ررررسبت للأسف ,

[جاامعي]

ياجماعه انا رسبت في 6 مواد
ونجحت في 2 بس :40:
وش تنصحوني الحين
اكمل والا انسحب ؟؟
ولو بقيت وشلون هل اعيد المستوى الاول كله والا احمل المواد اللي رسبت فيها فقط؟

[Binhamdan]

يمديك على خير يا اخي الكريم
بس هاه الله الله في المذاكر اللي عليه الكلام و خل عنك الخنبقة هههههه
انا اشوف انك تكمل و حاول انك تنزل الفصل القادم المواد اللي رسبت فيها فقط و اجتهد حيل عشان ترفع معدلك الى الافضل
و لا تخلي الفصل الصيفي القادم عشان تعدل من تعثرك و الله ان شاء الله تتخرج في اربع سنوات

بالتوفيق يا الحبيب

[أبو عُمر]

شكلك ماكنت جاهز للدراسة بالمرة

الله يكون في عونك

بس حرام عليك من جد

أذا بتبقى على وضعك هذا أنصحك تراجع نفسك

وبالتوفيق لك

:16:

[طيوفه2]

نصيحة مااقدر افيدك
بس اذا كملت
المواد اللي رسبت فيها للاسف راح تاخذها من جديد رسوم وتحميل وواجبات كأنك اول مرة تاخذها
واذا تبي تأجلها للمستويات الي بعدها براحتك
با النسبة انا اشوف المواد اللي رسبت فيها فقط انك تاخذها الترم الجاي احسن في بعض المواد لها متطلب ثاني يعني
ماتاخذ مادة جديده الا اذا اخذت متطلبها
مثل نحو تطبيقي 2 .. لها متطلب نحو تطبيقي 1
وبالتوفيق ان شاء الله ..

[جاامعي]

طيب انا استفساري الحين
هل ابقى في المستوى الاول والا انتقل للمستوى الثاني واحمل المواد معي ؟

[احلى جوريه]

عادي تنتقل للمستوى الثاني ومعاك المواد اللي ما اجتزتها .الله يعوض عليك خير

[طيوفه2]

تحمل المواد معاك اذا تبي للمستوى الثاني
واذا ماتبيهم تاخذ مواد مستوى ثاني عادي
بس احسن انك تحمل المواد الي رسبتها وتكمل عليها مواد جديده من مستوى ثاني

[اسمرني]

افضل شي تنسحب وتبدا من جديد

[مرام الغامدي1]

كمل :21:

[كنت نايم]

اذا بتغير من طريقة مذاكرتك وتبي تشد حيلك, كمل لا يأس مع الحياة

لكن اذا بتبقى على نفس الحال .. وفر قروشك!

[الطالب الكويس]

اذا انت انسان انهزامي لاتكمل
اذا انت انسان عندك طموح لارجوع لا استسلام :19:

[انفاس الياسمين]

عادي رسبت وش صار بدنيا مو اخر المطاف ياخوي

بلعكس كمل ولا عليك بااطلق شنب <وش رايك فيني وانا عربجيه looool

:42:


بس الظاهر كنت تحسب الجامعه نظام مدرسه اهليه بتنجحك سريع سريع

لا لا لا
لازم تذاكر ,وتشد حيلك , وتحمل محضراتك , وتحل مناقشاتك , وواجباتك, وتذاكر دروسك من جلده للجلده :33:

يعني الوضع ياطيب يبيله شوية تعب


مبروك عليك المادتين الي نجحت فيهم ويعتبر انجاز كمل مستوى ثاني ونزل نفس المواد الي رسبت فيهم وصدقني بتعديها

وبتجينا الترم الجاي تقول باركولي نجحت :11:



فالك التوفيق :16:

[Om Shahad]

استمر وواصل دراستك ..اجعلها بداية لك انك تشدحيلك وتجتهد

والله يعوضك بالدرجات النهائية الترم القادم

[memo12]

لالالالالا تياس نصيحة كمل والله مافية زي الشهادة لواعلقها على الجدار

[الى المطر]

كمل واعرف طريقة المذاكرة والترم الجاي اخذ المواد اللي رسبت فيها وان شاء الله بتمشي معنا

[ريم الميموني .]

اول مستوى عادي خيي كمل مافاتك شي :21:

[Tmoo7_12]

أخوي أول شي شف نفسك إذا التخصص عاجبك ومقتنع
إذا مقتنع بالتخصص أنصحك تنسحب وتسجل من جديد بنفس التخصص ،بس استفسر اول إذا تقدر
طبعاً عشان المعدل لايتأثر
وإذا مو مقتنع بالتخصص غيره انسحب وسجل من جديد ب التخصص الآخر
وشد حييلك والأمور سهالات موفق

[بو عبد المحسن]

اخوي انت شف اذا انت حاب الدراسة وراغب فيها كمل والي

راح اعتبره درس تتعلم منه وما انصحك بمشاور الغير خذ

بشور نفسك لان الدراسة بالاول والاخير مردودها عليك

مع اني انصحك نصيحة تكمل هذي وجهة نظري وانت لك

وجهة نظر وموفق خير ان شاء الله

[♥فقدتك1433♡]

كمل وفالك النجاح :21:

[نايف الدهمشي1]

انا اشوف انك تكمل مافات شي يمديك بس نصيحتي لك انك تنزل المواد الي رسبت فيها كلها

[المعالي غالية]

كمل بس حول بعدين من قسم تاريخ لان الأسئله مقاليه :4: اذا ما تغير الوضع تخرجك بيصير بطلعت الروح بعد طولت عمر لك ولنا على طاعة الله

[حمود بن عثمان]

شكلك من النوع الي يقول وش عندنا اختبار اليوم ويروح الاختبار وهو من جنبها
ياخي ذاكر ياخي الى متى لأهمال وزحف الزايد

[وزيرة]

إذا بتظل على نفس الحـال
أحفظ فلوسك أبرك لك
هـذي مافيهـا مجاملات

[المعالي غالية]

كمل وشوف مستوى ثاني لا تستمع للي يحطمون ابد اذا فلوسك عندك والله منعم عليك خوض العلم وان شاء الله أمورك طيبه بس توكل على الله وشد حيلك وصدقني بتفلح

[ريم 2012]

شد حيلك واستمر مابعد الفشل الا النجاح ان شاء الله :19:

[F!x]

كمل ياأخي الكريم , وإن كنت شاب طموح إستغل هذه التجربه
وعاهد نفسك أن لاتقع فيها مره أخرى , و الدنيا لن تتوقف عند هذه النقطه ...

[Dark Chocolate]

الله يعينك

و مسألة انك تكمل او تنسحب هذا شي انت تحدده قيم نفسك و ظروفك و شوف وش اللي تقدر عليه


بس الشهادة سلاح لا تتخلى عنه :17:

[B A N D R]

ياعزيزي لي صديق في ثاني ترم رسب في 3 مواد وأخذ انذار

شد حيله والآن معدله فوق الثلاثه أنت الوحيد اللي يقرر الاستمرار من عدمه

شد حيلك ولا تتهور بالإنسحاب