مهم جداً : بخصوص مسمى الشهادة تعليم عن بعد او انتساب مطور

[كنت نايم]

كثر الكلام عن مسمى الشهادة وللأسف الجامعة ماوضحت هالشيء بإعلان رسمي علشان توقف هالبلبله الحاصلة


نقطة مهمه لازم الجميع ينتبه لها :
الدكتور عبدالله الفريدان رد على ايميل أحد الاعضاء هنا وقاله جميع الشهادات راح تكون بأسم انتساب مطور وهو من دفعه 2131 وهالشيء كويييييس


الفرق بين المسميين :

انتساب مطور : معتمد في الخدمة المدنية لتسجيل المؤهل للمطالبه بالترقية ومعتمد في التعليم العالي للإلتحاق ببرنامج الابتعاث لمن أراد اكمال دراسته ومعترف به في القطاع الخاص.

تعليم عن بعد : غير معترف به في الخدمة المدنية ولا يسجل للموظف الحكومي فقط تحسب له الساعات نقاط، وقيد الدراسة في التعليم العالي ومايقدر يلتحق ببرنامج الابتعاث ولا له الا القطاع الخاص!

وهذا الدليل صورة لخطاب منتشر في الانترنت لرفض الخدمة المدنية تسجيل مؤهل تعليم عن بعد بحجة انه لم يعترف به في التعليم العالي وقيد الدراسي
http://www11.0zz0.com/2012/09/29/09/726202645.jpg


مثل ماهو واضح مسمى تعليم عن بعد ماينفع ابد والوزارتين ماهم معترفين به ..
ورد الدكتور عبدالله مطمئن لأنه قال جميع الشهادات انتساب مطور وهذا المضمون
وفي حال الجامعة غيرت هالكلام وورطتنا بشهادة تعليم عن بعد غير معترف بها
راح نشتكي بشكل جماعي في ديوان المظالم و نطالب بأسم معترف به (انتساب مطور) :17:

شدوو حيلكم بسس واتركوو البلبله والله يصبرنا على هالجامعة ضغط وقت الاختبارات وبعد الاختبارات :41:


تحديث

راجعت حساب عميد التعليم عن بعد د.عبدالله الفريدان

وفي أكثر من تويته ذكر بأن اسم الشهادة انتساب وهو المعتمد والمعترف به

http://i4.minus.com/jCovOJSqGtP2x.png

http://store2.up-00.com/Nov12/Hgi29085.png

الشهادة انتساب ومعتمدة بأذن الله

[ابو عبدالطيف]

:4::4::4::4::4: راحت عليكم :4::4::4::4:
اسحبو ملفاتكم خلوهم يخسرون

[كنت نايم]

:4::4::4::4::4: راحت عليكم :4::4::4::4:
اسحبو ملفاتكم خلوهم يخسرون

لا ياعزيزي الدكتور قال مسمى الشهادة انتساب مطور .. وهالأسم معترف به في كل الوزارات وكل القطاعات !!

اسحب ملفك لحالك :8:

[يآرب آنجح]

اخووووووووووي مافيه شي اسمه الانتساب المطور عند الخدمه المدنيه

كلمة انتساب فقط هي المعترف فيها لدى الخدمه

فلا تخلط الامور

[ابو عبدالطيف]

لا ياعزيزي الدكتور قال مسمى الشهادة انتساب مطور .. وهالأسم معترف به في كل الوزارات وكل القطاعات !!

اسحب ملفك لحالك :8:



هههههههههههههههههههههه

بخلى ملفى دام انهم بيغيرون رايهم ويعترفون فيها بتعليم العالى :8:

[كنت نايم]

الفريدان كاتب في تويتر بأن مسمى الشهادة انتساب بدون ذكر انتساب مطور ..
http://store2.up-00.com/Nov12/Hgi29085.png
مايهم الأسم يهمنا شهادة معتمدة في الخدمة المدنية والتعليم العالي،

وهذا رابط التويته في تويتر بحسابه الرسمي
https://twitter.com/alfraidan/status/284571408976195584

وهنا رد على احد الطلاب بأن الشهادة معتمدة في الخدمة المدنية
https://twitter.com/alfraidan/status/286767693372223488


اتوقع الصورة واضحة الحيين للجميع ولا احد يفتح موضوع يحطم في الطلاب بأن الشهادة غير معتمده ولاااااااا يجي واحد من بتووع الحملات يسوي حمله يطالب بأسم شهادة تعليم عن بعد (هالمسمى غير معتمد) !!

[DPS]

الشهاده معتمده مهما كان اسمها المهم إنها من جامعة اسمها جامعة الملك فيصل .

[KEMO--]

يعني افضل ادخل انتساب بدل تعليم عن بعد

[كنت نايم]

الشهاده معتمده مهما كان اسمها المهم إنها من جامعة اسمها جامعة الملك فيصل .

شكلك ماقريت الموضوع زين ... اقراء خطاب الخدمة المدنية رفضو تسجيل شهادة تعليم عن بعد من جامعة الملك عبدالعزيز وهي جامعة حكومية!!! بسبب الأسم تعليم عن بعد !!


الأسم مهم يكون انتساب في الوقت الحالي ... علشان تكون معتمدة وهذا اللي قاله الفريدان

[كنت نايم]

يعني افضل ادخل انتساب بدل تعليم عن بعد

مسمى شهادة جامعة الملك فيصل انتساب مثل ماقال العميد وهو المعتمد

[يآرب آنجح]

اكيد معتمده من التعليم العالي وهذا شي منتهين منه

احنا نتكلم عن الخدمه المددددددددنيه
والخدمه تعترف بالانتساب العادي ..والتعليم عن بعد قيد الدراسه الى الان وسوف يتم اعتماده

اما الانتساب المطور مافي شي اسمه انتساب مطور لديها ولمااااا يذكر :30:

[DPS]

شكلك ماقريت الموضوع زين ... اقراء خطاب الخدمة المدنية رفضو تسجيل شهادة تعليم عن بعد من جامعة الملك عبدالعزيز وهي جامعة حكومية!!! بسبب الأسم تعليم عن بعد !!


الأسم مهم يكون انتساب في الوقت الحالي ... علشان تكون معتمدة وهذا اللي قاله الفريدان

لا قارئ الموضوع زين أنا كلامي عام اللي اقصده حتى وأن وزارة الخدمة المدنية مهي معترفه في المسمى ستعترف أو يتغير المسمى حتى يناسب الخدمه المدنية لا يمكن وأنا اخوك جامعة حكومية تقبل في تعليم هذا النظام وهو غير معترف فيه نعم قد يكون هناك لبس في المسمى عند وزارة الخدمة المدني لكن متأكد في النهاية ان هذه المشكله سوف تنحل المهم ادرسوا واجتهدوا وما عليكم من المظللين .

[كنت نايم]

اكيد معتمده من التعليم العالي وهذا شي منتهين منه

احنا نتكلم عن الخدمه المددددددددنيه
والخدمه تعترف بالانتساب العادي ..والتعليم عن بعد قيد الدراسه الى الان وسوف يتم اعتماده

اما الانتساب المطور مافي شي اسمه انتساب مطور لديها ولمااااا يذكر :30:

في الخطاب يقول ( قيد الدراسة من التعليم العالي) .. المشكلة في التعليم العالي ماهو الخدمة المدنية كأنهم يقولون ننتظر اعترفهم بها!!

بالنسبة لأسم انتساب مطور .. من اختراع جامعتنا العزيزه!
http://www.ckfu.org/pic4u/uploads/ckfu13684646371.png

[كنت نايم]

لا قارئ الموضوع زين أنا كلامي عام اللي اقصده حتى وأن وزارة الخدمة المدنية مهي معترفه في المسمى ستعترف أو يتغير المسمى حتى يناسب الخدمه المدنية لا يمكن وأنا اخوك جامعة حكومية تقبل في تعليم هذا النظام وهو غير معترف فيه نعم قد يكون هناك لبس في المسمى عند وزارة الخدمة المدني لكن متأكد في النهاية ان هذه المشكله سوف تنحل المهم ادرسوا واجتهدوا وما عليكم من المظللين .

لا ياعزيزي لاتثق كثيراً في الجامعات ولا الكليات الحكومية ماهم ملائكة منزلين من السماء
وأخذ العبره من خريجي الدبلومات الصحية .. اكلووها!

[يآرب آنجح]

ارجع للائحة التعليم عن بعد وبتعرف القيد من الخدمه

[غيداء1]

ياليت يكون فيه تاكيد من الجامعه رسمي. لو احد يقدر يتاكد من الجامعه بخطاب
رسمي افضل حتى نطمن اكثر
واذا تقبل فيه الخدمه المدنيه

[يآرب آنجح]

ااي ولله

الله يستر من اختراع جامعتنا للاسم الجديد(( انتساب مطور))

[نعسآنه]

اخووووووووووي مافيه شي اسمه الانتساب المطور عند الخدمه المدنيه

كلمة انتساب فقط هي المعترف فيها لدى الخدمه

فلا تخلط الامور



صحيح هذا الكلام وانا تأكدت بنفسي

واللي حاب يتأكد سهله يدخل قوقل يجيب ارقام وزارة الخدمة المدنية

قالوا لا نعترف بنظام الانتساب المطور لأننا نعلم بأن دراسته عن بعد

وتؤخذ 30 درجه بدون تعب ...... عكس الانتساب العادي لا يأخذ اي درجه الا بمجهوده

اي 100 درجه على الورقه و بأسئله مقاليه :28:

[نعسآنه]

اكيد معتمده من التعليم العالي وهذا شي منتهين منه

احنا نتكلم عن الخدمه المددددددددنيه
والخدمه تعترف بالانتساب العادي ..والتعليم عن بعد قيد الدراسه الى الان وسوف يتم اعتماده

اما الانتساب المطور مافي شي اسمه انتساب مطور لديها ولمااااا يذكر :30:


صحيح قيد الدراسه ولكن مشددين يعني لا تعطوا نفسكم امل

خلونا عالانتساب افضل

وقال الفريدان عند اعتماد التعليم عن بعد من قبل الخدمه راح يتغير اسم الشهاده على طول

بدون اي مطالبه بس الجامعه تنتظر الموافقه وتعتمدها

انتم لا تجتهدون وتطلبون تغير الاسم وهو مو معتمد ترى فوق 100 ألف طالب وطالبه بيتوهقون

[B-h-s]

متى ينزلون النتائج ونفتك من الوسوسه الي صايره بالمنتدى :29:

[أخلاق]

خخخخخخخخخخخخخخخخخخخخخخخخخخ


من جد موسوسين


الحين انا لو عندي نسبة شك ان الشهادة ماهي معتمدة تهقون بكمل


كل شوي طالع لنا موضوع يتكلم عن هل الشهادة معتمدة او لا


والله العظيم من ابسط الاشياء إذا كنت منتب مرتاح وخايف من الشهادة ماتكون معتمدة خذ اوراقك وشف لك جهة تعطيك شهادة معتمدة << انا لو منك اسوي كذا

بس انا واثق ثقة تامة انها معتمدة وفي الخدمة المدنية وان شاء الله بيبلغونك الخريجين ان امورهم على احسن حال

[KEMO--]

لقطع الشك باليقين ادخل انتساب سواء مطور او غير مطور وابعد عن التعليم عن البعد

[جهينه]

واضح انه حنا تعليم عن بعد واتوقع الفريدان كلامه غير صحيح الحين لماندخل موقع الجامعه ايش مكتوب (بوابة التعليم عن بعد)هذا حنا طبعا
على اي اساس يوهمنا انه انتساب مطور واضح انه تسكيت الطلبه لا اكثر وعشان نتاكد نستنى نشوف الدفعه اللي تخرجت ايش بيسير معهم...

[ام زيااااد]

الشهاده اكيد معتمده ومعترف فيهااا

لانها من جهه رسميه

وجامعه حكوميه تعتبر مو اهليه

اتركو عنكم هالحتسي بس.

وانتظرو النتيجه:12:

[مها بنت صالح]

" ملاحظة : السجل المدني للمعلم واضح بالخطاب ياليت تشيله لو قدرت :16:"


ثانيا :
وين الخريجين ..؟ اللي سوولهم حفل
ماستلمو الوثائق ؟
ليتهم يثبتون لنا :36:

[SuSu Rahal]

يا ليت احد يفيدنا وينزل صورة عن الشهادة



تقدير المستوى يكتب بالشهادة ؟؟!!

[moghtrb]

سبشل ون اي شعب تتكلم عنه ؟؟ الشعب السعودي ؟؟ والا الشعب اللي خابره ؟؟؟ بطل كلام وصخ واسقاطات سيئه على المجتمع اذا مو عاجبك تقدر تروح لدوله ثانيه وتعيش فيها كم سنه وتطلب جنسيتهم وتتميز عن هذا الشعب

[الباراتون]

الإنتساب معتمد و التعليم عن بعد غير معتمد

[حمد العنزي]

مافرقت انتساب والا تعلم عن بعد

[كنت نايم]

مافرقت انتساب والا تعلم عن بعد

اقراء الموضوع زين .. مسمى تعليم عن بعد حتى الان لم يعتمد وفي بداية الموضوع خطاب رفض.
لكن الحمد لله شهادتنا اسمها انتساب ومعتمدة 100٪


والاحلى من كذا في الشهادة بالانقليزي مكتوب " بارت تايم " وهي انتظام في الخارج وجيده للي يبي يكمل دراسات عليا

[أبو تركي الرياض]

جزاك الله خير ..

[مرمر ♥]

جزآك الله خير ،،
ألف شكر لك ..