افتتاح تخصص جديد وهو الاتصال وتقنية الإعلام بكلية الآداب

[شجن الروح]

سيتم افتتاح تخصص جديد بكلية الآداب في بداية العام القادم 1434-1435هـ وهو تخصص ( الاتصال وتقنية الإعلام )
وشروط القبول فيه بعد الانتهاء من السنة الأولى هذا العام 1433-1434هـ وتحقيق الشروط الأساسية للقبول في التخصصات( النجاح فيما لا يقل عن 50% من الساعات المقررة في السنة الأولى عام - تحقيق معدل تراكمي لا يقل عن 2 من 5 في السنة الأولى عام )
ومعايير القبول في هذا التخصص :-
1- النجاح في المقررات التالية : ( التحرير العربي ( بمعدل لا يقل عن c ) + اللغة الانجليزية العامة ( بمعدل لا يقل عن c ) + مدخل إلى تقنية المعلومات ( بمعدل لا يقل عن c )
2- عدد الطالبات المطلوب القبول فيه (100) طالبة .



المصدر
http://forum.ud.edu.sa/vb/showthread.php?5821-%C7%DD%CA%CA%C7%CD-%CA%CE%D5%D5-%CC%CF%ED%CF-%E6%E5%E6-%C7%E1%C7%CA%D5%C7%E1-%E6%CA%DE%E4%ED%C9-%C7%E1%C5%DA%E1%C7%E3-%C8%DF%E1%ED%C9-%C7%E1%C2%CF%C7%C8

[مآوفيتكـ]

تراكمي لا يقل عن 2 من 5 في السنة الأولى عام

عدد الطالبات المطلوب القبول فيه (100) طالبة



تنآآقض !! :4:

كيف كيذا يعني الاغلب راح يجي 2 و فوق
و يبون يقبلون 100 !!!


واضح اول سنه تجريبيه


الله يعين بنات التحضيري و يوفقهم

[شجن الروح]

مو شرط يمكن معدلها 2 بس ما حققت هالشرط

النجاح في المقررات التالية : ( التحرير العربي ( بمعدل لا يقل عن c ) + اللغة الانجليزية العامة ( بمعدل لا يقل عن c ) + مدخل إلى تقنية المعلومات ( بمعدل لا يقل عن c )


اي اكيد بيكونون اول دفعة كل شي بيجروبونه فيهم :42::1:

[ميما2010]

ماأتوقع يبدأ القبول من 2 لأنه تخصص جديد ، حنا مكتبات انقبلنا بأول دفعة كان المعدل المطلوب فوق 3 ، عدد الطالبات كان 120
بس يمكن على الدفعة الثانية والثالثة والي بعدهم يقل المعدل المطلوب
عموما الله يوفقهم يارب :16:

[عقبال التخرج]

وعععععععععععععععع اعلام . مافي احلى من علم الاجتماع صحيح متعب بس ان شاء الله مستقبلة حلو:29:

[zσσz яαsнιd]

ءءء احسه متعب وممل بيكون التخصص دام فيه تحرير لازم النجاح فيه :30:

[طالبة الادبي]

في اي مبنى راح يكون

لو يوسعو قسم علم الاجتماع احسن

[CINQ]

طيب بنات اللي متخصصه وتبي تحول عليه كيف ؟
لان ما نزل ضمن التخصصات في نموذج طلب تغيير تخصص :(

[qamr]

لا موجود
انا يوم جيت اسوي تغيير تخصص طلع من ضمن التخصصات المتاحة
انتي اعرفيه باللغة الانجليزية

[ياررررب]

^ سويتي تغيير للتخصص ! وﻻ يطلع تشاور مع عميد الكليه ؟

[ash_m]

اخيرا فتحوه بس شروطه مصعبينها ليش ؟:44:

[سبرادو]

الإعلام مجال واسع جداً جداً وبيئة مناسبة للنساء من واقع تجربة
تستطيع النساء أن تعمل من خلال مجال الإعلام التالي :

- صحفيه متعاونه في اي جريدة بالمملكة العربية السعودية .
- صحفية متفرغة تعمل في اي جريدة بالمملكة العربية السعودية
- إعلامية متعاونه في الإذاعة بالمملكة العربية السعودية
- إعلامية متفرغة في الإداعة السعودية
-إعلامية متفرغة او متعاونه في اي إذاعة او اي قناة تلفزيونية والمجالات متعددة كالأعمال خلف الشاشات والأعمال في اعداد التقارير دون الظهر على الهواء. (مقدمة - معدة اخبار - معدة تقارير - مراسلة - مديرة مكتب - أخصائية إعلام ونشر - أخصائية علاقات عامة - مستشارة إعلامية ......الخ )
- اي دائرة حكومية تلعيمية او صحية في مجال العلاقات العامة والإعلام .
- اما في المجالات الخاصة فالمجال واسع جداً مكاتب العلاقات العامة والإعلام النسائية لاوجود لها بالمملكة فمن خلال تخصصك بإمكانك تفتحي مكتب خاص في خدمة الإعلام والعلاقات العامة
- كذلك في مجال التعاون الإلكتروني في الصحف الإلكترونية كسبق والوئام والمواقع التي تهم النساء للعمل فيها كمراسلة صحفية او ادارية في تحرير الأخبار .....الخ


والأهم من ذلك أن تكون على دراية تامة في معرفة نشر الخبر واعداده وتدقيقة والمعرفة التامة في التصوير الصحفي الذي يخدم الخبر

لا يأس مع اصرار وعزيمة القسم مميز جداً والكل يحتاج تواجد العنصر النسائي إعلامياً

[سبرادو]

مشاءلله لو بامكاني ادخله كان دخلته بس قسمي بعيد و ما عديت المواد اللي يبغون فيها سي جبت اقل من سي الله يوفقكم :16:

[خوووخة]

حلو احسه هالتخصص وخاصة لما تدخل البنت وهي تستحقه يعني يكون مناسب ميولها ورغبتها
الله يوفقكم
واتمنى عدم التعصب لاي قسم :37:

[سبرادو]

:21::16:

[ن ـادرة الوجود]

واااو جميل
بس علم اجتماع اجمل هع
بالتوفيق للكل

[NoorAldnya]

واخيرررررررا فتحوه
بس خلاص راحت علينا :10:
يلا موفقين اللي راح يتخصصون فيه
:17:

[Ѕɑrɑƕ ••]

كنت اتمنى هالقسم من زمان, من ايام التحضيري و هو يقولون بيفتحون ,
ماعلينا الله يوفقهم.
بس وين بيحطون القسم في اي مبنى !!
اذا علم الاجتماع مشتتين بين 62 و 63 !!

[RASLEN]

كنت اسمع انهم بيفتحونه من انا ثالث متوسط وكنت مره ابيه احب الاعلام بس لما تخصصت افتحوه عموما قسم مميز بمعن الكلمه بس اكيد صعب بيكون موفقين كل الي بيدخلونه وحظ اوفر لي :1:

[MEESH وبس]

:8:



يَ بختكم التخصص جمميل مررآآ ،
بالتوفيق ...

[Jas_000]

طيب بنات اللي متخصصه وتبي تحول عليه كيف ؟
لان ما نزل ضمن التخصصات في نموذج طلب تغيير تخصص :(



انا بعد ودي اعرف طريقة تغيير التخصص و عندي سؤال صدق بنات اللي يتخصصون اعلام يسوون لهم مقابله شفت رد لبنت تقول كيذا !؟

[شجن الروح]

هنا طريقة تغيير التخصص

http://www.ckfu.org/vb/t342270.html

[Jas_000]

بنات انا معدلي زين بس ماحققت شروط هالقسم فيه امل انقبل !؟

[بسمة $]

رئيس القسم راح يكون الدكتور علي القضاة اردني الجنسية

درسنا هالبسمستر مادة اخلاقيات المعلومات قسم المكتبات والمعلومات المستوى الثامن (أول دفعة)

رااااااااااااااااااااااااااااااااااااااااااااقي جداااااااااااااااااااااااااااااا وخدوووووووووووووووووم واخلاقه جداااااااااااااااااااااا عالية

ويساااااااااااااااااااااااااااااااعد البنات الله يبارك فيه طبعا راح يكون رئيس قسم وبيدرس مواد

[مهذبة]

د علي القضاة فعلا انسان محترم

:21:

[شجن الروح]

اماااا من متى صار رئيس القسم رجـآل :5:

[نونـا]

من جد :5:

[" رَوْنَق "]

^

إي والله :5:

[دموع بريئه]

رجاا لاحد يتحيز لقسمه ويقلل من الاقسام الثانيه كل بنت بتمدح قسمها

وبصراحه قسسم الاعلام الكل كان ينتظره من كم سنه يابخت اللي بيتخصصونه

وعلي القضااه انساان مررررررره محترررم وراقي وعطي درجات حلوووه

الله يوفقكم
:21::21::21:

[نودآ]

ممم غريبة علي القضاة !
سمعت إن د/أمل الطعيمي هي اللي بتكون الرئيسه !

عمومًا أحس قسم ممتع و مختلف


بالتوفيق للجميع ()"

[W E J D A N]

رئيس القسم راح يكون الدكتور علي القضاة اردني الجنسية

درسنا هالبسمستر مادة اخلاقيات المعلومات قسم المكتبات والمعلومات المستوى الثامن (أول دفعة)

رااااااااااااااااااااااااااااااااااااااااااااقي جداااااااااااااااااااااااااااااا وخدوووووووووووووووووم واخلاقه جداااااااااااااااااااااا عالية

ويساااااااااااااااااااااااااااااااعد البنات الله يبارك فيه طبعا راح يكون رئيس قسم وبيدرس مواد

وانا درسني مدخل الى الاعلام
كان يسادعنا كثير وعلى تواصل مستمر معنا عن طريق الايميل
و درجاتنا حلوه عنده ، وعطانا بونس 3 درجات

و المعيدات بعد حبوبات :15:

[NADA ALANEZI]

وانا درسني مدخل الى الاعلام
كان يسادعنا كثير وعلى تواصل مستمر معنا عن طريق الايميل
و درجاتنا حلوه عنده ، وعطانا بونس 3 درجات

و المعيدات بعد حبوبات :15:


انتي مستوى خامس .. ودرستي مدخل للاعلام ؟

المادة ذي جديدة تو نزلوها !!



طيب اقدر اتخصصه وانا ماخذت ذي المادة ولالا ؟!

[W E J D A N]

انتي مستوى خامس .. ودرستي مدخل للاعلام ؟

المادة ذي جديدة تو نزلوها !!



طيب اقدر اتخصصه وانا ماخذت ذي المادة ولالا ؟!

انهيت مستوى رابع والمادة ذي بمستوى رابع

اي تقدرين تتخصصينه بدون ذي المادة لانها مادة عامة لمستوى الرابع اختيارية هي او حاضر

[NoufAlQahtani]

طيب أنا كان معدلي 3 ونص
وخذيت في التحرير العربي بي بلاس
و مدخل المعلومات سي بلاس
الانجليزي دي:39:
تتوقون أقدر ادخله و لا

[Jas_000]

طيب أنا كان معدلي 3 ونص
وخذيت في التحرير العربي بي بلاس
و مدخل المعلومات سي بلاس
الانجليزي دي:39:
تتوقون أقدر ادخله و لا





يارب تدخلينه امنيتي اتخصصه
وياحظ اللي بيتخصصونه
بنات بليز اللي تعرف ترد على سؤالي
الله يوفقها ❤

[مهذبة]

[quote=noufalqahtani;9073964]طيب أنا كان معدلي 3 ونص
وخذيت في التحرير العربي بي بلاس
و مدخل المعلومات سي بلاس
الانجليزي دي:39:
تتوقون أقدر ادخله و لا[/quo

اذا طلع لك مع التخصصات حطيه اول شي

لان هم طالبين مية صح

ويمكن اللي يختارون هالتخصص مو كلهم تنطبق عليهم هالشروط فيبدأوا ياخذوا زيادة حتى لو ما تحققت الشروط عشان يوصلوا للعدد المطلوب

والله اعلم

الله يوفقك

[red_danger]

بنااااااااااااات تكفون ابي ايميل الدكتور علي القضاة

[مهذبة]

^
amalqudah@ud.edu.sa

[Jas_000]

[quote]

اذا طلع لك مع التخصصات حطيه اول شي

لان هم طالبين مية صح

ويمكن اللي يختارون هالتخصص مو كلهم تنطبق عليهم هالشروط فيبدأوا ياخذوا زيادة حتى لو ما تحققت الشروط عشان يوصلوا للعدد المطلوب

والله اعلم

الله يوفقك



اتمنى كيذا لان مو الكل تنطبق عليه الشروط

[# توم]

مافهمت التخصص هذاا

حد يفهمني ايااه

:6:

[ندوشش]

طيب اقد احول لهذا التخصص اذا درست سمستر كامل في تخصصي وجبت معدل كويس ؟

[Reem na]

انا انقبلت فيه :39:
بس وش نوعيه المواد اللي بناخذها لانه اذا صعب ومعقد مابي اكممل فيه :18:

[SILENT.]

^ ما اتوقع احد يعرف لان اول دفعة بالكلية دفعتكم

[M,A]

طيب اقد احول لهذا التخصص اذا درست سمستر كامل في تخصصي وجبت معدل كويس ؟

اكيد تقدرين ، شدي حيلك و الله يوفقك

:16:

[بسمة $]

انا انقبلت فيه :39:
بس وش نوعيه المواد اللي بناخذها لانه اذا صعب ومعقد مابي اكممل فيه

بنات الله يهديكم لازم تفهمون مليون سؤال مثل هذا مافي شي صعب ومافي شي سهل لازمن من أي شي في الحياة صعب وسهل وبالعكس اعلام ومكتبات مطلوبين

[أماني الغامدي]

انا انقبلت فيه :39:
بس وش نوعيه المواد اللي بناخذها لانه اذا صعب ومعقد مابي اكممل فيه :18:




كم معدلك طيب انا ودي احول للقسم ذا ؟:29:

[Jas_000]

انا نفس الشي ودي احول لهالقسم

بس مااتوقع بياخذون اكثر طالبين 100 بس


محظوظين اللي انقبلوا فيه كنت اتمناه

[Reem na]

طيب شلووون اطلع خطه التخصص:31:

[جرحني غلاك]

^ اتوقع م نزلت الخطهه للحين لاني دخلت ادور بموقع الجامعه ومالقيتها
الا اذا نزلوها بمكان ثاني :29::16:

[Esra2]

انا انقبلت فيه :39:
بس وش نوعيه المواد اللي بناخذها لانه اذا صعب ومعقد مابي اكممل فيه :18:

ول ول ول

وش هالتشاؤم !

مفروض تتفائلين و تتحمسين

انا بعدني ما اسجل بالجامعة و متحمسه ادخله :42:

[Reem na]

ماعاد قدرت ادخل ابي اوري امي التخصص لانها مو مصدقتني ومادخل صارلي مده ع هالحاله وش اسوي يافرحه ماتمت:10:

[بنوته ناااايس]

تطورات حلوه ما شاء الله:21::21::35:

[rosy+]

^
مَ ابي احبطكم بس مثلاً بتعيشون على كتابة كم مقال
الكل بيبرع في كتابة المقالات ولا بنسمعكم تتكلمون بالسعودية كلللكم .!!

[سرادق]

^
مَ ابي احبطكم بس مثلاً بتعيشون على كتابة كم مقال
الكل بيبرع في كتابة المقالات ولا بنسمعكم تتكلمون بالسعودية كلللكم .!!

الرزق بيد الله ماهو بيدك بلاش تحطيم

[" رَوْنَق "]

^
مَ ابي احبطكم بس مثلاً بتعيشون على كتابة كم مقال
الكل بيبرع في كتابة المقالات ولا بنسمعكم تتكلمون بالسعودية كلللكم .!!

حبيبتي ليه هالكلام المحبط !
أنا بالنسبه لي مقتنعه الحمدلله أني دخلت إعلام :* ويارب ما يغيرونه عنه
وما أتخيل نفسي بتخصص غيره !
هم صح للحين ما نزلو شيء عنه *.*
بس ما تحكمين أنه مافيه وظايف فيه وأنه مقالات وما أدري شنو -ـ-
إذا أنتي قبلوك بالقسم إلي تحلمين فيه , والحمدلله أنقبلتي فيه !
لا تتفاخرين :/ وأن قسمك هو بس الزين :41:
الأرزاق بيد الله .. رجاء لحد يذم إي قسم ‘ كل وآحد وميوله !
بس أنه تطنز على القسم وأنه مافيه وظايف ولا شيء @ !:31::20:
غلط والله غلط :10:


والسموحه على هالكلام .. لآن جد إنقهرت من كلامك :30::23:
والأرزاق بيد الله , سبحانه :1:

[zσσz яαsнιd]

^

أموّن ‘ :21::21:

[نودآ]

^
مَ ابي احبطكم بس مثلاً بتعيشون على كتابة كم مقال
الكل بيبرع في كتابة المقالات ولا بنسمعكم تتكلمون بالسعودية كلللكم .!!



حابه اوضح لك فكرة عزيزتي ..
اولاً :الإعلام مو مقتصر على المقالات فقط !
و مو كل شخص كتب مقال نقدر نطلق عليه إعلامي او صحفي او كاتب !
له مجالات كثيره جدًا حبذا لو تطلعين عليها (:
ثانيًا : التخصصات مو هي اللي تحدد الوظايف
يا ما ناس عندهم بس الشهادة الإبتدائية وماسكين أهم المناصب !
و ياما ناس معاهم الدكتوراة ومازالوا يحدثون حافز يوميًا ( خوفًا من الخصم )

و كل شخص و له ميوله اللي يبدع فيه حتى لو ماكان لها مستقبل !
الطموح و الهمه هي اللي تصنع المستقبل بإذن الله ..
و التحطيم و النظرة السلبية تحطم مستقبل !




و بالتوفيق لكل الإعلاميات الجميلات:1:

[NORA1994]

حبيت التخصص واذا ربي كتب بتخصص فيه :11:

بسس ياليت يفتحون تخصص حقوق :22::1:

[روان الشهراني]

كل التوفيق لكم، بخصوص من ترى تخصص الإعلام فقط للمقالات فالإعلام مطلوب في أغلب الجهات الرسمية الحكومية والخاصة حتى بديوان المظالم قبل أسابيع أعلنوا وظائف من ضمن تخصصات الشريعة كان تخصص الإعلام وغيرها من التخصصات ،الإعلام له مستقبل لكن هو ممارسة أكثر من كونه تخصص التخصص فقط يعطيك شهادة أما ممارسته والمشاركة بالأنشطة الإعلامية والملتقيات والمؤتمرات التي تتحدث عن الإعلام ستضيف لك الكثير ، بالتوفيق لكل اللي دخلوه

[rosy+]

الثلاثه الي ردوا على مشاركتي :biggrin:

ذي وجهَة نظر وماله داعي القهَر :(204):
وأي وحده متخصصه إعلام لزم يكون عندهَا صبر على كافة الآراء :119:

[rana_1]

الحين الي تقول علم اجتماع افضل اوحسن من الاعلام على اي اساس ؟؟؟ ياليت تقولين لي على اي اساس قلتي كذا

[Mesh1]

الحين الي تقول علم اجتماع افضل اوحسن من الاعلام على اي اساس ؟؟؟ ياليت تقولين لي على اي اساس قلتي كذا

مافيه تخصص احسن من تخصص

[EeAlroqi]

^
مَ ابي احبطكم بس مثلاً بتعيشون على كتابة كم مقال
الكل بيبرع في كتابة المقالات ولا بنسمعكم تتكلمون بالسعودية كلللكم .!!

كأنك تخصصتي القسم نفسه اللي كنتي تحبطين عنه !

[EeAlroqi]

الحين الي تقول علم اجتماع افضل اوحسن من الاعلام على اي اساس ؟؟؟ ياليت تقولين لي على اي اساس قلتي كذا

لاتسمعين لرأي اي احد
ادخلي اللي رغبتك فيه علم اجتماع والاعلام كلها اقسام جديده ومتطلبه في مجال العمل
بس ادخلي اللي تحسين بتعطين فيه اكثر..

[Shiny Tiffany]

بنات قسم الأعلام ..

درسكم دكتور اسمه عادل المكينزي في الترم الثاني ؟!

[EeAlroqi]

بنات قسم الأعلام ..

درسكم دكتور اسمه عادل المكينزي في الترم الثاني ؟!




ايه درسنا مقرر قضايا اعلاميه معاصره
وعلى كلامه بيكون موجود هالسنه

[طالبه العلم]

اللي نقدت تخصص الاعلام اتوقع انها كانت تبي تدخله وماحصل لها
ولا ليش االحين محوله لها القسم وكاتبه اعلام !!!!
تناقض عجيب

[طالبه عربية]

التخصص تختاره الطالبه من خلال رغبتها ولابد من القراءة عنه قبل ان تخوض فيه وكل طالبه بتقول رايها الشخصي ومن تجاربها الشخصية ولاحظت توجد مواضيع تسال الطالبات اسئلة فمن المفترض ان تجاوب الطالبه بقدر مابحتويه السوال لايوجد داعي لاي كلام غير لائق لبعضنا البعض فكل طالبه تعبر من تجاربها الخاصه ومن المفترض ان توجهو النصيحة لطالبة فالطالبة محتاجة دعمكم ومساعدتكم ومحتاجه تتعرف عن الاقسام وتسمع ارائكم ولكن الاول والاخير بتاخد القرار المناسب بالنسبة اليها .. فعزيزتي الطالبة اقرئي عن كلا القسمين قبل سوال الطالبات .. لانه الرغبات تختلف من طالبه لاخرى والميول والقدرات
والله يوفق ويسهل على الجميع
دمتم بحفظ الرحمن

[rosy+]

EeAlroqi : ياحلوه تخصصي تاريخ :53: ويوزري مشترك :119:

طالبة العلم :hahahahahah: الكلام الي فوق لك بعد

[amjad_]

معليش عاد من زين التاريخ !! يكفي اني ادرس شيء منتهي وقاضي
وش اخرتك مدرسة تاريخ حبيبتي ؟

ماكان ودي اصير سطحية بس رأيك ماله داعي من الاساس كم شخص حطمتي لحد اللحين ؟
انا عن نفسي داخلته مقتنعه واي شهادة بتوظفني لاتنسين الواسطة ياقلبي اهم من قسمك

[rosy+]

معليش عاد من زين التاريخ !! يكفي اني ادرس شيء منتهي وقاضي
وش اخرتك مدرسة تاريخ حبيبتي ؟

ماكان ودي اصير سطحية بس رأيك ماله داعي من الاساس كم شخص حطمتي لحد اللحين ؟
انا عن نفسي داخلته مقتنعه واي شهادة بتوظفني لاتنسين الواسطة ياقلبي اهم من قسمك

الي بتتخصص تاريخ شرط اساسي بتدرس ؟ أو يمكن الوضع فيه واسطة :biggrin: