تخصص ادارة اعمال للبنات

[بيشو_9]

السلام عليكم
انا متخرجه ذا السنة من الثانوي وميولي ادارة اعمال بس ماعرف شي فيها وحابة اتعلمها
ومافتححو ادارة الاعمال الا ذا السنة واهلي يقولون انهه مو زين !!
حبيت استفسر عن مستقبل ادارة الاعمال للبنات
وايش مواد ادارة الاعمال

[مشاعِل]

موادها الاساسيه حسب ما اعرف رياضيات واحصاء
وبالنسبه للمستقبل الوظيفي فشهادتك ابد ما تحدده
الحين المهم هو الكفاءه و مو ظروري تتوظفين بشي له علاقة بتخصصك اصلا

[wejdan A]

لا يهمك كلام أحد وخليك عَ اللي أنتي مقتنعه فيه
إدارة أعمال تخصصاته حلوه ومطلوبه

أنا مثلك متخرجة السنه هذي و مَ كنت حاطه في بالي إدارة أعمال أبداً
كان ببالي شي ثاني , بس ربي مَ كتب و أخترت إدارة أعمال كذا بس

و لما قريت عنه شفت أنو مستقبله حلو ممرا ومطلوب


أذا حابه تعرفين عنه شوفي هذا الرابط
http://www.kfu.edu.sa/ar/Colleges/MangmentSciences/Pages/Home.aspx (http://www.kfu.edu.sa/ar/Colleges/MangmentSciences/Pages/studyreq.asp)

[خواطر انسآن]

انتي اهم شي تدرسين شي انتي ترغبين فييه عشان تبدعين فيه
وترا بعد التخرج محد بياخذ الا رزقه والي مكتوب له
وربي يوفقك

[بيشو_9]

مشاعل ، wejdan A , خواطر انسان :34::11:
يعطيكم العافيه وان شاء الله ربي يوفقكم .:16:
واللي عنده معلومات زياده لايبخخل علينا .

[الحالمه2]

وانا بعد زيكم اول مره اشوف اداره اعمال ونصحني اخوي واخترته
بس ماعرف شئ عنه وخوفي ادخل فيه وبالأخير مافيه وظايف
مستقبله الوظيفي للبنات خاصه مجهول
وهذا اللي خلاني اتردد بين الاداره اعمال ولا هندسه الدمام

[ريمنقو]

اللي تنقبلون فيه خير لكم .. والاداره على الارجح تتوظفون بالبنوك