ي مستوى ثالث قبل م تأجزون تعآلوآ هناا لو سمحتوآ

[عِصآميهة]

آلسلام عليكم ورحمةة الله وبركآته "


نبيُ آنطبآعكم عن آلدكآترهه آلليُ يدرسونكم

آلليُ يدخل يكتب آسم المآدهه وآلدكتور ووصف شآمل لـ آسلوبه

وهل هو متعآون آم متشدد ف آلآسئله :5:


وآلله يوفقكم ..~ :16: "

[osamah.99]

تقنية 2

الدكتور خألد خليل ماراح يقصر مـعأكم وبيكون موجود معأكم في القسسم واسئلتة روعة بس فية شقلبة شوية هع

نظم معلومأت

برضوو نفس الدكتور خـألد خليل بس يبيلك مخ وحفظ لانهـأ مأدة دسمة شوي

أسأسيأت المحأسبة

الدكتور الملحم اسئلتة شقلبة يعني سيم سيم للمحأسبة 2

أدراة مألية

نور الدين خبأبة لبىى قلبك وانصحك تنزلهأ ـلأأن اسئلتة روعة ونفس الترم الماضي

أحصأء في الادراة

أحدى فروع الرياضيأت واسئلتة مش ولابد

مهأرات الاتصال

اسهل مأدة في مستوى ثالث

/

اتمنأء اني افدتك ولو بالشي القليل

[تُفاحه]

.




-
نظم معلومات ,, ماده دسمه ويبيلها وقت
الاسئله حلوه ويكرر بعضها لكن يشقلب جواب بسؤال او العكس



- اساسيات المحاسبه ,, اخت ثالثه لمحاسبات اللي قبل
بس احس هذي احسن لانو مختصره شوي وتركز شوي عن الاداره ومايلزم على الاداره من محاسبه وكذا
< اقصد الاداراة في الؤسسات او شركة وغيرها :42:
يعني مب مثل اللي قبل تتكلم عن المحاسبين واقسامهم والمندوبين وحوسه وسندات


- تقنية المعلومات 2
نفسه حق نظم معلومات هو حليل واسئلته طيبه بس يشقلبها وكذا


- ادارة ماليه 1
يبيلها مذاكره ووقت اهم شي (حفظ قوانين )اكثر شي واهم شي وان شاءالله انك موفقه باذن الله

يعني لو جتك مثل اسئلتنا بعضها راح تحلينها من تعريف القانون بدون ماتحسبين حتى الارقام :34:


- الاحصاء مش بطاال
كل محاضره ترجع للي قبلها وفيها قوانين تقدرين تحلينها بالحاسبه



مهارات الاتصال
حلوه هالماده تتكلم بشكل عام عن انواع الاتصال < يعني التواصل البشري بشكل عام
بس اكيد يخصص عن اللي يهم الاداره





اممما ردي مثل رد اسامه بس فضاوه وانتظر الفجر يأذن ان شاءالله ابي انام :24:



موفقه يَ حلوه :16:





.





.

[عِصآميهة]

آشكركم ع الآفآدهه

وآلله يوفقكم ..~ :16: "

[رآيق]

اممممم :19: عااااادي حنا يالمستوى الثاني دواافير مايهمنى اي مستوى جايكنك يالثالث :20:

ههههههههههه امزح :17::5:

الله ييسر الامر ويكون الترم الجاي خفيف وسهل على الجميع :43:

[شرقيه وبس]

الله يوفقنا ونفرح بنتايجنا يارب

يعطيك العافيه:16:

[jt26]

اهم شي ما يكون فيه دكاتره يحبون المزح الثقيل في الاختبارات :5:

[هيفاء 3]

:3:الهمه الهمه بالمذاكره اول باول وباذن الله ماتشوفون الاكل خير

[المســافر]

هلا وغلا بالجميع

والف الف مبروك مقدما النجاج للجميع

وحياكم الله بالمستوى الثالث


بأذن الله راح نكون معاكم بالشيء اللي نقدر عليه

وافضل المذاكرة من البدايه وعدم ترك المواد تتراكم


وصعوبه وسهوله المادة ترجع لمدى استيعابك وحفظك للقوانين

واتوقع المواد اللي بيدرسكم فيها الدكتور خالد خليل او النجار او خبابه ماراح يكون فيها اي صعوبه اذا ذاكرتوا من البدايه + الاختبارات السابقة


خصوصا الدكتور نور الدين خبابه

الاسئله الترم اللي فات ماغيرها لهم
ولنا ماتغيرت ولإدارة ماليه 2 ماتغير

يعني فقط تغييرات بسيطه ويغير بالاسئله النظري يحط السؤال جواب والجواب سؤال


وتمنياتنا للجميع بالتوفيق والنجاح ودوام الصحه والعافيه ان شا ءالله

[المســافر]

لاانسى ان نشدد بشركنا الكبير للدكتور خالد خليل


فله كل شكر وتقدير

لتواجده الدائم بالمنتدى والرد على الاستفسارات

ويعتبر نموذج للمدرس الذي يحرص على طلابه ويتابعهم

بأذن الله راح تستفيدون منه كثيرا


تمنياتنا للجميع بالتوفيق والنجاح ان شاء الله

[marwanmt]

مادة الاحصاء التركيز ع اسئلة الكتاب

[هدوء آنثى♪]

^^^
شكراا
ابغى اعرف الدكتور ركز على الكتاب فى المباشره؟؟

[مــاجـــد]

نصيحه لا احد ينزل ماده فيها المدعو خالد خليل
اسئله صعبه وتعجيزيه وتحس وهو يكتب الاسئله داخل تحدي مع الطلاب
وكأن احد من الطلبه بيأخذ مكانه في الجامعه
والدليل اسئلة الترم هذا اسئله تعجيزيه ومعقده وفيها غموض كثير
واخطاء املائيه تغير في فهم السؤال وطريقة الاجابه عليه
والادهى والامر انه مايعترف بهذه الاخطاء
ولايغركم انه يدخل المنتدى
وخير ياطير ودخل المنتدى وكتب كم كلمه لا هو اللي حذف اي شي من المقرر
ولا شيء كل كلامه زاكروا الاسئله حتتغير واللي يعتمد على الاسئلة الماضيه
يعتبر نفسه راسب هذا كل كلامه في المنتدى
هذي نصيحتي والقرار في الاول والاخير لكم

واذا حابين تتأكدوا ادخلوا هذا الموضوع وشوفوا تعليق الطلاب بعد الاختبار واحكموا
http://www.ckfu.org/vb/t459105.html

[Veronica]

لاانسى ان نشدد بشركنا الكبير للدكتور خالد خليل


فله كل شكر وتقدير

لتواجده الدائم بالمنتدى والرد على الاستفسارات

ويعتبر نموذج للمدرس الذي يحرص على طلابه ويتابعهم

بأذن الله راح تستفيدون منه كثيرا


تمنياتنا للجميع بالتوفيق والنجاح ان شاء الله


اخوي يآليت توضح نقطه انه الدكتور يتوصل معكم في المنتدى واي منتدى تقصد !!؟

[عِصآميهة]

آشكر كل من مر من هناا وآفدآ برآيه

يعطيككم آلعآفيه :16: "

[ابوجااسم]

السلام عليكم مرحبا بالجميع
اتمنى للجميع النجاح والتوفيق
وقول الله يستر من ذا الترم ثقيبببببببببببببل:36: كل المواد تحتاج مذاكرة

[ذات الرداء]

نصيحتي لكم مستوى ثاني إللي طالعين مستوى ثالث:8:
لاتحكمون على المواد والدكاترة من تجارب الغير
كل واحد يختلف عن غيره سواء بقدراته في الفهم او مستوى الاستيعاب او هو يحب الحفظ اكثر او الفهم اكثر ادخلو على اليوتيوب شوفو المحاظرا المنزلة للمواد والله انا خفت وكنت احسب اني مابلحق وقالو المواد صعبه ومدري ايش هي يبيلها مذاكرة بس مو انها ماتنفهم ابدا
انا عن نفسي سويت لي جدول قبل الاختبارات بشهر ونص وخلصت المواد كلها من إلى قبل الاختبارات مع اني مااحب اراكم على نفسي وانضغطت كثير بالمذاكره بس ظروف مريت فيها هذا الترم اجبرتني على هالشي بس بالهمه كل شي بيتحقق وان شاء الله اني قدمت زين بالنسبة لموادي اخذت اساسيات محاسبة واحصاء ومهاراة اتصال وادارة ماليه 1وتقنية معلومات 1ونظم معلومات وترى الاحصاء 80٪من الاسئلة كانت من السنوات السابقه حتى نفس الارقام وخوفوني منه يقولون اسئلته ماتنعاد
طولت بالكلام معليش بس ماحبيت تقعون بالخوف والرعب اللي وقعت فيه ولاتسمعون من احد انتو اطلعو بنفسكم على المواد وشوفو اسئلة السنوات الماضيه وقارنو بينها عشان تشوفون اذا صحيح الدكتور مايعيد بالاسئلة او لا :21:

[F-fatimah]

انتو اطلعو بنفسكم على المواد وشوفو اسئلة السنوات الماضيه وقارنو بينها عشان تشوفون اذا صحيح الدكتور مايعيد بالاسئلة او لا


المستوى الاول ماكنت اطلع على اسئله سابقة ولا شئ اعتمدت على مذاكرتي والحمد لله جبنا معدل

المستوى الثاني قررت اعتمد على مذاكرتي والاسئله السابقة والحمد لله في مواد تكررت فيها الاسئله وان شاء الله نجيب درجة حلوة


لكن من بعد التقنية والصحة ماعدت اثق بموضوع تكرار الاسئلة جاتني عقدة منهم وخصوصاً انو مذاكرين ومتابعين المحاضرات


....

[تُفاحه]

-




معلومه مهمه النجار حق مادة الاحصاء
يقولون طلع من الجامعه خلص ..
مدري من حط اسئلة الاختبار لكن اسئلة الاختبار جابو بعضها من حق قسم الاداب




..

[ابو اياد 2006]

اخواني السلام عليكم..

سامح الله بعض الطلبة .. بسبب تهاونهم وعدم جديتهم.. البعض يحسب انه دافع فلوس خلاص يحسب نفسه بمدارس اهلية عطوني الاسئلة ونجحوني دامني دافع من جيبي..

الجامعة مو عشانك دافع فلوس يالطيب راح يعطونك مقابل فلوسك شهادة جامعية .. الامور ماهي بهالتصور الغير صحيح للدراسة بالجامعة.. ذاكر وشد حيلك تنجح وبنسبة بعد جيدة وممتازة.. أما تجلس الترم كامل وانت مانت حول الدراسة وقبل الاختبارات بأسبوع والا اسبوعين والبعض الله المستعان بأيام بعد تلاقيه بدى يفكر انه يدرس بالجامعة ويجيك يطامر بالمواقع ياشباب الحقوني ماني فاهم وش افضل الملخصات وايش وما ايش ثم يجي الاختبار فان كان بعض الاسئلة من اسئلة الاعوام الماضية مدحوا الدكتور ودعوا له ومجدوا فيه وان كانت الاسئلة هه شوي مو صعبة لا شوي متوسطة فيها اسئلة الي مجتهد وذاكر مو - دافور - لا ولو بس بشكل جدي شوي تلاقيه جاوب وحل ولا عنده مشكلة لكن هذاك الي توه ماله يومين توه متذكر انه بالجامعة وعنده اختبار جاك يطامر وليش يادكتور وكيف وليش ماتراعون احنا طلاب وعندنا اشغال ومسؤليات وعندنا وما عندنا انتوا تبون وتبون ويبدا شغل الدخول في الذمم والسب والشتم والتلفيقات وان الجامعة مستقصدة وهم الي قالوا للدكاترة صعبوها لاتخلوهم يجيبوا درجات عشان ما يا خذوا مبلغ التحفيز والتفوق وكلام سوقي يستحي الشخص يقراه بالموقع مو يكتبه بعد.. شي والله اعجب من العجب..والله تحس هذا طالب متوسط عقله على قده مو واحد عاقل وراشد وعمره ؟؟ ويدرس بالجامعة .. والله عيب هالتصرفات وهالكلام والاساليب ..

يا أخي اعترف انك غلطان وخلك شجاع وحاسب و عاتب نفسك.. والطالب الي عنده اعتراض يا أخي اذا انت صادق في اعتراضك او خطأ بالامتحان أو غيره المهم فيه مصداقية بالشكوى - مو تنفيس عن زعلك الله يجزاك خير - فيه بموقع الجامعة جزاهم الله خير ايقونه خاصه بالشي هذا تقدم اعتراضك واذا كان صحيح راح يأخذ بالإعتبار وحالات كثيرة عندما وجدوا فيه أخطاء أعطو الطلاب درجة السؤال .. مافيه شي يستاهل سب او شتم او الفاظ لاتدل على ان الانسان عنده ولو شوية قيم واخلاق اسلامية.. الي احنا دايم اول من نتفاخر بان المسلمين ذو اخلاق والحقيقة والواقع غير كذا للأسف عند البعض..وبعد الامتحان يجيك على المواقع ينشر الغسيل والسب والشتم والدعاء عالناس وانتوا ماتقدروا ولا ولا ..طيب ليش ماتقدر نفسك انت اول الله يجزاك خير وتذاكر وتهتم ولا عليك من غيرك الأسئلة كلها من المنهج مافيه شي من برى لو إنك مذاكر كان حالك حال غيرك المذاكر والمجتهد والي يحلل فلوسه الي دفعها مقابل التعليم والشهاده..وتتمنى انه بعد بالمنتديات بس عالأقل يعترض لا تلاقيه بأسوأ العبارات والألفاظ والدعاء يسطرها لنا سطور.. الله المستعان..

يا اخوان الي يبي يدرس يشد حيله :33::33::33: يعني ايش يذاكر ولو بالشي المعقول لايجلس طول الترم مطنش ثم قبل الامتحان يذاكر له شوية ملخصات على كم سؤال ثم يجي يرمي أخطاءه على غيره وعلى الجامعة والدكاتره .. الواحد لايرمي بمشاكله عالجامعة وانا عندي التزامات وعندي بيت وعندي وعندي لكن جامعة لاتقدر ولا دكاتره تقدر..!!!
انت ماقدرت نفسك ؟؟ انتي ما قدرتي نفسك ؟؟ يا أدخل الجامعة واشد الحيل واهتم علاوة على اني دافع فلوس والا بلاش يا أخي تخسر نفسك وتجي بمستوى هزيل ثم تتهم غيرك بمشاكلك ثم تدعي وتسب وتشتم وتخاصم وتفجر وكأن الانسان ماتعلم واخذ من دينه واخلاقيات الاسلام ولا شي..

أتمنى ما أحد يزعل يا أخواني ويا أخواتي الصراحة لا احد يزعل منها.. الي يبي ينتسب للجامعة ويحصل الشهادة يذاكر الجامعة هيأت كل السبل لأجل ان يتعلم الطالب عن بعد من بيته تحت المكيف ويختبر في نفس مدينته اذا مو جنب بيته بدون سفر وروحة وجيه.. الجامعة بارك الله في مسعاها والقائمين عليها تحاول تطور بكل التقنيات الحديثة من أجل المجتمع ليحصل على تعليم ويطور من قدراته وتحصيله العلمي بأيسر السبل ولكن للأسف البعض عقله محدود وتفكيره بسيط لا يحمد الله ولا يشكر الناس..حتى الشكر ما أحد طلبه منه بس يمسك على نفسه لسانه..اللسان لم يخلقها الله ويضعها في أفواهنا لنقول مثل هذا الكلام السيء..كما قال عليه الصلاة والسلام ( المسلم من سلم المسلمون من لسانه ويده) او كما قال (أقربكم مني منزلة يوم القيامة أحاسنكم أخلاقا) وقوله ( أكثر ما يدخل أهل الجنة الجنة تقوى الله وحسن الخلق) وقوله ( ثكلتك أمك يامعاذ وهل يكب الناس على مناخرهم في النار الا حصائد السنتهم ) أو كما قال عليه افضل الصلاة واتم التسليم .. هذا ماعلمنا اياه نبينا العظيم ايها الإخوان الكرام لنتق الله ونلزم السنتا ولنهتدي بقوله ( قل خيرا أو اصمت):26:

وشدوا حيلكم :33: والا ترى على قولة شيابنا زماااااان ....ماهوب شرط على سعيد العسكرية....

[h0pe]

جدولي كان
احصاء و تكاليف و تقنيه 2 و مهارات اتصال و فقه السيره و اداره ماليه و صحه و لياقه
كل الاختبارات حليوه الحمد لله الا الصحه حسبي الله عليه نصيحه لا تاخذوونهاا
و التكاليف ماده حلووه اسهل من محاسبه 1 و 2
بس مدري وش جاني في الاختبار و خبصت
فقه السيره و مهارات اتصال و التقنيه و اداره ماليه من اجمممل الاختبارات
و بالتوفييييق
:2: