الجدول كيييف؟؟؟

[ميراندا]

السلام عليكم
لو سمحتو انا عندي استفسار ياليييت احد يرد علي
اللحين شرط نروح للكليه >>الآداب >>مو نزل لنا رقم البانر والمواد
انا مو رايحه للكليه الاسبوع الاول ابي اعرف هل بينزل الجدول ع النت ولا لا نروح للكليه علشان ناخذ الجدول منهم >>في البانر >> بينزل ولا لا ؟؟؟؟
ياليييييييييت احد يفيدني

[الغلا]

اختي لاتحاتين ولا تشيلين هم




وهذي معلومه لجميع الطلبة
بخصوص الجداول وطريقتها!!!



تسجيل الجدول بالنسبة للمستجدات يختلف من كلية لكلية، بعض الكليات تعطي الطالبة نموذج للجدول الدراسي وفيه المواد وأرقام المرجعية، وما على الطالبة إلا الدخول على نظام البنر وإدخال الأرقام المرجعية للمواد فقط وتنفيذ، وبذلك تكون قد سجلت الجدول.
وبعض الكليات تعطيها الكلية المواد حسب الخطة الدراسية بدون الأرقام المرجعية وتقوم الطالبة بالدخول على الجدول الدراسي على موقع الجامعة في وقت التسجيل وتحصل على الأرقام المرجعية وتدخلها في البنر.
بعض الكليات تقوم العمادة بالتسجيل لهن.


في مامعنى الكلام
لحد يحاتي جدوله ابدا لان مافي شي يخص الجدول مطلوب منكم تسوونه قبل السبت ابد

سواء كانت

*الكليه تسلمه لكم

او

*انتو تسوونه

لان تسجيل الجدول من قبل المستجدين يبدا يوم السبت مثل ماهو موضح بالرابط

http://www.kfu.edu.sa/AR/DEANS/ADMIS...Semester2.aspx

واختي ضروري مرره تداومين اول اسبوع اذا انتي مستجده
لانهم بيشرحون لكم كل شي عن الجدول والانظمه من البدايه الى النهايه
وهالشي مابيعيدونه بعدين
وبعد ترا اول اسبوع مخصص للاستفسارات ومشاكل المستجدات
:no2: :no2: مايصلح ماتداومين لازم تداومين

وهذا رابط للمستجدين مره مهم ادخلي عليه

http://www.ckfu.org/vb/showthread.php?t=46912

[roma son]

السلام عليكم

اخي انا طالب تم قبولي بكلية العلوم في الاحساء

بالنسبة للدوام اول اسبوع هل سيكون دراسة في اول اسبوع ام لا

ما ادري لان السائلة في الموضوع فتاة وربما الوضع يختلف

سبب سؤالي لان لدي اشغال في الدمام فهل يمكن عدم حظور اول اسبوع

[الغلا]

لا الوضع واحد للبنت والولد

اول اسبوع مهم الدوام للطالب المستجد

وانا جاوبت بموضوع ثاني ان استاذ فؤاد النعيم قال السبت الدوام للمستجد وغير السمتجد

واخوي هذا اقتباس لردي ع احد العضوات والكلام ينطبق تماما عليك

ماعدا شغله انها هي بتاخذ صورة بطاقة العائله وانت بتاخذ صورة الاثبات الي هي اسمها الاحوال الشخصيه ع مااتوقع
<<ماتنلام بنت :cheese:

ولك الحريه في تقييم اهمية الحظور!! :sdfgdsf:

اختي انتي مستجده يعني لازم ومهم وضروووووري تداومين بكره

لعدة اسباب لاتعد ولا تحصى

اولا عشان يشرحون لكم الانظمه من البدايه للنهايه

ثانيا عشان يعلمونكم عن طريقة جدول كليتكم لان التسجيل عن طريق البانر يبدا بكره السبت ولازم يعلمونكم ع تفاصيل التسجيل والمواد

ثالثا عشان تعرفون متى تبدا المحاضرات

رابعا تداومون اول اسبوع لان لو كان في مشاكل بخصوص الجدول والمواد او اي شي يخص استفسراتكم لان اول اسبوع مخصص للمستجدين واستفساراتهم

وكل هالاشياء مابيعيدون شرحها لكم بعد اول اسبوع!!!!
خامسا وبعد عشان تتعرفين خلال الاسبوع الاول ع اماكن القاعات وكل شي يخص الكليه وطريقة رموز اماكن المحاضرات

لان ثاني اسبوع بتبدا المحاضرات جد مو لعب ولا في وقت انج تسالين عن مكان المحاضره لان المفروض الاسبوع اول بعد ماتشوفين الجدل تبحثين عن اماكن القاعات وتعرفينها

وبعد في اشياء كثير

اي صح

بعد تاخذين معاج صوره عن بطاقة العائله واثبات القبول ورقة البريد الممتاز وبعد صوره للوجه لوكانت الكليه تطلب الصوره عشان البطاقه الجامعيه واستكمال الاوراق

والله يوفقج

واذا بتساليني متى اداوم بقولج داومي 8 انسب وقت لان مافي شي بيصير قبل 8

موفقه

:119:

[fa6oma]

خيتوو الغلااا انا بكليه العلوم الزراعيه ومو ناويه الا ارووح يوم وااحد بس الي هوو بكرره مااتوقع يحتاج نداوم الاسبوع كله :g2:

[الغلا]

اختي ع حسب كليتكم يعتمد!!

يعني في كليات بتسوي يوم تهيئه بيكون الاحد

وفي كليات السبت

وفي كليات الثلاثاء

ويو التهيئه هو اليوم الي يجمعون فيهم كل المستجدات ويشرحون لهم كل شي من الالف الى الياء

وانتي ماتدرين لاسمح الله تصير معاج مشكله بتسجيل الجدول او اي شي فلازم تداومين وتستفسرين

يعني اذا داومتي بكره اساليم يحتاج تداومين باقي الاسبوع او لا

وبسسس

:119:

[fa6oma]

مشكوووره خيتوو :119:

[الغلا]

العفووو


:119:

[ميراندا]

مشكوره اختي الغلا بس عندس استفسار فرضاَ مارحت الاسبوع كله الجدول نفسه نفسه اللي حاطينه في موقع الجامعه كليه الاداب او اهو حق السنه التحضيريه جدولنا
كليييه الآدآب
http://bannerinb.kfu.edu.sa/KFU/ws?p_trm_code=143010&p_col_code=74&p_sex_code=12

السنه التحضيريه
http://bannerinb.kfu.edu.sa/KFU/ws?p_trm_code=143010&p_col_code=24&p_sex_code=12

واذا كان ع الانظمه مومهمه عندي باخذها من اي بنت واذا ع التسجيل الحمد لله قريت وفهمت بإذن الله
بس انا مومداومه اسبوع كامل فهل الجدول اعلا غير عن الجدول اللي راح يعطونا اياه وشكرااااا