اللي ماختبرت نهائي !!

[Fai AL7rbi]

السلام عليكم

بنات اللي ماتختبر اختبار نهائي

يقبلون العذر الطبي منها ؟! ولا في شروط معينه ؟؟

[*Diamond*]

والله مدري
امنى يفيدونك:16:

[نودآ]

فيه شروط
العذر يكون من مستشفى حكومي
و الباقي ما اعرفه (:

[Fai AL7rbi]

فيه شروط
العذر يكون من مستشفى حكومي
و الباقي ما اعرفه (:



لازم حكومي !!

عشان يضمنون يعني مافي وحده بتلعب من وراهم !

وش هالشرط :38:

[lime]

متى وقت الاختبارات حق المتعذر آت

[zσσz яαsнιd]

للأسف لازم حكومي مايقبلون الاهلي :)
يقولون ان هذول تدفعين فلوس ويطلعون لك عذر بيقولون نعرف هالحركاته :)

[هدوء!]

الاختبارات بشهر 10 بس لازم تتأكدين اي يوم واي تاريخ من القسم

والعذر لازم حكومي :21:

[Ďσα'α♔]

اعتقد يقبلون عذر طبي من اﻻهلي لكن شرط ي تنويم او ولادة

موفقه:16:

[طالبة جامعية 99]

الاجازة المرضية لأزم من مستشفى او مستوصف حكومي

التنويم والولادة عادي من مستشفى او مستوصف خاص

التسليم قبل 27 شهر 7
والاختبارات تبدأ تاريخ 18 شهر 10

[دائما هناك امل]

بنات ايش العذر الي يقبلونه لو من مستشفى حكومي؟؟؟؟
لازم تنويم ولا ايش؟

[u s e r]

من ضمن الشروط ان العذر لازم تسلمينه قبل تطلع نتيجة المادة اللي غبتي فيها
يعني بعد اختبار المادة بمدة ماتزيد عن اسبوع
ولو طلعت النتايج حقت المادة وانتي باقي ماقدمتي اعتذارك مايقبلونه لان النتيجة طلعت !

[طالبة جامعية 99]

من ضمن الشروط ان العذر لازم تسلمينه قبل تطلع نتيجة المادة اللي غبتي فيها
يعني بعد اختبار المادة بمدة ماتزيد عن اسبوع
ولو طلعت النتايج حقت المادة وانتي باقي ماقدمتي اعتذارك مايقبلونه لان النتيجة طلعت !

لا هالكلام مو من ضمن الشروط


انا غبت ورحت سالتهم اخر تاريخ لتسليم الاعذار 27 / 7

ويقولون المادة تنزل f

وبعد مانختبرها في شوال تتغير النتيجة

[brro]

متى ينزل جدول المعتذرات

[Ďσα'α♔]

اول شي لازم تروحين تشوفين اقبلو عذرك او لا

واذا اقبلوه بيقولون لك متى بينزلون جدول الاعتذار


وفقه:16::16:

[هدوء!]

اما السالفه فيها قبول ورفض :4:

عطيتهم عذري الله يستر ليكون يرفضونه انتحر :12:

[M.A.S]

انا مرة اعتذرت عن أختبار نهائي
واختبرت بشهر ١٠ مع المعتذرات
العذر كان مرضي مو تنويم ولا ولادة
لكن من مستشفى حكومي
ولايشترط حتى انك تكونين رحتي المستشفى الصباح
عادي لو بأي وقت باليوم
وراح يقولون لك بنرد لك اذا بنقبلة!!
هم دائما كذا بس يقبلون كل الأعذار بالنهاية
وفعلا المادة تنزل لك f وبعد ماتختبرين بأسبوع تتعدل نتيجتك بالموقع
بس انت مريهم آخريوم أسألى أش صار على عذرك وبالتوفيق:16:

[Ďσα'α♔]

لا حبيبتي من قال يقبلون كل الاعذار
اعرف وحده جابت عذر تنويم يوم بالمستشفى الاهلي
وكان بنفس اليوم عندها مادتين ارفضوه

افضل تروحين وتشوفين يقبلونه ولا لا

ان شاء الله يقبلونه والله يوفقكم جميعا:16:

[ترَف]

اذا عذر بس بدون تنويم لازم حكومي

بس اذا تنويم عادي خاص

موفقه :16:

[لبي انا]

مو اي عذر يقبلونه بس يقبلوا عمليه او وﻻده:30:

[Ďσα'α♔]

لبى انا^^

انا العام تغيبت عن اختبار وجبت عذر طبي من المستوصف اللي بالحي
لا عمليه ولا ولاده

والبنات خوفوني قالو مَ يقبلون اي عذر ومثل كلامك
لكن اقبلوه لان عذري من مستوصف حكومي
اذا رحتي تسلممي العذر تكتبين وش اللي كان فيك وتغيبتي

[هدوء!]

يوه بنات خرعتوني كان عندي اختبارين بيوم واحد وجاتني نزله معويه حاده واظطريت اغيب

جبت عذر لهم تهقون يقبلونه ماعاد فيني احمل خلاص طفح الكيل

[Ďσα'α♔]

هدووء!

وانا بعد كان عندي اختبار تعارض واقبلوه

بس قصدي ان اي عذر طبي حكومي رح يقبلونه
لكن مو اي عذر طبي اهلي يقبلونه
بس انتي لازم تروحين تتأكدين
وتفائلي خير
والله يوفقك