استفسار عن التسجيل

[shy rose]

السلام عليكم ورحمة الله وبركاته

بخصوص القرار انووو اللي الساعات عندها 14
لازم تروح الجامعه عشان تسجل !!


انا كيف اعرف كم ساعه حاطين لي ؟؟

انا معدلي الحالي 2.30
بس مع التراكمي صار 1.68

كم ساعه لي ؟؟

[خواطر انسآن]

وعليكم السلام والرحمة
اختي اهم يقصدون الي مسجلين ساعات اقل من 12 مش 14
فآ انتي شوفي كم ساعة سجلتي في التسجيل المبكر
اذا كان اقل من 12 لازم تراجعينهم
موفقه

[shy rose]

@@

طيب انآ فآتني التسجيل المبكر !!!:31:

واعتمدت اني راح اسجل وقت التأكيد !!

وش اسوي ؟

[خواطر انسآن]

اجل لازم تراجعين مسجلة الكلية
من الفترة 20- 29 شعبان

[أم العنود]

لا لا خواطر
تراجعين الان مسجلة الكلية اذا كنتي 2013 تراجعين الكلية
واذا 2012 او 2011
تراجعين مسجلة الكلية بالجامعه وتاخذين معك اسماء المواد والسي ار ان
الله يوفقك

[shy rose]

ام العنود حبيبتي يعطيك العافيه انا .. سنة 2012

يعني اروح الجآمعه ؟!

طييب متى أخر وقت ؟
لآني حالياً بالدمام ..

[هديل الورد]

طيب ام العنود انا دفعة 2012 وعدد ساعاتي الي سجلتهم اكثر من 12ساعه وانا امشي مع الخطه بس في مادتين تخصص مادخلو لي شلون وضعي ؟؟؟؟ارجود الرد ضرورري

[Dr. chemistry]

طيب خلص وقت المرآجعة ولا آيش ؟

أنا جدولي بالطول والعرض مايضببط آبد ، إلا في حالة وسّعو لي معمل وآحد على الاقل ولا لازم آسحب على مادة :36: آبي آمشي ع الخطة لييش يخلونا نتخلف عنها بسبب قآعاتهم الضيقة ><"

[أم العنود]

عموما الكل خلاص راح ينقل الجامعه كل الدفع لكن 2012 ومادون راح يكونون في مبنى
ودفعة 2013 واعلى بيكونون في مبنى
لكن ايهم المبنى القديم وايهم المبنى الجديد والله مادري
حبيبتي اللي من دفعة 2012 تقددرين تراجعين اي يوم من ايام الاسبوع عادي ياقلبي

اللي اعلى من 12 ساعه تنتظر الى التاكيد وتجرب حظها
لان مايستقبلون الا اللي اقل من 12 ساعه

[maryam_h_ a]

الله يرج اللي مانيب قايلة ورا ماينزلون لنا موادنا مثل المدرسه فاتنا كذا ماده وبنتأخر فيذا الجامعه يامال الصلاح :44:<<اقول ورا ماتنثبرين يابنت :35::42::8:

[زوبة]

متى نقدر انراجع الكلية او الجامعة
اني دفعة 2012 وعندي مادتين بس 7 ساعات وكلهم تعارض بالوقت
انتظر لين مايفتح التسجيل تاريخ 20 واسجل لو اروح
وهل روحتي ضرورية
لاني بالدمام
وعندي بعد اخت زوجي مادخلت ليها ولا مادة بس مسافرة
ويش انسوي فهمونا

[Dr. chemistry]

‘،
،‘

آنا بكرة إن شآء الله بروح الجامعة وبشوف شبيصير معاي :/
حاسني قلبي إني بتخانق وبرجع ، بس بجرب حظي :36:

بآخذ معاي أسماء الموآد وارقام الcrn وإن شآء الله يضبط جدولي :3

[تخخفي غلآهآ]

انزين واللي مايقدر يروح
انا مسافرة وعدد ساعات اللي سجلتها اقل من ١٢
شسوي :7:

[Dr. chemistry]

السسلام عليكم

توني راجعة من الجامعة الحيين ، رحت مبنى 26 وقلت لهم عندي مشكلة بالتسجيل ، عطوني ورقة نفس اللي عبيناها في مكتب دكتورة نجلاء في الكلية اللي هي الاسم والرقم الاكاديمي واسم المقرر والمشكلة وإلخ

وقالت لي بيفتح البنر من 20 إلى 29 هالشهر ، دخلي وسجلي لك مواد !! قلت لها طيب الشعب مغلقة :confused: قالت ايي ان شاء الله بنوسعهم < :/

وبس هذا اللي صار ;s

[السوررري]

يعني نروح ضروري ولا ...؟!:12::12:

[K.14]

صووووووووووووج عمرياا خووش بشااره والله فووديتج

هههههههههههههههههههههههههههههه

بس فيه شي يضحك
الكل راح يعيد الجدول باعتبار انه ماكو سبت وجا الخميس

يعني الامور راح تنقلب فووق تحت والمفروض الكل يدخل عشان يغير الجدول

[بنت القحاطين]

يعني نروح ضروري ولا ...؟!:12::12:

يب عشان تسجلين المواد اللي تبينها عشان يوسعون الشعب للمادة

[أم العنود]

كوثر ماراح تغيرين جدولك اللي بيصير الجداول بتنتقل الاحد بدل السبت وهكذا
او الخميس بدل السبت يعني مسميات الايام بس بتتغير

[K.14]

:cheese::cheese::cheese:

[beroom]

لحظظظه @@"
هنااكك شيء أستوقفني @@"
أم آلعنود ؟؟!!
آلحين حتى دفعتنآ 2013 ينقلوهم للجآمعه ؟؟!!
لآني أسآسآ حتى لمآ دخلت آلجدول قبل شوي ..
جلست أدور شعب آلحآسب آلحروف م لقيت آلشعبة آللي أنآ مدخلتهآ @@"
كلهم أرقآم عدآ شعبة أو شعبتين بس حروف ومو من ضمنهم شعبتي آللي أنآ مدخلتهآ ..
من غير إن في لخبطه كبيرة جدآ في آلجدول!
وفي مسميآت آلآيآم ..
يعني في موآد وقتهآ آلسبت وفي موآد آلخميس @@"
ومآ حنآ عآرفين لهم مله ولآ مذهب !!!

[أم العنود]

ايوا حبيبتي بإذن الله بتنقلون كلكم الجامعه .
موادك افضل ادخلي البانر
التسجيل
السجل التاريخي للتسجيل وشوفي شعبك

[أم العنود]

الشعب صارت كلها ارقام ماعدا مواد السنة التحضيريه
لانكم كلكم نقلتوا الجامعه

[beroom]

:38::38::38::38:
ورطونا بزيادة
عموما شكرا ي بعدي م قصرتي :16:

[Dr. chemistry]

‘،
،‘

تدرون شاللي رآفع ضغطي ؟
أن اليوم الخميس والبنر بيفتح السبت وللحين ماتوسعت الشعب ، يعني شلون نرتب جدآولنا ><"
وقسم بالله وضع مُزري :/

[نهر الوفاء~]

سلام عليكم ورحمة الله وبركاتهـ

ام العنووود شكل دفعة 2010 بتنقل للمبنى الجديد لان ارقام المباني في البنر تغيرت مو نفس اللي قبل
نفس كذا
علوم طالبات جديد 0523057

:42:

[أم العنود]

تقريبا اللي وصلني ان 2010 و2011 و2012
المبنى الجديد بس والله مادري
و2013 و2014 المبنى القديم

[K.14]

:26:

[K.14]

ييعني صج اذا كل الناس بتروح الجامعه عادي نسجل اللي بالحروف في الجدول الكبير صح

[جنان المسك]

يعني ابي افهم الحين نرجع نرتب جداولنا من جديد وش هالخربطه هذي

[beroom]

لا ما اظن ان لازم ترجعي تسوي لك جدول او تغيري مواد التخصص ..
اعتقد فقط مواد كلية الاداب اللي المفترض انها تتغير والمواد العامه ..
لان انا وقت دخلت البانر تغيرت المواد ماعدا مواد كلية الاداب وفيزيا عامه 3 ..

[beroom]

كوثر الحروف اللي ف الجدول ذي خاصة بالبنات اللي في الكليه اتوقع ..
اللي سجلوآ على بداية السمس الثاني واللي بيجون السنه ..

[K.14]

لا فيه مواد من مستويات ثانيه برد اشيك ع الجدول ثانيه

[beroom]

انا عن نفسي كل يوم ادخل هالجدول القاه متغير
وكل م سويت جدول لقيت اليوم الثاني انهم مغيرين وعافسين كل الدنيا
يعني مدري بيتوبوآ

[أم العنود]

حبيبتي اللي تغير مسميات الشعب والايام الاحد صار جدول السبت والاثنين جدول الاحد وهكذا ...... والخميس صار جدول الاربعاء

[beroom]

لا ي عزيزتي ..
مش بس الايام ..
يعني انا راح اخذ فيزيا عامه 2 ..
وتفاضل وتكامل 1 ..
كل ما جيت ازبط لي جدول على هالمادتين كل مره ادخل ..
القى الوقت اختلف ..
يعني كانت مثلا عندي شعبة c ع ما اعتقد قبل لا يغيروا الشعب ..
وما اذكر بالضبط كم كان وقتها ..
بعدين غيروآ آلشعب إلى ارقام ..
وماكان فيه إلا شعبه وحده مفتوحه للفيزيآ 2 في الجآمعة اللي هي شعبة 60 وأنآ آخذتهآ ع أسآس قلتي لنآ إن خلآص حتى دفعة 2013 رآح ينتقلوآ للجآمعة ..
ومآ كآن في غير هآلشعبه وكآن وقتهآ الاحد والثلآثآء ..
الاحد من 9 ونص الى 10 و20
وما في إلا معمل واحد إللي هو معمل 81 يوم الاحد من 20 ونص الى 12 وعشر ..
هآلكلآم كآن آلبآرح ..


وأنصدم آليوم يوم دخلت ولآ مخربطين ف الجدول مره ثآنيه ..
وحآطين أكثر من شعبه فيزيآ 2 ..
وآلشعبة إللي أنآ أعتمدتهآ ..
آللي هي شعبة 60 تغير وقتهآ ..
إلى يوم آلآثنين ..
من 9 ونص إلى 10 و10 ..
ومن 10 ونص إلى 12 و10 ..
وفي 3 معآمل ..
وآلمعمل إللي أنآ أعتمدته معمل 81 تغير إلى يوم الأثنين ..

يعني بآلله وش هآللخبطططه آلبآآيخه ؟؟؟!!!!!!!!
بكرآ آلبآنر بيفتح وأحنآ للحين م سوينآ جدول نعتمده بسبب لخبطتهم آلدآيمه فيه ؟؟!!!!
يعني كيف أنآ بيزر عقلي ب صرآحه !!
جدولي بآلطول وآلعرض مب جآي يضبط فيه .. إلآ بآللفقه 4 موآد وزين منهم يجوآ 12 سآعه ..
بآلله كيييييييييييييييييففففف هآلسخآفه هذي ؟؟!!
أنآ من جد تلفت أعصآبي وإجآزتي ليمآ ذحين م تهنيت فيهآ بسبة هآلجدول آلسخيف ؟؟؟؟!!!

[أم العنود]

طيب حبيبتي ليه انتي متوتره هدي وسمي بالرحمن وكل شي بيزين ان شاء الله
والجداول لسى ماانتقلت كل المواد فيه مواد تلاحظينها للان السبت
البانر بيكون مفتوح من 20-29
وماعليك خوف اذا انتي مسجله 12 ساعه
واذا انتي دفعة 2013 واقل من 12 س وراجعتي الكليه وطلبتي اضافة مواد بتلاقينها اضافت

[أم العنود]

ايوا حبيبتي طبيعي ان الشعب زادت لان شعب الاحرف تحولت لارقام
وبناء ع كلامك ماصار تغير بالجدول بس ان صارت فيز2 بدل الاحد الاثنين وهذا طبيعي
انتي موادك كلها بتنتقل كذا بناء ع ان الاحد بيكون اول يوم ب الاسبوع وبيحل مكانه جدول السبت
والاثنين بيكون جدول الاحد
رياضيات تقريبا عدلوا كل موادهم
لكن فيز و احياء لسى ينقلون الايام

[أم العنود]

اتمنى يكون شرحي واضح

[beroom]

مششكورة طيب ..
بس أنآ أرتفع ضغطي إني كل مآجيت أسوي جدول ألقى آلجدآول رجعت أعتفست ومآكو شعب ..
وآنآ مآسجلت 12 سآعه أنآ سجلت أقل منهآ ..
ومرررره مو جآيه تضبط معي آلحسبه يعني مرره آلموآد آللي بدخلهآ كل مره تصير عندي 11 سآعة ..
طيب من وين أجيب لهم مآدة عدد سآعآتهآ 1 ؟؟
وأنآ مآبي أضحي بمآدة عن مآدة ..
ومآ رآح يرضى أضيف أكثر من 12 ..
يعني كل شيءء خربططه بقووه ..
حييل مرتفع ضغطي

[Eve_44]

السلام عليكم
بخصوص التسجيل يقولون بنسجل المواد من جديد وبتنحذف المواد اللي سجلناها هل الكلام صحيح ولا لا :7:

وان التسجيل بكرا

ودفعه 2013 بينتقلون للجامعه ؟؟

[درة الكوثر]

وعليكم السلام

ماسمعت هالخبر

على أي أساس يحذفونهم ونضيفهم من جديد <<< لا أحد يكثر إشاعات

هم فقط غيرو الشعب من حروف إلى أرقام عشان النقل

وغيرو الأيام بإصدار من الملك



دفعة 2013 في الجامعه وااضح من التغيرات الي احصلت في الجداول

[أم العنود]

لا مافيه تسجيل المواد من جديد ياقلبي
بس تغيرت من احرف الى ارقام

[كبرياء دمعة]

يعني الحين دفعة 2012 و2013 بينتقلوا الجامعة ؟؟
والكلية العلمية بس السنه التحضرية ؟؟
طيب والمدينة الجامعية ؟؟


؟؟؟؟

[أم العنود]

من قال ان السنه التحضيريه بالكلية
انا ذكرت ان الكل بينقل بإذن الله
من بيكون بالمدينة ومن بيكون بالمبنى القديم هذا تعرفونه بإذن الله اذا داومتوا

[كبرياء دمعة]

اها
الله يعطيك العافية أم العنود
بس بسألكِ تعرفين المدينة الجامعية وين باالضبط قريبة من الجامعة أو بعيدةعنها بس عشان نرتب أمورنا مع السواااق

[أم العنود]

داخل الجامعه حبيبتي

[كبرياء دمعة]

داخل الجامعه حبيبتي
يعني المدينة الجامعية داخل الجامعة
يعني لو فرضنا رحنا الجامعة أو المدينة الجامعية المدخل واااحد بس عشان السوااق تعرفون لازم نحجز من وقت

[آضغاث آحلام]

طيب الي عفسوا بجداولهم مثل حالتي وخلوا لهم تعارض ايش يسوون نقدر بكرة نزبط الوضع

[أم العنود]

كيف تعارض اضغاث يمكن مواد لسى ماتصحح ايامهم بعد النقل من السبت للاحد

[maryam_h_ a]

:41:اللي تسمع اشاعات لاتجيء تلخبطنا الا اذا كانت متأكده من كلامها

[وصايف الخير]

أنا بعد حاذفين لي مقرر افيدونا الله يعافيكم معدلي مرتفع والماده مالها متطلب ليش يحذفونها !

[maryam_h_ a]

مرحبا... فتحت البانر بس مكتوب من 26 شعبان الى 28 ؟؟

يعني مانسجل باقي المواد الا بهالتاريخ ولا كيف الوضع

[NOOR ALHUDA]

ايه بتسجلين المواد في هذا اليوم لأن انتي اقل من ١٢ ساعه

[maryam_h_ a]

:16:

[Leewn]

بنات انا رتبت لي اربع مواد بس لان هذا الي مسموح لعدد ساعاتي والحين دخلت البنر لقيتهم حاذفين لي ماده وهي كيمياء عامه ١
وصارت عدد ساعتي 8 :39: ليه حذفوهاا ؟ ولازم اروح اراجع الكليه :36: ؟ لاني موب من الاحساء ومقدر اروح الكليه الحين :12:

[زوبة]

عندي مادة مقدمة في الحاسب الآلي
يصير آخد استادة النظري غير العملي ولا لازم نفس الاستادة للعملي والنظري

[درة الكوثر]

زوبه

أتوقع عاادي مافي مشكله إذا البنر دخلهم لك

[حكآيه هدوء]

السلام
حبيت استفسر ..!
عندي محاضره تنتهي الساعه 1
يصير ادخل محاضره تبدأ الساعه 1 ؟!

:39:

[NOOR ALHUDA]

عندي مادة مقدمة في الحاسب الآلي
يصير آخد استادة النظري غير العملي ولا لازم نفس الاستادة للعملي والنظري

عادي مافي اي مشكله

[NOOR ALHUDA]

السلام
حبيت استفسر ..!
عندي محاضره تنتهي الساعه 1
يصير ادخل محاضره تبدأ الساعه 1 ؟!

:39:

لا كذا اتوقع البانر ما راح يسجلها لأن حيكون فيه تعارض
انتي متأكده تنتهي الساعه 1 مو 12:50

[حكآيه هدوء]

لا كذا اتوقع البانر ما راح يسجلها لأن حيكون فيه تعارض
انتي متأكده تنتهي الساعه 1 مو 12:50

ايوه تبدأ 11:30 - 1