مادتين مؤكد والثالثة انتظاااار

[بن عاقول]

الحمدلله
سجلت مادتين
فقه السيرة
و أخلاقيات
هذي الحجز مؤكد فيها

باقي المادة الثالثة
قضايا 30306
ما بعد تأكد

ان شاء الله
كل يوووم بأحاول اني اسجلها
وعلى امل ان النظام يقبل او يفتحون شعب جديدة

واذا ما تيسر الأمر الحمدلله
مادتين (أربع ساعات) خير وبركة
يعني تستاهل الواحد يطق مشوار
في رمضان من الرياض للأحساء
ومصاريف سكن ومعيشه ورسوم تسجيل الأربع ساعات:19:

[سماء أرض]

الله يسهلك يا بن عاقول

النك نيم رهيييييب:41::41::41::41:

[بن عاقول]

:34:

[عزيز مجد]

4 ساعات لو كاااان 6 ساعات تستاهل تطق مشااور

يالله نقول 4 ساعات كويس نوعاا مااااااااا

[ابو عشوان]

يابن عاقوووول انت احسن من غيرك قدرت تسجل

الناس واقف حالها
وعلى قولتك تستاهل العنوه

ان شاء الله يتاكد الحجز على الثالثه وتقص البوردنق

[بن عاقول]

يابن عاقوووول انت احسن من غيرك قدرت تسجل

الناس واقف حالها
وعلى قولتك تستاهل العنوه

ان شاء الله يتاكد الحجز على الثالثه وتقص البوردنق


الله يسمع منك
وان شاء الله
نقص البوردينق كلنا
ونسااااافر للاحساء جميعاً
ونرجع ومعانا ست ساعات بنجاااح :21:

[FaHoOoDe]

بطلع من سدير للاحساء بخسر فندق واكل وشرب وبنزين حق تكاليف فصل كامل ..

<< تفكير حضرمي :42:

[بن عاقول]

بطلع من سدير للاحساء بخسر فندق واكل وشرب وبنزين حق تكاليف فصل كامل ..

<< تفكير حضرمي :42:
الله يخلف عليك وعلينا اجمعين يارب

[NONYAH]

بطلع من سدير للاحساء بخسر فندق واكل وشرب وبنزين حق تكاليف فصل كامل ..

<< تفكير حضرمي :42:



والنعم بالحضارم :30:

[ساره ال جابر]

ليه فصل كامل ؟؟ انا احسب بس ايام الاختبارات وارجع

[عبدالصمد]

:13:

[ana ~♪]

بالنسبه لي شلت الفكره من بالي !!:42:
ياصيفي بنفس مدينتي ولا بلا الصيفي من اساسه
اذا المشوار بيكون مشقه عليكم انتوا الشباب
فما بالكم فينا :42:
والله حرام عليهم بهالشروط التعجيزيه. .. الواحد يسافر ويطق مشوار شطوله
واعصابه خلاص تلفانه وبعدها يختبر :23:

[بن عاقول]

بالنسبه لي شلت الفكره من بالي !!:42:
ياصيفي بنفس مدينتي ولا بلا الصيفي من اساسه
اذا المشوار بيكون مشقه عليكم انتوا الشباب
فما بالكم فينا :42:
والله حرام عليهم بهالشروط التعجيزيه. .. الواحد يسافر ويطق مشوار شطوله
واعصابه خلاص تلفانه وبعدها يختبر :23:
الشكوى على الله
المثل يقول مالك الا خشمك ولو كان اعوج
هذي جامعتنا وهذي شروطهم وش نسوي

انا انظر للموضوع من ناحية ثانية
مستعد اتعب واسافر فترة الصيف علشان لاسمح الله اذا حملت مواد ما يتطلب الوضع انه يتأخر تخرجي فصل دراسي كامل

[بن عاقول]

ليه فصل كامل ؟؟ انا احسب بس ايام الاختبارات وارجع
ههههههههههه
الرجال يقصد ان بنزين السيارة من سدير للاحساء بيكلفه نفس تكلفة مصاريف الفصل الدراسي الكامل
يعني اللي يبي يوصله ان تكاليف السفر والمعيشه والمصاريف الثانية عاليه
والا كلنا بنسافر نختبر ونجلس هناك على حسب المواد اللي بنختبر فيها ونرجع

[زيدان9]

:14:


اقول يا الحبيب ما ودك تذكر الله على نفسك :13:

الحين الرياجيل يفحطون كنهم الهلال مع الآسيوية يبون يسجلون مادة او مادتين ولاهو حاصل لهم ،، وانا واحد منهم :39:

وانت جاي تقول سجلت مادتين وتبي الثالثة:27:

جيد انك سجلت مادتين وحاول على الثالثة لكن ان ما حصلت فأمورك طيبة

وبالنسبة لي فأنا يوم شفت موضوعك قلت ماشاء الله تبارك الرحمن عشان ما تجيك عين:8:

[بن عاقول]

:14:


اقول يا الحبيب ما ودك تذكر الله على نفسك :13:

الحين الرياجيل يفحطون كنهم الهلال مع الآسيوية يبون يسجلون مادة او مادتين ولاهو حاصل لهم ،، وانا واحد منهم :39:

وانت جاي تقول سجلت مادتين وتبي الثالثة:27:

جيد انك سجلت مادتين وحاول على الثالثة لكن ان ما حصلت فأمورك طيبة

وبالنسبة لي فأنا يوم شفت موضوعك قلت ماشاء الله تبارك الرحمن عشان ما تجيك عين:8:
تكفى لاتقلب المواااجع :18: وتجيب طاري الزعيم
ترا ودنا ننسى ماحصل
ومثل ما قلت ربي يسهل ان شاء الله ونسجل في الصيفي كلنا

ومافيه شيء يجي بالساهل
انت عارف ان
الجامعية صعبة قوية :8:

[ابو جـوري]

بن عاقول.. اانت وراي وراي.. بتويتر دايم. تسوي لي فولو و ترجع تسوي انفلو..
سبحان الله شفت الموضوع واتاكد حتى من الصوره

[البرنس الوايلي]

انا ماسجلوني الا بماده وحده اذ مافتحت الباقي بكنسل عجزان اطلع للاحساء حساب ماده وحده لاحقين خير:30:

[بن عاقول]

بن عاقول.. اانت وراي وراي.. بتويتر دايم. تسوي لي فولو و ترجع تسوي انفلو..
سبحان الله شفت الموضوع واتاكد حتى من الصوره

ههههههههههههههههه
وسع صدرك يابوجوري
لاوالله اكيد انك غلطان
انا ماعندي حساب تويتر باسم بن عاقول
اكيد انه احد ثاني
مثلك عارف "بن عاقول" شخصية اسطورية والكل يحب يتقمصها :8:

[بن عاقول]

انا ماسجلوني الا بماده وحده اذ مافتحت الباقي بكنسل عجزان اطلع للاحساء حساب ماده وحده لاحقين خير:30:
خل ايمانك بالله قوي
ووسع صدرك
ان شاء الله بيفتحون شعب جديدة

[s.alman]

واقف على بابهم ولهان ومسير<< اهداء لجامعتي العزيزة

أنا للحين ولا مادة سجلت :40:

وفقة السيرة ماخذه من قبل