قسم المكتبات ( تجمع للمقبولات في قسم المكتبات ) [الأرشيف] - ملتقى طلاب وطالبات جامعة الملك فيصل,جامعة الدمام

بسمة $

2013- 6- 10, 01:10 AM

ماشاء الله مبروك عليكم التخصص وإن شاء الله تقطعون المشوار الجميل اللي أنهيناه أنا وزميلاتي بالقسم (دفعة 2010) أول دفعة

:21::21: موفقاااااااااااات وشدو حيلكم بارك الله فيكم :16::16:

_nsreen

2013- 6- 10, 03:02 AM

http://www.ckfu.org/vb/t339923.html

نفضلي هذي خطه القسسم للي تبي تشوفهآ ..

وحيآكم الله بالقسم .. :1::1::1:

مشكورههه:16::16:

_nsreen

2013- 6- 10, 03:03 AM

لـولا

2013- 6- 10, 06:29 AM

مبروك للي تخصصوا مكتبات
بس بغيت اسئل الي قبلوهم كم كان معدلكم ؟؟

_nsreen

2013- 6- 10, 02:54 PM

مبروك للي تخصصوا مكتبات
بس بغيت اسئل الي قبلوهم كم كان معدلكم ؟؟
انا 3 وربع

دعآء علي

2013- 6- 10, 03:03 PM

ابي اعرف اقل معدل يقبلوه قسم المكتبات

اني معدلي 2,750 وقبلوني جغرافيا )‘:

Lorans

2013- 6- 10, 03:50 PM

نفسي انا ٣,٤٣ و قبلوني جغرافيا ):

_nsreen

2013- 6- 10, 05:16 PM

ابي اعرف اقل معدل يقبلوه قسم المكتبات

اني معدلي 2,750 وقبلوني جغرافيا )‘:
ايه وحدهه نفس معدلك ودخلوها جغرافيا

بسمة $

2013- 6- 10, 08:55 PM

انا ان شاء بتخرج الترم الاول الجاي عندي مادة من تحظيري

لسى والله الله كتب اللي فيه الخير ونتوظف بس عموما مجالات التوظيف كثيرة لاول دفعتين

بسووو

2013- 6- 10, 11:20 PM

:6:غريب للي دخلووووكم جغرافبا وانتو معدلكم 3 وفوووووق اعرف بنت 2 بس قريب 3 وقبلوووها مكتبات طيب راجعوووو القسسم عند ميسوووون تساعدكم

تفااؤل

2013- 6- 10, 11:34 PM

نفسي انا ٣,٤٣ و قبلوني جغرافيا ):

غريبه انا معدلي 3,26 وقبلوووني مكتباات ..

يستهبلللووون :18:

Lorans

2013- 6- 11, 12:14 AM

الشكوى لله بكرا بعد بروحلهم والله يعين

تعبت من ذا الكليه :18::44:

عاشقة التفاؤل

2013- 6- 11, 10:28 AM

مبروك قبلوكم بقسم الله يوفقكم
وشدو حليكم مواد مستوى 3 كلها متطلب

_nsreen

2013- 6- 11, 09:30 PM

يارب تضبط اموركك:16:

_nsreen

2013- 6- 11, 09:31 PM

مبروك قبلوكم بقسم الله يوفقكم
وشدو حليكم مواد مستوى 3 كلها متطلب

الله يبارك فيك
احد يعرف كم ماده 3 ساعات ؟
والدكاترره الحلوين وكذا

شجن الروح

2013- 6- 11, 09:57 PM

المستوى الثالث كل مواد التخصص 3 ساعات المواد العامه بس هي اللي ساعتين ..

_nsreen

2013- 6- 13, 02:20 AM

المستوى الثالث كل مواد التخصص 3 ساعات المواد العامه بس هي اللي ساعتين ..
طيب ممكن تفيديني بالدكاتره الحلوين

تفااؤل

2013- 6- 13, 05:19 AM

والحمممممممممممدلله اني تخصصت هالقسم مع اني كنت اكرهه ماده المكتبه بالثانوي
بس الشكوى لله ان شااءء تتيسر الامور وتتسهل ..

مااخترت هالقسم الا لانه مواده قليله وبسيطه مشككلتي ماشوف نفسي لاي تخصص .

_nsreen

2013- 6- 16, 12:02 AM

جرحني غلاك

2013- 6- 16, 03:23 AM

الله يوفقنا ويسهل علينا دراستنا وان شاء الله يكون هالتخصص خير لنا
:29::16:

_nsreen

2013- 6- 18, 10:29 AM

ان شاء الله

سرادق

2013- 6- 19, 01:59 AM

بنات كم معدل يدخل مكتبات:28::2:

جرحني غلاك

2013- 6- 19, 02:17 AM

في بنات انقبلو ع 2 وفي 3

يعني شكل الكولج ع كيفهم
:29:

عاشقة التفاؤل

2013- 6- 20, 02:13 AM

هم عندهم لخبطه بنظام بس عشان انا ادرس صيفي سمعت سوالف كثير
أنصحكم تراجعوهم قبل لا ينتهي الوقت

zahra zaki

2013- 7- 1, 07:24 PM

متى يبداء ترتيب المواد بعربة التسوق :18:
وافضل دكاترة القسم منو :21:

الوفا طبعي :)

2013- 7- 2, 01:02 AM

القسم لما يختارون البنات ما يختارون افضل معدل لا في بنات معاي معدلهم 2 ونص
هم يختارون البنات الي جايبين درجات مرتفعه في مادة برامج الحاسب المكتبيه في الترم الاول والثاني انا يوم كنت بالتحضيري جايبه فيها b:35:
لان هالماده متطلب لقسم المكتبات

عشان اوضح اكثر في وحده من صديقاتي كانت تبغى تدخل قسم انجليزي وهي ناجحه بمواد الانجليزي كلها بس ما قبلوها لان جابت بالانجليزي كتابه a اوb ماني ذاكره :8: وانجليزي قراءه جابت d عشان درجتها بالانجليزي القراءه نازله ،لانهم يجمعون الدرجات ويقسمونها الى ان تطلع الدرجه المرغوبه للقسم
اسفه طولت بس ابغى اوضح قبل ما تروحين للقسم ويمرمطونك :40:

الله يوفق الجميع :16:

عاشقة التفاؤل

2013- 7- 2, 11:37 AM

متى يبداء ترتيب المواد بعربة التسوق :18:
وافضل دكاترة القسم منو :21:
الجامعه لسى ما حطت التقويم الجامعي

الحمدلله انتو انقبلتوا وعثمان عبيدات موهنا انتهى اعقده<الله لا يورينكم اللي سواه فينا

*د عواطف مكاوي - هذي استاذه روعه بما تعني الكلمه من معنى
*د حنان الفرج - بشرح ولا احلى منها وتحب اللي تذاكر خصوصا لو سالت عن المحاضره السابقه وتعاملك على انك طالبه جامعيه يعني لازم تلتزمين بانظمه وما تعررف شيء غير كذا
*استاذه امل الغامدي- ما تعطيك درجات وانتي مو مستحقتها ابدا وتمشيء على انظمت الجامعه زي المسطره والقلم
*استاذه منى الشمري- روعه الاخلاق وابد وذوق تعطيك حقك بدرجات وزياده
*استاذه احلام القحطاني- ما اخذت عندها
*استاذه غاليه- زينه بشرح بس ما تاخذين منها حق ولا باطل لا طريقة الاسئله ولااي شيء ثاني بس تساعدنا بدرجات كثييييييييييييييييييييييير .
وفيه دكتورتين ما اخذت عندهم* هاله باسيوني *وامل عبدالفتاح

واحتمال كبير يجون ناس جدد على االقسم

الله يوفقكم ويوفقنا آجمعين

عازفة الناي

2013- 7- 2, 04:08 PM

انا كان معدلي 3.15 كانوا قابليني اعلام :42:
بس بعد فترة غيروه وحطوني مكتبات :12::18:

يلا كل شيء خيرة :1::1:

f6oum

2013- 7- 6, 01:59 AM

آهلين يالصبايا
مبروووك عليكم التخصص :1::15:
والله وكبرنآ :19:

كنت شايله هم انهم يقبولي بتخصص ثاني بس الحمدلله الحمدلله
قبلوني بتخصص المكتبآت :37: ,
ان شالله حنا قدهآ بهالتخصص
وربي يوفقنآ كككلنآ

zahra zaki

2013- 7- 9, 06:58 PM

يارب الله يسمع منك
يارب يكون سهل علينا
بنات اي وحده تعرف متى نرتب المواد بعربة التسوق
تكتب هنا :19:

جرحني غلاك

2013- 7- 9, 07:21 PM

بتوبتر الجامعه مكتوب انه بداية شوال بس مش محدد اليوم

zahra zaki

2013- 7- 9, 07:36 PM

لا اتوقع بداية شوال ناكد المواد
الله يقطعها من جامعه :36:

جوج الهاجري

2013- 7- 9, 08:49 PM

مساء الخخير ي حلووات

كيفكم وكل عام ؤانتمم بخخير
صباياا جاتني فكره نسوي قروب لبنات المكتبات ومنها تعارف خصوصا إنهه تو متخصصين هالقسم وحلو تكون لك معارف بألمجال اللي تدرسين فيه ف راح اسوي قروب واتس اب لنهه الأغلب عنده واتس اللي حابه تنضم معنا ونكون إحلى قروب ونتواصل عن التسجل ؤا.لخ. ترسلي رقمها بالخاص وبسس :34::34::1:

أميرة الأميرات

2013- 7- 9, 10:04 PM

بنااات

انا عندي كتب مستوى ثالث ورابع تخصص مكتبات حاابه اني ابعيهم بدل ماتشتروهم من المكتبه بسسعر اغلى اشتروهم من عندي اللي تبيهم تكلمني خااص وع فكره كتبي نظيفه والتاشير بقلم رصاص

جرحني غلاك

2013- 7- 11, 04:29 AM

الله يوفقنا ويسهل علينا دراستنا :16:

ميما2010

2013- 7- 12, 12:55 AM

ألف مبروك القبول لكن يابنات بالتخصص الجميل "مكتبات ومعلومات"

راح تقضون أحلى أيام دراسة بالقسم الأكثر من رائع

الله يوفقكن جميعاً:16:

جرحني غلاك

2013- 7- 12, 12:57 AM

اميييييييييييين

f6oum

2013- 7- 12, 02:55 AM

مممبارك عليكم الشهر
والله يتقبل صيامكم ان شالله :1:

امم في وحده سوت جدولهآ !!
يعني رتبت جدولها من اللحين اذا فيه تكتبه لنآ نشوف كيف
وانا افكر اخذ اوف يوم الخميس شراآيكم :’) ؟

جرحني غلاك

2013- 7- 12, 03:31 AM

بما اننا 6 مواد ففكرت بهالترتيب

الاحد : مادتين خفاف نسبيا
الاثنين : مادتين خفاف نسبيا
الثلاثاء: ماده ثقيله نسبيا
الاربعاء: ماده ثقيله نسبيا
الخميس : اوف

هاذا جدولي تقريبا اللي ببالي لنه احس خفيف

بس المواد مش ثابته عندي يعني يمكن اغيرها ابي احط اصعب مادتين او اثقل مادتين يوم الاحد او الثلاثثاء والاربعاء
عشان يكون م عندي الا محاضره وحده افضى لهالماده وبس بس المشكله م اعرف مدى ثقل او صعوبت المواد
ياليت احد يعلمنا عشان نخليها بيوم لحالها :39:

f6oum

2013- 7- 12, 03:40 AM

من جد ياليت احد يعلمنا كيف صعوبه او سهوله مواد التخصص

انا وصديقتي فكرنا بهالجدول :’)

الاحد : ماده عامه - ماده تخصص
الاثنين : ماده تخصص 3ساعات
الثلاثاء : ماده عامه - ماده تخصص
الاربعاء : ماده تخصص 3 ساعات
الخميس : آوف :15::17:
والاحد راح يكون عندي زياده محاظره لاني حامله ماده " علم الاجتماع :12::18::18::18::18:

نودآ

2013- 7- 12, 03:41 AM

^

حلو تنوعين ماتخلين يوم كله ثقيل و يوم كله خفيف
عشان ماتطفشين و تملين :42:

f6oum

2013- 7- 12, 03:45 AM

طيب ابي مساعدتكم
انا حامله ماده علم الاجتماع الكريههه المليغه :18::18:
وكنت ماخذتها عند دكتوره : اميره المطيري وجهه الفقر حسبي يالله عليها :18:
وتوبه اخذ عندها ,
الززبده ابي دكتوره زينه وشرحها كويس :21: غير هذه الدكتوره

جننتهم كشتي

2013- 7- 12, 03:48 AM

مبروك عليكم التخصص

احب اقول لكم شي الجدول راح تتعبون ع ماتسوونه لان مافي الا شعبتين وان زادو ثلاث

مو مثل شعب التحضيري كثيرا احيانا تضطرون تاخذون بأيام ماتبونها

موادكم 6 مواد التخصص 4 والعامه 2
اسس تنظيم المعلومات عملي ونظري تكون المحاظرات بنفس اليوم
مصادر معلومات عملي ونظري يوم نظري ويوم عملي
مدخل الى علم المعلومات والمكتبات محاظره من 8/10:30
تحليل وتصميم نظم المعلومات

العامه
عقيده واخلاق
اتصالات وانترنت

العامه تلقونها بأي وقت واي يوم المشكله بالتخصص

فنصيحتي لكم اول رتبو جدولكم ع مواد التخصص بالاوقات الموجوده واوقات الفاضيه حطو فيها العامه :29:

بالتوفيق حبيبااتي

جوج الهاجري

2013- 7- 12, 03:59 AM

الخميس ححلوؤو أوفف خصوصا حنا م تعودنا ع سالفه دوام الخميس :42:

جرحني غلاك

2013- 7- 12, 04:13 AM

^ يب للحين مش داخل مزاجي يوم الخميس

نورهّ

2013- 7- 12, 05:10 PM

بنات حبيت اسأل تدرسون ( انقليزي - ونحو ) بالمواد العامه ولا !

zahra zaki

2013- 7- 12, 06:23 PM

بنات بداء ترتيب المواد ولا لسه :12:

شجن الروح

2013- 7- 12, 08:00 PM

بناااااات ترى مادة مصادر المعلومات وأسس تنظيم المعلومات محاضرتين بالاسبوع نظري وعملي :5:

لآحظت انكم مخلينها محاضرة وحده استريحوأ بس لآ طلعت لكم الاوقات نضبط لكم الجدول :37:

بس عادي انا كان جدولي خفيف كل يوم اطلع 12 الا يوم واحد كنت اطلع 2 :)

بالتوفيق يارب ويآزين حماسكم :5:

شجن الروح

2013- 7- 12, 08:01 PM

بنات حبيت اسأل تدرسون ( انقليزي - ونحو ) بالمواد العامه ولا !

مواد عامه مع التخصص قصدك لآ ماندرس بس درسناهم بالتحضيري النحو مادتين والانقليزي 3 ..

جرحني غلاك

2013- 7- 13, 08:13 AM

طيب ايش الماده اللي محاضرتين بالاسبووع ؟؟

شجن الروح

2013- 7- 13, 01:13 PM

مصادر المعلومات

و

أسس تنظيم المعلومات

مادتين :42:

نورهّ

2013- 7- 18, 01:57 AM

السلام عليكم ..
بنات انا سجلت تخصصي يدوي وطبعاا حطيت رغبتي المكتبات وقالت لي د/ سعاد ، خلاص بسجلك وماله داعي تجي مره ثانيه وارجعي للموقع وشوفي تخصصك هناك
واناماغير مسنتره عند الموقع ولا طلع لي شي :""( ؟
ووش اسسوي !! :(

عازفة الناي

2013- 7- 18, 02:58 AM

بنات الله يعافيكم عطوني نموذج لجدول
عشان اعرف وشو المادة اللي فيها محاضرتين وشو اللي محاضرة وحدة:39::18:
لأن بصارحة بيني وبينكم ابغى اطلع بدري الساعة 12 :40: >> متعقدة من التحضيري:18::18:

جرحني غلاك

2013- 7- 18, 03:19 AM

^ من جد تعقدنا من الطلعه 1 نبي 12 اخف علينا

وفي مادتين محاضرتين بالاسبوع مصادر المعلومات و اسس تنظيم المعلومات

يالله رتبي جدولك انا للحين فك راسي ترتيبه احاول اجيبه منه منه مو متصوره ابي نموذج 1 ع الاقل

ممكن بنات المستويات الاعلى تساعدوننا :29:

شجن الروح

2013- 7- 18, 04:31 AM

ابشروا بساعدكم بس لانزلت الاوقات لانها مو على كيفكم :18::37:

تفااؤل

2013- 7- 20, 11:55 PM

بنات وش صصصصار عليكم

تفااؤل

2013- 7- 21, 12:09 AM

بنات افكر اني اخذ وحده من هذي المواد /

اسس تنظيم المعلومات
مصادر المعلومات

مابي اضغط ع نفسي :42:

وش الاسهل بينهم

جوج الهاجري

2013- 7- 21, 12:50 AM

تفاؤل شوفي تأكدي قبل إذا لها متطلب ولا عشاان تقدرين تأخذين المواد بدون م تتراكم عليك :2::29:

جرحني غلاك

2013- 7- 21, 01:38 AM

بنات عندي سوأل ليش احسس اننا يا بنات تخصصنا مو متحمسين بالاستفسارات زي باقي التخصصات :27::29:

شجن الروح

2013- 7- 21, 01:46 AM

بنات افكر اني اخذ وحده من هذي المواد /

اسس تنظيم المعلومات
مصادر المعلومات

مابي اضغط ع نفسي :42:

وش الاسهل بينهم

حبيبتي المادتين لها متطلبات اذا تبين تحذفين شي احذفي تحليل مالها متطلب :42:

شجن الروح

2013- 7- 21, 01:47 AM

بنات عندي سوأل ليش احسس اننا يا بنات تخصصنا مو متحمسين بالاستفسارات زي باقي التخصصات :27::29:

دايم بنات المكتبات مايطلعون الا وقت التسجيل :)

جرحني غلاك

2013- 7- 21, 02:28 AM

ههههههههههههههههههههههههههههههههههههههههههههههه انا حاسهه انو م بيطلعون الا وقت التسجيل من هجدتهم الحين م اقول الا الله يوفقنا ويوفق الجميع :34:

شجن الروح

2013- 7- 21, 02:41 AM

آآمييين يـآرب :16::37:

تفااؤل

2013- 7- 21, 02:56 AM

اجل شكلي ماباخذ تحليل .

بس لاني فككرت اان المادتين ذول عملي ونظري بتصير قلق ولخبططه ..

شجن الروح

2013- 7- 21, 03:08 AM

اجل شكلي ماباخذ تحليل .

بس لاني فككرت اان المادتين ذول عملي ونظري بتصير قلق ولخبططه ..

انا درست كل المواد وماكان ضغط ولا لخبطة ولا شي والحمد لله معدلي عالي :)
ونصيحه مني خذيها كلها لانك ماتقدرين تنزلين كل المواد بعدين وبتزيد سنوات دراستك :$

كروايه

2013- 7- 21, 12:28 PM

أنا الحين مستوى 5 وراح انزل لكم جدولي بمستوى. 3
طبعا نصيحه لحد يحذف مواد ترى سهل والجدول خفيف
ومواد العملي بسيطه يعني يطلعونكم بدري فخذوها كامله :16:

كروايه

2013- 7- 21, 12:44 PM

جدول المستوى 3. :34:

السبت : مصادر معلومات نظري ( 8 لـ 9:40 ) ، عقيده واخلاق ( 10، 11:40 )

الأحد : مصادر معلومات عملي ( 8 لـ 9:40 ) ، تحليل ( 10 ، 12:40 ) 3 ساعات » وتطلعكم 12 عشان الباصات

الأثنين : اوف

الثلاثاء : مدخل إلى علم المعلومات والمكتبات 3 ساعات ( 8 ، 10:40 ) ، اتصالات وانترنت ( 12 ، 1:40 )

اﻻربعاء : اسس نظري ( 8 ، 9:40 ) ، اسس عملي ( 10 ، 11:40 )
________________
وهذي اسماء الدكاتره اللي درست عندهم هالمواد ~

مصادر نظرري : منى حماد مصريه
مصادر عملي : منى الشمري سعوديه
عقيده : مبروك الشيباني
تحليل : حنان فرج
مدخل : عماد عبدالحليم
اتصالات وانترنت : ديمه العيسى
اسس نظري : عواطف المكاوي
اسس عملي : امل الغامدي

________________

اتمنى يكون واضح والله يوفقكم يارب. :16:

عاشقة التفاؤل

2013- 7- 21, 06:25 PM

اجل شكلي ماباخذ تحليل .

بس لاني فككرت اان المادتين ذول عملي ونظري بتصير قلق ولخبططه ..
حبيبتي نصيحه لوجه الله
مواد مستوى ثالث كلها متطلب وقليله 4مواد أصلا
ماراح تتلخبطين ولا تحسين بضغط ما يحتاج تحذفين مادة
الآن فيه كثير ماخذين سنه خامسه عشان يلخصون مواد المتطلب
ويمددددديك تاخذين أوف يومين بعد
حرام تروحين مواد لها متطلب وإنني تدرسين بهذا الترم
وما عندك مواد من مستوى سابق
الله يوفقك يارب

وكلام الأخت كرويه عين العقل
اسمعي النصحيه دمها لمصلحتك

تفااؤل

2013- 7- 21, 11:04 PM

الله يعطيكم العافيه خلاص مادام هذي نصيحتكم بتوكل ع الله ومابحذف شي لانه بالاساس ماقررت ولا اكدت اني احذفها او لا :16::16:

كروايه

2013- 7- 22, 04:45 PM

موفقه ان شاء الله :2:

_nsreen

2013- 7- 22, 09:58 PM

كم محاضره في الأسبوع 3 ساعات *?-?? !

تك تك مخك معاي

2013- 7- 22, 10:26 PM

^^
م مفهمت صيغة السؤال منيح .. :g2:

بس لكل ماده عدد ساعاتها يعني مثلا بمستوى 3 حتكون مادة مدخل الى علم المعلومات 3 ساعات

شجن الروح

2013- 7- 22, 10:58 PM

3 ساعات محاضرة وحدة بالاسبوع من 8 الى 10 ونص او من 10 الى12ونص او من 11 الى1 ونص

وبالمستوى الثالث مادتين بس ع هالنظام..

وفي مادتين 3 ساعات بس نظري وعملي يعني محاضرتين بالاسبوع :13:

تك تك مخك معاي

2013- 7- 22, 11:02 PM

كل مستوى تزيد كم ماده عدد ساعاتها 3

يعني الترم اللي راح 4 مواد 3 ساعات

_nsreen

2013- 7- 22, 11:06 PM

مشكو رررين ,, يعني بالمستوى الثالث محاضرتين بس بنكون 3 ساعات ب الكلاس

تك تك مخك معاي

2013- 7- 22, 11:19 PM

العفوووو قلبووشه .. يب مثل م ذكرتي

موفقهه يارب

:1:

نوآريّ

2013- 8- 20, 09:29 AM

أميرة الأميرات

2013- 8- 21, 05:29 AM

بنااات اللي حاابه تشتري مني كتب المستوى الثالث والرابع تكلمني خاااص بسسعر احسسن من سعر المكتبه والكتب نظيفه مافيها الا تأشيرات بالقلم الرصاص اللي حاابه تترك لي رساله ع الخاااص

جرحني غلاك

2013- 8- 21, 05:47 AM

ااذا سويتي القروب حابه تضيفيني فيه $

انا كمان حابهه اشتركك بالقروب

8900

2013- 8- 21, 01:11 PM

بنات ابغى ادخل القروب لكن ماقدر ارسل رسالة خاصة لان مشاركاتي قليلة:5:

جوج الهاجري

2013- 8- 21, 02:09 PM

منززله هالرد من زمان انا بس محدش علق
اللي يبون القروب انا عدد مشاركتي شوي م اقدر ارسل رساله خاصه بس اقدر ادخل من حساب اختي وارسل لكم رقمي عشاان نعرف بعض قبل الدوام وحوسه التسجيل اللي تبي ارسلها خاص تخبرني$