صفات أهل الاحساء

[الناشي]

اذا صلى الفرض وانتهى من صلاته .. وانتهى من التسبيح التفت على اللى في يمينه وسلم عليهم والتفت على اللى في شماله وسلم عليهم

- اذا شافك وقابلك في الطريق سلم عليك سواء كان يعرفك او ما يعرفك

- اذا جاورته ما لقيت من وراه اذيه , يعني ارقد وآمن

- تلاقيه بسيط , طبيعي , سموح , وسيع صدر , وعلى نياته

- اذا طق عليك الباب عطاك سله فيها رطب خلاص او قر واذا جى وقت الصرام ما نساك من التمر الزين

- تلاقيه غارس في بيته فسيله وتشوفه مهتم فيها بنفسه

- تلاقي عنده سيارتين , الاولى كابرس يروح عليها الشغل , والثانيه سوبر حق طريق مكه

- تلاقي طموح ابناءه اذا تخرجوا من الجامعه انهم اما يصيرون مدرسين في الحكومه او مهندسين في شركة ارامكوا , وازيدك من الشعر بيت .. كل واحد منهم يبي يتزوج مدرسه ويسكن في شقه لحاله

- اجتماعي من الطراز الاول , يعني ما تمل من سوالفه

- يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان حقود يعنى شاذ عن القاعده

- اذا جاء شهر رمضان طق عليك الباب وعطاك صحن هريس من طبخ ام عياله وتلاقيها متنغصته حق زوجتك

- يخاف من العين .. علشان كذا تلاقيه يقول لك .. قول ما شاء الله

- اذا كان ساكن في الدمام , الخبر , الظهران , الجبيل او اي مدينه اخرى , وجا ء يوم الاربعاء حرك ونزل الحسا , و فوق كذا يحب يقضي العيد جنب اهله وجماعته هناك..<<لانه ما يستغني عن هله وناسه........أصيل

- ما ينساك في العزايم والمناسبات , يعرف الاصول وكريم

- اذا شميت ريحة المشموم " الريحان " في بيتك اعرف ان زوجته كانت تزور زوجتك <<يازينها من ريحه

- يستانس وينبسط اللي شاف له ناس من اهل الحسا ..

منقول
رغم ان بعض الكلمات ماعرفتها مثل فسيله وقر ياليت من يعرفها يبلغنا فيها
حبيت انقل صفات اهل الاحساء حسب ماقريت عنهم بالمنتديات
تقبلوا خالص تحياتي وتقديري

[خالد السعد]

الحمد لله كل اهل السعوديه كويسين اوي
بلا استثناء ..

[عبدالله سليمان]

ويفوزون بالدوري :biggrin:

أنعم وأكرم بالجميع

[Nura*]

حسيت اني داخله حصة تاريخ :5::20:

[AIMASMS]

وقلوبهم بيضاء
ونيتهم أصفى من الحليب
وفزاعة للغريب قبل القريب

(من واقع تجربة)

[sabreena]

ههههههههه ( فسيلة ) هذي نخلة يربيها من صغرها :42:
اقصد ياخذ فسيلة نخلة و يزرعها في بيته
وبهتم فيها لين تثمر .. وتعطيه الانتاج الطيب .. :21:

اما ( القر ) ما اعرف هالكلمة .. :35:

[دوَدي]

-



انعم و آكرم ..
يُنقل

[ملكة احساس]

الفسيله هي النخله الصغيره
يزرعونها الى ماتكبر وتصيرنخله

يسلموووو

[مكافحه]

صدقت:16:

[فنوُ *]

ناس على نية الله يرزقهم يارب :11::43:
عشقي الحسا واهلها الطيبين .* :16::16:

[أحزآن أنثى]

أويييييلي ع الحســــــــآ :11:

بقولكم ع بعض أسماء الرطب

شيشي / رزيز / إخلآص / طيار تكون حبته كبيرة ولونه أخضر:42:

قر يكون حبته صغيرة .. وفيه نوع من أنواع الرطب يصلح للطبخ اسمه سلوق:42:

ي لبى الأحساء و ي لبى :11:

يسلمو خيو ع الموضوع :16:

[SaD HeArT]

مرحبـاا ..


و النعم و الله بــ أهل الأحساء ..

فيه مطــران بـ الأحساء ؟!!

تدرون عشان إختبارات الصيفي :37: ..










http://www.ckfu.org/vb/images/icons/ei28.gif

[So0oT AlFgEd]

يالبى الأحساء وأهل الأحساء:16:

[كالقمر وحيدة]

لبى انااااا حساويه

sad

يب فيه اخوي :27:

شكراً ع الطرح الجميل :16:

[مشاعل مشعل]

عشت طفولتي بالحسا
يازينها من ايام ولازلت ازورها مانستغني
الحسا حساك لو الدهر نساك :16::16::16:

[SaD HeArT]

sad

يب فيه اخوي :27:




ممتـاز ممتـاز ..

ضمنت أحد يفزع لي إذا رحت إختبر بــ الأحساء :42: ..


تسلمين كالقمر وحيدة ع الإجابة ..









http://www.ckfu.org/vb/images/icons/ei28.gif

[Mr' bander]

طيب انا ابي من الهريس هذ1 في شهر رمضان ان شاء الله في الترم الصيفي :35:

[مريوم 2]

احم احم
يااااااازينهم اهل الاحساء
يسلمووو:16:

[طموحي فوق]

فديت الحسسا واهلها
اغليك يالحسا من غلا ناس فيك :1:

[أبو عبدالله13]

والله والنعم بالحسا واهلها

[أبان]

و النعم بالحسا و أهله ، قمة في الطيبة و الذوق و الكرم


أعجبني فيها المزارع ، المناطق الريفية ، جبل قار ، و الكورنيش شي ثاني :29:



الله يحفظ اهلها و يفوقهم لكل خير

[F-fatimah]

- اذا كان ساكن في الدمام , الخبر , الظهران , الجبيل او اي مدينه اخرى , وجا ء يوم الاربعاء حرك ونزل الحسا , و فوق كذا يحب يقضي العيد جنب اهله وجماعته هناك..<<لانه ما يستغني عن هله وناسه........أصيل


.....


صح عليك


اخوي يشتغل بالدمام وينزل كل اووف يقول له واحد من زملائه :" انتم يالحساويه لو بلدكم في المريخ لازم تنزلون ماتفوتون "



تسلم يمينك


.....

[♛افنان الشهري♛]

مَ عممممري رحت لهآ الا مره وانــآ صعنوونهه مَ عرف ششي :44:

[غرامي النبراس]

ونعم والله باهل لاحساء

[سادن كنان]

http://www.youtube.com/watch?v=pWoxaul-UuE&NR=1&feature=fvwp

قصيدة إهداء خاص هذي الحساء

من هام في حب الحسا من يلومه**********
********** من هو يلوم اللي سكب فيض وجده
في أرضها يبرا الحشا من همومه**********
********** مجد وحضاره شي ما اقدر أعده
أصل الثقافه منهل اللي يرومه**********
********** دين وعقيده نهج كلٍ يوده
سكانها بالطيب أهل وعمومه**********
**********الجار اخو للجار ويشد عضده
من أجلها كلٍ يشمر كمومه**********
********** يفديها بمواله وروحه وولده
واللي نوى بالشر نفسه تزومه**********
********** تقابله أهل الحسا بكل شده
ومن صان نفسه حار بامره خصومه**********
********** ويكون له وزن وكيان وموده
هذي الحسا صدرٍ تفجر أمومه**********
********** تسقي القريب وكل من مد يده
كل شي في عيني غدا له نعومه**********
********** وأي شي في غير الحسا ما أوده
هذي الحسا قلب وكفوفٍ رحومه**********
********** نخل وعيون وعيشةٍ دوم رغده
رغم الهجير ولسعةٍ في سمومه**********
********** ألقى بها راحة فؤادي وسعده

http://www.youtube.com/watch?v=euXrJBVasVY

قلبي اليوم مختار قصيدهـ وحلف إنه صار
قصيدة مدح قصيدة فخر قصيدة عجاب
قصيــدة طولها مثل مد النظر لسحــــــــاب
فتحت بابها الأول ونفتح لي ألف باب
قصيدت في أرض{الحساء} إلي وصاها مايخاب
والقصيدة في أرض{ الحساء} أحس إنها فوق الغبار
{الحساء} أرض الكرم وأرض الجود وأهلها أحباب
يكرمون الضيف وإنسأل يعطى و يجــاب
إذا جيت لأهل{ المبرز} من كل باب
يكرمونك ويعطونك الخير بانسكاب
أهل{المبرز} من عشرهم والله ماخاب
يبدونك على نفسهم ولو كانو في عذاب
وذاجيت لأهل {الهفوف ~والراشدية} تلقاهم أحباب
يمدون يد العون ولو كان السيف فوق الرقاب
أهل{ الحساء} من عشرهم صاروله أحباب
وأرض {الحساء }جنه ومن زارها قلبه فيها ذاب
نخيل {الحساء}النظر فيها كانه سهم وصاب
صاب القلب بعدها صار فيه مغرم وذاب
ونخيل{ الحساء}ترد الروح وتزيل الصعاب
والتمر إلي فيها مثل قلادة الماس متعلقه بارقاب
ترابكيا{لحساء}أشهد إنه زعفران ماهو تراب
لو أرمي بذره ألقى غصونها فوق السحاب
لجيت أوصف عيونها مايكفيني خطاب
أبي شيئ أحسنه كثيييييير ويزيد عن حد القصاب
عيون{ الحساء} تشفي العله وروح تسري لها بنجذاب
عين أم سبعه وعين الحاره إلي ذكراهم في فكري ماغاب
ومن حيره سؤال ترى في أرض{ الحساء} تلقاله جواب
لأنها أرض الخير ومن ينصاها أبد ما يخاب
هذي أرض{ الحساء} و أهلها أحباب
ولا تنشدوني ليش أحض{ها}
ترى أعشـق{ها}وقلبي لها جذاب

http://www.youtube.com/watch?v=5jtCcEHD4Pg

[رزان الشهري ☺ ~]

ماشاء الله
-
ان شاء الله اقول لداد يودينننا لهها :16::27:

[مساعد اكاديمي]

:16::16::16::16::16:
انعم و اكرم بأهل الاحساء
من عاشرهم ما يملهم نهائياً
يا لبى قلوبكم يالحساويه
:43::43::43::43::43:

[الناشي]

يستاهلون اهل الاحساء كل علم طيب
مشكورين كل من مر وعلق وهذا اقل شئ يقدم لاهل الاحساء
تقبلوا خالص تحياتي وتقديري

[♥ ρяɪиcєss]

حياء الله اهل الحسساء اهل الجود والكرمم :34: