نداء لكل من سجل مواد الترم الصيفي،، ضروري ضروري

[آي فون]

السلام عليكم ورحمة الله وبركاته

يا جماعة الخير ،، بناءً على ما وردنا من اخونا ابو ابراهيم وشكر خاص اوجهه لأبو ابراهيم بالنسبة للشعب المغلقة في بعض مواد الترم الصيفي وخصوصا مقرر قضايا ثقافية معاصرة

http://www.ckfu.org/vb/t466634.html

فأنا باسمي وباسم زملائي اللي نوينا ناخذ ترم صيفي باذن الله متاكدين ومجزمين بذلك نطلب من كل طالب وطالبة سجلوا في هذا المقرر او اي مقرر غيره وليس عندهم نية لأخذ الترم الصيفي أو ما زالوا مترددين في اخذ الترم الصيفي لظروف السفر ورمضان والمشوار والخط أن يلغوا تسجيلهم وترك المجال لغيرهم ،، قال صلى الله عليه وسلم (( لا يؤمن احدكم حتى يحب لأخيه ما يحب لنفسه )) ،، يا جماعة الخير مسألة يتقفل الشعبة من اول يوم ليس السبب من الجامعة والله ان نسبة كبيرة سجلوا وهم موقنين بانفسهم انهم ما راح ياخذون ترم صيفي ولكن مشوا على المثل حشرٍ مع الناس عيد

هذي المشكلة تراها تواجه المنتظمين بعد من سنين ،، ناس يسجلوا في الترم الصيفي ويحجزون مقاعد ويحرمون طلاب كثير وبالاخير يعتذر مع بداية الفصل او ما يحضر

لذلك يا اخواني ويا اخواتي ،، اللي سجلوا واخذوا مقاعد اذا انت بتاخذ الترم الصيفي وبتختبر فعليك بالعافية والله يرزقك وتنجح ،، اذا انت او انتي بتنسحبي او ما بتسدد او تسددي فاتركوا المجال لغيركم ،،

[المحترمه]

وعليكم السلام ورحمة الله وبركاته

نتمنى والله من الجميع إتاحة الفرصه للبعض ممن ينوون
الدراسه التامه .. ومؤكد بأن ليس الجميع سوف يدرس
الصيفي ولكن مثل ما تفضلت ..
إن شاءالله صوتك وصل لجميع الرواد ... بالتوفيق يارب :16:

[سعودالشهراني]

وعليكم السلام ورحمة الله وبركاته


أي والله بيض الله وجهك على هالكلام الرائع يالغالي والله يرفع قدرك دنيا واخره

[آي فون]

وعليكم السلام ورحمة الله وبركاته

نتمنى والله من الجميع إتاحة الفرصه للبعض ممن ينوون
الدراسه التامه .. ومؤكد بأن ليس الجميع سوف يدرس
الصيفي ولكن مثل ما تفضلت ..
إن شاءالله صوتك وصل لجميع الرواد ... بالتوفيق يارب :16:

اشكرك على دعمك والله محتاجين دعمكم في هالموضوع يا مشرفينا

[الباراتون]

الحل مو من الطلاب و المفروض من الجامعة في وضع طريقة مناسبة في الترم الصيفي

[MFHE]

بغض النظر سواء كان في تقصير من الجامعه او مافيه

كلام اخوي آي فون :21: ميه ميه وشي حلو لما يكون طلاب جامعة الملك فيصل

يد وحده ومرتبين وش حلوووهم خخخخخخخخ:41:

[أم إبراهيــم]

الاولويه للمستوى الثااامن لانهم ماعندهم اللى الترم الصيفي هذا ... ثم بااقي المستوياااات ..

[سادن كنان]

آي فون
احس انك مبالغ شوي في الموضوع

اتمنا لك و للكل كل خير

[يوسف111]

ياجماعه الخطاء من الجامعه انا ماقدرت اسجل الا ماده وحده الا هي فقه السيره

[آي فون]

آي فون
احس انك مبالغ شوي في الموضوع

اتمنا ىلك و للكل كل خير

ما ادري والله اضحك والا كيف

انت طالب معنا !؟

[السكري]

والله أني أشوف مشكلة إغلاق الشعب
وعارف أنها بسبب هذا الموضوع

إستنفار من الجميع في التسجيل
من يحتاج ومن لا يحتاج

وفي الأخير عند دفع الفلوس تحصل الجادين قليل

أنا أشوف أن الجامعة تربط التسجيل للترم الصيفي بدفع كامل المبلغ عند التسجيل
ومن غير رائه لأي سبب كان
الله يخلف على فلوسه

خاصة أن المبلغ بيكون بسيط لأن الساعات الصيفية قليلة

[سادن كنان]

ما ادري والله اضحك والا كيف

انت طالب معنا !؟

انا طالب و لي رغبه بالماده ولم اقدر اسجل فيها لنفس ظروفك
وانا من الرياض
و عازم ان اذهب لمدينة الاحساء ان شاء الله من اجل الاختبار هناك
ارغب بالماده ولكن هذا حظي وش ابسوي في انهايه مالي لا نصيبي

[آي فون]

انا طالب و لي رغبه بالماده ولم اقدر اسجل فيها لنفس ظروفك
وانا من الرياض
و عازم ان اذهب لمدينة الاحساء ان شاء الله من اجل الاختبار هناك
ارغب بالماده ولكن هذا حظي وش ابسوي في انهايه مالي لا نصيبي

الله يوفقك ويرزقك وين ما كنت

[آي فون]

والله أني أشوف مشكلة إغلاق الشعب
وعارف أنها بسبب هذا الموضوع

إستنفار من الجميع في التسجيل
من يحتاج ومن لا يحتاج

وفي الأخير عند دفع الفلوس تحصل الجادين قليل

أنا أشوف أن الجامعة تربط التسجيل للترم الصيفي بدفع كامل المبلغ عند التسجيل
ومن غير رائه لأي سبب كان
الله يخلف على فلوسه

خاصة أن المبلغ بيكون بسيط لأن الساعات الصيفية قليلة

هذا الكلام اللي نبي نقوله :21:

[ام زيااااد]

كلامك صحيح:21:

[سادن كنان]

الله يوفقك ويرزقك وين ما كنت
احترمك ياخوي و احترم رايك و طرحك الله يكتب الخير لنا جميعا

[mwdhf]

وعليكم السلام ورحمة الله وبركاته


يارجال الان
اولاً : التعليم عن بعد ( الدكتور لا يعلم من ورى الشاشه سوى واجبات او مناقشه او...)
ثانياً : التصحيح الكتروني


انا ودي اعرف على ايش تم الاكتفاء !!!!

انا ارى اذا وجد دكتور واحد للماده يكفي لتدريس 1500000 طالب
كللللللللللللللللللللللل شي الكتروني

وشكراً

[فروله فروله]

التسجيل فتح لجميع الدفعات اليوم
ولسه اكملت التسجيل لمقرر فقه السيره

:17:
فقه وقضايا واداب المهنه:21:

[mwdhf]

التسجيل فتح لجميع الدفعات اليوم
ولسه اكملت التسجيل لمقرر فقه السيره

:17:
فقه وقضايا واداب المهنه:21:

انتم يالحريم كل شي ينضبط لكم

الله يخلف علينا بس

والله يوفق الجميع

[زيدان9]

الله المستعان ،،، هذي حالة مع الجامعة يعني لازم نشغل نظام الفزعات و تكفى يا فلان وتكفى يا علان وخشمك يا الذيب:14:

اذا ادارة الجامعة بخططها المنظمة ما قدرت تحل مشكلة الشعبة المغلقة فمستحيل ان الطلاب بما عرف عنهم من عشوائية انهم يحلون المشكلة او يقدمون تنازلات لبعض.

اخواني كثير من قرارات الجامعة التي تصدر ضد الطلاب يكون بعض الطلاب هم المحرك وراها ، وبعض التجارب اثبتت ان العدو الاول للطالب في الجامعة هم طلاب مثله للآسف وليس ادارة الجامعة او نظمها الالكترونية:25:

الاولى هو تكثيف المطالبات لإدارة الجامعة بفتح شعب جديدة و نصبر على هالبلوى الى ان يفرجها رب العالمين

ملحوظة : العنوان غير واضح جداً والغريب ان اول رد كان لمشرفه ولا عدلت الوضع :13:

[ولد الحيدري]

:23::23::23::23:
هل عجزات الجامعة ان تفتح غرفة اختبار اف بس اف اف بس اف

تصحيح والوجبات المشاركة كلها اكترونية
يفتحون مدارس اهلية في الشرقية الفلوس تشتري الانفس موب ايجازة
مدرس واحد يستطيع ان يشرح لسعودية كاملة انتم تعليم عن بعد

[السكري]

التسجيل فتح لجميع الدفعات اليوم
ولسه اكملت التسجيل لمقرر فقه السيره

:17:
فقه وقضايا واداب المهنه:21:

عيني خير يافروله

والله لا فتح ولا شئ
أنا مسنتر عنه من الصبح إلى الحين

ولا فيه تسجيل
كله عرض

أنا أتكلم عن عام 1434 هـ +

حتى التسجيل للترم الصيفي لعام 1433هـ

ما يقبل التسجيل

ربما يكون التسجيل للمستويات العليا و الخريجين

[lgl3enk]

صح لسااااااااانك


ي ليت اللي ماخذ مكان وماله رغبه في الاختبار


يعطينا مجال

[آي فون]

للرفع علشان المتحمسين للصيفي بدون حضور يشوفوا

[l a v e n d e r]

هذا ما حصل فعلا ..

بعد ما تأكدت من عدم فتح مراكز بشكل قطعي من الفريدان شخصيا تم حذف المواد والسماح لغيري من الاستفاده من هذه الفرصـه ..

ألف شكر لكـ على هذه البادرة وخوفكـ على زملائكـ ..

دمت بنقاء ..

:16:

[سلفر2]

كلام اخوي آي فون صحيح :21:

[ابو غيداء]

والله اني جاد وسجلت ثلاث مواد

والأحساء 130 كيلو عن الخبر

ولكن استخرت وحذفت المواد اللي سجلتهم

وكل مطرود ملحوق

نجرب بالصيفيات الجايه


بالتوفيق للجميع

[احلى جوريه]

الحمدلله قبل معاي

http://im40.gulfup.com/kqpgl.png (http://www.gulfup.com/?dWR6oT)

:19:

[da7om]

هذا المفروض الي يصير
بيض الله وجهك :29:

[فجورة]

موفقين خير


والي تاركها للحظ ينسحب ويخلي الصامل ياخذ فرصتة الحسد شين ياجماعة الخير :8:

اقول الي عجز يسجل يرسلي رقمه الجامعي وانا اسجلة :42:
خخخخخ الحين يحسبون اني بنت الفريدان :5::5:

[نوف بنت سعود]

الله يهديك يا ابو غيداء كان عطيتنا بنق والا وكز والا اي شيئ عشان ناخذ محلك تلقاه لقط الحين:4:

[آي فون]

الله يسعدكم ويعطيكم العافيه

مع اني ما لحقت على بعض المواد ،، ولكن اللي سجل الحين بعد انسحاب البعض اهنيه من كل قلبي والله يوفقكم جميعاً

وبالنسبة للي انسحبوا ،، بيض الله وجيهكم ورزقكم وعوضكم بخير منها

تحياتي

[prince2112]

:21:

[آي فون]

للرفع

[آي فون]

يا مشرفين اعذروني ،، سوف اظل اقوم برفع الموضوع لعل وعسا تصل الرساله لاكثر عدد ممكن من الطلاب

[آي فون]

الله يهديك يا ابو غيداء كان عطيتنا بنق والا وكز والا اي شيئ عشان ناخذ محلك تلقاه لقط الحين:4:

المشكلة حتى لو اعطاك خبر

شعبة الطالبات غير شعبة الطلاب

الطالبات 30307

الطلاب 30306

[shehel1]

الله يعطيك العافيه
كلام واقعي

[ملاك الروووح]

المفروض ان الجامعة تسوي تسجيل احتياط

اذا انسحب احد ينزل احد مكانه

لان الجامعة حاطه وقت للانسحاب الاخير

فبعد هذا التاريخ تستبعد الاحتياط

هذا مجرد رأي

[د. نملة]

المفروض ان الجامعة تسوي تسجيل احتياط

اذا انسحب احد ينزل احد مكانه

لان الجامعة حاطه وقت للانسحاب الاخير

فبعد هذا التاريخ تستبعد الاحتياط

هذا مجرد رأي


نفس اللي كنت بقوله


عجزت ابي اسجل قضايا ولا هي راضيه تتسجل من امس لليوم


الله يعين ويوفقنا جميعا

وان شاء الله اللي ما بيحضرون يحذفون المواد ويعطونا فرصة

والاهم منا احنا .. يعطون طلاب المستوى السابع والثامن فرصه لان هم الأحق

[بدرالرياض]

UP for You

[آي فون]

UP for You

Thank you sir

[فريالووو]

طيب سؤال لأهل الخبره
لو سجلت ماده لصيفي مع اني متردده بتسجل بس لو لو سجلت وبعدين هونت واعتذرت وماقدرت اختبر
هل الاعتذار يأثر على معدلي ؟؟؟:10::9::39:

[عبدالله الغنام]

كلام سليم مفروض الي مو قادر او مهوب مكمل صيفي لا يضيع علي غيرره الفرصه لان المقاعد محدوده
ومفروض يكون عليه عقوبه لانه ضيع فرصه علي غيره اذا ماقدم عذر رسمي
ياليت يكون فيه تعاون من الاخوه الي ماراح يختبرون ولهم جزيل الشكر والامتنان
وبالتوووفيق للجميع

[آي فون]

:21:

[عبدالكريم مسند]

صـــآفين على طآبور تميس مآهب شعبة مآدة
وتكفـون وخلني قبلك والا ابجي مكآنك :42:
يآعزيزي الجامعة كانت واضحة من أول ما أعلنت عن الفصل الصيفي إنه الأولويه للخريجين وفتحت لهم المجال
بأول يوم يسجلون موآدهم إن إكتفوا كآن بها ما إكتفوا يفتحون للسنوات الي بعدها
طيب أنا رجآل صآر لي مجآل وسجلت المادة بس منب صآمل للحين وجاء وقت الإمتحانات والدراسة ومسكت معي أكمل واخذ المآدة مآضنيت فيها شي ولا يدخل في بآب أحب لإخيك ماتحب لنفسك :18:
هذا حقي بالمقرر ولاهب حق مغتصب من غيري :42:
الزبدهـ مقرر ثقافة معاصرة وصل السوم 450 ريال من يفرق السوم واتنأزل له عن المادة

[GuY]

مشكور اخوي على الموضوع
صراحة الكل محتاج ينطرح هالموضوع من أول وكان تفكير الناس بأن السبب هو الجامعة لكن مع المحاولات وتصريح الجامعة اتضح بأن السبب في كون بعض الشعب مغلقة هو تسجيل بعض الطلاب والطالبات .. اخوانا الطلاب واخواتنا الطالبات مثل ما تكرم الأخ بأن من هو ليس بمتأكد من حضوره للاختبار نرجو منه ترك فرصة لغيره وله الأجر بإذن الله سواء كان طالب ام طالبة ومن يرى بأنه يرغب الحضور ولكنه متردد كونها مادة وحدة التي استطاع تسجيلها ويرغب في الإنسحاب نرجو منه حذف المادة وترك المجال للجادين بالحضور مهما كانت الضروف . ولا نعني بهذا الشيء مادة معينه وإنما جميع المواد في جميع التخصصات . كن على علم أخي الطالب واختي الطالبه بأن ذلك سيفرج كربة شخص جاد بالحضور ومن فرج على مسلم كربة فرج الله عليه وشكراً

[ابوخالد@]

شكرا اخوي اي فون على طرحك الجميل والجامعة وضعت مراحل التسجيل بترتيب جميل جدا لان زملائنا الخريجيين لهم الافضلية في التسجيل وكان ينقصهم في عملية الترتيب هو السداد الفوري و اعطاء الطالب مهلة 12 ساعة للسداد لقياس مصداقية الطالب للدراسة للفصل الصيفي واذا استمر الطالب في الدراسة
واراد حذف المادة لا يستطيع استرداد مبلغ السداد