مهم مهم ضروري و ابي مساعدتكم انا طالب تربية خاصة

[ســيـــف]

مسائكم سكر

انا عندي استفسار و اللي عنده خلفية يجاوبني , رجاء خاص للمتواجدين ما يبخل علي بالاجابة

انا طالب تخرجت من الثانوية بنسبة 95% و قدرات 81% و تحصيلي 75% و انا من اهل ظهران الجنوب
بغيت اسجل في جامعة خالد لكن فاتني التسجيل وبعد تفكير سجلت في جامعة نجران قسم تربية خاصة بحكم ان المنطقة قريبة مني
المهم
انا الحين خلصت المستوى الثاني في التربية الخاصة و بديت في الترم الصيفي (المشكلة وين؟)
المشكلة يا اخواني اني سمعت ان تخصص التربية الخاصة التوظيف فيه قليل و ماله مستقبل
علما اني مجتهد و معدلي التراكمي 4.35
و انا قلقان من مسألة التوظيف
و افكر اتقدم بالتسجيل في احد الشرك في الشرقية مثل ارامكو ولا سابك الخ واترك الجامعة و اترك التربية الخاصة
تكفون ايش تشورون علي

:12::12::12::12: خايف على مستقبلي

[almzuwna]

لازم تكمل بكالوريس لان اللحين شهادة الثانوية يعتبرونها ولاشي وحتى لو توظفت واشتغلت وبذلت جهدك راتبك مارتح يصير عالي بيوقف على حد معين
انصحك انا عن نفسي تجتهد وتكمل ماتدري يمكن تصير معيد بالكلية وتكمل دراستك على حساب الدوله لما تصير دكتور
كلمة هذا التخصص ماله مستقبل الناس اللي مايدرسون هم دايم اللي يقولونها
في شي اسمه رزقي بيد ربي وان شاء الله بدعي ربي ومن ثم انا بصنع مستقبلي بنفسي

[ســيـــف]

الله يعطيك العافية على ردك و يجزاك كل خير :29:
طيب يمديني احول انجليزي يقولون انه الطلب عليه احسن من التربية
و اللي عنده خلفية اتمنى يرد علي :22:

[منيره الشهراني]

التربيه الخاصه فيه احتياج لكن تقدر تدرس وتوظف استفسر عن أحد مخضرم في الحياه
الله يووووووووووفقك:21:

[مناكير]

ادرس شي تحبة وراح تتفوق و تبدع فية بغض النظر عن المطلوب

لان الوظيفة رزق من الله و لكل مجتهد نصيب و الشهادة راح تسندك في المستقبل

[انثى بروح طفله]

التربية الخاصة مطلوب هالتخصص وفيه توظيف لاتتطلع منه دامك قطعت هالمشوار

ولد خالي تخرج تقريبا وست شهور وتوظف صحيح طلع له بعيد في نجران بعيد عن منطقته بس توظف ولله الحمد

خلك عالتربية والرزق بيد رب العالمين:21:

[ســيـــف]

الله يعطيكم العافية و ما قصرتو على تفاعلكم

باذن الله راح اكمل في التربية الخاصة و احصل على معدل عالي باذن الله

نسيت اقولكم شي انا تخصصي صعوبات تعلم

ايش رايكم فيه ؟؟

[مناكير]

نفس تخصصي ... انا اشوف ان تخصص حلو جدا و يكفي اني دخلته رغبة

[soomee]

وعليكم السلام اخوي انا خريجه تربيه خاصه تخصص صعوبات تعلم وكل الناس قالولي مره حلو التخصص ومطلوب مره لكن تفاجئت لما تخرجت انه احتياج معلمين الصعوبات في المملكه مره قليل يعني مثلا لهذا العام 24 بس بالنسبه للرجال ويمكن البنات اقل انا اقول ان الارزاق بيد الله سبحانه وتعالى والله يرزقك ويرزق جميع المسلمين لكن يجب ان ناخذ بالاسباب بعد بس حبيت انصحك انك تحول انجليزي وتشد حيلك فيه لانه مطلوب بكل شي يعني بالبنوك وحتى التدريس واحتياجه اكبر والله يوفقك يارب