قصيـــدة آآآخــــر حــلاوه في د النجار :)

[ღ الليدي ساره ღ]

السلام عليكم ياأبطال وصناديد مستوى رابع :16::19:
هذي قصيدة اهداء ومؤازرة لكم يابعدي قلتها قبل يومين لكن مافضيت ارتبها
ويوم صحصحت اليوم حذفت منها بعض الابيات حفاظا على الذوق العام ههههه :lllolll:
لان لساني اذا فلت اقشر :biggrin: لكن والله انه لحيتن تستاهل الناس عطلت وسافرت
وودعت الجامعه والاختبارات والغثا وحنا للحين شقيانين اشغلنا الله يشغله بنفسه :24:
الله يعيننا ويعينكم والا لو الدعوى علي سهالات لأني اتبع مبدأ لاتذاكر كثيرا حتى لاتندم كثيرا ههه
للأمانة ما اتعب نفسي ومخي الغالي على المذاكرة ابدا ابدا منذ نعومة اظافيري ههه :29:
وصح لسان اخوي الشاعر ابو مضاوي ايضا ماقصر فيه
واصلوا القصف الجوي لاهنتوا حتى يستسلمون :41jg::sm12:

بسم الله..

اقول ,,

خذ من :16:سوير:16: كم بيوتن لها شان
. . . . . . اسوقها لك بالهــــــدا والهـــداوه
فزعه لربعي وابن عمّي سعيدان :53:
. . . . . . خذها بمبدأ نصح او من فضــــاوه
ان كان يالنجار بك ذرة انســـــــان
. . . . . . جرحن جرحته للمساكيــن داوه
الظلم شين وصاحبه دوم خسران
. . . . . . اترك عنك شغل الطغا والقساوه
ماقلتها من دافـــــــع الكــره بهتــان
. . . . . . ومابيني وبينك صراع وعـــــداوه
( كلن خذا حقه حضرها وبدوان
. . . . . . لو هي بشغل الورعنة والفتاوه !)
كانك على الطلاب عامل طرازان :cheese:
. . . . . . ومستقوين في منصبك والعلاوه
يجيك يوم اتطيح من بين الاغصان
. . . . . . ماكل حبل تشد فيـــه الـرخــاوه
امصدقن نفسك بطل وسط ميدان
. . . . . . اصحــى من احلام الهبل والغباوه
تلعب علينا عامل اليــــوم فهمان
. . . . . . تحوس بالاحصاء وكلـــك فـــــهاوه
من خارج المنهج تألف على شان
. . . . . . ينقال لك يالذيب شو هالحـــــلاوه
ذيـــبان اخبره وانت منته بذيبان :139:
. . . . . . ذيــبان ابـــويــــا وانت ذيب القطاوه :tongue:
ومن قال نسكتلك عن الظلم غلطان
. . . . . . محنا عبيد نسوق فرض الاتـــــــاوه
الوضع متأزم وموتَـــــرك خربــــان
. . . . . . وكلن يبي يوديك دنيا الطـــرااااوه :biggrin:
كلن عطه حقه بلا اي نقصـــــان
. . . . . . من قبــــــل لاتكثـر عليـك الشكاوه
ولاااااااتفتـــكر حنا مهبل وبزران :sm4:
. . . . . . تضحك عليــنا بكلمتيــن ورضــــاوه
ااااالله لايبيحك على مر الازمااااان
. . . . . . حـــدّيــتنا نقلب عليــك العــــــداوة :23:

وسلامتكم :29:
هاه وش رايكم تم تفجير الجبهه :5::5:

[مدرك]

ولاااااااتفتـــكر حنا مهبل وبزران :sm4:
. . . . . . تضحك عليــنا بكلمتيــن ورضــــاوه

عيييييييييدي عيييييييييييدي يخرب بيت عدوينك عييييييييدي :5::5::5:

[zxxz]

هههههههههههههههههههههههههههههههههههه

عطوها جمس & 100 الف

صح لسانك نتفتي شنباتوه

[aizo]

كلن خذا حقه حضر وبدوان
لو هي بشغل الورعنه والفتاوه

ههههه اقوى بيت

[alsaad.a.m]

. . . . . . اصحــى من احلام الهبل والغباوه
تلعب علينا عامل اليــــوم فهمان
. . . . . . تحوس بالاحصاء وكلـــك فـــــهاوه
من خارج المنهج تألف على شان
======================
صح لسانك 100%
======================

[أبو رفعه]

الليدي فالك البيرق :16:
وش اخبار المسؤول رفيع الشأن ؟؟؟؟؟؟ ما به جديد :20::20:

[ابو مضاوي]

الله اكبر

وصح لسانك عز الله انها جزله

بارك الله فيك

تحياتي

[بحر العطا]

يجيك يوم اتطيح من بين الاغصان
. . . . . . ماكل حبل تشد فيـــه الـرخــاوه




بيض الله وجهك

كلامات تتكلم عن واقع اليم عاشه الطلاب لاذنب لهم فاحلى قصيده تاتي على موقف



هيضتينا للشعر والله :14:


فهذا الاسلوب شيقنا الى ان نعيد اورقنا ونتعلم منك الشعر :13:

[مجنونهmeshoo]

ههههههه لبى. قلبك. صح. لسانك
وبكذا. تفجرت. الجبهه وبقوه
هههههههههه

[كاتمة الضيم]

أشكرك ع ترجمت أحساسنا ومعاناتنا بأبيات قريبه للنفس

صح منطوقك:16:

[اسير الدراسه]

صح لسانك ،،، أبيات رائعه ،،،، عيد يخرب .......!!

وبصراحة جئت جوا الجبهة ههههههههههههه

[Īй Ṃŷ ΉěāЯŧ]

ههههههههههههههههه صح لساانك تحمست معك مرره :5:

[اكتواريهـ]

صح لسانك :11:

[عيون حبيبي a]

صح لساااانك ابدعتي

[منتسب حائل]

:3::3::3::3::3::3::3::3::3::3::3::3:

[روحي بحائل]

صح لسانك ياسوير :21::16:
لو يسمعه النجار يترك التدريس بكبرهـ:5:

[dr.memoo]

فالك البيرق :21:

[الجزيره]

الله عليك أنا أشهد أنك بنت ذيبان

[لاكوست]

يكتفى بهذا القدر من القصائد ..