فني صيدله موظف يبي مساعدتكم

[صيدلي الشمال]

السلام عليكم ...

شباب انا موظف فني صيدله وابي اكمل نفس تخصصي انتساب مطور ...كيف ؟

واذا مااقدر اكمل بنفس تخصصي كم لازم يكون تاريخ شهادة الثانويه عشان اقدر اسجل بالانتساب المطور لتخصص علم الاجتماع ؟

وهل فيه تخصص اقدر اسجل فيه انتساب مطور بمؤهل دبلوم الصيدله ؟


ياليت تردون على اسألتي يا اخوان :)

[عبدالله م]

لا اعتقد ان هناك انتساب مطور للصيدلة في جامعة فيصل اما علم الاجتماع فيوجد وان شاء الله يفيدونك الطلاب المتخصصين علم اجتماع

[صيدلي الشمال]

لا اعتقد ان هناك انتساب مطور للصيدلة في جامعة فيصل اما علم الاجتماع فيوجد وان شاء الله يفيدونك الطلاب المتخصصين علم اجتماع



مشكور ياغالي


وينكم ياشباب علم الاجتماع

[Flammable]

هلابك اخوي وحيا الله اهل الصيدله

محسوبك تخصص اشعه وللاسف مافي شي يناسب هالتخصص فدخلت انجليزي على امل يفتح ادارة مستشفيات

اما علم الاجتماع فاكيد تقدر تسجل فيه لكن ترى مالها دخل شهادتك بالعربي تدرس من جديد ولاتعادل شهادتك

[حيـاة]

للأسف لايوجد تخصص يخدم التخصصات الصحيه في جامعة الملك فيصل ولكن يوجد تخصص معلوماتيه صحية وتخصص صحة عامة في الجامعه السعوديه الالكترونية قد يخدمك أكثر ..

بالتوفيق ..

[موظف بالصحه]

انا موظف وتخصصي مساعد ممرض وادرس من جديد علم اجتماع بالمستوى الخامس حالياً وللاسف مافيه أي تخصص صحي يدرس انتساب او عن بعد ( صيدله - تمريض - اشعه وغيره ) ماعدا ادارة صحية او ادارة مستشفيات وبيني وبينك هالتخصصات الصحية دراستها عملي ومستحيل تحصل جامعه تقدمها عن بعد فلذلك ريح راسك وكمل انتظام ( ايفاد داخلي لو قدرت ) او ابتعاث عن طريق الوزارة اذا مصر تكمل نفس تخصصك ...

بالتوفيق ...

[ماكو وطن]

اتوقع ادارة مستشفيات بالملك عبدالعزيز انتساب
اقرب شي لتخصصك وطبعا الاختبارات لازم بجدة
شيك ع موقعهم للتفاصيل

[صيدلي الشمال]

هلابك اخوي وحيا الله اهل الصيدله

محسوبك تخصص اشعه وللاسف مافي شي يناسب هالتخصص فدخلت انجليزي على امل يفتح ادارة مستشفيات

اما علم الاجتماع فاكيد تقدر تسجل فيه لكن ترى مالها دخل شهادتك بالعربي تدرس من جديد ولاتعادل شهادتك



مو مشكله ادرس من جديد بس يقبلوني

اشكرك على ردك

[صيدلي الشمال]

للأسف لايوجد تخصص يخدم التخصصات الصحيه في جامعة الملك فيصل ولكن يوجد تخصص معلوماتيه صحية وتخصص صحة عامة في الجامعه السعوديه الالكترونية قد يخدمك أكثر ..

بالتوفيق ..


مشكوره اختي

[صيدلي الشمال]

انا موظف وتخصصي مساعد ممرض وادرس من جديد علم اجتماع بالمستوى الخامس حالياً وللاسف مافيه أي تخصص صحي يدرس انتساب او عن بعد ( صيدله - تمريض - اشعه وغيره ) ماعدا ادارة صحية او ادارة مستشفيات وبيني وبينك هالتخصصات الصحية دراستها عملي ومستحيل تحصل جامعه تقدمها عن بعد فلذلك ريح راسك وكمل انتظام ( ايفاد داخلي لو قدرت ) او ابتعاث عن طريق الوزارة اذا مصر تكمل نفس تخصصك ...

بالتوفيق ...


انتظام صعب ولكن بحاول والاقرب اني بغير تخصصي مجبور عشان اقدر اكمل دراستي بدل مابقى على دبلوم

مشكور ياغالي

[صيدلي الشمال]

اتوقع ادارة مستشفيات بالملك عبدالعزيز انتساب
اقرب شي لتخصصك وطبعا الاختبارات لازم بجدة
شيك ع موقعهم للتفاصيل


سجلت بجامعة الملك عبدالعزيز وان شاء الله يقبلوني


مشكور يابعدي

[صيدلي الشمال]

الله يوفق الجميع ويحقق للكل مرادهم وييسر لهم

[طالبه جامعية]

مو مشكله ادرس من جديد بس يقبلوني

اشكرك على ردك

السلام عليكم

نعم يقبلونك بإذن الله فقد قبلوا قبلك الكثير ولا يشترط عمر معين للشهاده

إذا القروش موجوده وضعك بالسليم :21:

[أمنية أحمد]

بالتوفيق
:21:

[صيدلي الشمال]

السلام عليكم

نعم يقبلونك بإذن الله فقد قبلوا قبلك الكثير ولا يشترط عمر معين للشهاده

إذا القروش موجوده وضعك بالسليم :21:

هههه موجوده القروش هم يقبلوني بس وبعدها الامور تمام ان شاء الله


مشكوره اختي

[جريح الصمت]

اخوي انسى انك تحصل تخصص فني عن بعد لانه ماينفع بدون تطبيق

وممكن تاخذ ادارة مستشفيات وتعدل من فني الى اخصائي اداري
او علم اجتماع تعدل اخصائي غير طبيب حسب سلالم الصحه

انا اعرف ممرض خلص ادارة مستشفيات وعدل لاخصائي اداري وكمل ماستر والان يحضر دكتوراه بمصر


بالتوفيق

[عايش الدور]

صيدلي بسالك ودي اخذ دبلوم صيدله وش تنصحني باي معهد وكيف دراسه هالقسم بالنسبه لك افدني الله يوفقك

[صيدلي الشمال]

اخوي انسى انك تحصل تخصص فني عن بعد لانه ماينفع بدون تطبيق

وممكن تاخذ ادارة مستشفيات وتعدل من فني الى اخصائي اداري
او علم اجتماع تعدل اخصائي غير طبيب حسب سلالم الصحه

انا اعرف ممرض خلص ادارة مستشفيات وعدل لاخصائي اداري وكمل ماستر والان يحضر دكتوراه بمصر


بالتوفيق

ان شاء الله علم اجتماع ومثل ماقلت بالغلا

مشكور

[صيدلي الشمال]

صيدلي بسالك ودي اخذ دبلوم صيدله وش تنصحني باي معهد وكيف دراسه هالقسم بالنسبه لك افدني الله يوفقك



انصحك انك تبعد عن الدبلوم انا ماتوظفت الا بعد طلوع الروح واللي انقذني الله ثم التعديل الجديد والمساواه الي صارت بين الصحيين العسكريين والمدنيين والا كان انا للحين عاطل بس لما عرفت ان الصحي العسكري والمدني على نفس الكادر قدمت عسكري وتوظفت والحمدلله وظعي تمام وراتبي اعلى من الصحي المدني بسبب البدلات لكن الراتب الاساسي هو نفسه للصحي العسكري والمدني


اذا تبي تدرس تخصص صحي ادخل بكالوريوس

الصيدله افظل من التمريض لان الممرض على احتكاك دائم مع المرضى لكن الصيدلي كل مهمته صرف وصفه وخلاص لكن كدراسه الصيدله اصعب

[عايش الدور]

انا موظف ووظيفتي بامكاني احول على الكادر الصحي بسهوله عسكري وش تنصحني بكالريويس صعبه شوي لانهم طالبين علمي وفيه معهد يفول اجتاز التاهيلي مستوى واحد وتكمل مده دراسته ٣ سنوات

[صيدلي الشمال]

انا موظف ووظيفتي بامكاني احول على الكادر الصحي بسهوله عسكري وش تنصحني بكالريويس صعبه شوي لانهم طالبين علمي وفيه معهد يفول اجتاز التاهيلي مستوى واحد وتكمل مده دراسته ٣ سنوات


ممكن توظح اكثر عشان اقدر افيدك يالغلا

[عايش الدور]

اقول متوظف وبامكاني احول للكادر الصحي بسهوله اذا جبت الشهاده

[أفا يا قلب]

هلابك اخوي وحيا الله اهل الصيدله

محسوبك تخصص اشعه وللاسف مافي شي يناسب هالتخصص فدخلت انجليزي على امل يفتح ادارة مستشفيات

اما علم الاجتماع فاكيد تقدر تسجل فيه لكن ترى مالها دخل شهادتك بالعربي تدرس من جديد ولاتعادل شهادتك

اداره مستشفيات فيه بعبدالعزيز بس مشكلتها مافيه معادلة مواد بالنسبه لي
وعلم الاجتماع حلو بس مشكلته عربي بعربي
انسب شي للصحيين الانقلش:21:

[أفا يا قلب]

انصحك انك تبعد عن الدبلوم انا ماتوظفت الا بعد طلوع الروح واللي انقذني الله ثم التعديل الجديد والمساواه الي صارت بين الصحيين العسكريين والمدنيين والا كان انا للحين عاطل بس لما عرفت ان الصحي العسكري والمدني على نفس الكادر قدمت عسكري وتوظفت والحمدلله وظعي تمام وراتبي اعلى من الصحي المدني بسبب البدلات لكن الراتب الاساسي هو نفسه للصحي العسكري والمدني


اذا تبي تدرس تخصص صحي ادخل بكالوريوس

الصيدله افظل من التمريض لان الممرض على احتكاك دائم مع المرضى لكن الصيدلي كل مهمته صرف وصفه وخلاص لكن كدراسه الصيدله اصعب

الدبلوم الصحي هو الي ابلشنا وخلاني اكمل دراستي:19::21:

[أفا يا قلب]

انا موظف وتخصصي مساعد ممرض وادرس من جديد علم اجتماع بالمستوى الخامس حالياً وللاسف مافيه أي تخصص صحي يدرس انتساب او عن بعد ( صيدله - تمريض - اشعه وغيره ) ماعدا ادارة صحية او ادارة مستشفيات وبيني وبينك هالتخصصات الصحية دراستها عملي ومستحيل تحصل جامعه تقدمها عن بعد فلذلك ريح راسك وكمل انتظام ( ايفاد داخلي لو قدرت ) او ابتعاث عن طريق الوزارة اذا مصر تكمل نفس تخصصك ...

بالتوفيق ...

عبدالعزيز تدرس ادارة مستشفيات عن بعد

[صيدلي الشمال]

اقول متوظف وبامكاني احول للكادر الصحي بسهوله اذا جبت الشهاده


اها اوك

شوف يابعدي الدراسه راح تكون كلها انقلش اذا تمام وظعك باللغه توكل على الله و فيه اختبار التصنيف برومترك ماراح تستلم الشهاده الا بعد ماتعديه والاختبار مو سهل وشهادتك مالها اي قيمه بدونه

ومادام انك تقدر تحول وبسهوله للكادر الصحي هذا اهم شي بعد حصولك عالشهاده

[صيدلي الشمال]

اداره مستشفيات فيه بعبدالعزيز بس مشكلتها مافيه معادلة مواد بالنسبه لي
وعلم الاجتماع حلو بس مشكلته عربي بعربي
انسب شي للصحيين الانقلش:21:

صح كلامك انا ودي اكمل بنفس تخصصي

فكرت بكلية الغد بس يبون مبلغ خيالي صعب على واحد متزوج يدفعه اذا بدرس فيها لازم انتظر حتى اخلص قروض السياره والزواج :12:

[أفا يا قلب]

صح كلامك انا ودي اكمل بنفس تخصصي

فكرت بكلية الغد بس يبون مبلغ خيالي صعب على واحد متزوج يدفعه اذا بدرس فيها لازم انتظر حتى اخلص قروض السياره والزواج :12:

انا معاي إدارة مستشفيات من معهد الاداره ولما فكرت اكمل دراستي مالقيت الا الغد وبصراحة غاليه وجامعة عبدالعزيز لكن دراستها شوي صعبه ولا فيها معادلة مواد
بالنهايه قررت ادرس انقلش هنا وربي يوفقنا:21:

[صيدلي الشمال]

الدبلوم الصحي هو الي ابلشنا وخلاني اكمل دراستي:19::21:


الدبلوم الصحي بعد وصول ذاك الشخص لسدة الحكم في الوزاره صار نكبه على اكثر الشباب الله يعينهم

[صيدلي الشمال]

انا معاي إدارة مستشفيات من معهد الاداره ولما فكرت اكمل دراستي مالقيت الا الغد وبصراحة غاليه وجامعة عبدالعزيز لكن دراستها شوي صعبه ولا فيها معادلة مواد
بالنهايه قررت ادرس انقلش هنا وربي يوفقنا:21:


موفقه يارب

[الحظ العنيد]

تقدر ادارة مستشفيات بجامعة الملك عبدالعزيز والحين صار لهم مراكز اختبارات بأغلب المدن

[الفيصل3421]

انا مثلك فني تمريض وايضا عندك بالشمال :29:

وبالنسبة للتخصصات الطبيه كلها لايوجد لها انتساب بكل جامعات العالم

انا اخطيت ودخلت تربية خاصه

انصحك بتخصص علم اجتماع بجامعه الملك فيصل

او علم نفس بجامعه الملك عبدالعزيز

التخصصيين الوحيدين اللي راح تستفيد منهم

خاصه انك تقدر تحول على الكادر وموجودين بالهيئة السعودية للتخصصات الطبية

تصير اخصائي نفسي

او اخصائي اجتماعي

شفت بعض الردود ينصحونك انجليزي

تخصص حلو بس ماراح يفيدك بمجال عملك

[Flammable]

انا مثلك فني تمريض وايضا عندك بالشمال :29:

وبالنسبة للتخصصات الطبيه كلها لايوجد لها انتساب بكل جامعات العالم

انا اخطيت ودخلت تربية خاصه

انصحك بتخصص علم اجتماع بجامعه الملك فيصل

او علم نفس بجامعه الملك عبدالعزيز

التخصصيين الوحيدين اللي راح تستفيد منهم

خاصه انك تقدر تحول على الكادر وموجودين بالهيئة السعودية للتخصصات الطبية

تصير اخصائي نفسي

او اخصائي اجتماعي

شفت بعض الردود ينصحونك انجليزي

تخصص حلو بس ماراح يفيدك بمجال عملك

شف وناخوك مافي شي اسمه ماراح يفيدك كل شي تتعلمه اكيد بيفيدك والانقلش هو اساس الMedical
لكن مو هذا موضوعنا اللي ابيه شي يثبت الكلام اللي تقوله وانا اول المحولين لعلم الاجتماع مع اني ماحبه
عطنا اثبات لهالشي ربي يعافيك

[موظف بالصحه]

عبدالعزيز تدرس ادارة مستشفيات عن بعد

عندي علم أختي وذكرت بردي أن المتوفر كتعليم عن بعد ياإدارة صحية أو إدارة مستشفيات ...

شف وناخوك مافي شي اسمه ماراح يفيدك كل شي تتعلمه اكيد بيفيدك والانقلش هو اساس الmedical
لكن مو هذا موضوعنا اللي ابيه شي يثبت الكلام اللي تقوله وانا اول المحولين لعلم الاجتماع مع اني ماحبه
عطنا اثبات لهالشي ربي يعافيك

أعتقد الفيصل يقصد بما اننا على الكادر الصحي فماراح ينفعنا لا انجليزي ولا غيره لانك ماراح تقدر تعدل لأخصائي بتخصص أنجليزي أو ادارة اعمال او تاريخ ومالك الا السلم العام يعني اداري على المراتب اما علم اجتماع تقدر تعدل لأخصائي اجتماعي وعلم نفس تعدل لأخصائي نفسي وهكذا ...

[عالم ثاني]

عليك بعلم الاجتماع هذا انسب تخصص ينفعك بالصحه ولا فيه شروط للأنتساب بالنسبه لتاريخ التخرج

كل ما عليك انك تقدم الثانوية العامه وبشرط النسبه ما تقل عن 60 للمعدل التراكمي سواء علمي او شرعي

وتخصص علم الاجتماع مصنف على ثلاث اتجاهات :

الاول : تقدر تقدم على الصحه بمسمى اخصائي اجتماعي بشرط انك تعدي اختبار هيئة التخصصات بعد
التخرج
الثاني : تقدر تقدم على التعليم بمسمى مرشد طلابي بشرط انك تحصل على دبلوم التوجيه والارشاد مدته سنه وايضا بعد التخرج ولكن بالاونه الاخيره يقولك ما يقبلون الانتساب بالتعليم ومع ذلك كل فترة فيه تحديث ويستجد امر جديد ما تدري وين الخيره يمكن يسمحون على مر السنين وقتها يكون المؤهل موجود .

الثالث : تقدر تقدم على وزارة الخدمة المدنية بمسى باحث اجتماعي بالمرتبه السادسه وعليها صنف بدل طبيعة عمل 35 بالميه او بمسى اخصائي اجتماعي وبدل طبيعة عمل 45 بالميه والبدل على حسب المسمى طبعا .

والله يوفقك ولكن احرص على اشعار جهة عملك بعد قبولك بالجامعه وافادتهم بقبولك بحسب الخطاب اللي راح تحصل عليه بعد القبول عن طريق ايقونة موجوده بالخدمات الطلابيه وترفقه مع معروض منك يفيد بطلب الدراسه عن طريق الانتساب وهذا الشي ما راح يعترضون عليه لأنه ما يتعارض مع وقت العمل ...

[الفيصل3421]

شف وناخوك مافي شي اسمه ماراح يفيدك كل شي تتعلمه اكيد بيفيدك والانقلش هو اساس الmedical
لكن مو هذا موضوعنا اللي ابيه شي يثبت الكلام اللي تقوله وانا اول المحولين لعلم الاجتماع مع اني ماحبه
عطنا اثبات لهالشي ربي يعافيك


تخصص الأنجليزي يفيدك بحيااتك العاامة

لكن بوظيفتك ماايفيدك

واللي يثبت كلامي الهيئة السعودية للتخصاات الطبية

تقدر تمررهم او تدخل موقعهم على الأنترنت

تحصل التخصصات المشمولة بالكادر الصحي من ضمنها علم النفس وعلم الأجتماع

[راكان1]

السلام عليكم*

هلابيك يازميل المهنه بس بالخبر*

فني او بكالوريس كلها نفس العمل*
وعاد انت عارف كيف دوام بصيدليه

وخاصتا في مستشفيات العسكري*


وانا بصراحه تعبت من هالتخصص*
وقرررت احول من فني صيدله الي اخصائي اجتماعي*

واذا حاب مجال عملك ..بسيط جب قبول من اي جامعه خارجيه او داخليه وارسلها للخدمات الطيبه ودور لك *واسطه يقبلونك ويرسلونك للبعثه*


وبتوفيق للجميع

[Flammable]

كلام جميل اذا يصنفونه
لكن انا سمعت الانتساب لايصنف فقط الانتظام
وراح استفسر عن هالنقطه وافيدكم
وياليت اذا في موقع الهيئه شي يقول علم اجتماع انتساب ولاحظ كلمة انتساب
تسدحه فيذا لاهنت

[صيدلي الشمال]

الله يعطيكم العافيه ماقصرتو افدتوني كثير


الله يقدم مافيه الخير للجميع

[عايش الدور]

يالشمالي وش الفرق بين الدبلوم والبكالرويس في الصيدله لانه هذاك ٣ سنوات والاخر ٥ سنوات اشوف مافيه فرق وكم رواتب الصيدلي


وش اصعب شيء في القيم لاني باذن الله قررت اكمل مشواري فيه

[صيدلي الشمال]

يالشمالي وش الفرق بين الدبلوم والبكالرويس في الصيدله لانه هذاك ٣ سنوات والاخر ٥ سنوات اشوف مافيه فرق وكم رواتب الصيدلي


وش اصعب شيء في القيم لاني باذن الله قررت اكمل مشواري فيه


الفرق في المسمى الوظيفي والراتب والدراسه تكون في البكالوريوس اكثر واشمل من الدبلوم

الدبلوم يكون فني والبكالوريوس اخصائي الفني اول راتب يسلتمه فوق 9000 ريال بشوي (اتكلم عن الصحي العسكري هنا )

والاخصائي اكثر بس مدري كم

مابي اهايط عليك واقول سهل وبعدين تدعي علي تقول وهقتك ههههههه

دراسة الصيدله كبدايه صعبه وبدون لغه ماراح تمشي فيها (اقصد هنا مو لازم تكون مره يعني عندك اللغه توب المهم يكون عندك قابليه لتعلم الانقلش ) لكن بعدين بتصير سهله يعني الصعوبه كلها تكون في البدايه ودراسة الصيدله (يغلب عليها )اكثر الحفظ لان الادويه كثيره وكل دواء له اسمين علمي وتجاري وطريقة عمله بالجسم والامراض الي يستخدم فيها وووووو الخ

الله يوفقك وكل شي في البدايه يكون صعب ومتعب لكن النتيجه بتكون مرضيه

[موظف بالصحه]

الصيدلي يدرس 6 سنوات مو 5 ( شامله الامتياز ) وبوزارة الصحة مسماه الوظيفي بالكادر الصحي صيدلي والماجستير صيدلي اول والدكتوراه صيدلي استشاري واول مربوط بالبدلات حول 11 الف اذا تعين على المستوى الاول بالدرجه الاولى بالكادر الصحي ...

انصح اللي ناوي يدرس صيدله بكالوريوس يغير لطب اسنان حول مدة الدراسه لان بينهم سنه فقط اما الراتب والمميزات بعد التعيين شتان بين الاثنين ويكفي بدل السكن 50 الف للطبيب وحسب علمي ان مافيه فرق بينهم بصعوبة الدراسه ...

[Flammable]

ياموظف بالصحه ممكن تفيدنا بهالشئ

هل يصنف علم اجتماع انتساب على الكادر أم لا

[soul hope]

الجامعه السعوديه االالكترونيه تخدم اصحاب الشهادات الصحيه اكثر من أي جامعه والحضور فيها اعتقد يوم واحد فقط وهي الشهاده الوحيده الي تعامل كاانتظام واسال اكثر عنها وتاكد

[موظف بالصحه]

ياموظف بالصحه ممكن تفيدنا بهالشئ

هل يصنف علم اجتماع انتساب على الكادر أم لا

هذا من موقع الهيئة السعودية للتخصصات الصحية ...

ومكتوب ان اي شهادة انتساب تتعارض مع انظمة التعليم العالي ماراح تتصنف ...

اللي اعرفه ان اي خريج حتى لو انتساب يلزمه تدريب لايقل عن 3 شهور كاخصائي اجتماعي باحد المستشفيات المعتمده او اي جهه تحددها الهيئه وبعد التدريب تقدر تحصل على التصنيف ...

[الفيصل3421]

كلام جميل اذا يصنفونه
لكن انا سمعت الانتساب لايصنف فقط الانتظام
وراح استفسر عن هالنقطه وافيدكم
وياليت اذا في موقع الهيئه شي يقول علم اجتماع انتساب ولاحظ كلمة انتساب
تسدحه فيذا لاهنت

التصنيف عن طريق الهيئة سواء انتساب او انتظام

لة شروط معينة مثل: دورة انعاش قلبي رئوي وساعات بالدورات

وهي تعتبر بمثابة رخصة مزاولة المهنة

اخوي تخرج علم نفس من جامعة الملك عبدالعزيز بجدة

وتصنف بالهيئة أخصائي نفسي

وينتظر الأن التعديل من وزارة الصحة

[موظف بالصحه]

التصنيف عن طريق الهيئة سواء انتساب او انتظام

لة شروط معينة مثل: دورة انعاش قلبي رئوي وساعات بالدورات

وهي تعتبر بمثابة رخصة مزاولة المهنة

اخوي تخرج علم نفس من جامعة الملك عبدالعزيز بجدة

وتصنف بالهيئة أخصائي نفسي

وينتظر الأن التعديل من وزارة الصحة

الدورات لإعادة التسجيل ( تجديد بطاقة الهيئة ) اما التصنيف مايحتاج دورات او ساعات تعليم طبي مستمر فقط تحتاج المؤهل مع شهادة التدريب ( الامتياز ) وشهادة الانعاش القلبي bls وطلبات ثانيه سهله موجوده بموقع الهيئه مثل نموذج التصنيف والتسجيل وغيره ...

انا توني مجدد بطاقة الهيئة قبل يومين على شان الترقيه السنه الجايه ان شاءالله ولهالسبب عارف طلباتهم ...