هام جدا وعاجل لجميع الطالبات الجديدات والقديمات .. ارجوا التفضل بالدخول للاهمية [الأرشيف] - ملتقى طلاب وطالبات جامعة الملك فيصل,جامعة الدمام

super

2009- 10- 1, 09:52 PM

هلا فيكم جميعاً

كيفكم ؟

ان شاء الله بخير وطيبين

هاه مستعدين للدراسة .. :119:

فيه خبر حلو لجميع الطالبات واولياء الامور

الا وهو

ان السيارات الخاصة والباصات سواء الحكومية او الاهلية

راح يكون دخولهم من الخلف .. يعني الجهة الشرقية للكلية

اتمنى من جميع الطالبات تناقل هذا الخبر

والذهاب يوم السبت 14-10 ان شاء الله من الخلف

لانه لن يسمح للطالبات بالدخول من البوابة الرئيسية

وان شاء الله بتشوفون شي يسركم .. خاصه الطالبات القديمات

لانهم راح يلاحظون تغير مذهل جداً في المواقف والممر بين الكليتين

هذا اللي حبيت اقوله .. وتمنياتي للجميع بالتوفيق

AMOON

2009- 10- 1, 09:54 PM

غاليتي

من وين من الخلف

لأني كنت بالقديمه

ممكن توضحيين أكثر؟؟

Butterfly1434

2009- 10- 1, 09:58 PM

شكرا ع الخبريه النآآيسه

بس مآآفهمت شيء:t1:

سورري

super

2009- 10- 1, 10:01 PM

اول شي انا مو وحده اوكي

ثاني شي

امممم

طيب اوضح لكم اكثر

يعني تخلون الكلية على يمينكم تجيكم الاشارة

تاخذون يمين تجيكم شركة الاتصالات على يساركم

اول لفة يمين تاخذونها

يصير سور الكليات على يمينكم وحي الريان على يساركم اوكي

تمشون تقريبا 100 متر اقل او اكثر

بتلقون بوابة على يمينكم .. اللي هي بوابة الباصات الحكومية الصفرا ..

هذيك صارت الحين مواقف للسيارات الخاصة والباصات الحكومية والاهلية

توهم مخلصينها وان شاء الله راح تدخل السيارات الخاصة بالطالبات من هناك

ان شاء الله الامور اوضحت :119:

يمكن ماعرفت اوصف لان فيني النوم :d

بالتوفيق للجميع

Butterfly1434

2009- 10- 1, 10:12 PM

يب فهمت:cheese:

شكرا ع التوضيح

رؤية مشرقة

2009- 10- 1, 10:15 PM

مافهمت توصيف ..

:c8:

الله يعطيك العافيه آخووي ..

لارا

2009- 10- 1, 10:23 PM

يعطيك العافيه
بس يعني الممر اللي يفصل بين الكليه الجديده والقديمه شالوه!! يعني الممر صار شارع!!

انتساب

2009- 10- 1, 10:36 PM

هلا
بالتوفيق لكل بنات المنتدى
سؤال الممر بين الكليه القديمه والجديده اتسكر ولا لا

RanD

2009- 10- 1, 10:53 PM

الممر اللي بين الكليتين وش صار فية ؟؟؟

يعني صار مدخل الكلية من ورا .... وعلية سور وبوابة صح ؟؟

طيب والمواقف القديمة اللي في شارع نايف وش بيصير عليها ؟؟؟؟

حنايا الروح2

2009- 10- 2, 12:23 AM

شكرا اختي الغاليه الله يبشرك بالخير

كفآيه يازمــــــن ..

2009- 10- 2, 01:06 AM

لحظه لحظه لحظه !!!!!!!

وين وين وين ؟؟

عند باب الباصات اللي بالكليه القديمه ..

وحنا بنات الكليه الجديده من وين نطلع ان شالله

ليكون يبونا اذا طلعنا من المحاضرة نمشي الى الكليه القديمة عشان اروح للباص

روحي هلاليه

2009- 10- 2, 01:08 AM

السلام عليكم
سؤال الممر بين الكليه القديمه والجديده اتسكر ولا لا
اتمنى الرد:praying:

رحلة عمر

2009- 10- 2, 02:34 AM

:cheese:
السبت نروح ونشوف

حكايا الورد

2009- 10- 2, 02:44 AM

على الي فهمته ان الباصات توقف عند الكليه القديمه :000:
وكل يوم رايحين راجعين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :103:

حلآ~

2009- 10- 2, 04:03 AM

:mh19:

كــأني مافهمت شي ابد

:000:

احساس ورد

2009- 10- 2, 04:08 AM

وانا بعد مافهمت شي هههع

المحرومهM

2009- 10- 2, 12:48 PM

بنااات اتوقع صار في تعديل
انا سمعت ان الممر طويل احين الغاوه
يمكن قربوا المسافة للباصات إن شاءالله خير
موفقين جيمعاً

سفيرة الأحلام

2009- 10- 2, 03:24 PM

بيصير ابعد من اول

مافهمنااااااااااااا ياليت توضيح

*طالبة جامعية*

2009- 10- 2, 07:30 PM

ممكن التوضيح وياليت اللي صورت المكان تحطه

βЯŌŋŻ

2009- 10- 2, 07:48 PM

ايه اليوم ابوي جاه مسج عن الموضوع هذا يقولون دخول وخروج الطالبات من الباب الخلفي بس وين ماأدري بالضبط

فرآوله

2009- 10- 2, 08:03 PM

:Cry111: آآآآآآآآهـ ياقلبي

الجسرررر نبييييييييييييييييييييه

مالي دخل مالي دخل ابي صديقاااااااااااتي :Cry111:

والله ظلم :011:

كـيان

2009- 10- 2, 08:46 PM

يابنـــات...

يعني ..

الدخول والخروج...للكليتين..الاداب والعلوم..

من الجهه الخلفيهـ..(مكان الباصات الحكوميه)..

يعني انتي سياره خاصه والا باص حكومي ..

الدخول والخروج من ورا..(تطلعين من الكليهـ..على طول حي الريان بالوجه)

يعني ..

زفلتو الصحراء اللي ورا..وخلوه كلهـ زفلت..

ووواكيد انهم قسموه..ورتبوا المكان..

علشان السيارات والباصات..

...

كـيان

:119:

super

2009- 10- 2, 11:07 PM

طموحي جامعيه

2009- 10- 2, 11:41 PM

يسلمووو على الخبريــه

طموحه وافتخر

2009- 10- 2, 11:42 PM

انا بكره بروح الكليه زين مع اخوي من وين ادخل وعندي سؤال ثاني الباصات متى تبدأ دواماتها

super

2009- 10- 2, 11:46 PM

ادخلي من البوابة الخلفية

اللي تفتح على حي الريان

اما بالنسبة للباصات

استفسري من قسم الخدمات بالكلية

وان شاء الله راح يفيدونك

بالتوفيق

طموحه وافتخر

2009- 10- 2, 11:53 PM

مشكور اخوي على المساعده الله يجزاك ربي الف خير

SmSo

2009- 10- 3, 12:02 AM

وآآآو

ذآتس قود مره ..

ثآنكيو :119::119:

حكايا الورد

2009- 10- 3, 12:21 AM

على العموم

بكره بتشوفون شي مميز جداً

خاصه الطالبات القديمات اللي يتذكرون الممر القديم (الشينكو)

الحين وسعوا الممر وحطوا الوان تفتح النفس وراح يحطون جلسات وبرادات ماء

ماودي احرق عليكم الفيلم

بكره ان شاء الله بتشوفون شي خورااااافي

بالتوفيق للجميع

أذا كذا تمــــــــــــــــــــــآآآم التمام :119:
كل الشكر على الخبررريه .،

english gairl

2009- 10- 3, 12:42 AM

كـيان

2009- 10- 3, 01:05 AM

هلا فيكم

اسف جدا على التأخير

ياعيني عليك ياكيان

كلام كيان صحيح

على العموم

بكره بتشوفون شي مميز جداً

خاصه الطالبات القديمات اللي يتذكرون الممر القديم (الشينكو)

الحين وسعوا الممر وحطوا الوان تفتح النفس وراح يحطون جلسات وبرادات ماء

ماودي احرق عليكم الفيلم

بكره ان شاء الله بتشوفون شي خورااااافي

بالتوفيق للجميع

بلا جدول بلا خرابيط..

بكرهـ باداوم علشان اشوف ..الممر(بروايتك)..الجسر(برواية بنات الكوليهـ) ..

<موب مصدقهـ..الكليهـ تطورت بشكل كبيرجدا>

<<يااخي اذا عندك صور وكيذا حماس..حطهن هنا..<<شوقتنا..:119:

..أنا كيذا فهمتها وهي طايرهـ..

...

ومشكور على هالخبريهـ..

وربي لو صدق..؟؟!!!!!!<مستحيل اصدق الا اذا شفتهـ بعيني..

راح ادعيلك...باللي تبي..<<اسدح اللي تبيهـ هنا..

وجزاك اللهـ خير..

...

<<ابي بكرهـ يجي..>>

...

موفق اخوي..

...

كـيان

:119:

Mo0_0ony

2009- 10- 3, 01:08 AM

يعني ما فكروا يتطورون الا لما خلاص بنطلع ليــــه طيب :Cry111:

عالم غـــــريب والله :103:

Mo0_0ony

2009- 10- 3, 01:14 AM

سالفة الممر ... كويسة ... اهم شيء التطور خخخخخخخخ:o3:

بس اتخيل اشكال البنات وهم يمشون كل هالمسافة لين يدخلون اقسامهم .... اللي تبي تنحف رياضة صباحية خخخخخخخ ...

طيب سؤال البوابات الرئيسية وش بيصير عليها ..؟؟

وسؤال بعيد عن الموضوع طالبات الانتساب ....يجون مناك بعد ......والا مالهم دخول :t1: هههه

دمعـ العيون ـات

2009- 10- 3, 03:51 AM

مشكورين على الخبر..

*طالبة جامعية*

2009- 10- 3, 04:08 AM

يعني أفهم من الكلام إن بوابة السيارات غير عن بوابة الباصات وهل إحنا والعلوم نفس البوابة ولا العلوم لحال والآداب لحال ؟

أشتاق لكـ

2009- 10- 3, 05:52 AM

يعني وشلووون ؟؟؟؟

من وين ندخل ؟؟؟؟؟؟

محرومة من شوفته

2009- 10- 3, 07:26 AM

ياريت توضحوا لنا اكثر

من وين ندخل

كفآيه يازمــــــن ..

2009- 10- 3, 10:48 AM

وااااااااااااااو من جد شي رهيب:119:

بس في مشكله:011: وهي المسافه اللي نمشيها عالجسر عشان ندخل الكليه

واذا دخلت الكليه بعد مشوار انا بالتاريخ وبالقسم الثالث والله مشوار وتعب:011:

*طالبة جامعية*

2009- 10- 3, 11:09 AM

مرره يجنن الممر عجبني وحتى مو بعيد مرره زين

RanD

2009- 10- 3, 11:11 AM

بنات اللي راحت اليوم تعطينا تقريرها ههههه عن الوضع والممر كيف ؟:cheese:

ربي زدني علمآ

2009- 10- 3, 11:12 AM

الله يجزاك الف خير رحت اليوم وشفته روووعة نظااامن وكبييييييييييييييييييييييييييير

english gairl

2009- 10- 3, 01:38 PM

صرررررررررراحه كان رهيــب
الجســر والمواقف تغيرت
من اسمنت الى رخام ومــن شينكوو الى جدران ملونه بس الشي اللي يقهــر هالمشوار الطويل اللي نمشــه يعني يبغى لك توصلين الكليــه قبل ربع ساعه على الاقــل علشان يمديك توصلين القسم وتزبطين حالك
اممم المواقــف اكثر ترتيب ونظــاام لولا هذي اللفــات الزايــده
بصرااحه جهود يشكرووون عليها
ومن هنا الى الافضــل انشاللــه
اي اخر شي اتمنى ان الجدرات تبقى نضيفــه وماله داعي الكتابه عليــهم

سلام

Cuty LOLO

2009- 10- 3, 02:02 PM

استغرب وش اللي عجبكم بالضبط ؟؟ :o3:

عجبكم ان المداخل الواسعه الاماميه للكليتين يقفلونها ويخلونها للاداره والموظفات اللي اعدادهم ربع عدد الطالبات
وحنا الطالبات نلف السبع لفات علشان ندخل من الابواب اللي ورا

لا تفرحون كثير ترى اليوم مافي زحمة الباصات الحكوميه

مع الباصات الحكوميه بيصير شي مو طبيعي

المفروض تكون للجامعه بوابتين

المدخل الجديد ممتاز وروعه ويهبل ولكن مايكون المدخل الوحيد للطالبات :Cry111:

طبعا اللي راح اليوم مات جوع لان مافي كافتيريا بالكليه الجديده وممنوع بنات الاداب يروحون العلوم

مممممممم

طبعا الدارسه بتبدا يوم الاثنين على كلام الاداره والله تعالى اعلم

super

2009- 10- 3, 04:59 PM

هلا فيكم

هاه وش رايكم بالتطور ..!!

على العموم اذا فيه اي اقتراحات تشوفونها

ياليت تكتبونها هنا او تراسلوني على الخاص

وان شاء الله راح تكون محل التقدير والاهتمام

اما ملاحظة الكتابة على الجدران

فهي ملاحظة مميزه جدا واتمنى من الطالبات عدم الكتابة وتشويه المنظر

وصدقوني رقيكم في ايدينكم

مهما الادارة سوت وحطت وافعلت ..

على العموم تستاهلون كل خير

وان شاء الله الكليات من احسن الى افضل واميز

اما بالنسبة ليش الطالبات دخولهم من ورى وان الموظفات اقل بكثير

فهذي معاناة للجميع لو خلوا الدخول من الامام

لان الزحام مثل ماانتم عارفين (يالبنات القديمات) شي لايطاق

خاصه للناس اللي لابد يمرون من هالمكان ويعانون من الزحمة وتكدس السيارات

وهذا هو الحل المناسب

وعلى فكرة ترى العمل كان فقط لمدة شهر .. وانجزوا اللي تشوفونه

يعني بس قبل رمضان بااسبوع اشتغلوا في المواقف الخلفية

وان شاء الله يتحسن الوضع اكثر واكثر

اعيد واكرر

اي اقتراحات بنائه وتخدم الصالح العام حنا بالخدمة وان شاء الله تكون اقتراحاتكم محل تقدير واهتمام المسؤولين

دمتم بخير ودامت قلوبكم تنبض بالدفئ والخير

english gairl

2009- 10- 3, 06:53 PM

استغرب وش اللي عجبكم بالضبط ؟؟ :o3:

عجبكم ان المداخل الواسعه الاماميه للكليتين يقفلونها ويخلونها للاداره والموظفات اللي اعدادهم ربع عدد الطالبات
وحنا الطالبات نلف السبع لفات علشان ندخل من الابواب اللي ورا

لحضــــه لحضــه
اي مداخــل الامــاميــه واســعه كلــها مدخــل واحـد ومخرج واــما نجي نطــلع ننلطــع بالنص والثلاثة اربــاع الساعه

لا تفرحون كثير ترى اليوم مافي زحمة الباصات الحكوميه
عذرا بس حسيت فيها شمــاته

مع الباصات الحكوميه بيصير شي مو طبيعي
انا عــارفــه ان بيستوي زحمــه بس في فــرق لما يكــون فيــه باركنق لسيـارات تقدر السيارت توقـــف في الباركنق وتطلــع متى ما حبــت اضافــه الى انك خلاص عارفــه ان السياره واقفه هــنا ولا راح تغير موقفها
اما لما مايكوون فيه باركــنق كما هو الحال اول اول شي ينلعــن خيــرك على ماتلقين السياره
لان كــل اشـوي ومتحركــــــه ولما توصلين بالسلامه لسياره تبقيــن حوول النص ساعه اذا مو اكثر واقفــه تنتظرين السيارات تتحرك علشان تسوي لك مكان تمرين لان بأختصــار انتي محكورره جميع جهات السيـاره فيــها سيارات وواقفــه ما تتحرك ولا احد يبغي يسوي لك مكــان لان هو الثاني ملطووع من سنه جدي ويبغى يطلع

المفروض تكون للجامعه بوابتين

المدخل الجديد ممتاز وروعه ويهبل ولكن مايكون المدخل الوحيد للطالبات

بكووون زيــن على زين لو في باب ثاني

طبعا اللي راح اليوم مات جوع لان مافي كافتيريا بالكليه الجديده وممنوع بنات الاداب يروحون العلوم

مممممممم

هـــــــــــــذي انا معــــــــاك فيهــا حتى مــاي الثلاجات ماتشتغل يعني ياليت تشوفون لكم صرفه في مسأله الكفتيريا

طبعا الدارسه بتبدا يوم الاثنين على كلام الاداره والله تعالى اعلم
هع انا قالوو لي الاسبوع الجاي

علوش الجغرافيا

2009- 10- 3, 07:12 PM

والله ذا الكليه مسوين زحمه ممرات ومواقف والوضع دائما ألى الأسوء :no2:

كيلو تناحة

2009- 10- 3, 07:22 PM

إذا كذا أجل المشوار وش بيصير طوله //
طيب والمقرد الحوامل واللي عندهم مشاكل ترا الناس مهيب خالية وفيهم ركب وإحتكاك وخرابيط الزمن هذا وش بيسوووون!!!!!!!!!!!
الله يعين المحتاجات معونة...,,,

روووح الورد

2009- 10- 3, 07:46 PM

شكرا :119:

whisperlips

2009- 10- 3, 08:43 PM

طيب وشلوووون بالنسبه للبنات اللي تبي تطلع

وهدا الباااااب يغلق اكيد بعد الساعه 8 ومافيه آمن

شلووون الوضع يكوون طيب؟؟؟

ومثل ماقالو البنات الحوامل يضربون مشوار نص ساعه عشان يوصلووو الكليه

شنو هالتطور هدا؟؟؟

emeee

2009- 10- 3, 09:44 PM

وانا عندي باك بين :Cry111:

وما اقدر امشي كثير:Cry111:

وانا في باص خاص ... بخليه يجي قدام الكلية ... مافيني حيل اضرب مشوااااااااااااار :017:

كان فتحتوا للكلية الجديدة بوابة خاصة ...:103:

Cuty LOLO

2009- 10- 3, 10:36 PM

المداخل الاماميه اقصد 1- مدخل الاداب 2- مدخل علوم

بنات علوم مارضوا يدخلونهم من الباب الرئيسي اليوم نهائيا وضربوها مشيه لحد الباب اللي ورى

تخيلي المسافه :bawling::bawling: اهلهم وسواقينهم راحوا ثم اضطروا يروحون مشي :s12::s12:

والشماته من أي نوع ؟؟ يعني لما قلت الواقع المتوقع صارت شماته :sdfgdsf:

كـيان

2009- 10- 4, 01:52 AM

هلا فيكم

هاه وش رايكم بالتطور ..!!

واللهـ حماس..

من شفت المواقف والتنظيم..وربي دعيت لكـ..

ربي يوفقك ويناولك اللي في بالك يارب..

واللهـ فللللهـ..احلى من انهـ قدام..يوجع الراس..

مشكور وجزاك اللهـ خير ..

اكثر شي دخل مزاجي الممر..حماااااس...وخطييييير...وخووووقاقي..وجنان..

الصراحهـ تغير مفاجئ...وتطور عجيب..بس واللهـ حلو..

....

موفق اخوي..

...

كـيان

:119:

english gairl

2009- 10- 4, 02:04 AM

يؤؤؤؤؤ حراام عليهم بنات مخلينهم في الشارع

المفرروض يدخلونهم لان مو كل الناس تدري

عفواا مو شماته تطنزز
يعني حسيييييييت انك تقولين
انكم اغبياااء تفرحوون على شي مو في صالحكم

super

2009- 10- 4, 06:31 AM

هلا فيكم

لابد من وجود الاخطاء في اي مشروع مهما كان منظم

كان اليوم الاول تجربة ولابد ان تكون تجربة قوية لايتم التهاون بها

وان شاء الله الكليات في تحسن

لكن يجب على كل طالب وطالبة التعاون مع ادارة الكلية

في جميع الامور ..

ليس لأجلي .. وليس لأجل الملك عبدالله او الامير محمد بن فهد

او مدير الجامعة او عميدة الكلية

لاااا .. بل لأجلكِ أنتي

فالمحافظة على ممتلكات الكلية .. لن يستفيد منه الا انتي ..

فكوني انسانه قبل ان تكوني طالبة

بالتوفيق للجميع

Butterfly1434

2009- 10- 4, 07:47 AM

واللهي رحت آمس, وفآت عليآ المشهد(المنظر):cheese:

خثااارة كان ودي آشوووف:s11:

احساسها عذب

2009- 10- 4, 09:11 AM

.

:s12:

وانا باقي ماداومت .. احس الدنيــا حووسه ..

وبعدين لييش يمنعونا من البوابات الرئيسيه ..؟ من جد اذا بدااء الدواام رااح يكون زحمة بالموااقف ..

مع اني مافهمت .. يعني السيارات الخاصه من نفس بوابة الباصاااات :s12:

وبعدين لييش البوابه من الخلف .. يعني مشااااوير مالها داااعي .. :s3:

.

الله يصبرنــا على الوضع .. وان شااء الله يكون خييير ..

وان شااء الله ربي ييسر امرنا ونتخرج منها بســـــــلام :love080:

.

عسولة الشرقية

2009- 10- 4, 01:43 PM

صراحه جهووود يشكرووون عليها :d5:

انا اليوم داومت مع انه ماعندي شي اروحله :g11:

ودخلت من البوابه الخلفيه :praying:

صراحه تنظيم رائع:o3:

انا كنت متوقعه ننزل من عند باصات العلوم:000:

وبعدها نطق مشوار لين الجسر :no2:

ومن الجسر يبدا المشوار الثاني لين الكليه :017:

بس طلع غيــــــــــــــــر تماما:mh001:

طلعت البوابه بالنص:119: يعني اول ما تدخلينها :119:

اذا انتي علوم تروحين يمين :119:

اداب تروحين يسار :119:

والمسافه طلعت جدا عاديه ولا تاخذ الا يمكن 3 دقايق :g8:

وبعدين حاطينلنا جدران اوادم جدارن زي العالم والناس :d5:

مو اول شينكو الله يخلف علينا :000:

تقولون صندقه هنود:103:

واخيــــرا صرنا عالم سعودين زي الناس :g20:

لكل من ساهم بهالمشروع جداااااااااااااااا مشكوووووووووووووووور:love080:

ملَك

2009- 10- 4, 03:06 PM

بصراحة جهووو د يشكرو عليها نوعا ما ...
لاكن ليه يمنعون طالبات كلة علوم من انو يروحو كلية الآداب والعكس؟؟
شي غريب ومالو داعي ...

خاطري اعرف السبب ؟؟

كـيان

2009- 10- 4, 10:52 PM

هلا فيكم

لابد من وجود الاخطاء في اي مشروع مهما كان منظم

بالتوفيق للجميع

عليك نور ..فيهـ اخطاء..

اولا بصراحهـ..انا اقول لازم يحطون حاااااااجز...بعد البوابهـ على طول..علشان ماينكشفون البنات ..

لان بصراحهـ..اول ماينفتح الباب..كل البنات..بالشارع...

فـ انا افضل وضع حاجز...وذلك للحفاظ علينا نحن الطالبات..

ومشكور ..

ربي يوفقكـ..

...

كـيان

:119:

super

2009- 10- 5, 12:27 AM

على فكره

التطور والاحترافية

ترى ماهو في الاغراض او في اللبس او في الادوات بالعكس

التطور هو في العقول

فالانسان العاقل هو المتطور وهو المنتج والمحترف

لذا مهما حاولت الجامعة تطوير مرافقها وهناك من يستعملها باشياء غير مفيدة

إما بالتخريب او العبث

فهذا شي لن يقدمنا ويطورنا

فالخوف كل الخوف .. ان لايمر شهر الا والجدران مكتوب عليها

والكراسي مكسره .. وهذا مايلاحظ على الكلية

رغم ان الطالبة عقلها كبير وفي مرحله انتقاله وتعتبر انسانه كامله

عزيزتي كيان

اقتراح مهم وجميل .. وان شاء الله نتطرق له .. وربك ييسر الامور ..