بعد حادثة (الكيك) بجامعة فيصل جامعة الدمام في خطر!

[محمدوف]

الشرقية اليوم-خالد الربيع: أشتكن عدد من طالبات جامعة الدمام بقسميها العلوم والاداب من عودة إنتشار جوالات الكاميرا بين إيدي الطالبات
بدون رقابة على دخول تلك الاجهزة, وهو ماتسبب في رعب شديد للطالبات بعد ماحدث في جامعة الملك فيصل بعد
أن قامت احدى الطالبات بها بالتصوير ونشر الصور عبر موقع (الكيك), وذكرن مجموعة من طالبات الدمام لـ(الشرقية اليوم)
انهن أصبحن لا يرتادون بعض الاماكن المفتوحة بالجامعة مثل الكافتيريا التي تعد مرتع للتباهي بجوالات الكامير واحيان
التصوير على سبيل الذكرى!, ويفضلن البقاء داخل الاقسام في ظل ذاك الانتشار المخيف وإنعدام الرقابة, وقالت احدى الطالبات
نستغرب التشدد والحرص المبالغ فيه من الجامعة عبر بواباتها على البطاقات الجامعية وعدم إدخال المشروبات والمأكولات في ظل
إهمال المراقبة على تلك الجوالات والذي وأن حدث يكون بعد عدة أشهر لمرة واحده!,راجيات من الله أن يحميهن وأن لا تتكرر حادثة
(الكيك) الشهيرة بجامعة الملك فيصل ومطالبة بحزم إدارة الجامعة لهذا التساهل الواضح في الرقابة.
المصدر صحيفة الشرقية اليوم
http://www.sharqea.com/news.php?action=show&id=2269

[مـعـزﯙفـه آلـحَنيـن]

حسبى الله على الى أخترع الكيك ي ليت يقفلونه هالبرنامج


الله يستر ع بنات المسلمين

[نبض الوجود]

الله المستعآن
اصلآ جآمعة الدمآم كلهآ على بعضهآ تخوووف :139:
ولآ المضاربات بين البنآت بالكآفتيريا عآلم آخر من الرعب :000:
تشكرآت محمدوف ويآرب يلقون حلّ
بصرآحه نآس مآتخآف الله ومعدومة الضمير
يعني مهما حطو عليهم رقابات الوآحد لو مآعنده مخآفة الله مآتنفع الرقآبه
ولآ بالذآت جآمعة الدمآم عندهم أمن مرعبيييين :verycute::verycute:

[Ďσα'α♔]

توني ادري عن هالموضوع!!:7:
حسبي الله ونعم الوكيل
مو الغلط ف البرنامج او اللي اخترعه الغلط بالبنات نفسهم
قبل الكيك كانو يصورون ويتراسلون بالبلوتوث وقبل البلوتوث بالكاميرا العاديه
واذا مأخافو من الله بيخافون من الامن!!
اللي براسها شر بتسوي اي شي عشان تدخل الجوال
وبتحطه اي مكان

[أشواااااق]

مسؤولية الآمن
ولاَ وش فايدتهم :10:

ربي يستر ع بنات :39:

جزاك الله خير ع الموضوع :3:

[عبير الصمت]

:4: الله يستر علينا وعلى بنات المسلمين ...

الله يحفظنا من عيال الحرام وبنات الحرام ... :24:


حسبي الله ونعم الوكييييييييييل

[ريمنقو]

الله يستر علينا وعلى بنات المسلمين اجمعين

[ثلوجه الخجوله]

بعض البنات يقهرون واحد تصور وحده تنشرها
نسيت ربها فوقها بيحاسبها عن هذا شي
حسبي الله عليهم اللي تصورهم تنشرهم
المفروض مايسمحون لهم دخول جوالات الكاميرة والمفروض يكون مراقبه شديده ايضا ياخذون تعهد
للاسف بعض البنات صارو كذا :23::23:
انتبهو هالكلمة انا قلت بعض مش لكل منشان ماتجي وحده تهجم علي :42:

[عبير الصمت]

8




وش تقصدين يعني >>> وحده مشكلجييييه :42:


من جد بصراحه شيء يخوووووووووووف لو الامر بيدي كان يا ماكان في قديم الزمان >> :30:


أيه صح .... مشكور اخوي صاحب الموضوع على الموضوع .. :15:

[J A M I L A H]

فعلآ حآجه غريبه لما أدخل ويشددون على البطآقه ولا بوكس تشوكليت صغير ولا تنوره مييد ..
وتقوم الدنيآ ولاتقعد و توصل لرئيسة الأمن وبهذله وتأخير ع المحاضرآت

و لما تصير حالة شذوذ أو تصوير في أماكن عآمه .. مآفيه أي ردة فعل !!

من العجآئب في هالكليه ..

أني آمشي مع صديقتي المعيده , واذا شآفوا معي جوآل كآم قلتلهم هذا حقها , ويتركوني ببسآطه ×_×

بس لما كتب لي ربي أن رشه عطر تجي على بطآقتي ويسيح الحبر ويطير أسمي ..

آتهموني بأتلآفهآ وغرآمه بمبلغ و قدره وتعهد خطي وإنذآر !!!!!

طآلبنا بعودة النظآم السآبق , واللي هو إتلآف الجهآز بمجرد الحصول عليه , لأان أعرآضنآ شي غير قآبل للتعويض !!

بدل من مصآدرته لمدة اسبوع فقط بس لا حيآة لمن تنآدي ..


الحل , نتجنب الأماآكن العآمه والمزدحمه ونحرص على الحصن اليومي ونتوكل :")

[تيتشر ريماز]

صراحة مفروض الجوالات عادي وبالذات في وقتنا هذا بذات مع اتساع المباني وتباعد الاقسام بالجامعة لكن فيه بعض الناس يتسببون في انها تمنع الجوالات ويخربون على انفسهم وعلى الجامعه كلها من جد سخافة وقلة عقل ودين وش تستفيد اذا صورت ونشرت صور بنات خلق الله ماتستفيد غير الذنوب ودعاء الناس عليها مااقول الا حسبي الله ونعم الوكيل والله يهدي كل غاوي الله يعطيك العافيه محدوف على النقل ....*

[Dark Chocolate]

مهما منعوا ومهما حطوا قوانين بنات ابليس يخترعون لهم طرق و اساليب لين يدخلون الممنوعات
اللي فيه شر ما احد يقدر ينزعه منه الاساس التربيه و كل وحده تطلع من البيت تتوكل على ربي و مايجيها شي باذن الله

مواضيع زي هذه تغثني الناس تكتشف وتطور عشان تسهل الحياه على البشريه والمتخلفين والمتخلفات في هالمجتمع يخلون هالتطور نقمه علينا
ودك تحشر هالعقليات في بير و تولع فيهم زي هتلر ونفتك منهم عشان يموتون وتموت الجينات المتخلفه اللي فيهم ولا يورثونها لاحد مرض يمرض قلوبهم :25:


شكراً محمدوف :32:

[Dr. nsroon]

هالحركة السخيفه منتشره حتى في المدارس
واللي يقهر اذا المديره طلبت من المعلمات يفتشون البنات
قالوا حنا حريم متزوجات نخاف يحقدون علينا ويصورونا :23:

وياليته اذا انسحب الجوال يسوون شي على اخر الدوام يرجعونه للطالبة
ويا دار ما دخلك شر :23:

شيء يقهر صراحه واكثر من مره افكر اهجم على المدرسة وعلى المديره
يعني هي بكره بيتخرجون من تحت يدها هالبنات وبيطلعون الجامعة على نفس الطبع
والسبب لانهم ما كانوا يتحاسبون اذا انصادوا


في المدرسة والا في الجامعة المفروض يمنع جوال الكاميرا ويتلف
اعراض الناس موب لعبة عندهم :20:


الله يبلاها ويشغلها بنفسها اللي تفكر تصور احد :30::20:

[أسماء عبدالعزيز]

حسبي الله عليهم صراحه خير وين جالسين
وبنات الناس ماهم لعبه والدعوه موب سايبه
أنا كنت أأيد انه والله عادي نجي بجوالات الكاميرا على أساس الناس مثقفه وواعيه
بس شريحه من الناس المتخلفة رغم قلة عددها إلا اننا بعض الاحيان نضطر نقول الشر يعم وليتنا نسلم

اللهم احفظ بنات وشباب المسلمين من كل مكروه
والله يعطيك العافية

[أسماء عبدالعزيز]

هالحركة السخيفه منتشره حتى في المدارس
واللي يقهر اذا المديره طلبت من المعلمات يفتشون البنات
قالوا حنا حريم متزوجات نخاف يحقدون علينا ويصورونا :23:

وياليته اذا انسحب الجوال يسوون شي على اخر الدوام يرجعونه للطالبة
ويا دار ما دخلك شر :23:

شيء يقهر صراحه واكثر من مره افكر اهجم على المدرسة وعلى المديره
يعني هي بكره بيتخرجون من تحت يدها هالبنات وبيطلعون الجامعة على نفس الطبع
والسبب لانهم ما كانوا يتحاسبون اذا انصادوا


في المدرسة والا في الجامعة المفروض يمنع جوال الكاميرا ويتلف
اعراض الناس موب لعبة عندهم


الله يبلاها ويشغلها بنفسها اللي تفكر تصور احد :30::20:

الأبلى من ذالك يا استاذة نصرون اختي تخرج ثالث متوسط
معلمتهم تصورهم بجوالها في تخرجهم
وصورتهم بعباياتهم في رحلة وفي مادري ايش ومسويه حساب بتويتر ومنزله الصور فيه بلوى قسم بالله اذا معلمات بهالكبر مو مستوعبين حجم الجرم اللي يسوونه ببناتنا
البنات يكفيهم من تعليمهم الجرأه ان يختلطون بقريناتهم يجون قدواتهم المعلمات.؟
سلاام على البنات إذا المعلمات كذا
:40:

[نجم الرياض]

اسال الله العلى القدير ان يصلح شباب ونساء المسلمين ويهديهم صراطه المستقيم ويردهم اليه ردا جميلا

آمين يارب العالمين

[العصيمي خالد]

شرعياً عقاب من يستعمل هالجوالات في الجامعة بشكل خطأ عند رب العباد..

ولكن جامعة الدمام أحس ثقافتها في هذا الموضوع غائبة جداً !

رغم حساسية الموضوع شرعياً وأجتماعياً!!

[شعاع النور]

معقوله كذا
لاحول ولا قولة الا بالله
الحمدلله نحن بالمركز عندنا بيدخلون بججوالاتهم بالكامير وحتى الايباد معاهم ولا عمري شفت او سمعت شي ولله الحمد
فقط مشاكل تصير مع بنات المتوسطه وتهريبهم بالجوالات وطبعا سن مراهقه ماتعرف عن امور الحياه شي لسه دلعوه ابوها
المشكله اللي بيعانون منها بناتنا سرقة الجوالات هههه وحده تكلم البوابه وتقول اي وحده تطلع ومعها مثل هالجوال لا تتركينها هذا الجوال حقي ومافيه مثله بالسعوديه هههههه تستاهل حد قالها تهرب جوال كاميرا ههه
مشكور خيوووه على الخبريه :16:

[So0oT AlFgEd]

حسبي الله ونعم الوكيل

الى متى وهذا التسيب
الله يستر عليهم


شكراً ع التنبية:16:

[SunRose1987]

حسبي الله عليهم هالبنات الفاسدات

شكرا اخوي على الموضوع:2:

[(خالد)]

اللي خايفه من التصوير تجلس بيتهم :13:

تذكرت سااااااالفه مديره مدرسه ثانويه عندنا بالحي حصلت جواااااااال مع بنت من نوع ايفون 4 سعره وقتها

اكثر من الفين ريال وقامت قداااااام الطالبات بالطابور وكسرته :4:

اشوف المنع طريقه فااااااااشله والجوال اصبح ضروره خاصه بالمدرسه والجامعه .

على الاقل يكون فيه صناديق بالمدرسه خاص بالجوالات وكل طالبه لها صندوق خاص

تضع اغراضها فيه وعند الخروج تاخذها معها .

[J A M I L A H]

^



أجل يَ خآلد اللي يخآف من الحوآدث يجلس ببيتهم ولا يخلص مشآويره و يحبس نفسه , لأن فيه نآس غشيمه مآ تستآهل تتسلم مفتآح السيآره !!!!!

و مثلك عآرف فيه أمآكن معينه مآتدخل فيهآ بسيآرتك .. تصفط ثم تدش

بالمثل الكآميرآ مآلها أي دآعي في الحرم الجآمعي .. يتركونهآ ويجون

ولا أنا ولا أنت ولا كل من مرّ بالموضوع يقدّر ينفي أهمية الأثنين ..

كل شي له أستخدآمه في وقته الصحيح في مكآنه الصحيح


وللعلم :

كلية الآداب فيهآ مبنى كبير عريض بإدآره مستقله خآص بصنآديق الطآلبات

وفيهآ مكتبة الكترونية متصلة بالنت نقدر نتصفح ونبحث وتغنينآ عن الفائده العلميه لـ ( أجهزتنا الذكيه )

بالإضآفه لـ لآبتوب بكل كلآس .. بس بسبب الفئه الغير سويه اللي هي محور حديث الموضوع تم اقفآل البوكسيز اللي بالكلآسآت



بمثل هالحآله مآعآد لـ الجوآل الكآميرا أي ضروره !!

[ليلاس]

انا في وجه الله :4:

وربي الفئه اللي مثل كذا تستحق العقاب لانها ماتخاف الله ..:017::41jg:
وش يبونا نتغطى بالجامعه بعد :32:


حسبي الله ونعم الوكيل بس ..


مشكور ع الموضوع ربي يعافيك


الله يستر علينا ويرحمنا برحمته ...:16:

[Dreams.!]

حسبي الله ونعم الوكيل فـ هاالاشكال
ناس ماتخاف الله جاهله ان بكرا فيه حساب وعقاب
تصور وتنشر الله يكسر يدها
أعراض الناس ليست سلعه !!
مشكور محمدوف

[مسك الفيصل]

ي آخي تعجبني الإمآرات حآضرة هالبرنآمج

ي ليت السعودية تآخذ موقف من هالبرنآمج اللي مآله دآعي

:23:

[H N O O]

عمومآ آحس كل الكلام ذي م ورآه فايده

والدليل ان العالم كل شوي تطلع ب حآجه جديده

وقديمآ الشي الممنوع واللي م حد يشتريه

حآليآ آصبح ب رخيص جدآ حتي الطفل عنده ذي الشي

وحتي لو صآر منع ل نآس ونآس < - علي قولت وحده من البنآت ب آلجامعه

يعني فئه رآح تمنع عنده وصآحبآت الفئه الهآي ماآي ودلع وكشخآت < م عرفت آشرحها < هذول يعني مسموح لهم


وب النهاآيه آتمني لكم التوفيق :16:

[ikahledo]

الله يستر علينا وعلى بنات المسلمين اجمعين

اللهم امين.....

[شرقآآآوي]

الله يصلح الحال

[محمدوف]

جزاكم الله خير

لتواجدكم وتعليقاتكم الثرية

وتبقى القضية معلقه ومخيفه

[محمدوف]

الاحت اسماء ذكرتي قصه غريبه بردك عن ماقامت به معلمات

من تصوير للطالبات ووضعها في مواقع التواصل..

هل بتفاصيل اكثر عن الحادثة واين حدثت ومتى

بارك الله بك

[غصون الازهار]

الحمد لله اني خلصت من الكليه باقي النتائج تطلع
الله لايعيد ايام الكليه :12::12:

[ثلوجه الخجوله]

مشاءالله تبارك الله يحظك
عقبالي انا
إن شاءالله تكونين ناجحه

[أسماء عبدالعزيز]

الاحت اسماء ذكرتي قصه غريبه بردك عن ماقامت به معلمات

من تصوير للطالبات ووضعها في مواقع التواصل..

هل بتفاصيل اكثر عن الحادثة واين حدثت ومتى

بارك الله بك

إيه للأسف،
طبعا في موقع التواصل بعباياتهم
اما بجوالها بدون عباية في المدرسة بمراييلهم
علما بأن المدرسة حكوميه
لافرق بين الحكوميه والأهليه كلاهما خطأ
ولكن بحكم تفلت المدارس الأهلية وخروجها بالكثير دائما على القوانين
متى؟ في نهاية هذا الترم بزعمها الصور للذكرى
وتم التقاط صورة واحدة لأختي التي لو سئلت حينها لرفضت لكن كانت الصورة عفوية اثناء الدوام الدراسي
أما أين؟ في المنطقة الشرقية بالدمام واسم المدرسة من الصعب أن افصح عنه الا ان كان هناك فائدة من وراء ذلك كإجراء يتخذ معهم

والله يعطيك العافية

[محمدوف]

اختي اسماء الموضوع سيتم نشره بصحيفة الشرقية اليوم

بعد اذنكم حتى يكون هناك كشف عن مثل هذه التصرفات

المعلومات اذا: مدرسة متوسطه حكومية بالدمام

معلمه قامت بالتصوير ونشرها بتويتر

[بحـر الكـلام]

يارجال الدنيا كلها صارت فيها تطور والتطور هذا يحارب التقاليد حقتنا المفروض يخلون حارسات امن مافي طالبه تدخل الجامعه معها جوال كام <<<<<<<< بيقلبون عليه الطالبات الحين خخخخخخخخخخخخ والله من جد ياخي الجوالات هذي سوت مصايب بالعالم الله يستر علينا بس

[المتلالئه]

حسبي الله ونعم الوكيل
الله يستر علينا وعلى بنات المسلمين
موضوع قيم الله يجزاك خير اخوي محمدوف
والف شكر آخوي ع التنبيه
:16:

[بنوته حساويه وو]

احنا ايام الاختبارات يقووول ممنوع احد يصور والبنات كل وحده تصور بس الاغلبيه الصراحه ماصور بنات بالعكس صور مكان فاضي

[أسماء عبدالعزيز]

اختي اسماء الموضوع سيتم نشره بصحيفة الشرقية اليوم

بعد اذنكم حتى يكون هناك كشف عن مثل هذه التصرفات

المعلومات اذا: مدرسة متوسطه حكومية بالدمام

معلمه قامت بالتصوير ونشرها بتويتر

عذراً على التأخير,,

بسبب ظروفي, وفوق هذا أستشير الأهل في الموضوع,

وتلقوا الموضوع بكل قبول وحماس ولله الحمد :37:

وأي معلومات أخرى تريدها أنا حاضرة, :21:

وعذراً مرة أخرى

[محمدوف]

هلا اختي اسماء ولايهمك كلنا رجعنا لظروفنا ومشاغلنا

انتي لو عندك تفاصيل كامله اطرحيها بالتسلسل وياليت لو

فيه صوره مثل ماقلت لك من بعيد لحساب المعلمه

[أسماء عبدالعزيز]

هلا اختي اسماء ولايهمك كلنا رجعنا لظروفنا ومشاغلنا

انتي لو عندك تفاصيل كامله اطرحيها بالتسلسل وياليت لو

فيه صوره مثل ماقلت لك من بعيد لحساب المعلمه

لا يوجد تفاصيل غير المذكورة في الأعلى,,

والحساب مسويته المعلمة بإسم المدرسه وليس بإسمها الشخصي,,

برسل لك رابط الحساب وروابط التغريدات اللي فيها صور البنات, عن طريق الإشراف,

وانت خذ لها صورة من بعيد زي ماتشوف,

بحيث تكون نتيجة هذا العمل تنفع مجتمعنا أكثر من انها تضر المعلمة او الطالبات,

ويعطيك العافيه على جهودك

[محمدوف]

اكيد اختي اسماء الهدف سيكون توعيه مثل هالمعلمات

بالتساهل في مثل هذه الامور ..شكرا لك ولتفهمك

[Dark Chocolate]

:(269)::(269)::(107):

[بســوووم]

-




الله المسٌتعآن ....."


ربي يكفينآ ويآكم شٌر هالفئه الي مدري أيش الإعجآز الي بيسٌوونه من هالبرنآمج , وبصرآحه وعذراً لمؤيديه ,

بس جد مآ له أي دآعي سٌلآمات كل ماحد جآء يتنفس صور و وزعهآ ع النآس :23:

مآ اقول غير الله يردٌ لهم عقولهم ويهديهم , ويبعد عنآ وعنكم كل شٌر , ويحفظنآ ويسٌتر علينآ جميعاً

وعلى كُل مُسٌلمه ~

[أسماء عبدالعزيز]

اكيد اختي اسماء الهدف سيكون توعيه مثل هالمعلمات

بالتساهل في مثل هذه الامور ..شكرا لك ولتفهمك

الله يعطيك العافية،

ياليت تقول إذا وصلتك الرسالة،

وإذا نزل بالجريدة عشان نتابع معك الموضوع من فضلك،

[المحترمه]

من لم يدرك مخافة الله ومراقبته لن يدرك سوء العقاب الذي يناله ... نسأل الله الصلاح للجميع والستر في
الدنيا والآخره


شكرآ لك على نقل الخبر المؤلم محمدوف .. تقديري لك :16: