بخصوص بعض الاعضاء

[xFhawhx]

السلام عليكم ورحمة الله وبركاتة
كيف حالكم اخواني عساكم بالف خير ..
موضوعي اليوم ي اخوان اني لاحظت كل مادخل موضوع جديد
احصل بعض الاعضاء يتفلت ويذم ويهين بطريقه غير مباشره لصاحب الموضوع
مثل الي يسئل عن نتائج ..الخ
الواحد ليش مايقيسها على نفسه لو انه مشغول وحاب يعرف متى بتنزل النتائج مثلا
وكتب موضوع ع السريع ولا وده يدور بالانترنت عن موعد صدور النتائج
ليش مكبرين الموضوع واهانات غير مباشره وذم ؟
كتابة المواضيع بالمنتديات ماهي بفلوس هذا اولاً
ثانياً انت موجود بالقسم وكل دقيقه تحدث تنتظر موضوع جديد
وش المشكله لو حدثت وحصلت احد كاتب استعلام وتفيده
منها تفيد ومنها تكسب اصحاب
بردك الرديء مايزيدك ولا ينقصك
ولو جانا عضو جديد وشاف الردود البائسه ماراح يكمل معانا ولا راح يشارك
انت كذا كذا موجود فالمنتدى ليش تحاول تستفز بعض الاعضاء بردودك؟

الموضوع كتبته لاجل بعض الاخوان الله يصلحهم
الي يوافقني يكتب رده واذا بينحذف الموضوع او يتقفل
انا متقققبل بصصدر رحب ..

اخوكم / خالد !

[الهمة العالية]

صدقت يااخ خالد ...

[نهروان العبدالله]

كلن على مَ تربى حكــى :16:


وكلام سليم اخي خالد

[ام لجين 2009]

معاك
كل رد يدل على صاحبه

[خالد بن وليد]

الي يبي يسال عن النتائج يروح موقع الجامعه فيه العلم الاكيد ما يشغلنا ولا يبحث بالمواضيع بالملتقى لا يفتح موضوع جديد .

[شخصيه مهمه]

اخوي صح لساااانك

[Ms.Solo]

احيانا التربيه مالها دخل ﻻ نلقي باللوم على الوالدين بكل شي هم طلاب كبار مو صغار علشان نقول اهلهم ماربوهم

لنرتقي ونحمل كل شخص مسؤولية تصرفاته:16:

[xFhawhx]

حياكم منورين .

[AIMASMS]

أخي العزيز : كلام جميل ونصيحة ثمينة تدل على سمو أخلاقك


لكن أيضاً من الواجب من أي شخص يدخل المنتدى (أي منتدى) أن يتصفح

المواضيع أولاً ويبحث عن أجابة لسؤاله قبل أن يكتب موضوع مكرر ألف مرة هذه هي الأصول .

[xFhawhx]

انا معاك يالغالي ..
75% من مواضيع الي يسئلون عن النتائج مافيها حل !

[بنرس واحد]

كلام معقول.وشكرا.لك.بس.وين الي يحترم نفسه.ويحترم.غيره.كل شخص وحسب تربيته.

[al_hawawy]

لا الي يغثك خفة الدم الزايدة من بعض الردود بس على ماقال طق الذيخ يستادب الفهد وين الادمنية هاذي شغلتهم !!!

[Richou x]

الله يعين

[O X Y G E N]

:16::16:

[xFhawhx]

المراقبين ماقصروا للامانه قامو فالواجب ب اغلاق المواضيع وهذا اجمل ماحصل :16:

[almaha Qatar]

معاك اخوي خالد وش فيهاا لو ساعدناهم مايفقع الجبد الا بعض الردود :30:
الله يعديهم بس شنقول هم كبار وادرا بنفسههم
موضوعك جا بوقتهه :21:

[7rf 9amet]

جزاك الله خير خالد على الطرح الجميل
وأتمنى أن تضع موضوع آخر للي يكتبون مواضيع للإستخفاف بالطلبه
وشكرا لك

[أبـ الجوري ـو]

في بعض الأعضاء الله يهديهم تقول جاي من جزيرة لا بشريه يعني ما تحس ان هالأدمي تعلم من قبل نفسية شرانية والله المستعان
يدخل بالذمم - سب وذم - عنصريه
الله المستعان
إن شاء الله الكل فيه الخير والبركه ولكن أنا اقول بعض الأعضاء من واقع رأيته .
شكرا لكـ صاحب الموضوع ...

[Khaled.SU]

تحس ان البعض يمتلك المنتدى او ان اي موضوع جديد يطرح كأنه طرح على راسه او ف بيته

رد بأدب او لا ترد نهائياً مو مضطر انك ترد او تعقب على كل صغيره و كبيره و كأن كل موضوع يفتح يدق براسك

ي خي بجد بجد ماتوقعت بيننا ناس مثل اللي شفتهم اليوم ف بعض المواضيع و اعتب ع الاداره كثير

لأن سويت بلاغات ولا شفت اي تجاوب عاد طفشت و ماعاد تابعت

لكن النقد للأستاذ و الدكتور الفريدان طيااااااااااااره يغلق :30:

[دوَدي]

-


لا تشكي لي آبكي لك !
المشكلهه مَ اعرف ايش يستفيد ..

الله يعيين ويصبرنآ وان شاء الله الكل يفرح بمعدلآت جميلهه ..


موفقين

[عسكري متعلم]

السلام عليكم

يعطيك العافية اخوي على كلامك الرائع

أخواني الاعضاء انا معكم ان تكرار المواضيع شي مزعج
بس من وجهه نظر الخاصة
( بس لا احد يهاوش ) الموضوع بسيط.
كلنا هنا موجودين لخدمة بعض بالي نقدر عليه واحيانا الواحد يجهل بعض الاشياء.
عاد يوم فتحتو الموضوع تصدقون بالله اني ما ادري كيف اطلع نتيجتي وفريت المنتداء وخدمات الطلاب ولا عرفت
وخفت اسئل احد بالمنتدى وتنفجرون علي لاني احس ان الوضع الحالي قابل للانفجار باي لحظة
بسبب انتظار النتائج قلت ياولد اركد بس

اما من ناحية شطب العضو بندر احس انها قوية شوي لان بندر جزاه الله خير ناقل للخبر من مصدر رسمي بالجامعة مايتحمل بندر صحة او كذب الخبار
هذا والله من زين الجااامعة فضحونا بالجامعات الثانية كل العالم طلعت نتائجهم الا حنا
الله يعين بس

تحياااااتي لكم

[قلم ازرق جاف]

:21:

[عسكري متعلم]

ههههههههههه
اسف غلطان بالموووضوع


تحيااااتي لكم

[كل الغلا لك]

المقصبة ابد قريب كيلو كيلو ونص وانت واصل المقصبة ترا منت ببعيد

[ابو عبدالطيف]

وين الموضوع

[DPS]

أخوي خالد اسمحلي اقولك ان كل ما يطرح هنا عن نتيجة الاختبار كلها عباااطه وإذا علي قولتك ما يدري يضع عنوان مناسب وسيجد من يجيبه بكل أدب واحترام

[أبوفهد1]

أخوي خالد اسمحلي اقولك ان كل ما يطرح هنا عن نتيجة الاختبار كلها عباااطه وإذا علي قولتك ما يدري يضع عنوان مناسب وسيجد من يجيبه بكل أدب واحترام

صح كلامك:21:
فيه ناس احسهم لازم يتهزؤون عشان يرتاحون يعني يلقون متعتهم بالتمسخر يمكن متعودين برا
الله اعلم
واي شخص يلاحظ الكم الهائل من مواضيع النتايج في الفترة الأخيره
الجامعه ترسل رسائل نصيه على الجوال عند ضهور النتائج
وفيه خدمات طلابيه
يعني لازم العباطه والاستضراف والتميلح
بصراحه يستاهلون ما حصل لهم

[الصفا]

بصراحه انا مو معك
هم ما أحترموا زملائهم .. يجوون و يكتبون نتائج يغرفون القلب
و هو بس استفسار !!

[B A N D R]

أنا ملاحظ اللي يسأل عن النتائج كلها يوزرات جديده ماتتعدى مشاركاته 20

والمشكلة الثانية انه لايعرف كتابة الموضوع حتى لا يجد رد لايعجبه

وزين مايجيه الناس قلقانه من قبل بداية الإختبارات حتى نزول النتائج

[فاقده غالي]

وترتنا هالنتائج الله يعيننا بس وتطلع على خير
احس الكل مضغوط وبينفجر ماننلام:36:
والله كل شوي اسنتر في الخدمات الطلابيه
اشوف متى تفتح الايقونه وسوسه على اصولها

[Ronin]

صار الملتقى يطلّع أخبار ماهي موجودة أساسا بموقع الجامعة
لوهلة حسيت أني بوكالة رويترز الإخبارية
وربي يكون بعون المشرفين والقائمين على الملتقى وانا عارف انهم يواجهون احراجات ولا ودهم يوقفون عضو او يحرمون أحد من الفايدة ولكن هذا هو الحال والواقع
الله يهدي الجميع ويصلحهم وأرجع وأقول كلنا أخوان وكلها كم شهر ونخلص ونتذكر هالايام بحلوها ومرها وأتمنى أن المواضيع والمهاترات ماتاخذ الطابع الشخصي

الله يوفقكم :2:

[kawid]

قاعدة ادارية مهمه جدا اكثر مما تتخيل وهى كالتالي وهي سهله جدا .
اذا اغلقت الباب اتتك الناس من الشباك وقس على ذلك فعندما يكثر الروتين والتعقيد ولا تجد المعلومة الصحيح من مصدرها الذي لا يلقي لك بالا فأن الناس تنتظر المعلومة من هب ودب ولعل وعسى .
عدم الشفافية والوضوح والتخبط الذي نعيشة في نقص المعلومة .
وعدم وجود من يمثل الطلاب والطالبات لدى العمادة ولا يوجد نقيب لهم يمدهم بالمعلومات الحالية والمستقبلة يوجد شرخ عميق بين المنشأة وافرادها وكما دراسنا ان الاشاعة هي التي تحل محلها .
ارجو اني وضحت السبب ,
ولكم تحياتي ,,,,,,,,,,,,,,

[im Diamond]

الله يعين

[el7lm]

صح لسآنك اخوي خآلد

:21::42:

[بحـر الكـلام]

ياراعي الموضوع كلامك سليم لكن صدقني الي يفتح موضوع ويسال عن النتائج هذا يستعبط والدلليل علي ذلك يكون في موضوع تحته مباشره يتكلم علي نفس المضمون النتيجه ويروح يفتح موضوع عن النتائج باينه الحركه لكن القليل منهم انا اتفق معك لايعلمون بشي معذورين :16:

[HanodH]

شوف أخوي انا واعوذ بالله من كلمه أنا
لا أتفّه عقل أحد ودائما أقول بأن كلن له طريقه تفكير أخرى أو تختلف عني
لذلك لازم كل شخص يدخل مووضوع يتيقن بأن صاحب الموضوع
لا يمشي على أهواء البشرر أنما يمشي بتفكيره وطريقته التي بلا شك تختلف
وبعض البشر اللي يحملون ردود سيئه يتوقعوا بان الجميع يمشي بطريقه واحده ونمط واحد في التفكير
لذا أنا ارى ان كلا الطرفين مظلوم بالموضوع الطرف الاول ظلمووه الناس لطريقه حياته
والطرف الثاني ظلموا انفسهم لما وضعوا انفسهم مقييمين على حياة البشر


وشكرا لك ولأنسانيتك أخوي :21:

[~Mr-Dunhill]

مافهمت !!!

[sarayoon]

اللحين لنا أكثر من اسبوع ننتظر النتايج وكل يوم ينزل مالا يقل عن 7 مواضيع استفسار عن النتايج وأغلبها يكون العنوان مبهم او كأنه خبر عن النتايج واذا دخلنا نتفاجئ انه استفسار ! غالباً صاحب الموضوع يحط العنوان بهالطريقه عشان الطلاب يدخلون ويجاوبون عليه بسرعه :) طبعاً هو ما طق خبر للأعضاء اللي على أعصابهم اهم شي يجيه الجاوب بسرعه! في البدايه سلكنا وحاولنا نتغاضى ونجاوبه بإحترام بس مانفع .. تبينا كل يوم على ذي الحاله ونروق ونجاوب هالنوعيات اللي ماتكلف نفسها تأخذ نظره على المواضيع السابقه :)
اذا انت اعصابك بارده فـ موب كل الناس مثلكم الله خلقنا مختلفين ياخي فيه البارد والعصبي والقلق فأكيد ردت فعلنا مستحيل تكون مثل بعض :)
فتخيل وضع اللي مسنترر بالمنتدى طول الوقت وقلق وينتظر النتايج ويجيك واحد يستفسر بطريقه مستفزه او يحط لك موضوع مكرر 20 مره وعناوين مواضيعهم بهالشكل المستفز .. كيف تبي الناس تجاوبه بإحترام شديد .. بعدين يجيك ردود اللي يدعون المثاليه بنظري ويصفنا بقلة الأدب والسطحيه والوقاحه وقلة التربيه ويحس ان الأمر سهل ومايستاهل كل ردة الفعل هذي :) حتى اللي يدعون المثاليه اساءوا لنا وماقلنا شي.. ف مدامه
نزل موضوع بدون مايكلف نفسه يلقي نظره على المواضيع السابقه والاعلانات فيستاهل ماجاه ..

بعدين اشوف اغلب الردود مافيه إساءة شخصيه لصاحب الموضوع اغلبها ردود استهبال او سخريه من الوضع

[xFhawhx]

حياكم ربي .

[الناشي]

كلامك عين العقل
موضوع مميز وطرح اميز
سلمت اناملك
ربي يحفظك ويوفقك
تقبل خالص ودي

[هتلر01]

كلام سليم