تسجيل الدخول

مشاهدة النسخة كاملة : معادلة سلم 101 و سلم 102 مههم للجميع

عبدالله سبيعي
2013- 5- 27, 06:06 AM
السلام عليكم
ارجو انكم تفيدوني بموضوع معادلة سلم 101 و سلم 102

درستها بمسمى ثقافة اسلامية 1 و ثقافة اسلاميه 2

الحين عندي هالمادتين بمسميات مختلفه

1
الأخلاق الإسلامية وآداب المهنة

2
العقيدة الإسلامية والمذاهب المعاصرة


ايش اعادلها بهذي وايش اعادلها بهذي ارجو الاجابه على الاستفسار الله يعطيكم العافية
عبدالله سبيعي
2013- 5- 27, 06:11 AM
ايضا مادة فقه السيره هل لها دخل في موضوع المعادلة ب موادي اللي درستها ثقافة اسلامية 1 و ثقافة اسلامية 2
غزاله الدوسري
2013- 5- 27, 06:18 AM
بالضبط نفس وضعي درست مواد بمسميات أخرى في تخصصي السابق واتوقع من ضمنهم ثقافه إسلامية ماني ذاكرة بالضبط

وإلى الآن لا علم لي هل سيتم معادلتها لي على الرغم من اختلاف المسميات ام لا

..

اتمنى اللي عنده علم يدلوا بدلوه
عبدالله سبيعي
2013- 5- 27, 06:26 AM
الحال من بعضه اجل
عادل السيف
2013- 5- 27, 07:06 AM
ما يحتاج تعرف وش اللي يتعادل بهذي وإيش بهذي يا طويل العمر والسلامه ..
الموضوع كله راجع للجامعه .. هم اللي يقررون وش بيعادلون لك
أنت اللي عليك تسويه .. هو أنك تكون جايب c وفوق في المادهـ وتسوي طلب معادلة عن طريق النظام وترفق لهم ملف pdf يحتوي على السجل الأكاديمي + توصيف للمقرر الي تبغى تعادله فقط

وراح يجيك الرد بعد في نهاية الترم تقريبا .. بالموافقه ع المعادله حسب مجلس الجامعه ..
أتمنى أكون أفدتك
عادل السيف
2013- 5- 27, 07:08 AM
بالنسبة للتوضيح اللي أنت تبغاهـ أنا عني عادلو لي مادتين الثقافة الإسلاميه 1 و 2 من جامعة الملك سعود
الاولى عادلوها مقابل العقيدة والمذاهب المعاصرة والثانيه عادلوها مقابل النظام الإقتصادي في الإسلام .. ولكن للأسف هالمادة ماهي من ضمن خطة إدارة الأعمال ما أدري وش الفايدة من معادلتها لي إلى الآن ..
غزاله الدوسري
2013- 5- 27, 07:17 AM
لو سمحت بغيت اعرف متى طلبت معادلة ومتى تم الرد عليك ..؟

لأني طالبة معادلة من بداية السمستر اللي طاف وإلى الآن ماجاني رد ..!
عادل السيف
2013- 5- 27, 07:34 AM
والله ما أتذكر بالضبط لكن الأكيد أنو تأخر فترة طويله مثل وضعك الآن .. حتى توقعت أنو يمكن لازم أروح للجامعه وأقدم الأوراق بشكل يدوي علشان ينظرون في الموضوع .. لكن الحمدلله جاني الرد بالموافقة على 3 مواد من أصل 5 اللي أنا طالبهم ..

وبالنسبة لك إذا فيه مادة طالبه معادلتها وجاء تسجيل المقررات للترم الجاي وما جاك رد حاولي تأجلينها وما تأخذينها وتأخذين مادة من مستوى أعلى ما طلبتي معادلتها .. وإن شاء الله ما تحتاجين للحركة هذي
غزاله الدوسري
2013- 5- 27, 07:38 AM
مشكور عالرد , الله يسسسعدك وييسر لك جميع أمورك

.

:2:
عادل السيف
2013- 5- 27, 08:06 AM
مشكور عالرد , الله يسسسعدك وييسر لك جميع أمورك

.

:2:


العفو , ويـآك يا رب .. وجميع الطلاب ويحقق اللي نبيه :16:
عبدالله سبيعي
2013- 5- 27, 08:51 AM
مشكور اخوي وبيض الله وجهك على الرد :16:
الطالب المملوح
2013- 5- 27, 09:28 AM
اخوي انا سبق ان درست سلم 101 بسعود

وتمت معادلتها الحمدلله

بـ العقيدة الاسلاميه والمذاهب المعاصره
أمنية أحمد
2013- 5- 27, 09:30 AM
قدم على المعادلة بعد ارفاق التوصيف
بالتوفيق
:17: