قرار غريب أول مره ادري عنه

[enizias]

بدخل بالموضوع على طول تفجأت اليوم من احد الزملاء عندما قال لي انه مسجون وان كان معفي عن الرسوم الجامعية . وان اموره بدأت تسوء بعد ما طلع من السجن يقول بلشت بالايجار ومصاريف البيت ورسوم الجامعة بينما يوم كان مسجون كان يمشي راتبه و يتم تسديد الاجار لبيته ويعفى من الرسوم الدراسية .

طيب المواطنين الصالحين الي كاف خيره وشره وبحاله ليش كل شي عليه لا زم ينحرف عشان تزين اموره .


صراحه الجامعة تحتاج إلى إعادة النظر في طريقة مكافئة المتفوقين لازم مع مكافئة 1000 يكون فيه إعفاء من الرسوم .

[أفا يا قلب]

طيب ترى مو كل مسجون منحرف،، والله يرزقنا

[enizias]

طيب ترى مو كل مسجون منحرف،، والله يرزقنا

صحيح ولاكن كل من لم يسجن رجل صالح يستحق المكافئة على انضباطه في المجتمع والجامعة دائم تتفاخر في خدمة المجتمع

[جريح الصمت]

السجن اصلاح وتهذيب مو بس عقاب
عشان كذا تقدر تدرس عشان تطلع افضل

وبالنسبه للراتب يمشي ثلث الراتب اثناء فترة السجن
وبعد الخروج ينظر بسبب السجن للموظف هل هو مخل بالشرف او لا
ويتم تحديد جلسه للنظر بالاكتفاء بعقوبة السجن والاعادة للعمل او الفصل من العمل

المساله فيها نظام معين مو بالبساطه اللي تتكلم فيها

والموضوع يطول شرحه

[هتان 2]

لازم ننحررررررررف علشان يحسوون فيناا

[نعسآنه]

المسجون لا حول له ولا قوة
اما الحر يستطيع ان يبني ولو جزء بسيط من مستقبله
أقلها خذلك سياره مشاوير خاصه وانت تدرس
الشغل مو عيب الصباح وصل بنات الجامعه
وغيرهم وغيرهم تطلعلك بنهاية الشهر فوق 5000
اعرف واحد شخصيا ما عابه الشغل وماشي حياته
اهم شي يكون الشغل حلال توكل على الله

[دمعة الأحلام]

طبعا البنات ممنوع يسوقون والرجال يكسبون من وراء توصيلهم والله حاله

[enizias]

السجن اصلاح وتهذيب مو بس عقاب
عشان كذا تقدر تدرس عشان تطلع افضل

وبالنسبه للراتب يمشي ثلث الراتب اثناء فترة السجن
وبعد الخروج ينظر بسبب السجن للموظف هل هو مخل بالشرف او لا
ويتم تحديد جلسه للنظر بالاكتفاء بعقوبة السجن والاعادة للعمل او الفصل من العمل

المساله فيها نظام معين مو بالبساطه اللي تتكلم فيها

والموضوع يطول شرحه

أمنا بالله ويستاهل المسجون الرعاية لغرض الاصلاح ..... الصالح مايستحق مكافئة على صلاحه من الجامعة بإعفائه من الرسوم

لازم ننحررررررررف علشان يحسوون فيناا

القرار صراحه غير مدروس

المسجون لا حول له ولا قوة
اما الحر يستطيع ان يبني ولو جزء بسيط من مستقبله
أقلها خذلك سياره مشاوير خاصه وانت تدرس
الشغل مو عيب الصباح وصل بنات الجامعه
وغيرهم وغيرهم تطلعلك بنهاية الشهر فوق 5000
اعرف واحد شخصيا ما عابه الشغل وماشي حياته
اهم شي يكون الشغل حلال توكل على الله

طيب المسجون كان حر قبل ماكان مسجون وماقدر يبني مستقبله ..... الكلام على الجامعة وخدمة المجتمع شي ممتاز انه يعفى السجين من الرسوم لغرض تعليمه ..... وأفراد المجتمع الباقين مايستحقون التعليم المجاني لغرض تفادي وقوعهم في الانحراف ؟

[الجلاد]

أولا مو كل مسجون مجرم أو منحرف كما تقول

وياما في السجن من مظالين

هكذا علمتني الحياة

ثانيا الواحد مستعد يدفع اللي وراه ودونه ولا يسجن

السجن عذاب وما يحس فيه الا اللي جربه ولا قريب له جربه

السجين مسلوبه منه كل شئ وتحسده على تسديد الرسوم عنه ؟!

أخيرا أحمد الله وأشكره

[الرفيق1]

خريجي سجون منحرف + رجل اكاديمي متعلم = كوكتيل

[صقرالشمال]

طبعا البنات ممنوع يسوقون والرجال يكسبون من وراء توصيلهم والله حاله


احمدي ربك الرجال يتعبون ويكدون على شانكن انتن وبزارينكن

هم يتعبون وانتم ترتاحون :29:

[مجيييد]

احمد الله انك سليم وتعافي وهذي اكبر نعمه
من عوفي فل يحمدالله
احمد الله ونا اخوك
مايحس بالنار الا واطيها

[enizias]

أولا مو كل مسجون مجرم أو منحرف كما تقول

وياما في السجن من مظالين

كلامك صحيح بس من وين جبت مجرم ! ( لاكن كل منحرف مسجون )

هكذا علمتني الحياة

ثانيا الواحد مستعد يدفع اللي وراه ودونه ولا يسجن

السجن عذاب وما يحس فيه الا اللي جربه ولا قريب له جربه

السجين مسلوبه منه كل شئ وتحسده على تسديد الرسوم عنه ؟!

ياخي انا مادري من وين تجيب ها الكلام ( الكلام عن القرار وخدمة المجتمع واكثر من مره كتبت يستاهل السجين الرعاية لغرض الاصلاح ) وانت تقول حسد

أخيرا أحمد الله وأشكره

أحسن كلمة

[jennifer]

شر البلية مايضحك :41:

[فهد التميمي]

الله يفــــك أسر كل مسجون ويرده لاأهله ســـالما معافا

[my Dreams]

وأكد الدكتور النجار على أن التعليم مدى الحياة من الأهداف الكبرى في استراتيجية الجامعة التي تسعى دوما لتقديم العلم النافع لكافة شرائح المجتمع بلا استثنتاء، وعلى رأسهم أولئك الذين تشملهم الخدمات المجتمعية النوعية من ذوي الاحتياجات الخاصة، والذين هم تحت مظلة الضمان الاجتماعي، حيث يصل عدد المستفيدين من هذا البرنامج إلى 800 طالب وطالبة، وكذلك المستفيدين من الجمعيات الخيرية ومرضى السرطان والفشل الكلوي، أما الموقوفون في الإصلاحيات حجزت لهم الجامعة نحو 50 مقعدا كل عام، كذلك تم حجز 10 مقاعد مجانية لمجموعة من موظفي هيئة الأمر بالمعروف والنهي عن المنكر، ومنح مقاعد مجانية لأبناء وزوجات شهداء الواجب.

رابط الخبر
http://www.okaz.com.sa/new/Issues/20120627/Con20120627513123.htm

لا تستغرب الخير في بلد الخير ونسأل الله ان يغنينا بحلاله عن حرامه وبفضله عمن سواه

[Ronin]

ممكن توضيح أخوي
موضوعك بالأول عن أنه كان معفي من الرسوم لأنه كان بالسجن
بعدين أنحرف الموضوع إلى زيادة المكافأة للمتفوقين لأكثر من 1000 وإعفاء من الرسوم
أنت قصدك أنهم يعفون خويك من الرسوم ويعطونه أكثر من 1000 لأنه متفوق ؟

تحياتي :2:

[enizias]

ممكن توضيح أخوي
موضوعك بالأول عن أنه كان معفي من الرسوم لأنه كان بالسجن:2:

صحيح
بعدين أنحرف الموضوع إلى زيادة المكافأة للمتفوقين لأكثر من 1000 وإعفاء من الرسوم:2:
الجامعة في سبيل خدمة المجتمع تم إعفاء شريحة المساجين ( أغلبهم مذنبين ) من الرسوم في سبيل تعليمهم لغرض الإصلاح بينما شريحة الطلاب المتفوقين ( في نظري يستحقون الإعفاء من الرسوم ) يعطى 1000 ريال مكافئة تفوق في سنه واحدة ( 165رسوم الساعة الدراسيه*14 ساعة =2310 ريال *2 لانها ترمين صارت 4620 محصلة السنه وتاخذ مكافئة 1000 =4620-1000=3620- ) وغلبهم ناس صالحين

أنت قصدك أنهم يعفون خويك من الرسوم ويعطونه أكثر من 1000 لأنه متفوق ؟

تحياتي :2:

أعفاء المساجين و الأرامل والمطلقات و المتفوقين واصحاب الضروف الخاصه ومن يقل دخله عن 4000 ريال وبصراحه ودي التعليم يصير مجاني كما كان سابقاً

[زيدان9]

:7::7::7:
وش هالفال الاقشر يا رياجيل:38:

فرقا السجن ولا ملاقاه يارجال لو ادفع ما وراي ودوني للجامعة ولا طاري السجن الله يكفينا شره ويفك كرب كل مسجون ويمن على الضال منهم بالهداية.:13:

[بقايا شتات]

اي رسوم جامعه وهو بالسجن مسجون يدرس كيف الله يفرج همه وقولوا الحمدلله المبلغ زهيد جدا واللي مابقدر ربي بيفرجها عليه واللي ضاغط ع نفسه ربي يعوضه خير

[saudi-com]

خلها قاعده بحياتك .
من حصل شيء يستاهله .
ومقصدي انه يستاهل الاعفاء و ليس السجن .!!!

ممكن من شروط الاعفاء ان يكون سجنه لقضيه غير جنائيه او شرفيه .
فيه ناس مسجونه بسبب ديون و الله المستعان.

[غايتي اللانهايه]

ياجماعة الخير بحكم قربي من النزلاء(المساجين) يتم تسديد رسوم دراستهم عن طريق وزارة الداخلية وهم تحت بند رعاية مصالح النزلاء واسرهم...
أسأل الله ان يسهل لهم امرهم ويعين اهلهم.

[enizias]

خلها قاعده بحياتك .
من حصل شيء يستاهله .
ومقصدي انه يستاهل الاعفاء و ليس السجن .!!!

ممكن من شروط الاعفاء ان يكون سجنه لقضيه غير جنائيه او شرفيه .
فيه ناس مسجونه بسبب ديون و الله المستعان.

ياجماعة الخير بحكم قربي من النزلاء(المساجين) يتم تسديد رسوم دراستهم عن طريق وزارة الداخلية وهم تحت بند رعاية مصالح النزلاء واسرهم...
أسأل الله ان يسهل لهم امرهم ويعين اهلهم.

كلنا نستاهل حنا وهم

[ابو غيداء]

المسجون لووتبي يسدد عنك رسوم جامعتك ويعطيك راتبك كامل ويسدد اجارك بس


يطلع لوومده محدده لفعل



الحمدلله الذي عافانا مما ابتلاهم الله به

[Just have fun]

صحيح ولاكن كل من لم يسجن رجل صالح يستحق المكافئة على انضباطه في المجتمع والجامعة دائم تتفاخر في خدمة المجتمع


فيه ناس ما دخلوا السجن و لكنهم يستحقون قطع أرقابهم


إلي برا السجن يقدر يشتغل و يكون له مصدر دخل

لكن الي بالسجن ما يقدر

[Garib]

لا تتسرعون بالحكم فربما كان مسجون بسبب الدين أو مظلوم.

بعدين يا أخي ليش الحسد؟! إذا تبي تدرس بلاش رح ادرس على حساب حريتك وخلك بداله رهين وجرب!

(((أتقوا الله فيما تقولون، سنسأل يوم العرض عن كل كلمة قيلت)))

[bntsweet]

اخوي الله يهديك على هالموضوع قول عسى اللي بلاهم يعافينا ولاتتبطر على النعمه قدر الله عليهم وصارو بالسجن بعد تناظر ليش مايدفعون للجامعه كفايه همهم اللي هم فيه

اخوي اللي تقول صالح بالمجتمع ويستحق مكافئه ليش انت صالح ومنضبط عشان يكافؤنك والا صالح ومنضبط لنفسك وش دخل الجامعه في صلاحك وانضباطك بالمجتمع مع احترامي لك تفكيرك مو كويس

حب للناس ماتحب لنفسك عشان ربي يرزقك ويوفقك ويكتب لك كل خير

ترى كل شي بيد الله مو بيد الناس

اعذرني على كلامي

[أمير بس فقير]

الامور طيبه رزق أوجه بعدين المعلوميه ان الي منتسب ومسجون يقدم اختباراته معا باقي الطلاب في المراكز المخصصة. مافيه فرق غير العسكري الي جالس يحتريه عند الباب

[fahad almutairi]

حتى المساجين صايرين تحسدونهم ؟؟؟؟؟

أحمدوا الله على اللي أنتم فيه


تأملوا في هذا الحديث

: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : (مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا)

موفقين جميعاً

:16::16:

[اللهم يسرلي]

الله ييسر لهم وويوفقهم كفايه حبس حريتهم والله يهديهم ويردهم الى طريق الحق هذولا اخواننا ويستاهلون الدعاء

[ماكو وطن]

خل يعفون المسجون ...اللهم لا حسد
لكن ليه المتفوق مايعفى من الرسووووم

[Hanin G]

ادخل السجن طيب .. :)

[~Ghada]

هي وحده يا مكافأة يا إعفاء من الرسوم :42:
أما الثنتين أعتقد فيها طمع!
ليه؟ لأن الواحد يدرس لنفسه وهو المستفيد الأول ويكن الأخير من دراسته
هذا رأيي الخاص :16:

[gєℓηαя]

ممكن انسجن ظلم !! لا تحط اجوبه بدون اسئلة عشان يتضح المطلوب من الموضوع :40:

[ابو همس ..]

والله ياأخي العزيز لا هو قرار غريب ولا شي بس انت مزودها شويات
وحبس الحرية لك الله عنه
شخص اخطأ وجالس يقضي عقوبت فعلته وانتهي الموضوع
ولازم يندمج مع المجتمع عن طريق مساعدته بكافة الوسائل في حالة انه يرغب مواصلة الدراسة لان هذا الشي له شأن كبير في إصلاح اخواننا المسجونين ودمجهم في المجتمع عشان يفكر صح ويراجع حساباته وينضر للحياه بشكل ثاني بعكس ماكان ينضر لها في السابق وهذا واجب علي الدولة انها تهيأ البرامج المفيده للسجناء وتري يكثر الكلام بخصوص هذا الموضوع ويطول الشرح فيه لما له من أهمية في مجتمعنا .


والله يرعاك اخي العزيز

[ماكو وطن]

ع قولة ابو همس
بالعكس شي جميل المساجين يكملون تعليم
لعل الطموح يرتفع عندهم ويعيدون حساباتهم
والحمدلله ع الحرية والعافية

[راقي جداً]

والله شيء جميل لو المساجين تنصلح احوالهم

ويرجعون بشكل ايجابي للمجتمع ..

يوفرون تعب واعباء ماليه على الدوله..

:16::16::16::16::16::16::16::16:
شيء جميل يبعُث على السرور

[prestigious]

طيب مايقدر يرجع إلين يتخرج !!
:21:

[im Diamond]

اخوي في معلومه ممكن ماتعرفها الجامعات الاهليه كلها تقدم منح دراسيه

لمستحقين الضمان الاجتماعي والمسجنونين ولمحتاجين

يعني لازم يصير عندك ضرف عشان يسددون عنك :29:

[enizias]

فيه ناس ما دخلوا السجن و لكنهم يستحقون قطع أرقابهم


إلي برا السجن يقدر يشتغل و يكون له مصدر دخل

لكن الي بالسجن ما يقدر

اتفق معاك بس الشواذ ليسوا مقياس بعدين عادي عندك لو تدفع رسوم على التعليم ولا تتعلم مجاني ؟

[enizias]

لا تتسرعون بالحكم فربما كان مسجون بسبب الدين أو مظلوم.

بعدين يا أخي ليش الحسد؟! إذا تبي تدرس بلاش رح ادرس على حساب حريتك وخلك بداله رهين وجرب!

(((أتقوا الله فيما تقولون، سنسأل يوم العرض عن كل كلمة قيلت)))

الموضوع عن الجامعة وخدمة المجتمع ومن ضمنهم المساجين من وين جبت الحسد بس الله يصلحك ! بعدين انا مع انهم يتعلمون مجاناً لغرض الإصلاح ويعاد النظر بالرسوم ويصير التعليم مجاني لجميع اطياف المجتمع

اخوي الله يهديك على هالموضوع قول عسى اللي بلاهم يعافينا ولاتتبطر على النعمه قدر الله عليهم وصارو بالسجن بعد تناظر ليش مايدفعون للجامعه كفايه همهم اللي هم فيه

اخوي اللي تقول صالح بالمجتمع ويستحق مكافئه ليش انت صالح ومنضبط عشان يكافؤنك والا صالح ومنضبط لنفسك وش دخل الجامعه في صلاحك وانضباطك بالمجتمع مع احترامي لك تفكيرك مو كويس

حب للناس ماتحب لنفسك عشان ربي يرزقك ويوفقك ويكتب لك كل خير

ترى كل شي بيد الله مو بيد الناس

اعذرني على كلامي

والله من اهم ادوات الضبط الاجتماعي اليوم هي مؤسسات التعليم ومنها الجامعات عشان كذا ان مع مجانيه التعليم لجميع اطياف المجتمع واذا انتي شايفه غير كذا الله يعين بعدين من قايل اني مااحب للناس ما احب لنفسي ؟ ابي بالله عليك تقتبسين ردي الي استنتجتي منه ان تفكيري مو كويس ( طلب إذا تكرمتي بس )

حتى المساجين صايرين تحسدونهم ؟؟؟؟؟

أحمدوا الله على اللي أنتم فيه


تأملوا في هذا الحديث

: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : (مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا)

موفقين جميعاً

:16::16:

الله يهديك بس يا فهاد من وين جبت حسد بس وانا مع مجانية التعليم للمساجين

ادخل السجن طيب .. :)

تقدرين تردين بطريقة ارقى من كذا ( بدون وقاحه ) فعلاً الحين انا اشد اصرار على موقفي في ان الجامعة لا زم تعلب دور اكبر في خدمة المجتمع .

ممكن انسجن ظلم !! لا تحط اجوبه بدون اسئلة عشان يتضح المطلوب من الموضوع :40:
ممكن تنسجن ظلم اتفق معك بس الجزء الثاني ما فهمته ياليت توضح

[Velvet Eyes]

السجن مو عيب وليس دائما دليل على انحراف المسجون

ولكن العيب اللي ينتظر احد يصرف عليه وهو جالس

وهو في قوته وصحته ..

ترى حتى الصلاة ما تقبل من الجالس .. اذا كان شديد وصحيح الجسم

فما بالك باللي ينتظر الصدقات من الناس ..

[نيوف]

على فكرة مدفوعة لهم الرسوم من قبل الحكومة مو مجاناً من الجامعة

حتى انهم ما عندهم درجات مشاركة و اختبارهم من 100 درجة

و حتى لو انهم مجاناً صراحة شي ممتاز ممكن اللي غلط بحق نفسه يقدر يتلافى القليل من اللي فاته وهو بالسجن

[ليان المدينه]

أنا فاهمه قصدك يا أخـــــوي

فعلا فيه كثير مايقدروا يدفعوا الرسوم مع غلاء المعيشــة

والتزامات الحيــاة لكن أحب أذكر نفسي والجميع بهذه الايات الكريمــة :

( فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين

ويجعل لكم جنات ويجعل لكم أنهارا )

استغفر الله الذي لا إله إلا هو الحي القيوم وأتوب إليه عدد خلقه ورضا نفسه

وزنة عرشه ومداد كلماته

والموضوع مافيه حسد بتاتا بس انتا اخدت قصة السجين كمثال لا أكثـــر

[حمود بن عثمان]

:33:

[جونـــآن]

هي جت علئ الجامعه بس..!!
خل الامور طيبه..!!

لا اتهورررررررر..!:31:
ماسمعتك كوبس احم .. عيد السؤل ..!!
طفئ آلكهرب.:17:
الله يعين الجميع..! ويفتحها عليه من اوسع ابوابه..!

[التميمية]

رزقهم وما يوعدون :35:

[enizias]

السجن مو عيب وليس دائما دليل على انحراف المسجون

ولكن العيب اللي ينتظر احد يصرف عليه وهو جالس

وهو في قوته وصحته ..

ترى حتى الصلاة ما تقبل من الجالس .. اذا كان شديد وصحيح الجسم

فما بالك باللي ينتظر الصدقات من الناس ..

والله حسب القضيه إذا مظلوم موعيب اما إذا مذنب عيب ونص ( زي مخدرات مثلاً لو يجيكم يخطب ما احد زوجه ) بس الجزء الاخير مافهمته ( صلاه ماتقبل من الجالس واذا كان شديد وصحيح )

على فكرة مدفوعة لهم الرسوم من قبل الحكومة مو مجاناً من الجامعة

حتى انهم ما عندهم درجات مشاركة و اختبارهم من 100 درجة

و حتى لو انهم مجاناً صراحة شي ممتاز ممكن اللي غلط بحق نفسه يقدر يتلافى القليل من اللي فاته وهو بالسجن

لا يحبيبي القرار مكتوب إعفاء يعني يسامح مو يدفع عنه اما بنسبة النقطة الثانية من مشاركتك اتفق معك ويستاهلون عساالله يصلح لهم حالهم للأفضل

[moghtrb]

بصراحه موضوع يطوووول الكلام عنه حبيبي


مابي اتكلم عن اللي برا السجن ربي ساتر عليهم وكل مالهم يتمادون


اعمال الخير عندنا كثير مع اني لازلت اقول مقصرررررررررين بقووووووووه بحق فئات كثير من المجتمع


على ماقريت عجزت احدد وش هدفك تحديداً بهالموضوع هل هو عن تدهور حالة خويك عقب طلوعه من السجن ؟؟؟ طبيعي لأنه كان معزول وتعوله الدوله ولمن طلع خلاص ترفع عنه الاعانه وهو قادر يلاقي شغل ولو بسيط وبيكبر مع االايام اذا ربي كتب له

او هل تتكلم عن المكافأه وضعفها ؟؟ طبيعي لأن عدد الطلاب كثير ونسبة المستحقين له عاليه ومستحيل تخسر لجامعه بسببها لذلك كانت قليله

او هل تتكلم عن رغبتك في ان يكون التعليم العالي بالمجاان ؟؟ وهناا كارثه ولاحد يزعل مني مارجعنا ورى بالتعليم غير مجانيته للمراحل الاولى وللأسف الاغلبيه تتخرج ماتعرف وش درست

شوف طلاب الدول الثانيه بعينك واحكم :)


الزبده شوف مصايب العالم الخارجي تعرف اننا بخير.. في المشاكل شوف من هو اقل منك لتعلم بالنعم التي تملكه بفضل الله
وفي التفوق شوف من هو ااعلى منك لتلحق به وتتميز عن غيرك وتكون قدوه :)

[الحب الوفي]

طبعا البنات ممنوع يسوقون والرجال يكسبون من وراء توصيلهم والله حاله


ههههههههههههههههههههههههههه

طيب

[أنعام]

بالتأكيد لتشجيع المسجون واتوقع جهة معينة تدفع له يمكن
وياما بالمساجين مظاليم

[mo7ammo]

هذي جزء من المسؤولية المجتمعية وانا مع الجامعة في هذي القرارات


وعلى فكرة نص المنحرفين والمجرمين خارج السجن :42:
الله المستعان
:16:

[مجنونهmeshoo]

هههههه ياما في. السجن. مظاليم
سوي. جريمه. ويسجنونك. وتدرس. ببلاش. فكره. مش بطاله :20:
هههههههه يخوي. مسكين وضعيف. ودرس على حساب. الحكومه. مراعاه لضروفه
ولا حنا شعب نحسد الاعمى على. كبر. عينه :42:

[abo0o0d]

تقارن نفسك بحال شخص مسجون اي كانت قضيته ؟؟

يارجال قول الحمدالله علي نعمة الحريه

[enizias]

وفي هذه اللحظة استلسم عن الرد تعبت والله وانا اشرح ارجو من الاخوه المشرفين ان يغلقوا الموضوع

[simple person]

الله يعين المجتمع على هالعقليات شي مضحك صراحه حاسده انت والا شنو اعوذ بالله يعني تتمنى السجن علشان رسوم جامعه وهذا شي معروف انو المساجين وعوائلهم واليتامى والضمان الاجتماعي يعفون من الرسوم في اي جامعه في السعوديه حتى الجامعات الاهليه

for real i feel sori for you
:13:

[FarraJ|K]

أنها وساوس و أعوذ بالله منها

[ام وجدان]

ماشوف انه قرار لازم يعاد النظر فيه

بل نظرة المجتمع هي اللي يبي لها اعااده تفكير

المفروض نعين علي مثل هالقرارات ماننبش وراها ونحاول نغيرها


الله المستعان :36:

[اميرة بدلعي]

وش المقصود من الموضوع كله لفت انتباه ولا كيف
واحد مسجون وتكفلت الحكومه بمصاريفه الموضوع فيه شي غلط
اذا رحمو البعض لظروفهم واوضاعهم الخاصه ننط نقولهم لا واحنا ليه مانكون عقلانيين شوي
مسجون كيف بيصرف علي اهله ؟ كيف بيشتغل وهوا في السجن مشي له مصروف لحد ماخلص حكمه وطلع يعتمد علي نفسه واتوقع اللي تتكلم عنه رجال يقدر يعتمد علي نفسه واليد البطاله نجسه والحكومه ماقصرت الله يجزاها كل خير
اذا كان قصدك بالموضوع يعفونا من الرسوم ووووو كلنا نبي هالشي ونتمناه بس اللي يبغي الدح لا يقول اح >> امثال جدتي تنفع :5:
بس تقدر توصل رسالتك بطريقه افضل من كذا لان كذا تكون شخص يبي يوصل لهدف وهو عارف وجالس يطلع باعذار لجل يبرر موقفه مدري اي موقف بس اللي هوا ماكان في اي داعي تكتب عن صديقك وعسي الله يفرج همه وهموم المسلمين اسفه اذا ردي ماعجبك بس هذا رايي