تسجيل الدخول

مشاهدة النسخة كاملة : تجمع طلاب 2011 للتشاور بمواد الترم الصيفي


اكسجين
2013- 5- 23, 12:35 PM
السلام عليكم ورحمة الله وبركاته

اسعدالله صباحكم ايها الرفاق جميعاً من فتيان وفتيات :29::13:

تعالو تقهوو وابيكم بسالفه :21:

ياطلاب المستوى السادس اللي هم دفعة 2011 وش رايكم تبونا نسجل بأحد المواد للترم الصيفي والا تبونا نريح بعد هالمغثه اللي سوتها فينا الجامعه والقصف الجوي اللي تعرضنا له .

انا عن نفسي باقي لي 15 ماده يعني 30 ساعه اذا سلمت من الاحصاء الاجتماعي وماده ثانيه شاك فيها .

تشورون علي اسجل بشي والا امسك ارضي واتمخطر بين السهول والمروج اليابسه في بلادي .:8:

عايش الدور
2013- 5- 23, 12:42 PM
اكسسيجين ماعليش لطلعت عن موضوع الصيفي وبسالك عن مواد مستوى سادس الاسهل والاصعب

رحوب.
2013- 5- 23, 01:00 PM
انا خاطري أخذ انقليزي كتابه وقواعد بيانات
بس مححتتارره وشائله همم
من ناحيه الاسئلهه إذا مقاليه أو اختياريه
أما سالفه الطريق تعب شوي وصيام وححححححرررر بس ايش نسوي عاد هم ووقت الاختبار الغبي

sarah®
2013- 5- 23, 01:58 PM
نظرية المعرفه ايش رايكم فيها و مين راح يسجلها

عامر ال فاضل
2013- 5- 23, 02:19 PM
الي ماوراه سفر وفاضي. ياخذ ترم صيفي هي والله فرررررررررصه للطلاب

لاحد يقول ابي ارتاح. :19::19:::17:

بومطر
2013- 5- 23, 03:06 PM
نظرية المعرفه ايش رايكم فيها و مين راح يسجلها

باالنسبه لي من اسهل الاسئله اللي جات وبعد العاصفه الشديده وانقطاع الكهرباء تم اعادة الاختبار وكانت الاسئله جداً صعبه من بين السطور جايب التعاريف والعلماء ماقصر جابهم كلهم:23:

اكسجين
2013- 5- 23, 04:28 PM
اكسسيجين ماعليش لطلعت عن موضوع الصيفي وبسالك عن مواد مستوى سادس الاسهل والاصعب

وانا اخوك ياعايش الدور هالترم الموازين مقلوبه السبعين سؤال صارت خمسين وفيه مواد كانت سهله اختباراتهم وواضحه قبل أما هالترم انقلبت فوق تحت وصارت صعبه ومحيوسه .
اللي اذكر الاحصاء الاجتماعي انحسنا فيه وماعرفنا نحل شي لان الاسئله جداً صعبه
نظرية المعرفه جاء اكثر من عشرين سؤال عن اسماء العلماء اللي تحوس الراس والماده اغلبها اسماء وبعض الاسئله جاء من بين السطور
النظام الاجتماعي في الاسلام الاسئله مختصره لدرجة انك ماتفهم السؤال عشان تختار الاجابه غير كذا الاجوبه كلها تحس انها صح على حسب ماقرينا بالملزمه هذا غير تغير نظام الاسئله وجاء بعضهن صح وخطاء .
علم اجتماع البيئه الاسئلة كانت صعبه عكس اللي فات وكانت عند صابر عبد الباقي .
يعني الوضع ماتقدر تحكم عليه زي مافات فيه تغير بسياسة الجامعه كأنهم يلمحون انهم يحولون الاسئله مقالي .
مواد ابو زيد اسلوبه متغير وفيه شويت لفات ماهو زي قبل لكن ماعليه مشى الوضع

اتمنى اني افدتك اخوي .

إشراقة أمل
2013- 5- 23, 05:14 PM
ياريت الجامعه اعطتنا فرصه على القل تفتح مركز واحد بكل مدينه رئيسية

اما تخليه مره وحده بالاحساء والله خساره

يكفي انهم ماعطونا فرصه للصيفي من قبل نبي نخلص الموادالمتراكمة ولا ودنا نظيف ترم انظغط الخطه عشان التخرج

دل مشعل
2013- 5- 23, 05:43 PM
:20: بالنسبة لي ناوي اخذ مبادي الاحصاء
معقدتني مرررره

fatimah-a
2013- 5- 24, 12:38 AM
بالنسبة لي ما اقدر اخذ الا تدريب ميداني 3 ومشروع التخرج
والباقي كلهم مختبرتهم قبل
بجرب بكرا اذا قبل يسجلني النظام والا الشكوى لله خيرها بغيرها

fatimah-a
2013- 5- 24, 12:40 AM
نظرية المعرفه ايش رايكم فيها و مين راح يسجلها


مادة غثيثة جدا وتصدع بالراس كلها عن الفلسفة
بس اسئلته جت كويسه نوعا ما

واحدنت
2013- 5- 24, 02:29 AM
يـ قوم

مشروع التخرج ..و..التدريب الميداني 3

موجود ضمن الخيارات حسب تخصصنا .. بس ماهو موجود بجدول الاختبارات :28:

شسالفه بعرف طيب متى اختباري بأي يوم واخاف فيه تعارض بعد

انتم مثلي او بسسس انا ؟؟


..

ابو خالد a
2013- 5- 24, 03:59 AM
صباح الخير للجميع
عندي استفسار مهم هل الترم الصيفي نفس الاترام العادية او له حسبه اخر في المعدل بحيث تحسب المادة مادتين
الاني سمعة انه ممكن يفيدك اذا جبت درجه عالية وممكن يخفس في معدلك يعني مافية وسط
كذالك رسوم الدراسه سمعة انها مضاعفه

هاوي الشمال
2013- 5- 24, 06:24 AM
يـ قوم

مشروع التخرج ..و..التدريب الميداني 3

موجود ضمن الخيارات حسب تخصصنا .. بس ماهو موجود بجدول الاختبارات :28:

شسالفه بعرف طيب متى اختباري بأي يوم واخاف فيه تعارض بعد

انتم مثلي او بسسس انا ؟؟



..



اخوي الغالي
مشروع التخرج لانستطيع تسجيله لان له متطلب سابق وهو { تصميم وتنفيذ البحوث الاجتماعيه }

التدريب الميداني3 حسب كلام الاخوان نقدر نسجله ومافيه اختبار نفس التدريب الميداني1 بالاضافه الى متابعة حالة وعمل تقرير عن الحاله باحدى المؤسسات

بالاضافه الى مادة نظرية المعرفه يعني تقدر تسجل

1. نظرية المعرفة
2. التدريب الميداني3

موفق

هاوي الشمال
2013- 5- 24, 06:26 AM
صباح الخير للجميع
عندي استفسار مهم هل الترم الصيفي نفس الاترام العادية او له حسبه اخر في المعدل بحيث تحسب المادة مادتين
الاني سمعة انه ممكن يفيدك اذا جبت درجه عالية وممكن يخفس في معدلك يعني مافية وسط
كذالك رسوم الدراسه سمعة انها مضاعفه


صباح الانوار

هلا وغلا ابو خالد

الفصل الصيفي نفس الفصول العاديه ومافيه زيادى لارسوم ولا درجات

بالتوفيق