أهل الخبره والفزعه هلمّووو إلي

[أبو راكان.]

السلام عليكم ورحمة الله وبركاته


قبل أبداً بموضوعي احب اشكركم جميعاً دون استثناء على الجهود اللي ساعدتنا بعد الله في النجاح من الترم هذا

الموضوع :-

احد قريباتي كانت قبل ترمين تدرس مستوى أول إدارة أعمال و نجحت بمعدل اكثر من 2 و أقل من 3

وكانت حامله لماده بعدها تضايقت ولا درست الترم اللي انتهينا منه قبل شهر ويوم سألتها عن السبب

قالت بكل حزن كنت اتمنى يكون معدلي حلو ولكن لضروف مريت فيها وقت الاختبارات اثرت على تقديمي للإختبارات .

انا شجعتها و إن شاء الله راح تكمل ولكن ابي طريقه ترفع فيها المعدل ما ادري وش رايكم هل اقول لها تسجل عدد قليل من المواد او كيف الطريقه ، هي خلصت من المستوى الاول و ناويه تسجل مستوى ثاني إن شاء الله .

هي نفسها ترفع معدلها اكثر من ثلاثه و تدريجياً حتى تصل إلى أعلى معدل قدر الإمكان

بإنتظاركم فنحن هنا نساعد بعض حباً للخير

[DaNa_F]

سوال انا نفسي احتاج اجابته :21:

[أبو راكان.]

بالإنتظار والموضوع مهم ياجماعة الخير

[♥ ρяɪиcєss]

http://www.ckfu.org/vb/t442482.html
مووووضوعي راح يفيدك باذن الله

[أبو راكان.]

موضوعك رائع و استمتعت بقراءته ولكن استفساري مختلف عنه

[♥ ρяɪиcєss]

موضوعك رائع و استمتعت بقراءته ولكن استفساري مختلف عنه
انا ماقريته عدل بس سردت الموووضوع اسفففه :7:

[هتان 2]

اخ ابو ركان انا الله يسلمك يومن رجعت للجامعه عندي طمووح ابي احققه وبأذن الله سبحانه بحققه انا معدلي 1 بسبب راسب المواد الخمس المستوى الاول بسبب انني لم اذهب للأمتحانات وقررت الرجوع ولم اعلم بالمعدل تراكمي فلله الحمد عدت المواد وجبت 2.33 تراكمي وعديت ولله الحمد ومن ثم المستوى الثاني قللت من المواد بحيث ابي ارفع نسبتي وجبت ولله الحمد 2.96 المعدل المطلوب كما قالو الزملاء بأذن الله فووق 3 وانا وواعوذ بالله من كلمة انا بتخرج بأذن الله بمعدل فوووق 3.50 نعمه من ربي سبحانه هذي الاشياء الي مريت فيها اتمنى انها تفيد زميلتك موفق ياررب

[أبو راكان.]

يابعد قلبي عسى الله يوفقك و تجيب أعلى مما تتوقع


افهم من كلامك أن تقليل المواد أكيد يرفع المعدل بإذن الله

بما انك مريت بالتجربه وش تنصح فيه هل مثلاً اقول لها تسجل ثلاث مواد أو اربع كحد اقصى في المستوى الثاني

انتظر ردك بارك الله فيك

[هتان 2]

شف انصحها الله يحفظها تاخذ 4مودا لرفع المعدل للحد الاقصى بما ان الاسئله من 50 سؤال سهل جدا رفع المعدل ربي يحفظك لان الاسئله تعتمد على النماذج السابقه صحيح مو كل المدرسين يجيبو ن من نماذج سابقه بس الاغلبيه كذا انصحها تاخذ تقنية المعلومات والاقتصاد الكلي والعقيده الاسلاميه والاخلاق الاسلاميه واداب المهنه واذا كانت جيده كمان بالانجليزي تاخذها 5 مواد سهلين جدا بأذن الله قووول لها خلي هدفها aموجب فرصه جدا 50 سؤال وربي رفع معدلات كثيرر طلاب ماتوقعوو هالشي وان شاء الله يستمر هنظام وربي يوفقهاا يارررب :21:

[هتان 2]

لا ن الفصل القادم السمسترر طووويل جداا قل لها 5 مواد تاخذهم وتدرسهم زين وتذاكر النماذج السابقه كل الحرص كل الحرص على نماذج السابقه لاني انا استفدت منهمم كثير

[ابو نآآآآيف]

وعليك السلام ورحمة الله ..
اسمع يابو راكان المعدل باقي في يدها مدام توها اول سمستر
بيدها ترفعه فوق الثلاثه وبكل سهوله بس تشد على حيلها مضبوط
وعلى فكرة اسمع هالمعلومه ويمكن الي قبلي يعرفونها اكثر مني المعدل بيدك اول سنتين تلعب فيه
بعد كذا خلاص ان طلع طلع شي بسيط ون نزل ينزل شي بسيط
بالتوفيق للجميع

[طالب رضاك]

هلمووو الي هههههههه >> تباً لك الهذا جمعتنا


على راسي يالغالي

[أبو راكان.]

اخوي هتان بارك الله فيك و ادعوا الله ان يوفقك في حياتك عموماً و في دراستك خصوصاً

صراحه انت مثل الذهب و اصيل وتحب الخير وجزاك الله الف خير

بإذن الله راح اوصل لها نصيحتك


شاكر لك حرصك والله يحفظك و يرعاك :2:

[هنادي خالد]

افضل شيء تاخذ 5 مواد او 4 على الاقل اول مستوى

ووتحاول تسمع الدكتور وتخطط

عليه وتقرأه اكثر من مره

ولو يمديها تذاكر من الحين

تمسك كل يوم محاضره

وبس تخلص كل الماده تمسك النماذج وتمسك سؤال سؤال وترجع له بالمحتوى

وربي بذي الطريقه تثبت المعلومات

وانا جربت ذي الطريقه من وحده من بعد ماكان معدلها 1.55 وربي صار 3 وزياده ما شاء الله

كله بفضل ربي


بس يبي لها تاخذ الامور بشويش وتبدء تمسك محاضرة محاضرة وان شاء الله معدلها مايقل عن 4

[أبو راكان.]

اخوي ابو نايف الله يوفقك و يعطيك العافيه على نصيحتك


اشكرك جزيل الشكر على ردك وراح اوصل لها كلامك اللي يجلب الراحه النفسيه صراحه وانا مالي دخل ارتحت كيف الي شايله هم المعدل


طالب ينبع يسلم راسك

[DaNa_F]

هنادي مشكوره فديتك طيب وش يصير ع الساعات وش وضعها من قصة رفع المعدل


اسفه ابو راكان سالت في موضوعك :42:

[أبو راكان.]

اختي هنادي خالد


بارك الله فيك و ادعوا الله عز وجل ان يوفقك و ييسر لك كل عسير


شكراً من الأعماق

[أبو راكان.]

هنادي مشكوره فديتك طيب وش يصير ع الساعات وش وضعها من قصة رفع المعدل


اسفه ابو راكان سالت في موضوعك :42:

الموضوع للجميع وعلى الرحب والسعه اختي

[هنادي خالد]

هنادي مشكوره فديتك طيب وش يصير ع الساعات وش وضعها من قصة رفع المعدل


اسفه ابو راكان سالت في موضوعك :42:



انا خليتها تاخذ 12 ساعه
وكنت يوميا اكلمها واخليها تذاكر محاضرتين رغم ان موادنا مختلفه كنت اضبط جدولها قريب من جدولي

وكل نهايه اسبوع اسوي لها زي الاختبار امسك الجزئية يلي خلصتها واعطيها كم سؤال وتحله الحمد لله


يعني الترم ذا لو اخذت بعد 12 ساعه ان شاء الله تجيب 4

[هنادي خالد]

اختي هنادي خالد


بارك الله فيك و ادعوا الله عز وجل ان يوفقك و ييسر لك كل عسير


شكراً من الأعماق

اجمعين يارب

العفو اخوي :16:

[DaNa_F]

مشكوره هنادي الله يعطيك العافيه يارب

تسلم اخوي ابو راكان

والله يسعدكم ويوفقكم جميعا :16:

[هنادي خالد]

مشكوره هنادي الله يعطيك العافيه يارب

تسلم اخوي ابو راكان

والله يسعدكم ويوفقكم جميعا :16:

العفو يالغلا ... يعافيك يارب

:16: