ضاقت بي الوسيعه .

[زيزو الوايليه]

السلام عليكم
مدري وين اروح بموضوعي ومدري لمن اشكي وقسسم بالله حاله يرثى لها بقولكم سالفتي واذا بتقفلون موضوعي الشكوى لله
موضوعي من صارت ازمة الشغالات ماعينا خيرر واتكلم عن الموظفات خصوصا بالمستشفياات الدوام يبدا من الساعه السابعه صباحا للساعه للرابعه والنصف من غير مسافة الطريق رايح جاي يعني عشر ساعاات ونص برا البيت ووقفه وحده اللهم بريك الغداء والصلاه
وزاد الامر سوء حالتنا مع الشغالات الجنسيه المتوفره حاليا اسوووء جنسيه رايتها بحياتي من جمييع النوااحي بشهادة جمميع من قابلتهم الا من رحم ربي وكان وافر الحظ
انا تعبت اكرف بالعمل وارجع البيت واكررف واخرتها مغذيات وابر من فرط الاجهاد مدري وين اروح المكاتب للجنسيات الاخرى اسعار خياليه وليته ع كذا الا التقديم يستمر لاكثر من سبعه اشهر !!!
الي يعرف احد يجيب لنا شغاله من احد الجنسيات مثل فلبنيه نيابليه سرلانكيه > الله يالدنيا قبل مانبيهن والحين ندورهن دواره ومهورهن مهور عرووسات >!!!: بسعر اقل ومده اقل اكوون له شاكره مدري عاد كيف لكن ان شاء الله تتدبر

اذا بيتقفل الموضوع الشكوا لله بعتبرها ع الاقل فضفضه لاخواني وخواتي هنا واذا بيترك للاعضاء يساعدووني بكون شاكره للكل وبارك اللله في جهود الكل :16:

[عـبدالعزيـز]

انا اعرف رجال هو بنفسة يجيب شغالات من سرلنكا
يجمع طلبات الي يعرفهم ويروح بنفسة

وثقة ورجال كبير بالعمر

بس ابتاكد هو مازال يجيب لان سكرو علية لازم يفتح مكتب

بوكرة اجيب التفاصيل

[هتان 2]

الله يساعدك يارررررررررررب ويسهل دررربك والله معندي خلفيه عن موضوعك لو بيدي افدتك ان شاء الله يجي من يفيدك موفقه يارب

[زيزو الوايليه]

الله يجزاكم خيررر جميعا :16:

[فضيل]

والله ماعندي خبره، واصلاً انا طول عمري طايح ف المطاعم وتوني جاي منها

الله يعينكم، يابنات

فعلاً شغل البيت هم، وبالذات المطبخ

انا في المطبخ عندي كاسات شاي حاط فيها نوية ولا غسلتها من شهرين:5:

كيف انتم كل يوم طبخ:12:

[UNO_0]

دائما تحضرين ويحضر الموضوع المفاجئ ههه
الصراحه مالي علم بهالامور
ان شاء الله االاخوان والاخوات يفيدونك


:31:

[purity,,]

الله ييسر امووووووك عزيزتي،. بس بجد لو اقدر اساعدك

ماراح اتردد،. لكن ان شاء الله غيري يقدر يفيدك،.

موفقه...،:16:

[عذبه بخجلها]

يووووووه الله يعينك ويعينا يارب بجد ازمه والله لنا فتره ندور:12:
كان ودي افيدك بس والله ماعندي علم بس اذا حصلتي احديجيبهم عطيني تنبيه
موفقه يارب:16:

[dream home]

الله يعينك ياقلبي
وان شاء الله تحصلين من يساعدك بهالموضوع:16:

[أبان]

أعتقد أن طبيعة العمل هي جزء من المشكلة


عشر ساعات خارج المنزل كثيرة جداً


لا أعرف ظروفك و لكن بشكل عام انصحك بالتفكير بوظيفة أخرى

[%حصن الزعامهـ%]

السلام عليكم

الأن السفاره السيرلانكيه عندها عدد هائل من الرجيع ولا سفرتهم وعندهم شرط رائع

أنك تقدم على السفاره بمبلغ أتوقع ب4000 ريال ويختارون لك وحده على طلبك ويعطونك الشغاله

وإذا ما صلحت عندك ترجعينها لهم أما أنك تستبدلين بوحده غيرها إذا ما صلحت لك أو ترجعين

فلوسك يعني عليهم تأمين وأغلب هالشغالات عندهم خبرهـ وما صلحوا مع مكفوليهم , وأكثر الناس

يقولون أنهم ما يصلحون لأنهم أما هربانات أو ما يشتغلون لكن اللي أوله شرط أخر نور وسبق أن

أخذنا منهم ولله الحمد صارت تمام , وهذي الطريقه أحسن من المكاتب الحراميه بمليون مرهـ

جربي أخذي منهم ومنتي خسرانه شيء إذا ما صلحت يرجعونها لك وأصلاً هم يشروطون عليك

وفيه مترجم عندهم والأمور في السمبتيك .

[أبان]

السلام عليكم


الأن السفاره السيرلانكيه عندها عدد هائل من الرجيع ولا سفرتهم وعندهم شرط رائع

أنك تقدم على السفاره بمبلغ أتوقع ب4000 ريال ويختارون لك وحده على طلبك ويعطونك الشغاله

وإذا ما صلحت عندك ترجعينها لهم أما أنك تستبدلين بوحده غيرها إذا ما صلحت لك أو ترجعين

فلوسك يعني عليهم تأمين وأغلب هالشغالات عندهم خبرهـ وما صلحوا مع مكفوليهم , وأكثر الناس

يقولون أنهم ما يصلحون لأنهم أما هربانات أو ما يشتغلون لكن اللي أوله شرط أخر نور وسبق أن

أخذنا منهم ولله الحمد صارت تمام , وهذي الطريقه أحسن من المكاتب الحراميه بمليون مرهـ

جربي أخذي منهم ومنتي خسرانه شيء إذا ما صلحت يرجعونها لك وأصلاً هم يشروطون عليك


وفيه مترجم عندهم والأمور في السمبتيك .


متأكد أخوي ؟

تراي مجهز فلوسي عشان أعطيها المكتب !

[%حصن الزعامهـ%]

متأكد أخوي ؟

تراي مجهز فلوسي عشان أعطيها المكتب !


نعم متأكد

ولا تسوي شيء لين تدق على السفارهـ أو تروح بنفسك

[زيزو الوايليه]

أعتقد أن طبيعة العمل هي جزء من المشكلة


عشر ساعات خارج المنزل كثيرة جداً


لا أعرف ظروفك و لكن بشكل عام انصحك بالتفكير بوظيفة أخرى

مافيه الا تدريس وماضنيت يحلقني سرا الا بعد ماتحلل عضيماتي وتسير بترول ههههههه

[أكاديمي مخربها]

مافيه الا تدريس وماضنيت يحلقني سرا الا بعد ماتحلل عضيماتي وتسير بترول ههههههه

ههههههههههه الله يعطيك العافيه يااارب على خدمتك للأجيال القادمه:8: بس خوفي بعد ماتتحلل عضيماتك البترول يصير رخيص والا مامنه فايده واخترعوا شي بداله:14: وبكذا ضريتي التربه والبيئه:8:

[شموع العسيري]

الله يساااعدك إن شاء الله ياااقلبي:16:
مااقصرو الاخوان معاك:2:

[أبان]

مافيه الا تدريس وماضنيت يحلقني سرا الا بعد ماتحلل عضيماتي وتسير بترول ههههههه

أعرف حريم ما شاء الله تبارك الله يدخلن مبالغ وهن يشتغلن من البيت

و انتن ابخص بهالعلوم منا يا الرجال


اللي تبيع فطاير
و اللي تبيع مقليات
و اللي تبيع هدايا
و اللي تبيع صواني تقديم
و اللي متعهدة بوفيهات <<<<< هذي عليها طلب من الرجال ... مثل المدرسة :42:
واللي تبيع شباصات و أطواق


وكل شغلهن عن طريق الواتس أب و انستقرام و تويتر .... و العجوز منهن على شغل الطيبين SMS :5:



ترى الدنيا تغيرت و أنا أخوك ..... و إن كان عندك مهارة تقدرين تكسبين من وراها


قبل فترة أسولف مع صاحب شركة ناوين يسوون Call Center لأحد الوزارات بحيث تشتغل و ترد الموظفة من بيتها .... :21:


انصحك بإعادة التفكير في الوظيفة الحالية .


و بالله التوفيق .

[شخصية مجهولة]

الله يعينگ أختي زيرو ويسهل أمرگ

انا قدمت شغالة للجدي لانة مريض وعاجز عن كل شي

قدمت على سرلنكية دفعت 20 الف ريال عن طريق مكاتب أخذت شهرين ونصف وجات

اذ ودك في كذا بعطيك عنوان المكتب والله يوفقك يارب

وتتسهل أمورك بأذن الله :2:

[زيزو الوايليه]

موضوع السفاره قالو انها اشاعه ونفووه واصدروو امر اي احد يدخل للسفارات علشان موضوع الخدم سيعاقب :28:
مسكت تليفوناهم من صبح الله لين المغرب يامشغول ياماحدا يرد:28:
واخرتها قال زوجي ترا ازعاج الجهات الرسميه فيها عقوبه يجي ذاك شسمه الي تخبرونه الاسود يووديني هناك وراء
ديرة الحاير .. :28::28::42::14:

[زيزو الوايليه]

الله يعينگ أختي زيرو ويسهل أمرگ

انا قدمت شغالة للجدي لانة مريض وعاجز عن كل شي

قدمت على سرلنكية دفعت 20 الف ريال عن طريق مكاتب أخذت شهرين ونصف وجات

اذ ودك في كذا بعطيك عنوان المكتب والله يوفقك يارب

وتتسهل أمورك بأذن الله :2:

> عشررين الف مهر عرووووس هذا اذا ماهربت بعد

[تكفيني ااالذكرى]

الله يعين

[عـبدالعزيـز]

الاخت زيزو
بالنسبة للرجال الي يجيب شغالات من سريلانكا
حسب ردي السابق لكي
للاسف وقف هل شغله ما عاد يجيب شغالات

ف السموحة ما قدرنا نفيدك بشي

موفقة

:16:

[* أبو ريوف *]

الله يعينگ أختي زيرو ويسهل أمرگ

انا قدمت شغالة للجدي لانة مريض وعاجز عن كل شي

قدمت على سرلنكية دفعت 20 الف ريال عن طريق مكاتب أخذت شهرين ونصف وجات

اذ ودك في كذا بعطيك عنوان المكتب والله يوفقك يارب

وتتسهل أمورك بأذن الله :2:


والله حراااااااااااااام كل هالمبلغ ع شغاله اسعار مبالغ فيها رغم ان سعرها في دول مجاوره لاتتجاوز 9500 مع الفحص الطبي والاقامة لمدة سنتين بالعربي بالكويت والفلبين اقل من السعودية بكثيرر
ع العموم اذا تعرفين احد يخدمك ويستقدم لك من الكويت شهرين وهي عندك
واذا لك رغبه في اثيوبيا :4: شهر وهي عندك سعودي موجود هناك موظف ويستقدم شغالات وثقه
ابفتح مكتب وان شاء الله ماراح اقصر معكم :14:

[زيزو الوايليه]

والله حراااااااااااااام كل هالمبلغ ع شغاله اسعار مبالغ فيها رغم ان سعرها في دول مجاوره لاتتجاوز 9500 مع الفحص الطبي والاقامة لمدة سنتين بالعربي بالكويت والفلبين اقل من السعودية بكثيرر
ع العموم اذا تعرفين احد يخدمك ويستقدم لك من الكويت شهرين وهي عندك
واذا لك رغبه في اثيوبيا :4: شهر وهي عندك سعودي موجود هناك موظف ويستقدم شغالات وثقه
ابفتح مكتب وان شاء الله ماراح اقصر معكم :14:

اذا من اثويبيا مااااااااااااااابي اذا غيرها حدد مكانك من الحين برسل لك زوجي وهيلب اااااااااااااااس :36::29:

[زيزو الوايليه]

الاخت زيزو
بالنسبة للرجال الي يجيب شغالات من سريلانكا
حسب ردي السابق لكي
للاسف وقف هل شغله ما عاد يجيب شغالات

ف السموحة ما قدرنا نفيدك بشي

موفقة

:16:

شكرا اخوي يكفي مساعدتك لناا بالسوال :16: