تجمع بنات الخبر -الدمام الصيفي

[مجودة القحطاني]

السلام عليكم
هذا موضوع نتجمع فيه بنات الخبر والدمام من اجل المناقشه في كيفية المواصلات
ياليت تشاركونا ولو بفائدة
البعض راح يذهب قطار ومن ثم يستقبله سائق ثم الى الجامعه
والبعض سائق من الخبر والدمام دايركت
اتمنى نجتمع ونتفق والعدد كلما زاد كلما كان افضل وكان النقاش غني بالفائدة
شككككرا جميعا :16:

[خريف العمر]

كويس فتحتي مثل هذا الموضوع لاني انا للحين ماعرف شي عن مواصلاتي وابشرك ابوي للحين ما اعطاني كلمه اذا كان بيوديني او لا واحتمال بيوم الامتحان يسحب علي لاكن نشوف البنات وش بيسون وربي ييسر.

[منال26]

دايركت من بيت ابوي الى الجامعه والمرافق ابوي او اخوي الصوغنن خخخخخخ يروحون يتمشون بالاحساء على ماً اخلص الله يعينه

[قلم ازرق جاف]

سيارة خاصة :16:

[مجودة القحطاني]

ماشاء الله حلو
نبي اللي بيروحون غير السيارة الخاصة

وشكرا اللي ردو
:16:

[um fatima]

ماسجلت والسبب خوفي من المواصلات ينكبون فيني يوم الاختبار :44::23:
الله يوفقكم يارب :16:

[توحا الشمري]

ما ادري احتمال القطار :4:

[Kadi li]

انا القطار كمان ومن هناك مواصلات ..لكن دوبني فاتحة نفس الموضوع قبلك بشوي..تحبون وين نكمل النقاش

[جراح الزمن]

اشكرك عزيزتي ويمكنك ومن يرغب التواصل على الخاص اذا اقترب ااالموعد

من ناحيتي قطار وارغب ان نكون مجموعه بحيث لو ما تيسر خذنا لنا سياره خاصه كباص صغير

مانضمن المفاجئات بالظروف العامه كالحجوزات بالقطار ووقت الاختبار ولا الظروف الشخصيه الخاصه

[خالديه وبس]

اهلين بنات اذا تبون شيء انا بالخدمه.,,,وراح اكون معكم صيفففي..بس من الاحساء

[مجودة القحطاني]

انا القطار كمان ومن هناك مواصلات ..لكن دوبني فاتحة نفس الموضوع قبلك بشوي..تحبون وين نكمل النقاش

Hmmmm
هلا بك ياجميله لو لاحظتي التاريخ موضوعي اقدم
:29:
اهم شي نستفيد ونفيد:16:

[***ورد***]

الله يسعدك ياشيخه....قاعدة احاتي الروحه.............انا بالدمام وبروح قطار باذن الله وشاليه هم الحجز وقت المغادره والعودة:9: وزاختنا حبيبتا اللي اتبرعت من الحساء ياليت تقول وين موقع الجامعه بالضبط قريبه او بعيد من محطة القطار ولو باخذتاكسي كم يكلفني:42::42: مع كل الشكر الجزيل.

[fahooood]

الله يوفقكم