شوية استفسارات .. وسالفه حلوه *-^ [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : شوية استفسارات .. وسالفه حلوه *-^

Ambition

2013- 6- 20, 12:23 AM

السلام عليكم ورحمة الله وبركاته

اجازه صيفيه دراسيه مجتهديه سعيده ان شااء الله

بما اني منقطعه شبه انقطاع تام عن الملتقى بسالكم كمممن سؤال
الرياضيات مالقيت له شي هنا .. معقوله محد اخذ هالماده ..وغير كذا ابي اعرف المحاضرات نفسها ماتغير شي عن الترم اللي راح او هي نفسها .. لان ناويه احملهم كلهم واتابعهم مره وحده اذا هم ماتغيروا ...
وبعد شنو صار في المحاضره المباشره ؟؟

ثاني سؤال .. تصميم وتطوير هل هي نفس محتوى ومحاضرات الترم اللي راح او في تغيير .. لان بحملهم وبتابعهم مره وحده
وشنو صار في المباشره .

اللي بعدو

شسالفه المحاضرات المباشره السته 

وشنو بعد ... مممم .. متى وقت الاختبار ليل او نهار .. والساعه كم ؟

باختصار ابي امهم والزبده لان بخلص كل شي في الويك اند قبل السبت ..

وشسمه بقولكم على التدريب اللي دخلت فيه بهالصيف

دخلت مركز التاهيل الشامل بالاحسااء بعد شهر يعطوني شهاده
الوضع يهبببببل

عالم ثاني حييييل .. والتعامل معاهم مو ذيك الصعوبه اللي تخيلتها ...

عالم برييئ برييييييئ بريييييئ

اطلعت على حالات كثيره ... فيهم اذكيااااء .. وفيهم اذكيااء ذكاء خارق والتعامل معهم مع الايام يكون سهل

حلو ان يكون عندي خلفيه لهالشي عشان وقت التطبيق ما ارتبك او ماعرف شنو اسوي ...

مسكت خمس حالات مختلفه ..

اعاقه عقليه
اعاقه سمعيه وحركيه
اعاقه حركيه بس مررره ذكيه وتحب تتعلم
اضطراب نطق واعاقه حركيه
اضطراب نطق

بس التعامل معاهم روووووعه ... :21:

بس حبيت اغير جو عليكم بهالسالفه واحمسكم :42:

منـار

2013- 6- 20, 01:31 AM

وعليكم السلام والرحمة
أهلا وسهلا .. امبيشن
بجاوبك باللي وصلني ، الاختبار في الاحساء بعد صلاة التراويح .. بعدين نتسحر عندك :17::35:
اللقاء 6 مرات مادري ليه احنا 3 وما يلحق .. اغلب الاحيان الاخيره منسوخه من الثانيه او تكون لماده ثانيه .. دوت ماعرفش العمل كيف ..
الاختبار يبدأ السبت 11/ شهر رمضان ،،
:
: الى 5 ايام 16/شهر رمضان ،، نعمل قرقيعان هناك :35:
الرياضيات انا مثلك مالقيت هنا ..
عندك في الافتراضي نزل نص المنهج 7 محاضرات ../ واجب 1 /
طمنتينا وباين حلوو التطبيق ، .. انتهى تطبيقك الميداني وعندك بعض المواد ؟
تصميم وتطوير قرأت انه نفسه في الملتقى لو لقيت الرابط ادزه
بورك جهدك :16::17:

ٱلــــڑآآآقـيــــهُ

2013- 6- 20, 03:36 AM

اولاً الف مبروك على النجاح يا زميلة دفعتي الغاليه

الزميلة منار وضحت كل شي تقريباً

وبا النسبة للرياضيات انا عندي اسئله الاختبار نموذج مصور حق المستوى الي طاف

عندي نموذجين للاسئله حق سنه 1433 و 1434 مع اسئلة المراجعه الي با الخدمات

وان شاء الله انزلها لكم على الاسبوع الجاي لااني الان مسافره واول ما ارجع للبيت

افتح موضوع واضيف كل نماذج الاسئله المصوره وفي عندي اسئله مكتوبه على ورد

وبا التوفيق يارب

Ambition

2013- 6- 20, 04:37 AM

Ambition

2013- 6- 20, 04:38 AM

الراقيه مشكوره وربي يعطيج الف عافيه

انا بعد عتدي النماذج اللي قلتي عنها وطبعتها بس كنت ابي اتاكد ان ماتغير شي

ح ــــكــــمـ

2013- 6- 20, 05:22 AM

كنت آتمنى أدخل هاالمركز بس الله مو كاتب

بالتووفيق لج حبيبتي :2:

Ambition

2013- 6- 20, 11:45 AM

حكمه يمديج ... حياج الله

صج بعيييييييييييييد مكانه بس حلو التدريب

* أبو نـــورة *

2013- 6- 20, 06:38 PM

لو سمحتي عندي استفسار بخصوص المركز
هل يحتوي المركز على اطفال صعوبات التعلم

منـار

2013- 6- 21, 02:34 AM

منار افا عليج تنورينا في الحسا وحياج الله العين اوسع من الدار

واللي دخلت فيه مو تطبيق تدريب عادي اخذ عليه شهاده خبره يعني تطوع .. التطبيق م الترم الثاني من السنه الجايه ان شاء الله

مشكوره ع المعلومات .. بدخل احمل عشان الحق

تسلمين يالغلا ..
وعسى دياركن معموره ...
نتمنى نلقاكم في المقر :14:
موضوع الرياضيات اعتقد كان لاختنا رحيق ..مو لاقيته ..
نستفيد من اختنا الراقية
،،
التطبيق اسهل من الدراسه الي فهمته منك .. الدراسة والمواضيع متعبه :36:

انون

2013- 6- 22, 04:01 AM

:40:

والله انا اللي طقني الحماس وتوقعت ان بس تذاكرون ست محاضرات طلعت مباشره 6

هو انتهى التسجيل ولا لا

لان ناويه ادخل التخاطب اضطراب النطق وش تشوفون هالماده صعبه ولا سهله ولا كيف

عفوك ربي

2013- 6- 23, 07:53 AM

الله يوفقك :16:
كان ودي اسجل بمركز التاهيل بس تعارض الوقت مع الصيفي

ودامك بتختبري برمضان خلينا نشوفك بالجامعه

white paper

2013- 6- 23, 05:48 PM

ماتغير شيء
بس الخوف من التطوير مانزل له محاضرات مباشرة بالجدول