الى خبراء الانجليزي بجميع المستويات

[وطـــن]

السلام عليكم

الى خبراء الانجلش

حبيت استشيركم فماخاب من استشار وقبل ذلك الجأ

للاستخاره

انا من عشاق هذه اللغه ولكن انجليزتي على قدي

افهم بعض الشي والاساسيات بعض القرامر

جبت الانجليزيه العامه c+

الانجليزي قراءه B+

انا علم اجتماع رايحه لمستوى ثالث بتقدير امتياز

هل ترشحون لي التحويل لقسم الانجليزي


انا خايفه اتعقد في المستويات الجايه فمن خبراتكم نستفيد



دمتم بكل ود

[ريحانة نجد]

الانجليزي افضل:21:

[مسافر بلا عنوان]

شوفي يا اخت وطن

ما شاء الله درجاتك كويسه , وبعيدا عن الدرجات اختي الفاضله

طالما ووجد لديك الرغبه والميول لدراسه اللغه الانجليزيه فصدقيني والله ومن تجربه

انك بتبدعي فيها

توكلي على الله :16:

[وطـــن]

ام كدو والمساافر

اشكركم ويعطيكم العافيه. موفقين باذن الله


احتاج لاراء اكثر

[بهجت الأباصيري]

رح انقليززي وما راح تندم :21:

[جاكي شان]

بالنسبة للمواد تقدرين تعدينها بشوية اهتمام ومذاكرة اول باول
اما اللغة واكتسابها فيحتاج تشتغلين على نفسك اكثر
الله يوفقك

[وَطَنّ .. !]

~


هلآ بسميتيّ .. آول شيء اللغة الآنجليزيه تحتاج يكون
عندك خلفيه كبيره ويحتآج مذآكره وآجتهادات آكثر وممآرسه
آقولهآ لك عنْ وآقع آنا كنت آنجح فيّ الثآنويه بِ امتياز فَ قررت آدرس آنقلش
ولمآ درست شفت الفرق لانهم يعآملك عَ اساس انك
فآهمه كل شيء بِ الآنقلش ..آمممم آستخيري رب العبآد آفضل
موفقه يَ ـآرب <3

[أجواان]

Up

[وطـــن]

اشكر لك تواااجدكم جميعا

موفقين يارب

[muslimNproud]

يا أختي الكريمة

اهم شي الرغبة الشخصيه لانها هي الوقود لأي ابداع ونجاح ..

ومافي شي سهل طبعاً .. حتى المتمرسين باللغه لو ماجتهدوا مانجحوا ..


بالتوفيق ...

[وطـــن]

جميعا جزاكم الله خيرا

انا فعلا لمثل هذه الاراء

[طالبة عبقرية]

مين تحبين اكثر اجتماع و لا انجليزي و مين سهل عليك اكثر فكري زين ،،، بالنسبة للي انجليزيتهم سيئة ما انصحهم يدخلون انجليزي ،، اما بالنسبة لتخصصنا هنا الصراحة جدا جدا سهل و راح تجيبين علامات ممتازة لو ركزتي على ملخصات و اسئلة مراجعة و اسئلة الاعوام السابقة لو درسوك نفس مدرسينا اغلبهم اسئلته سهلة بالتوفيق

[طموح فتاه]

اهم شي عندك رغبه وميول للانجلش وحطي في بالك تطوري نفسك وياكثر طرق تعلم الاتجليزي متوفره مجاناً وبفلوس عندك الانترنت - الكتب - حتى التي في فيه شروحات اذا حطيتي القنوات التعليميه تبع المصريين فيها شروحات
انا مو مستواي ممتاز بالانجلش بس عشاني احبه سجلت انجلش
في الانجليزيه العامه , انجليزي كتابه ,انجليزي قراءه كلهم +B بس
بس مع التقدم في المستويات صرت آخذ A و +A في بعض المواد
اذا حابه تحولي انجليزي توكلي على الله وشدي الهمه
شوفي موضوعي يمكن تستفيدين
http://www.ckfu.org/vb/t469638.html
والباقي يفيدونك اكثر

[ريم 2012]

عندي صديقاتي ميح بالانجليزي بس يحبونه ويتمنون يتخصصون هاالتخصص

البعض استمر وتخرج الحمدالله والبعض حولو لااقسام ثانيه وبعدين زي ماقالت اختي وطن

انجليزي الثانويه غير عن انجليزي الجامعه تبيلتس مخ وتحاولي تقرين كتب تشوفين وتسمعين

افلام اجنبيه غير مترجمه تدخلين العم قوقل ومايقصر وعلى فكره عمي كسلان بالانجليزي بس يحبه

الحين ماشاء الله بلبل مره بغى يدرسني بس استحيت ميح فيه بتعب معي احترمت حالي وطقطقت بروحي

صح الدرجه على الحفه بس الحمدالله عديتها:42:

استخيري وانا خيتس والله يوفقتس :1:

[am-abody]

الأنجليزي حلوو وبنفس الوقت ممتع ولكن يحتاج الى اهتمام اكثر ومذاكرة ومراجعه وممارسة بنفس الوقت اذا عندك رغبه وميول توكلي على الله وحولي انجليزي

[هبووشه.]

استخيري ,,


بس رأي حرام بعد ما عديتي وانجزتي تحولين وتبدئي من جديد

بعدين تخصصك جميل

موفقه

[الراقي222]

بحكم ان خويي بقسم الانقلش يقول ان المستويات الاربعه الاولى تقريباً نفس المواد المشتركه بكليه الاداب والتخصص فقط الاربع مستويات الاخيره .. انصحك بالانقلش دامك مياله له .. وبالمناسبه التحويل من تخصص لتخصص داخل الكليه لايتطلب اعاده من جديد .. فقط ان تكون اكملت 24 ساعه..
يعني الحين انسب وقت.. والله يوفقك

[أفا يا قلب]

اذا انتي حابه هالماده صدقيني راح تحسين بالمتعه:21:

[المعيده ساره]

قوو هد

بما انك محتاره انصحك حولي انقلش :21:

[A.Reem]

لو تبين الشهادة رح تآخذينها مو صعبة
بس لو تبين اللغة فما راح تحصلينها
لو ماطورتي من نفسك خارج المقررات، هنا ندرس
اللغة الرسمية مثل مانقول عليها في العربي "الفصحى"
لكن لو حابه تتكلمين مثل slang او اللهجه العامية
فلازم تطورين نفسك من خلال القراءة-الافلام-الأغاني-الراديو.

الحين نجي للدراسة انا الحين مستوى خامس مادخلنا في
مواد التخصص إلا في الرابع ومنها بدأ الجد، الدكاتره في الرابع
عاملونا على أنّا طلاب تخصص وفعلاً فاهمين باللغة عكس
الاول والثاني والثالث كانت أساسيات ماخذينها بالتعليم العام،
بالمستوى الرابع كنت أذاكر مرتين مره عشان افهم الكلمات
ومره عشان احفظ لأن كل كلمة تمر علينا كانت جديدة بالنسبه لي :27:
من المستوى الخامس وفوق ندخل في الشعر ,الرواية والأدب...
ابداً ماراح ينفع تترجمين كل كلمة او انك تستخدمين ترجمة قوقل
او ملخصات الطلاب لازم أنتِ تتابعين المحاضرات أول بأول وتكثفين
المذاكرة لان هذي مو مناهج بالعربي تحفظين قبل الاختبار بليله:36:
الملخصات المترجمة تجنبيها تماماً ما اقول لا تترجمين
لا ترجمي بس بطريقة صحيحه لان قوقل لاعب في حسبة المنتدى :26:


ارجع اقول لو تبين شهادة حياك الله ولو تبين لغة ادخلي معهد
واختصري وقتك بالنهاية كل تخصص له مميزات وعقبات
لكن انتِ حابه اللغة وماراح تصعب عليك لو تشوفينها اسلوب
حياتك الجديدة :11:

[خلدون-2010]

حولي لانك واضح ان عندت طموح وتوكلي على الله من الاول الى 4 بسيط نوعا ما 5و 6 صعب شوي 7و8 أكيد بتشدين حيلت علشان تتخرجين تخصص زين للتدريس ...بس لغة وتحدث لا مهو هنا الا أذا تطورين نفسة في معهد او برا في الصيفيه او تتابعي التلفزيون الخيار لك وحدك

[هاجس المطيري]

موفقه
وشوفي المناسب والمطلوب لـ سوق العمل
والاهم اللي يكون مطلوب بعد التخرّج
انا مثلك افكر احول من ادارة اعمال لـ انقلش
بس متردد
وتابعت الردود للإستفاده

[Hank]

Studying English in the university does not require a strong background in language

at the same time you may reach level 8 with a GPA of more than 4.5 and still can't construct a correct sentence, unfortunately

you can take a brief look at English sections in the forum to make sure of that

The university curriculum only guides you to the proper path, and the rest relies on you and your efforts

[وطـــن]

لكل من شاركني الموضوع

وابدى رأيه بكل صراحه

اشكركم من الا عماق كنتم خير عوون لي

حفظكم الله ياأصحاب

بالتوفيق لكم

[fluff]

لاتنسين ياقلبي ان الانجلش ميب لغتك الام فاكيد بيصعب عليك بس ترا كل التخصصات فيها صعوبة كل شيء مع المذاكرة اول باول يسهل الله يوفقك ويكتب لك اللي فيه خير :16::29: