تحويل مسمى الشهادة من ادبي الى علمي

[عطر الوفا]

اخوي نسبته في ثانوية ادبي تراكمي 96%

تخرج وانتهى

الى ندمممممممممممممممم انه ما تخرج علمي


هل بالامكان تحويل شهادة الادبي الى علمي ؟؟؟

عاطل سنتين بسبب شهادة ادبي

يبغى يتوظف وكل الوظائف يقبل علمي ..



ارجووووووووووكم ردوا بجوااااب يبردددد القلب :36:

[ma_15]

بالعكس نسبته حللللوه

ليه ماكمل دراسته ؟

[آلبارون]

ما اعتقد في شيء زي كذا

لكن نسبته حلوه اذا عنده قياس خله يكمل دراسته وانصح بـ ادارة اعمال لأنه يقبل ادبي

[نعسآنه]

الآن الجامعات كلها تحضيري يعدي ويدخل القسم اللي يبيه
حتى لو قسم علمي اهم شي ينجح من التحضيري بمعدل مرتفع

[Sara Ali]

نسبته عاليه جداً وتأهله للدراسة في الجامعة ..

للاسف مافي طريقة تخليه يغير شهادته

[محمود جعفر]

مستحيــــــــــــــــــــــــــل !!

[زمرد19]

ما يصير كان المفروض من أوول يدخل علمي ما في شيء اسمه تحويل مسمى !

[ريمنقو]

في تخصصات علميه تقبل الشهاده الادبيهَ ..
شوفي الجامعات وشروطهآ خليه يدرس افضل

[طالب رضاك]

الله يعينك ويكتب لك اللى فيه خير

[&برستيج بنوته&]

اللي يقولون مستحيل مافي شي عند الله مستحيل
وخلي اخوك يخلي هل معلومه في باله لايتحسف على شي الله كاتبه له لأن الله كاتب له الخير حتى لوانه مومرتاح بس انا اذكر مديرت مدرستي قالت لنا الي يبي يحول من ادبي لعلمي لازم يقدم اوراقه للوزاره ويختبرونه المواد العلميه اللي مادرسها واذانجح يحولون شهادته علمي هذا كلام المديره لبعض الطالبات وانا سامعتها بنفسي لايستعجل على رزقه اخوك بس يتوكل على الله وذاقدم على شي يستخير والله يكتب له ولنا الخير في كل مكان

[iSara__91]

حبيبتي اساسا كيف يقدم ع وظايف وشهادته ثانوي فقط! اكيد ماراح يقبلونه ..
الان فيه جامعات وتخصصات علميه بحت تقبل الادبي .. مثل الجامعات الاهليه
انا ادبي و بدخل جامعة محمد بن فهد تخصص تصميم داخلي (هندسه) ان شاءالله الله يكتبها لي
سألت الجامعه قالو عادي مافي مشكله ابد،،
واذا ماتقدرين على تكالفيها ف هي فيها منح داخليه
ادخلي موقعهم وشوفي التخصصات في تخصص هندسه ميكانيكه تنفع للشباب و جدا حلو مستقبلها
لازم يكمل تعلميه لان مافي شي اسمه تحويل من ادبي لعلمي ولو فيه فهو مره معقد و صعب
وتخصص ادارة اعمال بجامعة الدمام اذا تبين حكومي .. تقبل الادبي والعلمي وتخصص مطلوب بكل المجالات

[الـبــدر ~]

الله اعلم ان كان يوجد شيء كهذا

ولكن بما ان تخصصه ادبي ولايرغب في الدراسة

فبامكانه التقدم لبرنامج التدرج الوظيفي لارامكو السعودية

يتم قبول التخصصات الادبية ولكن يشترط ان تكون درجة القياس لاتقل عن 65

وبعد ذلك سيخضع لاختبار في الانجليزي والرياضيات .. اذا اجتازه فسيتم تعيينه على وظيفة كاتب اداري او رجل اطفاء او امن صناعي

والراتب فترة التدريب للسنة الاولى 3 الاف ريال وللسنة الثانية 3500 ريال

وبعد التعيين سيستلم راتب اساسي شهري لايقل عن 5 الاف ريال بالاضافة الى 3 رواتب اساسية بدل سكن + راتب بشهر رمضان + راتب بداية كل سنة ميلادية

بحيث سيكون معدل الراتب الشهري مع البدلات لايقل عن 7 آلاف ريال

والتقديم لهذا البرنامج سيفتح قريباً، عليك مراجعة موقع ارامكو لمشاهدة المواعيد

* ملاحظة : لايتم اعطاء المتدرب شهادة دبلوم بعد انهاء السنتين التدريبيتين ويبقى بشهادة الثانوي.