47 درجة مشاركة ضاعت علي ظلم !! *صورة للنتيجة

[دحبش]

السلام عليكم ورحمة وبركاته

أول شئ اللهم لك الحمد حتى ترضى ولك الحمد إذا رضيت ولك الحمد بعد الرضى ..

اخواني انا ضاعت علي 47 درجة من المشاركة ظلماً وجوراً مع أني والله متأكد أني مخلص كل شئ ومتأكد بعد أن فيه ناس كثير مظلومين مثل حالتي !
يعني وش ذنبنا حنا نتعب ونكرف وبعضهم حتى يتسلف رسوم الدراسة وبالأخير بخطأ ارعن يضيع تعبي كله سدا وممكن يحمل المادة !!
تخيلوا ياجماعة معدلي حق الترم لو حسبت الناقص 3.62 وبعد ماخصموا علي صار 2.97
الحمد لله على كل حال ،

ساعدوني ياجماعة وش الحل إذا ارسلت تظلم هل هم بيفيدوني ولا لا ؟؟
اتمنى للي سبق ان تظلموا يفيدوني طلع بنتيجة ؟!



http://www13.0zz0.com/2013/06/14/22/211625241.jpg

[العضيد1]

يمكن ما حليت بعض المناقشات أو الواجبات؟.
هل كنت تحمل المحاضرات من الجوال؟

[سادن كنان]

ما يمنع من عمل اعترض لتاكد وشكرا

[دحبش]

يمكن ما حليت بعض المناقشات أو الواجبات؟.
هل كنت تحمل المحاضرات من الجوال؟

متأكد والله مثل ما أنا متأكد من أسمي !
لا كنت احملها عن طريق لاب توب

[هتان 2]

هالجامعه مدري شسالفتهم والله احس انهم مش مهتمين بالطلاب :40:

[العضيد1]

أجل رح للخدمات الطلابية بتلقى زر (التظلم) واختر درجة المشاركة واكتب اعتراضك باختصار، وتأكد إن تم حفظها بنجاح.

[7amood]

ياحبيبي قدم تظلم حراااااام والله درجاتك لو مانزلو المشاركه مادتين فوق 90 قدم تظلم وايميلات الله يعينيكك :10:

[دحبش]

ما يمنع من عمل اعترض لتاكد وشكرا

خايف اقدم اعتراض ولا أطلع بفايده ويضيع وقتي على الفاضي وماعاد أقدر اعدل شئ !
إذا ماهم نافعيني بشئ الله يعين اضرب مشوار 650 كليو :24:

[دحبش]

هالجامعه مدري شسالفتهم والله احس انهم مش مهتمين بالطلاب :40:

خلها على ربك ياهتان ..
ومع ذلك مازال فيه مطبلين لهالجامعة :30:

[حمد زيد]

اذا ما عدلوها لك خلال هالأسبوع دق سلف ووجهك على الأحساء ,,,, وهناك بتقدر تاخذ حقك :35:

[هتان 2]

دحبش شف موضوعي هذا الله يسلمك لتعرف كيف انا مظلوم وربي يعني صج حرام

http://kfuforums.kfu.edu.sa/showthread.php?189615-%D1%D3%C7%E1%E5-%E3%E6%CC%E5%E5-%C7%E1%EC-%C7%E1%C7%CF%C7%D1%C9-%C7%E1%D3%E1%C7%E3-%DA%E1%ED%DF%E3

[فضيل]

افضل من كمبيوتر او لابتوب واحد، علشان لا يلقون عليك شي

[تاج راسي امي]

قدم. تظلم إذا مانفع معهم وبأقى المحاضرات موجوده بالأب توب أحمل نفسك مع الأب توب و رواح الجامعة و وراهم متى التنزيل مكتوب اليوم والوقت وان شاء تأخذ حقك. بيدك

[كول كول]

الله يعينك اخوي قريبتي نفس وضعك ومتأزمه كثير بالرغم من ان درجات الامتحان روعه لاكن بسبب درجات المشاركه الي خاسفين فيها نزل معدلها كثير 46 درجه راحت عليها وهي متأكده من كل شيء
المشكله احنا صعب نجي للاحساء بسبب المسافه قدمنا بايقونه التظلم لاكن احس ما نها فايده لاني قريت موضوع انها بتفيد الي درجاتهم صفر او كان في خطأ
اذا لقيت حل لموضوعك علمنا وش سويت عشان نسوي مثلك
والله قمه القهر انك تنقص بشيء تكون ضامنه لو درجه اختبار بنقول يمكن الحل كان غلط او أي شيء لاكن من تحميل وشيء متأكدي منه ليه
الرجاء الي يلاقي حل لموضوعه او تعدلت له يعلمنا وش سواء
والله ينصركم ويرد لكل مظلوم درجاته

[w.al-Rashed]

14 محاضره مسجله
3 محآضرات مباشره
14 مناقشه
3 وآجبات

اذا متأكد انك مشيت على هالاربع الاشياء فأنت مظلوم

قبلك واحد منزل موضوع وانا وانا بالاخير اكتشف انه ماكان يحمل المسجله يقول احسبها مآتنحسب :42:

الله يردلك حقك يآآآآآآآرب عآجلآآ غير آجل ,, :1:

[دحبش]

الله يعينك اخوي قريبتي نفس وضعك ومتأزمه كثير بالرغم من ان درجات الامتحان روعه لاكن بسبب درجات المشاركه الي خاسفين فيها نزل معدلها كثير 46 درجه راحت عليها وهي متأكده من كل شيء
المشكله احنا صعب نجي للاحساء بسبب المسافه قدمنا بايقونه التظلم لاكن احس ما نها فايده لاني قريت موضوع انها بتفيد الي درجاتهم صفر او كان في خطأ
اذا لقيت حل لموضوعك علمنا وش سويت عشان نسوي مثلك
والله قمه القهر انك تنقص بشيء تكون ضامنه لو درجه اختبار بنقول يمكن الحل كان غلط او أي شيء لاكن من تحميل وشيء متأكدي منه ليه
الرجاء الي يلاقي حل لموضوعه او تعدلت له يعلمنا وش سواء
والله ينصركم ويرد لكل مظلوم درجاته

الله يعينها ويرد لها حقها أن شاء الله ..
بأذن الله السبت الجاي بروح لهم وراح اقولكم باللي يصير معي ،

[دحبش]

14 محاضره مسجله
3 محآضرات مباشره
14 مناقشه
3 وآجبات

اذا متأكد انك مشيت على هالاربع الاشياء فأنت مظلوم

قبلك واحد منزل موضوع وانا وانا بالاخير اكتشف انه ماكان يحمل المسجله يقول احسبها مآتنحسب :42:

الله يردلك حقك يآآآآآآآرب عآجلآآ غير آجل ,, :1:


اخوي متأكد والله .. ولو أني شكيت بالمناقشات مع اني حالها كلها بس لأني كنت استخدم متصفح " اوبرا " عشان اقدر انسخ والصق !
بس نفس المتصفح مخلص فيه المناقشات حقت الترم اللي راح وانحسبت الدرجات كاااملة !!

[دحبش]

جزاكم الله خير على تفاعلكم جميعاً
والله يسعدكم دنيا وآخرة :16:

موقع الجامعة أعرفه بس ياليت تفيدوني بموقع الإدارة حقتهم ..
وأرقامهم عشان اكلمهم :36:

[B A N D R]

شي يقهر

أنا لو مكانك دقيت سلف من جد

[عسجـــد]

جزاكم الله خير على تفاعلكم جميعاً


والله يسعدكم دنيا وآخرة :16:

موقع الجامعة أعرفه بس ياليت تفيدوني بموقع الإدارة حقتهم ..
وأرقامهم عشان اكلمهم :36:


اعتقد انه مبنى رقم 50

"عمادة التعليم عن بعد"

زوجي راح لان ناقصني 10 درجات الفريدان وعده خير وقال له قدموا تظلم

وللحين ما في شي تغير :10:

اذا تجاوبو معاك بلغنا

الله يرجع حقنا لنا

[Mr English]

السلام عليكم ورحمة وبركاته


أول شئ اللهم لك الحمد حتى ترضى ولك الحمد إذا رضيت ولك الحمد بعد الرضى ..

اخواني انا ضاعت علي 47 درجة من المشاركة ظلماً وجوراً مع أني والله متأكد أني مخلص كل شئ ومتأكد بعد أن فيه ناس كثير مظلومين مثل حالتي !
يعني وش ذنبنا حنا نتعب ونكرف وبعضهم حتى يتسلف رسوم الدراسة وبالأخير بخطأ ارعن يضيع تعبي كله سدا وممكن يحمل المادة !!
تخيلوا ياجماعة معدلي حق الترم لو حسبت الناقص 3.62 وبعد ماخصموا علي صار 2.97
الحمد لله على كل حال ،

ساعدوني ياجماعة وش الحل إذا ارسلت تظلم هل هم بيفيدوني ولا لا ؟؟
اتمنى للي سبق ان تظلموا يفيدوني طلع بنتيجة ؟!




http://www13.0zz0.com/2013/06/14/22/211625241.jpg


اعترض ياعزيزي وإذا لك حق بتاخذه غصب على اللي مايرضى

والله يسمح امرك

[w.al-Rashed]

اخوي متأكد والله .. ولو أني شكيت بالمناقشات مع اني حالها كلها بس لأني كنت استخدم متصفح " اوبرا " عشان اقدر انسخ والصق !
بس نفس المتصفح مخلص فيه المناقشات حقت الترم اللي راح وانحسبت الدرجات كاااملة !!
انـآ هالترم مستخدمه متصفح اوبرآآ لكل شي والحمدلله انحسبت
يعني مش من المتصفح الغلط منهم
ان شالله ترجعلك درجآتك :1:

[دحبش]

انـآ هالترم مستخدمه متصفح اوبرآآ لكل شي والحمدلله انحسبت
يعني مش من المتصفح الغلط منهم
ان شالله ترجعلك درجآتك :1:

طمنتني الله يطمنك :43:
السبت أن شاء الله راح اتعلق بحلوقهم وأخليهم يوروني وش اللي ناقص عندي :25:
اللهم امين .. الله يوفقك ويسعدك :16:

[وداع الروح]

اتصل وارسل ايميلات
لاتضرب مشوار الا اذا ماردوا عليك
ولا سو لي وكاله واراجع عنك

[دحبش]

اتصل وارسل ايميلات
لاتضرب مشوار الا اذا ماردوا عليك
ولا سو لي وكاله واراجع عنك

الله يعطيك العافية ويجزاك الجنة ماتقصر
انا بروح لهم والحساء ماهي غريبة علي كنت موظف هناك 3 سنوات وأعرف الديرة زين
اروح اراجعهم وامر اخوياي اللي هناك اسلم عليهم :34:

[طعس يحب التعليم]

والله يا اخوان انا عندي 7 مواد وخغسوا معدلي واسقطوه ارضا بدون وجه حق معدلي كان 422 وصار 321 معطيني في مادتين 18 درجه وماده 20 وماده 27 وماده 28 المواد اللي ترفع المعدل نزلوها الى 18 و20 علشان مايرتفع المعدل وتاخذ 1000 ههههههههههه حسبي الله ونعم الوكيل:32:

[أبان]

ما لقيت حل لمشكلة المشاركات و تحميل المحاضرات إلا أنك تحلهن :17:

[ام غلا الكويت]

الله. يعينكم

[محترم 20]

اخوي دحبش كان الله في عونك

بصراحه اصدمتني نتيجتك وتأثرت منها حيل

بس اللي يهونها عليك اشوي ان ماعندك رسوب بسبب نقص درجات المشاركه والا كارثه


لكن اذا كنت ناوي تروح لهم حاول تجمع اكبر قدر ممكن من الاثباتات يعني (ملفات تحميل المحاضرات المسجله والمباشرة + حلول الواجبات والمناقشات )

وخزنها بفلاش ميموري وتوكل على الله ومتأكد بالطريقة هذي راح يعدلون درجاتك

[خالد السعد]

ارفع تظلم ... عشان تقتنع
والله يوفق الجميع ..

[اداري طموح]

الله يكون بعونك مع ان درجات الاختبار حلوه ماشاء الله بس اثرت عليك تنقيص المشاركات.

[pro1]

المستوى الثالث .. كل درجات المشاركة ناقصه ولا أدري ما السبب والفصل هذا كلها 30 أتوقع بالمزاجيه

[L U X U R Y]

ظلم :30:
لازم تقدم تظلّم ،
حنا مثلك :36:

[أبو عبدالهادي]

والله ياخوك الجامعة جننتنا معقولة الواحد عندة 10 مقررات ويحصل في 7 على 30 من 30

و 3 مقررات يحصل على 26 درجة !!!!!!!!!!!!!!!!!!!!!!!!!!!!!

http://www.ckfu.org/vb/attachment.php?attachmentid=137126&stc=1&d=1371379638

الله يخارجنا على خير

[انعاش حلم]

انا سمعت من الدكتور الفريدان في اول الترم

لازم المناقشات والوجبات تحلوها في وقتها يعني اول ما تنزل اسبوعيا حلوها


انا سويت كذا ومانزل مني ولادرجة

[abo0o0d]

شغلت المحاضرات المباشره كلها ؟؟

[AრooََL]

شوف اخوي
انا الترم اللي قبل هذا ,,كنت انسخ والصق مثلك ولاول مره تطلع عندي ناقصه المشاركات ..

المهم هالترم قلت بكتبهم والشكو لله اخاف تضيع علي الدرجات وكتبتهم وكنت متخوفه ماتنحسب سببو لي توتر :20:
والحمدالله انها انحسبت اتوقع لانك تنسخ وتلصق والله اعلم

[طالب رضاك]

ارفع تظلم وبعد ما ترفع سوي لها نسخ لجل ترتاح وما تكتبها من اول جديد يصير بس تضيف إضافات بسيطة لاني ما توقع يردون عليك من اول او ثاني مرة

[اوراق مبعثره]

اعرف كذا شخص راحوا وتدرون شسوى لهم فتح منتدى الحوار وقال ليش ترد بكلمه اقصد اللي يكتبون مثلا شكرا وانا منهم وقال لزوجي انه بينقصني في الباقي
وفي جماعه حلو مشااركاتهم في الحوار في يوم ما ادري في يومين قالوا لهم ليش تحلوه فيه هلوقت القصير على حسب فهمي
طبعا انا ناقصه في المشاركه 59 درجه

[معطـــــاب]

الله يكتب اللي فيه الخير ..

وان كنت متاكد انك كملت الجميع . عليك بالتظلم وارسل للعميد ايميل واشرح فيه كل شيء


وربي يوفقك دنيا واخره:16:

[♥ ησσпị]

-






الله ياخذ حقكَ ياربَ . .
انتَ حليتَ المناقشاتَ ب البلاكَ بوردَ صح !
لانَ قبلَ يقفلَ رصد الدرجاتَ الفصليَ في واحد من الاعضاء نزلَ هناَ انَ المناقشاتَ انحذف نصهمَ !
فمادريَ هل هذا السبب الليَ نزل درجاتكَ ولا ممكنَ منَ النتَ عندكَ اثرَ ع مشاهدهَ المحاضراتَ ، لكنَ انتَ
توكل ع الله وقدمَ تظلمَ وان شاء الله حقكَ راحَ تاخذه :1: ،

المشكلةَ الدرجاتَ تنقص كلها بنفس القيمهَ مو طبيعيَ كذاَ :36:

[أم دانه 1]

يا اخوي قدم تظلم وروح

لأن لو ماقدمت تظلم عالموقع ورحت كذا حيقولون قدم تظلم اول

لابد من الاجراءات ذي


الله ييسر لك ولجميع اخوانا الطلبه

[ريم 2012]

حسبي الله ونعم الوكيل

وش السالفه هاالسمستر شؤم بكل حالاته

استغفر الله واتوب اليه كثير والله ناقصه درجاتهم

المفروض فيه امانه بشغل لاطالب ولاطالبين كثير والله ناقصه درجاتهم

ارفعو تظلم وعساهم يشوفون لكم رد يبرد كبودكم يارب:36:

[دحبش]

السلام عليكم ..
ياجماعة انا بكره ان شاء الله رايح للجامعة عشان هالسالفة وش تنصحوني فيه ؟؟

[mqamrh]

ان شاء الله تاخذ حقك

[يارب توفق]

:18::18:نصييييييييحه حلو كل شي على الافتراضي أضمن من البلاك ..البلاك ضيع علي المستوى الاول ثلاث درجات ظلم

[محترم 20]

دحبش تصدق يوم شفت موضوعك في الصفحة الأولى في المنتدى قلت بس الرجال راح للعمادة لأن موضوعك هذا قديم


أثرك مابعد رحت اجل نقابل بكره على خير لأني باذن الله بروح لهم باسر لعل وعسى

[OM_shoody]

هلا اخوي طمنا لو رحت وقولنا وش سويت ؟؟
الله ييسر كل أمورك

[حمود بن عثمان]

:16:

[دحبش]

:18::18:نصييييييييحه حلو كل شي على الافتراضي أضمن من البلاك ..البلاك ضيع علي المستوى الاول ثلاث درجات ظلم

انا ما اسوي اي شئ الا عن طريق الافتراضي !!

[دحبش]

دحبش تصدق يوم شفت موضوعك في الصفحة الأولى في المنتدى قلت بس الرجال راح للعمادة لأن موضوعك هذا قديم


أثرك مابعد رحت اجل نقابل بكره على خير لأني باذن الله بروح لهم باسر لعل وعسى

هاذاني توني داخل الحسا رايح لهم

[sro0orah]

انا قدمت تظلم على اخر مادة التحليل الاحصائي ولا اعرف وش بيعوضوني او بيسوون لي :22:

[محترم 20]

اخوي دحبش تأكد لي هل د الفريدان مداوم

[العضاضي]

وش صار معك انشاء الله خير

[sheharam]

دحبش سفطنا :30:

[العضاضي]

دحبش

[العضاضي]

دحبش لا تخلينا وش صار معك

[العضاضي]

دحبش وينك اختفيت

[محترم 20]

دحبوشي بشر وش صار معك

[AL RABIE]

الاخ دحبش يخوض المعارك معاهم بالوقت الحالي .. على مايبدو بيصعدها معاهم لانهم .. الحق حق والله يوفقه .. بصراحه شي يقهر خاسفين بدرجات المشاركه مرره ..

[sro0orah]

طيب السؤال الحين التظلم مافتحوه الا بعد النتايج ودرجاتنا زفت واثرت عالمعدل وش الفايده يعني انا نشتكي
هل بيرفعون الدرجات بعدين ولاكيف نبي حل ياناس وش هالحالة وش فايدة التظلم هل يقرونه ويفيدونا ويعوضونا ولا خرطي بس بربره عالفاضي هالجامعه بتجيب لي الجلطه ..

[العضاضي]

دحبش وضعنا

[طفر]

خبر عاجل / ترى الجامعه ما يحسب اذا دخلتو بالجوال او الايباد او شيء اخرى ..الخ

لانه ما يحسب الا عن طريق الكمبيوتر المنزلي او الاب توووب فقط

[طفر]

وبعدين ادخلو بنظام الافتراضي واترطو نظام البلاك بورك



لان نظام بلاك بورك يحسب درجات بالقليل ولاا يحسب درجات بالكثيرررررر

[كول كول]

عندي سؤال هل المحاضرات المباشره يوم حفظتها فتحتها او لا ؟؟؟
لاني انا يوم حفظتها انحفظت بسرعه وكنت حاب اتابعها لاكن يوم فتحتها استغرق وقت طويل حتى فتح لانه بعد ما فتحتها جاني الرجاء الانتظار حتى يتم الاتصال بالنظام
فحابه اعرف هل مجرد سويتا حفظ لا او لا شغلتوها ؟؟
حابه اعرف وين الخطأ لانه هذا الشيء ممكن يكون علينا المره الجايه

[دحبش]

السلام عليكم ورحمة الله وبركاته ..

أعتذر منكم جميعاً ع التأخير ، كله من هالفريدان اللي خرب النفسية :30:
والاخوان اللي راسلوني اسف جداً جداً ماقدرت ارد عليكم لان مشاركتي اقل من مئة !!

المهم بعلمكم وش صار معي ..
مشيت من الرياض بما أني كنت عند اهلي يومين (لأني موظف بالقصيم )
يوم السبت ووصلت الحساء تقريباً الساعة 11 وشوي وسيييده للجامعة :25:
مابي اكثر كلام المهم دخلت العمادة وعلى طول لمكتب "المرتزق" الفريدان
حصلت اثنين سكرتاريه وفيه يعني زحمة مراجعين .. كلمت السكرتير اللي مكتبه ع اليمين ( وللأمانة الرجل طيب ) وعلمته مبدئياً بالمشكلة وقال ليش تطق هالمشوار كان قدمت تظلم ويجيك الرد .. قلت له لو هي درجات قليلة وماضرت معدلي كثير ماجيتكم هنا ولا شفتوني ( ما اخذت وعطيته معه كثير لاني مابي اضيع وقت ابي ادخل على العميد واتفاهم معه )
المهم انتظرت حوالي نص ساعة ودخلت على المرتزق :30:

السلام عليكم .. كيف حالك يادكتور
وعرفته بنفسي ،، يادكتور تراني جاي من مسافة 700 كيلو عشان اقابلك
عندي درجات بالمشاركة راحت علي ظلماً واجحافاً !!
قالي ليش تجي وتعب نفسك حنا فاتحين ايقونة تظلم حط مشكلتك ويجيك الرد !
قلت اول شئ انا مقدم تظلم ولو هي درجتين او خمس درجات لو حتى عشر درجات ماجيتكم .. لكن بأي حق أحل وآاتعب ويروح علي 47 درجة وينخسف معدلي من 3.66 لـ 2.91 وأنا متأكد اني مخلص كل شئ ..
قال ممكن الخطأ منك ( ويقعد يعطيني سالفة طالب نقس مشكلتي طلع من عنده الخطأ وطالب ثاني عشان ورقة الاختبار وخلوه يجي ويصححها بنفسه وشفتها عنده يبي يقنعني ) .. قلت يابن الحلال والله الذي لا إله الا هو انا متأكد حتى عندي مادتين درجاتي كاملة فيها والباقي كلها ناقصة
وعشان اثبت لك عندي مادة ناقصة فيها 7 درجات ليش مانقصت نفس المواد الثانية تتوقع الخلل مني ولا من نظامكم ؟؟؟
قال لا لا النظام مايكذب .. قلت اجل انا اللي جايك هالمسافة كلها عشان اكذب ولا ايش ؟!
وترا ماهو انا لحالي اللي انظلم اثنين قابلتهم برا نفس المشكلة والمنتدى ككككله يشتكون من نقص درجات المشاركة وهم متأكدين انهم مخلصين كل شئ !!!!!
بعدين ع الاقل رجعوا النظام القديم اللي نعرف درجات المشاركة كاملة ولا لا عشان ماننظلم
قال لا لا هاذي للطلاب الكسالى ومدري ايش ومن ذا الكلام
قلت لا كسالى ولا شئ الدعوة كلها كيف نرسبك يالطالب وصارت تجارة وسرق من جيوب هالطلاب !!
حقد علي من كلامي وقال خلاص انتظر تقفل ايقونة التظلم وبيجيك الرد ( يبي الفكه )
قلت مافيه مشكلة بس علموني وش اللي ماخلصته ؟؟
قال لا بيردون عليك بأيقونة التظلم !
قلت يابن الناس علموني عشان دامني عندكم هنا عشان اعطيك اللي يثبت انا ماني فاضي اطق مشاوير مع هالخطوط رايح جاي بسبب اخطائكم !!
المهم اكثر من نص ساعة وانا افهم فيه حسبي الله عليه ولا يفهم وطلعت من عنده ورجعت للسكرتير ( على امل أنه يفيدني بحل ) وقالي وش قالك الدكتور وعلمته .. قال أجل رح لواحد أسمه اظاهر قالي اسمه صلاح ( نسيت اسم عائلته ) هو اللي يقدر يطلع لك وش اللي ماخلصت لانه هو المسئول عن الموقع كله .. رحت لصلاح هاذا ولقيت مكتبه مقفل ورجعت للسكرتير وعلمته انه ماهو موجود وسأل عنه احد الموظفين وصار له كم يوم ماداوم اظاهر طالع إجازة !!


المهم ماطلعت من الجامعة الا حدود الساعة 2 الظهر ولا طلعت من هالمشوار كله بأي فاااايدة ألا اني عرفت أن الدعوة كلها سرق في سرق ومصلحتك يا الطالب في حريقة اهم شئ انك الرسوم تدفع وبس !
الشكوى لله مالي ألا انتظر ردهم بالأيقونة والله يزينها ..
لا تحرموني مني دعواتكم ،،

[برق الشمال]

ان شاءالله يرجعون درجاتك

اهم شي يرجع لنا الرد من ايقونة التظلم

[*امال*]

الله يكون بعونك ويفرجها عليك اخوي دحبش
بلغنا في حال وصلك الرد
ربي يجعله رد يفرح قلبك :16:

[jOlya]

الله يكون بعونك والله انقهرت معاك
خبرنـآ اذآ رجعت درجاتك ان شآء الله :16:

[قيمو]

فيه احد ردو على التظلم اللي ارسله

[عمر الكثيري]

حتى انا خاصمين علي في المشاركة في مادة وباقي المواد كامله علما اني حليت كل شي في وقت واحد

متى راح يردون على التظلم شباب اذا ردو على احد يعطينا خبر

[دحبش]

دحبش وضعنا


أخوي العضاضي أرسلي رقمك على الخاص عشان أتواصل معك ع الواتسب

[خيال الامس]

انا طلع من اختبار وحده من المواد اقسم بالله قلت باخذ فيها 100 من كثر مني واثقه من حلولي
وطلعت ماخذه فيها 88 انقهرت غبنه :24:

قدمت تظلم ووماردو وادري مابيردون

[TAG~alghla]

اااه ياقلبي
حرقوا قلبي على رده السخيف هالفريدان
حسبي الله ونعم الوكيل فيه
اخخخ لو يسلموني اياه
ابنتفه تنتيف
:32:
.........

[وردة 2011]

طيب انت تحمل اكثررر من جهاز ؟

انا سمعت انو لو حملت من كذا جهااز تضيع عليك اللدرجه لازم يكون جهازك الخاص

[فناوي]

اظاهر مافيه طريقه الا نجمع تواقيع الطلاب ونرفعها المحكمه الإداريه او نرفعها لتعليم العالي أي جهة ممكن تساندنا ونخلي الشغله رسميه ونشتكي ونرفع صوتنا اكثر حتى لو توصل للصحف


ايضا هناك اقتراح فتح هشتاق في تويتر وكل من ظلم بنقص بدرجات يدخل على هذا الهشتاق

[محترم 20]

اخوي دحبش للتو قريت ردك

ما اخفيك انا كنت عندهم يوم الاحد والشخص اللي على اليمين هو أحمد الشعيبي بصراحه اخلاق بس يبدو ان مابيده شي مجرد يعطيك بعض الحلول

انا دخلت على الفريدان وكان استقباله لي غير جيد صحيح ان عندهم ضغط عمل لكن ماهو مبرر تستقبل المراجعين بنفسية متعالية وعدم الاقتناع البته بمايقولون يعني حسيت من لغة كلامه انهم هم الصح وحنا غلط في غلط قلت في نفسي خسارة المشوار

[طفر]

اصلا الجامعه تغيرر من يوم قالو المقالي
ما اقووول الا راحو الطيبين