالث
ماباقي علي الا مادتين هي
تقنية المعلومات 2
الاحصاء في الاداره فقط
وما المستوى الراع مادرست فيه الا مهارات البحث والتفكر
بماذا تنصحوني حسب خبرتكم ودراستكم لهذا المستوى الرابع
وش المواد الي ماهي معقده وش اخذ من هذهي المواد


ولكم جزيل الشكر ولاحترام :

[New LiFe]

ابعد عن اي مادة يدرسها النجار حتى يقضي الله أمراً كان مفعولاً

[المحارب1]

الله يجزاك خير وش هي المواد الي يدرس النجار

[آنفـــاس الزهر]

من الاحصاء ورايح :24:

[فهد الظهران]

هلا بالغالي

اخوي انا مثلك معادل مواد وصار عندي لخبطة

بس لاتعتبرها وانا اخوك لخبطة بالعكس

هذي دفعة معنويه لك

شف الحين انا مستوى رابع وطالع مستوى خامس

باقي لي فقط مادتين من خامس وراح اخذ اربع مواد من سادس يعني تقريبا انا مفروض مستوى سادس مو خامس



انت الحين عادلوا لك المواد او ماعادلوا

اذا المواد عادلوها لك وعرفتها انت ماعندك مشكلة اتوقع


لكن اذا ماعادلوا لك باقي وفي مواد ماتبي تنزلها عشان ممكن يعادلونها لك


نصيحتي لك

المواد العلمية حاول تاخذها كل وحدة في مستواها

مثل محاسبه 2 ادارة مالية اساليب كمية احصاء تحليل احصاء نقود بنوك وغيرها مواد خذها في مستواها

عندك مواد تلقيط هذي لقطها مالها متطلب ولا هي ذيك الصعوبة

عندك مواد الدين ( فقة وسيرة - الاخلاق الاسلامية - وفي مادة ثالثه)
عندك مواد بعد مثل ( الاعمال الاكترونية - تقنية 1 و2 - مواد بشرية - ادارة تسويق- بحث وتفكير - صحة ولياقة )

هذي مواد تقدر تسكر فيها الفراغات اللي تصير عندك بالجدول

اذكر كنت متسوى ثاني وطامر على مادة متسوى خامس :13:
مادة مالها اي متطلب ونظريه حفظ كان همي فقط اقفل الفراغات اللي عندي بالجدول
لان مابي اصعب الجدول كله مواد علمية خله 60 % علمي و40% نظري

اذا تبي توجيه اكثر راسلني على الخاص وحط رقم جوالك وتصل فيك :21:

[المحارب1]

الله يوفقك يااخ فهد
وارسلتلك على الخاص