اللغة الانجليزية جميع المحاضرات المباشرة لمادة ادب اطفال [الأرشيف] - ملتقى طلاب وطالبات جامعة الملك فيصل,جامعة الدمام

ذكيه ميه بالميه

2013- 6- 16, 06:58 PM

المحاضرة المباشرة الاولى

اللي اخذوا مادة ادب اطفال انصحهم انهم يتابعوا المحاضره المباشره المسجله لان الدكتور حط لنا شرائح مهمه مختصره كمراجعه << و احس انها بتجي بالاختبار

عموما ً الماده جددداً سهله وواضحه و هالدكتور الكل يتفائل منه بكل خير و الحمد لله الاغلبيه اخذ امتياز بجميع مواده

راح احط لكم الشرايح اللي قدرت الحق عليهم و اظن فاتتني شريحتين

اكّد لنا الدكتور عبد الجواد النادي ان الاختبار راح يكون 50 سؤال ايضاً مقسم عليها 70 درجه

للاسف الى الان حضور الطلبه ضعيف و قليل .. اتمنى منكم الاهتمام بحضور المحاضرات بحكم ان الدكاتره ما يردوا على ارقام جوالاتهم او بالاحرى مالهم ارقام جوالات

ذكيه ميه بالميه

2013- 6- 16, 07:12 PM

الملف يحتوي على الشرايح المهمه في ادب الاطفال في المرفقات

ذكيه ميه بالميه

2013- 6- 18, 07:01 PM

المحاضرة المباشرة الثانية

الحمد لله تم الانتهاء من المحاضره الثانيه المباشره من مادة ادب اطفال

في المحاضره تابع الدكتور في ايضاح بعض النقاط و اعاد شرحها

و كالمعتاد سألنا اذا عندنا اسئله < طبعاً جاوبناه بان الصراحه ما امدانا نذاكر عدل لجل نجهز الاسئله بحكم ان المحاضرات المباشره متقاربه (( و بصراحه انا غاطسه بمادة الترجمه التتابعيه ))

قال لي احنا نبي نخلص قبل لا يجي رمضان لجل كذا المحاضرات المباشره ورا بعض (( و عذرنا اننا مو مجهزين الاسئله )) و قال توعدوني تجهزوا اسئلتكم بالمحاضره الجايه << قلنا وعد (عاد الله يستر بحاول اضغط على نفسي شويتين)

سألته عن سؤالين بالمحاضره الاولى مو محلولين بالمحتوى بس اتوقع انه حلهم بالمحاضره المسجله ( عنّي انا ما تابعت المحاضره المسجله ) بس اذاكر من المحتوى و الحمد لله طلعت الاجوبه صحيحه

ذكيه ميه بالميه

2013- 6- 18, 07:08 PM

الشرايح اللي تطرّق لها الدكتور بالمحاضرة الثانيه بالمرفقات

ذكيه ميه بالميه

2013- 6- 22, 09:49 PM

غداً .. المحاضره المباشره الثالثه لمادة ادب اطفال

في الاوقات التاليه :

الطالبات >> من 6:30 الى 7

الطلاب >> من 7:15 الى 7:45

kmsj1234

2013- 6- 22, 10:16 PM

الله يجزاك خير بس المحاضرات المباشره ما تتحمل معي ما ادري وين المشكله

ذكيه ميه بالميه

2013- 6- 23, 05:40 PM

الله يجزاك خير بس المحاضرات المباشره ما تتحمل معي ما ادري وين المشكله

يمكن خلل بالسستم لأن حتى معي ما تتحمل

راح اسأل الدكاتره اليوم و كمان يوم الثلاثاء بسأل الدكتور الفريدان

ذكيه ميه بالميه

2013- 6- 23, 06:36 PM

وما زلنا ننتظر حضور الدكتور ...

ذكيه ميه بالميه

2013- 6- 23, 06:42 PM

بدت المحاضره

ذكيه ميه بالميه

2013- 6- 23, 07:11 PM

المحاضره الثالثه المباشره بدأها الدكتور بشرح لبعض النقاط ((عن قصة سكة الحديد)) و صنّف لنا بعض المعلومات في جدول راح تلقون الشرايح اللي تطرق لها بالمحاضره في المرفقات

طبعاً قلنا له عن المحاضرات المباشره المسجله ان فيها خلل << ما تتحمل

^ قال راح اكلم لكم المسؤولين عن هالمشكله << الله يجزاه الخير

بصراحه اشوف الماده جداً واضحه و سهله و الدكتور يقول لنا اسألوا بس محد سأل و شكرناه على وضوحه و امانته في ايصال المعلومه لنا بشكل سهل و سلس << عنّي انا حبّيت جميع مواد هالدكتور و اتفاءل خير دائماً منه .. اللهم لك الحمد اولاً و اخراً على وجود دكاتره جداً حريصين على ايصال المعلومه

و الله يهدي اللي يحوّروا في موادهم رغم سهولتها << بدون ذكر اسماء :30:

ذكيه ميه بالميه

2013- 6- 23, 07:15 PM

المحاضره المباشره الرابعه راح تكون في يوم الثلاثاء بتاريخ :

16/ 8 / 1434 هـ
25/ 6 / 2013 مـ

في تمام الساعه 6:30 للطالبات

~Queen~

2013- 6- 23, 09:09 PM

الف عافيه حبيبتى ذكيه :1::16:
المشكله عندي انها تتعارض مع الترجمة الابداعية :22: / فاضطر انى اكتم صوت الادب واسمع الترجمه :40:
صارلي 3 محاضرات على هالحال والمسجل المباشر ولا شي منه يفتح :23:

الله يسهلها علينا واشوفك على خير يا عسل :37::11::16:

جُ ــنُونُ

2013- 6- 23, 11:03 PM

بحاول أحضر الرابعه

من حظي الفاشل اني ماخذه ثلاث مواد وللحين مافتحت شي شغالتي اجازه ومالقيت شغاله أجار:12:

عسى بس الماده سهله ؟؟

أنا حسيتها مرره جميله بس للحين ماذاكرت كويس

ذكيه ميه بالميه

2013- 6- 24, 05:55 AM

بحاول أحضر الرابعه

من حظي الفاشل اني ماخذه ثلاث مواد وللحين مافتحت شي شغالتي اجازه ومالقيت شغاله أجار:12:

عسى بس الماده سهله ؟؟

أنا حسيتها مرره جميله بس للحين ماذاكرت كويس

حبيبتي الماده جداً سهله و بيمديكي تلحقي

من المحاضره 1-5 معلومات عامه

لكن من 6-14 راح تكون عن رواية (سكة الحديد) << و ترى الدكتور حاط لنا اسئله كثيره ورا اغلبية المقاطع بالمحاضرات يعني لا تشيلي هم

موفقه بس حاولي تشدي على نفسك شوي قبل لا يجي رمضان .. لان برمضان راح ننضغط بالعباده و الاهل :21:

سمسووومه

2013- 6- 25, 03:49 AM

ذكيه ميه بالميه (http://www.ckfu.org/vb/u52461.html)

انت مافيه منك ثنتين

:43:

ذكيه ميه بالميه

2013- 6- 25, 05:49 PM

يا جماعه الظاهر ان المحاضره الرابعه المباشره تأجلت

لانه مو متواجد لها رابط حضور :30:

بس مو حاطين عنها اعلان تأجيل :39:

و المشكله مجهزين ملف المحاضره المباشره المسجله :20:

anasf

2013- 6- 25, 05:51 PM

صحيح شكلها تأجلت
شكرا لكى:29:

ذكيه ميه بالميه

2013- 6- 26, 07:53 AM

المحاضره الخامسه المباشره راح تكون في يوم الاحــــــد

للطالبات > 6:30
للطلاب > 7:15

اما بالنسبه للمحاضره المباشره الرابعه الى الان لا توجد اي معلومه عن تحديد موعد جديد لها

kathy

2013- 6- 27, 08:39 PM

حبيبتي من غيرك نضيع

يعطيك العافيه

:37:

shush.saud

2013- 6- 28, 02:33 PM

تسلميييين يعطيك الف عافيه والماده قميلة قدن :13:

ذكيه ميه بالميه

2013- 6- 28, 07:59 PM

نزلت المحاضره المباشره الرابعه كـ "مسجله"

الشرايح اللي ذكرها الدكتور في المرفق

ذكيه ميه بالميه

2013- 6- 28, 08:11 PM

تم تغيير مواعيد حضور المحاضرات المباشره 5 و 6

المحاضره الخامسه المباشره لمادة ادب اطفال ستكون في يوم الاثنين بتاريخ :

22/ 8 / 1434هـ
1/ 7 / 2013 م

الطالبات >> 6:30

الطلاب >> 7:15

المحاضره السادسه المباشره و الاخيره لمادة ادب اطفال ستكون في يوم الاربعاء بتاريخ :

24/ 8 / 1434هـ
3/ 7 / 2013 م

الطالبات >> 6:30

الطلاب >> 7:15

ذكيه ميه بالميه

2013- 7- 1, 06:37 PM

بدت المحاضره المباشره الخامسه ادب الاطفال للطالبات و بانتظار الدكتور :21:

ذكيه ميه بالميه

2013- 7- 1, 07:41 PM

المحاضره كانت جداً ممتعه

طبعاً ختمنا الماده مع الدكتور و للاسف ما لحقت على كل الشرايح بس بحط اللي قدرت عليه + ان الدكتور عطانا مثالين على اسئلة الاختبار ..

الشرايح في المرفق + سؤالين من اسئلة الاختبار

و اشكر الطالبه اللي وسّعت صدرنا بالمحاضره << مت ضحححك على حركتك يا بنت و اللي زادها ان الدكتور قام يقراها بطريقه تضحك الله يسعده فلاوي :5:

ع/الجواهرة

2013- 7- 1, 09:21 PM

شكراً لك يا ذكية مية بالمية والله يوفقك وأنا بصراحة إستفدت من مواضيعك المفيدة و إلى الأمام والله يوفقنا جميعاً ...تحياتي لك..

ذكيه ميه بالميه

2013- 7- 3, 06:34 PM

بدت المحاضره السادسه و الاخيره لمادة ادب اطفال

ذكيه ميه بالميه

2013- 7- 3, 07:04 PM

ملخص المحاضره المباشره السادسه و الاخيره من مادة ادب اطفال ..

وحده سألت الدكتور :
children's literature dates back to
1600-1700-600

قال لها الجواب : 600

why children prefer reading Gulliver travels and robinson crusoe to reading books by scholars and preachers

الجواب في المحاضره

what is meant by illustrations in the field of the novel

الجواب في المحاضره

what is the years of railway
1945-1906

الجواب : 1906

يعني يا جماعة الخير حل الواجب الاول و السؤال الاول فيه بيكون غلط << مع ان السستم معطينا الدرجه الكامله في الحل

- When was The Railway Children published?
a. 1945 < احنا اخترنا هالجواب
b. 1850
c. 1906 < و لكن الحل الصحيح هو هذا
d. 2000

وحده طلبت من الدكتور الطلب التالي ..
dr . do u know same wibesite or bookses usefull to us to countnue read as intersting story

فاعطانا الدكتور رابط مفيد ..

http://100questionsghz.blogspot.com/

^ فيها كتابات الدكتور :21:

موفقين ان شاء الله في مذاكرة الماده و اختبارها .. :16:

anasf

2013- 7- 3, 07:17 PM

ذكر الدكتور انه مسافر بكرة الى أمريكا على طول
اي ما راح يرجع......شكرا لك دكتور-حياة موفقة ان شاء الله

ذكيه ميه بالميه

2013- 7- 3, 08:48 PM

ذكر الدكتور انه مسافر بكرة الى أمريكا على طول
اي ما راح يرجع......شكرا لك دكتور-حياة موفقة ان شاء الله

يوم سمعته انه يقول بيسافر افكره يقصد انه بيروح اجازه و بيرجع .. اثره بيروح و ما عاد بيرجع افكره يمزح لانهم كانوا كاتبين اسم دكتور ثاني :12:

Lovelyy

2013- 7- 6, 07:32 PM

الف شكر ....
الدكتور جواد يعني ماعاد بدرسنا خسارة هو من افضل الدكاترة الي درسونا اللة يوفقة

ذكيه ميه بالميه

2013- 7- 8, 06:37 AM

الف شكر ....
الدكتور جواد يعني ماعاد بدرسنا خسارة هو من افضل الدكاترة الي درسونا اللة يوفقة

من جد الواحد يتحسف على خسارة دكاتره مثل الدكتور عبد الجواد النادي

نسأل الله ان يوفقه :16:

صحيح نسيت اخبركم ان الدكتور عبد الجواد النادي يوم سألناه عن المحاضرتين 13 و 14 هل هم محذوفات .. قال انا ما راح اقول انهم محذوفات .. لكن اقدر اقول لكم انه لا تركزوا عليهم كثير ..

الزبده لحد يشيل هم اخر محاضرتين من الماده و شكراً :21: