استفسار بخصوص الانسحاب من الجامعة

[نعسآنه]

تكفون لا تطنشوووووون اللي عنده علم اكيد يقولي
ابي اسحب ملفي كااااامل من الجامعه حاليا لضروف
هل بعد ما أسحبه اذا برجع أكمل يقبلوني والا أعيد ؟؟؟

[بحـر الكـلام]

نعسانه عشان كذا منزله موضوع قبل مده عللي عدم اعتراف الشهاده (":13:

[نعسآنه]

موضوع الاعتراف هذا متعبني نفسيا
حتى امس في الجريده كاتبين غير معترف بها في مجال التعليم
اما المجالات الأخرى فهي معترفه

المهم موضوع الانسحاب ماله دخل ابي اسحب واشوفلي أي جامعه بالرياض
بحكم أني بنقل هناك وإذا ما حصل برجع ادرس الشكوى لله

[نعسآنه]

21 مشاهده ولا رد
ياخي ساعدوا الناس عشان يجي من يساعدكم

:10:

[دكتور نت]

لا تسحبي ملفك قبل لا تظمني قبول بجامعات الرياض و مسألةزالاعتراف من عدمه قالوا بالتدريس فقط و الباقي ما فيه مشكله و أصلا حتى لو انتظام و اجتماع متى بتتعين مدرسة
و إذا كنتي رايحة مستوى رابع حرام تنسحبي و استخيري الله قبل كل شئ

[نعسآنه]

ضروري أسحبه لان لو جاني قبول صعبه أجي للأحساء
دامني الحين قريبه ابي أسحبه وإذا ما جاني قبول ارجع ادرس
بــس ابي أتأكد هل أكمل والا اعيد

[همة نحو القمه]

طيب عادي
اختاري مركزك في الرياض

واختبري اش المشكلة

[♥فقدتك1433♡]

الله يكتبلك الخير

الأفضل انك تكلمي الفريدان عشان تتأكدي

لأن حرام تروح عليكي سنتين

[أبــو الـولـيـد]

اعذريهم الاغلبيه يدرسون ومالهم بالانسحاب طاري عشان كذا ماتحصل معلومات لان الموضوع غير مهم بالنسبة لهم ..

واللي يعرفون وانسحبوا اتوقع بعد انسحبوا وراحوا والمعلومات معاهم

مالك حل سريع الا بالتواصل مع الجامعة

اعانك الله

[نعسآنه]

شكرًا يا ابو الوليد
وشكرا للباقي
برسل للفريدان وعساه يرد

[تركي .. ~]

اللي انا اعرفه اذا انسحبتي وانتي في الرياض مايحتاج تروحين لهم يرسلون لك ملفك عن طريق البريد لكن تأكدي قبل تسحبين من قبول الجامعات الاخرى

:16:

[نعسآنه]

ما يرسلون على طول شهر على بال يلبون طلبك:16:

[عايش الدور]

اختي كلميهم بس وضحي لهم ان عندك ظروف خاصه جدا مع عدم ذكر انك راح تسجلين في جامعه اخرى حتى اذا بغيتي ترجعين تقدرين



بالنسبه لانسحابك ما اعتقد انهم راح يحضرونك من العوده مره اخرى لانك لم تنذرين او تطردين او من هالقبيل بس بنبهك ع نقطه مهمه دامك راح تسجلين في جامعه اخرى يستحسن تطبعين افاده من الخدمات الطلابيه بعدد الساعات الي خلصتيها حتى يعادلون لك المواد وطباعه كذلك السجل الاكاديمي يوضح اسماء المواد الي خلصتيها


وفقك الله

[نعسآنه]

شكرًا أخي عالرد :16: