جامعة في الستينيات

[مصطفى السعودي]

بسم الله الرحمن الرحيم
السلام عليكم ورحمة الله وبركاته
ياجماعه متأكين أن هالجامعه تتعامل بالكمبيوتر أشك في ذلك عشرين يوم مخلصين اختبارات والنتائج ماطلعت ايش التخلف هذا
بنت اختي في التعليم العام وعددهم يفوق عدد طلاب جامعة فيصل انتهوا من الاختبارات الثلاثاء وظهرت النتائج الأربعاء في نظام نور

والمشكله التسجيل الصيفي ينتهي قبل نعرف ايش المواد الي عديناها او حملناها وممكن ناخذها صيفي

ما أقول الا جامعه في عهد الستينيات بمعنى الكلمه

[الجــــ@ـارح]

يامصطفى الله يحييك

وانا خوك جامعتنا معذوووره

شف انا بعطيك بعض النقاط ممكن انك تعذرهم

اول شي اخوي مصطفى عدد الطلاب 34 الف طالب

ومن جميع مناطق المملكله يعني فيه فرق...

الانتظام يدرسون في نفس الجامعه

حتى لو عددهم 100 الف تقدر الجامعه كل يوم تدخل درجات اختبار المواد

لكن جامعتنا صعب لان اوراق الاجابات تجيهم من جميع المناطق

واكيد رح يكون فيه تاخير ,,

فلازم نفرق بين الانتظام والتعلم عن بعد

لو حسبنا 34 الف طالب على 5 مواد فقط

يطلع عندنا اكثر من 170 الف ورقه اجابه يعني لو كل يوم صححو 8000 ورقة اجابه

يبيلهم 21 يوم تقريبا على شان يصححون جميع اوراق الاجابه ,,


ياليتني اكون وضحت لك اخوي ولجميع الاخوان الي مستعجلين على النتايج

[alhattan]

فيه عده طرق لحل هذه المشكله

وعندك كمثال جامعه الامام من الترم القادم راح يتم تصحيح الاوراق بيومها

وطريقه ارسال الاوارق راح تكون لديهم عبر الماسح الضوئي مع الاستغناء عن واصل الارسال كدي اتش ال او فيدكس

وبكذا كل اختبار راح يتصحح بوقته والنتائج لديهم راح تطلع باقل اسبوع !!

جامعتنا الكريمه خلاف التأخير والعذر الذي تضعه ،،، وقت ظهور النتائج الموقع يتقفل بسبب الضغط وننتظر يومين او ثلاثه حتى يخف الضغط ع الموقع

حتى السيرفر الخاص بالموقع مو راضين يطورنه !

[Khaled.SU]

^^
ايه والله معك حق مو فاقع مرارتي الا السيرفر و الدعم الفني المخيس و الاخطاء المتكرره

يعني ي خي منتديات عادية و مواقع فيها ملايين مو اللاف قسم ماتعلق مثل موقعنا

ما ادري لين متى و عذرهم الخايس اننا احنا الغلطانيين لأننا نهمل و نجي ايام الاختبارات مره وحده

ما ادري هل الخطا علينا ولا على السيرفر السيء اللي يفترض فيه انه يتحمل الضغط و يستوعب عدد الطلاب واكثر بمره ع الاقل عشان ضمان الجوده :26:

[فضيل]

مالهم عذر

[ريم 2012]

(ان الله مع الصابرين) :icon19:

[سلمان,]

غباء او استهتار من مسؤولي الجامعه:20:

[بحـر الكـلام]

والله ياراعي الموضوع انك صادق:21:

[محمد السديس]

وش يضر الجامعة لو شرت لكل مركز اختبار جهاز تصحيح الي ولاب توب لرصد الدرجات ويشترونها من القطة حقت الشباب

[حلم الهوى]

من جد مافي عذر للتاخير :30:

[الطالب الموهوب]

مالنا غير الصبر

[Eri]

اللهم طولك ياروح :22:
صايرة كل يوم اصبح عل موقع الجامعة
من نومي للموقع اشيك على النتايج ومااشوف شي
لانتايج ولا مشاركات

[ابو مدري]

نزلت محاضرات الترم الصيفي التمهدية والاولى وجدول المحاضرات المباشرة .

والنتائج مانزلت لحد الان.........................!!!!!!

[الراقي222]

مالهم عذر ابد

[NONYAH]

انا عني يجلسون ٣ شهور يصحوون الاوراق بعد التآكد والاعاده ٢٠ مره وانجح
احسن من يصححونه بيوم وكميه اخطاء ورسوب بسبب السرعه في الاعلان ع النتيجه

اهم شي بالاخير ناجحه :35:

مع العلم بآنو من السنوات اللي راحت لليوم ماشلت هم ولا وسوست بشآن النتائج

تبلد الله لايبلاكم :5: