وش بتسوي لنا الجامعه بعد ما نرسل الشكوى؟؟

[a7mad89]

السلام عليكم ورحمة الله وبركاته

كلنا عانينا من صعوبة اختبار مادة الصحة واللياقة

السؤال الأهم في الموضوع

ما هو الاجراء اللي ممكن تطبقه الجامعه على اختبار مادة الصحة واللياقة ؟؟

يعني بعد ما نرسل الشكوى ويتأكدون من كلامنا ..لو ثبت صحة كلامنا وش بتسوي لنا الجامعه ؟؟

وفالنا التوفيق والتفوّق بإذن الله:16:

[AHMAD BiN SAUD]

آلحمد لله على كل حال

هذا نصيبنا وهذا قدرنا

لو نتكلم من يوم لبكره هذا اللي صار ونرضى فيه

وان شاء الله يكون من صالحنا هذا الشي لنشد حيلنا اكثر


شكرا لك


حسبي الله ونعم الوكيل وكفى

[الفجر المنسي]

:36:انا وحده متشائمه ماحس بيسوون لنا شي وبيحطو الوم علينا وبيقولو ليه ماذاكرتو زين

اذا بيحطو اعاده للماده بس ترم جاي انا عن نفسي مابمتحن

بس المفروض يغيرو يحطون بدل درجه وربع يحطو درجتين :13: للاجابه الصح

والخطا درجه وحده

وانا عن نفسي مااترجى شي من هالجامعه

ياما اشتكينا وحنا بالمدرسه ماسسوى شي

يمكن الحين الحال اتغير الله المستعان

انا سويت اللي علي وقدمت شكوى وعلى ربنا

وشكرا

[omjehaad]

أنا سمعت من إحدى الأخوات في سنة من السنين زادوهم 5 درجات :30:
بس ايش راح يصير الله العالم وبالتوفيق أخوي :16:

[AHMAD BiN SAUD]

فضفضه


آه ياجود الحزن ويآي وفي الفرحه شحوح


اي والله :42:

[a7mad89]

أنا سمعت من إحدى الأخوات في سنة من السنين زادوهم 5 درجات :30:
بس ايش راح يصير الله العالم وبالتوفيق أخوي :16:

5 درجات؟:36:
خسف معدلنا وبيعطونا 5 درجات ؟
نظام تسكيت يعني ؟
بيني وبينك ما ظنتي حتى يعطوننا ربع درجه :10:

[طموح شايب]

يا ناس احد منكم حمل مادة الادارة من المستوى الاول ؟

ولا واحد قال انه حملها

وكثير منا كان متأكد انه بيحملها

لأن الاختبار كان بدرجة سوء اختبار الصحة

تذكرون الشكاوي اللي على الدوغان في اختبار الادارة ؟

الشكاوي تجاوزت الآلاف

العمادة صلحت الوضع بدون ما تخبرنا ماذا جرى داخل اروقتها ..

والله مايضيع حقنا

اللي ما اشتكى يروح يشتكي

[أمنية أحمد]

:38:

[azooz aw]

انشاء الله نعديها

[a7mad89]

يا ناس احد منكم حمل مادة الادارة من المستوى الاول ؟

ولا واحد قال انه حملها

وكثير منا كان متأكد انه بيحملها

لأن الاختبار كان بدرجة سوء اختبار الصحة

تذكرون الشكاوي اللي على الدوغان في اختبار الادارة ؟

الشكاوي تجاوزت الآلاف

العمادة صلحت الوضع بدون ما تخبرنا ماذا جرى داخل اروقتها ..

والله مايضيع حقنا

اللي ما اشتكى يروح يشتكي


يا اخوي طموح .. ترا تعدينا مرحلة نبي ننجح وبس ..
الحين نبي معددددل

[أمنية أحمد]

التفكير بالمعدل بيجلطنا :25:

[a7mad89]

^
انسي انسي .. فيه اشياء التفكير فيها بلاء
تفااااءلوا بالخير تجدووه

[♛افنان الشهري♛]

الله يستتر ان شآء الله يزيدونكمم درجآت :21:

شككرآ اخوي احمد عَ التنبييه :2:\

[طموح شايب]

يا اخوي طموح .. ترا تعدينا مرحلة نبي ننجح وبس ..

الحين نبي معددددل



اخوي احمد الله يطول عمرك في طاعته ورضاه

بالنسبة لي نحجت وخلصت

اجاباتي الصحيحة تقريبا 28 واكثرها معلومات سابقة عندي

ما اعتمدت على اللي ذاكرته الا في كم سؤال

اللي غابني وقاهرني المعدل بيدحدر

بالنسبة لي النجاح بدون معدل ماهو نجاح

[a7mad89]

آآآمين وياكـ اخوي الله يحفظكـ
بالنسبة لي النجاح بدون معدل ماهو نجاح
^
هذا اللي أقصده
الله يكتب اللي فيه الخير:16:

[الفجر المنسي]

:38: المعجل هدا مو معدل

بيعجل علي وبيقضي علي هالمعدل:4:

[Salman Al-m]

مو شرط أن الجامعة تكون متجاوبه مع الشكاوي المقدمه
لكن يكفينا شرف المحاوله وغلط كبير ان الواحد يسكت عن حقه
واذا انا وانت وغيرنا سكتنا عن حقوقنا بتضيع الحقوق
الأهم اننا نوصل صوتنا وانطباعنا ورأينا
وبدون شك كل هذا له تأثير على الجامعه
وإذا هذا الشيء ما رجع لنا بالفايده راح يرجع بالفايده على اللي بيجون بعدنا

[2lham]

يد وحده ما تصفق
انا ابي اقدم شكوى بس وشلون
سواً صار شيء او ما صار
ابقدم ان شاء الله وعلى ايميل رسمي
من الجامعه اللي اشتغل فيها
يمكن يهابووون :21:
بس وش الايميل وصيغة الكلام وكل شيء
اول مره ارفع شكوى :36:

[اخت مصطفى]

يا ناس احد منكم حمل مادة الادارة من المستوى الاول ؟

ولا واحد قال انه حملها

وكثير منا كان متأكد انه بيحملها

لأن الاختبار كان بدرجة سوء اختبار الصحة

تذكرون الشكاوي اللي على الدوغان في اختبار الادارة ؟

الشكاوي تجاوزت الآلاف

العمادة صلحت الوضع بدون ما تخبرنا ماذا جرى داخل اروقتها ..

والله مايضيع حقنا

اللي ما اشتكى يروح يشتكي









فعلا كلامك كلنا تذمرنا من اسلوبه وكثير كانوا متأكدين يحملون الماده ومعظمهم عدوها

والجامعه ماراح تقول ابشروا راح نسوي كذا وكذا حتى مايتعود الطلاب على هالسياسه مستقبلا

انا هالحين بنزل شكوى لسى ماتحركت:35:

[بوعبدالرحمـن]

المشكله ان ما يحط اسئله عقده الا المدرس الغير متمكن من الماده

[طموح لا ينكسر]

السلام عليكم ورحمة الله وبركاته وبعــد

مسيكم بالخير جميعاً

أنا انتهيت للتو من المستوى السادس ..طبعاً هالمادة للأســف لم آخذها إلا هذا السمستر !! مادري شفيني ناسيها

يعلم الله ...بمثل صعوبة الصحة واللياقة لم أرى في حياتي الجامعيــة إلا مادة الاقتصاد الجزئي الذي درسنا فيها الدكتور بالغرسة السمستر الاول !! كان اختبار كارثي بمعنى الكلمة و مئات إن لم أقل آلالاف عدوا المادة ب 60 !! كان الاقتصاد الجزئي أول اختبار نختبره في الجامعة وصُعقنا لصعوبة الاختبار !

- بعد ذلك اعتدنا الاسئلة اللف والدوران والخيارات المُتشابهة والصياغة الركيكة لمُعظم الأسئلة في مُعظم المواد ولكن لم يكن اختبار قط بالنسبة لي كالصحة واللياقــة !!

نصيحتــي لكم أيها الكرام جميعاً, جدوا واجتهدوا جيداً واحرصوا على المعلومة أولا و فهمها والاستفادة منها, ولا شك ولا ريب بأهمية المعدل..ولكن شيء مُحزن جداً أن نتخرج بلغة الارقام ...و تغيب عالم المعاني عن عقولنا !

آسف شتيت شوي عن الموضوع الرئيسي, لكن كونوا على يقين أن الجامعة ستنظر في الامر بإذن الله تعالى ..ويجب أن نقوم بما علينا والباقي على رب العباد

الأهم أن يقوم الانسان بمسؤوليته و حسب ! والباقي بالطبع يتبع قرار ادارة الجامعة في ذلك

وفقكم الله لكل خير

[a7mad89]

http://www.ckfu.org/vb/t464641.html

[أبووسن]

انا باقي ماشتكيت بس بس بنسخ والصق واشتكي وان شاءالله يكون من الشكوى فايده

[أبووسن]

تم الارسسسسسسال :13:

[F-fatimah]

يا ناس احد منكم حمل مادة الادارة من المستوى الاول ؟

ولا واحد قال انه حملها

وكثير منا كان متأكد انه بيحملها

لأن الاختبار كان بدرجة سوء اختبار الصحة

تذكرون الشكاوي اللي على الدوغان في اختبار الادارة ؟

الشكاوي تجاوزت الآلاف

العمادة صلحت الوضع بدون ما تخبرنا ماذا جرى داخل اروقتها ..

والله مايضيع حقنا

اللي ما اشتكى يروح يشتكي


صح الفصل الاول تذمرنا من مادة الادارة وجبنا درجة حلوه فيها وماتوقعناها


لكن احس انو اختبار الاداره شئ والصحه شئ ثاني


في الاداره في حاجات جات من الكتاب وهو كتاب محدد يعني مرجع واحد للمنهج وواضح لمن نبقى شئ نرجع للكتاب


لكن الصحة عندنا كم مرجع ؟؟ يمكن خمس مادري اقل او اكثر لكن من كذا كتاب يعني مو مرجع واحد واكيد هي ملزمة يعني انها تبع المادة ومافيها ترتيب ومختلفه عن الشرح وغير كذا اسئلة خارج الملزمة المحددة


العلوم بكل اشكالها بحر واسع لازم تحدد ايش ندرس وايش نرجع له مو مواد التخصص خمس كتب وفوقها خمس كتب اضافيه لمادة واحدة عامة ومدتها ساعتين


....

[عِصآميهة]

آلليُ م آشتكى يروح يشتكيُ حتى لو آلجآمعه م سوت شيء

آلمهم م نسكت ع آلغلط والشكآويُ لو م فآدتنا آلحين بتفيدنا مستقبلاً

وآلدكتور آذآ شاف الشكآويُ زآدت عليه بيخاف ويعدل آسلوبه

وآكبر مثآل عندكم دكتور عمآر كيف كآن وكيف صآر

آستعجلوآ قبل الايقونه تقفل "

[الطالب المملوح]

أنا سمعت من إحدى الأخوات في سنة من السنين زادوهم 5 درجات :30:


بس ايش راح يصير الله العالم وبالتوفيق أخوي :16:



وش تسوي 5 درجات ي ام جهاد ماتجيب ولا ربع كبسه خخخخخخخ :42: