الله يعافيكم شوفو لي حل مع الانجليزي؟؟؟؟

[ام عبدالعزيز 80]

اخواتي واخواني ابي منكم تنصحواني في الانجليزي انا ماحب مادة الانجليزي ومتعقده من زمان وللاسف تعقدت الحين بالجامعة بسببه انا دخلت قسم علم اجتماع وانا الان داخله مستوى ثالث بس لاسف كل ترم احمل انجليزي اول مستوى حملت الانجليزي العامه واخذته مستوى ثاني وللاسف حملته مره ثانيه والطامعة الكبرى اني اخذت المستوى الثاني انجليزي قراءه وحملته يعني الترم هذا لمستوى ثاني حملت الانجليزي العامه والانجليزي القراءه وكلهن حملتهن والله تعقدت منه وانا في كل مواد مستوى اول والمستوى ثاني كلها درجاتي حلوه الان مواد الانجليزي عقدني عاد شلون لو اخذت انجليزي كتابه كان صار خبر كانه ياخواتي وش تنصحوني مستوى ثالث وش اخذا لان والله تعقدت من الانجليزي والله كرهت الجامعه بسبب الانجليزي انا الي مصبرني المواد الثانيه درجاتي زينه فيها وحرام اترك الجامعة بسبب الانجليزي ابي رايكم جميعا الي عنده اقتراح او نظريه ثاني يقوالي ولا يبخل علي ولكم جزيل الشكر والعرفان بس امانه ابي منكم تتافعلو ن معي ولاتهملون موضوعي ؟.:39:

[العضيد1]

أم عبدالعزيز. نجحت من الإحصاء الذي كنت تسألين عنه؟
واضح أنك نجحت فيه، ما جبت له ذكر.
الإنجليزي 3 مواد إجبارية. القراءة والكتابة أسهل من العامة. خذي واحد منها مع العامة وشدي حيلك.
بس بشري عن الإحصاء؟

[مراد الجديد]

والله يا ام عبد العزيز


نفس مشكلتي حملت الانجلزي العام للمره الثانيه
وباقي المواد مثلك درجاتي حلوه وناوي اخذ المستوى الثالث
الانجليزي كتابه يقولون انه سهل والله يستر لا نجيب العيد بعد
واتمنى ان يجي من يفيدنا ببعض النصائح المفيده

[فضيل]

حاولي تشوفين شرح الطالبات بالعربي للمادة

وخذي مادة وحده وخلي الترم قليل المواد علشان تتفرغين لها

اضافة حاولي تاخذين دورة في اساسيات اللغة في الانترنت او في معهد

مافي شي صعب:21:

[ام عبدالعزيز 80]

الف شكر لكم على تفاعلكم معي وان شاالله يكون في موزين حسناتكم
واشرك ياخوي العضيد1 اني نجحت في الاحصاء ودرجتي حلوه مره.

[زورق*]

أم عبدالعزيز

بالنسبة لإنقليزي قراءة لو حفظتي الكلمات والمصطلحات تبعها نجحتي


لأن أغلب الفقرات هيك وماراح نقول ابذلي جهد بالقطع


زميلتي مثلك عقدتها الانقليزي وركزت ع الكلمات وعدت المادة


والكتابة فيها قرامر وأساسيات يمكن بشرح مدرسة خصوصي تفهمينها


لأنها سهلة ..


أسأل الله لك التوفيق والسداد

[بيوتيفول]

يام عبدالعزيز لاتصعبين المادة تصعب

انجليزي عام احفظي اسألة الترم الماضي مع الاجوبة .. الاسألة ماتتغير كثير بس يتغير فيها الاسماء والافعال والازمنه وشغلات بسيطة .. وخلك مركزة على الاجابة بدون الاسماء والافعال المتغيرة .. يمكن الازمنة تحتاج تركيز بسيط جدا .. واحفظي حاجات بسيطة مثل as لانها شبة ثابته بكل اختبار .. و a..an..the لانها تعتبر درجات مجانية واهم شي بدون ارهاق وخوف وان شاء الله تعدين

[فوق القمم]

الله يوفقك المره الجايه وتعدينه بخير

[لمياء الوزير]

والله لو أنتي بالرياض مستعدة اشرح لك المادة وأساعدك

[al_hawawy]

يااختي انا اشوف تأخرينها الى اخر ترم وتستقعدينلها افضل حل

[abo0o0d]

اختبار الانجليزي قراه عباره عن قطعتين كل قطعه 10 اسئله و30 كلمه ذاكري اختبار المستوي الماضي وان شالله تجيبي درجه زينه مو بس تنجحي .. اختبار المستوي الماضي والمستوي اليقبله والمستوي الي قبل الي قبله الكلمات نفسسسه ما تغيرت وما اتوقع تتغير احفظيها زين وتنجحي

[MR H]

ام عبدالعزيز

واضح انه بينك وبين الأنجليزي عداوة مع انها مادة سهلة

راي اختي العزيزة انك تدوري على مدرسة شاطرة تحببك في المادة ، لو جلستي على الحالة هذه ما اتوقع راح تعديها

المادة يبغالها فهم وحفظ وليس فقط حفظ

موفقة اختي الكريمة