تسجيل الدخول

مشاهدة النسخة كاملة : فرع الدمام كليه الغد كيف اسجل فيها

Malak2
2013- 6- 29, 11:54 PM
السلام عليكم

بغيت اسجل بكليه الغد لكن مالقيت شي بموقعهم بالانترنت كيف اسجل ساعدوني وهل اقدر اسجل بكليه المانع الطبيه بنفس الوقت وكيف اسجل فيها مو مبين شي بموقعهم والله يعافيكم انا ابيها عن طريق المنح الداخليه وجعل اللي يساعدني يعطيه ربي مايتمنى واكثر وشكرا لكم
آورنجة
2013- 6- 29, 11:57 PM
تروحين لفرعهم وتقدمين اوراقش , مو ألكترونيا ً

المانع ابتدأ تسجيل فيها ^ هذا اللي اقدر اساعدش فيه :p
انسان أنا
2013- 6- 29, 11:58 PM
أهلا بكي معنا
أولا ليتك تأخذي جولة في الموضوعات المختلفة في المنتدى فقد تم الاجابة على أسئلة شبيهة ..


بالنسبة لأسئلتك
التسجيل والتقديم يكون بذهابك شخصيا للكلية وتقدمي هناك بنفسك ... وتكون معك أوراقك ...

ما أعتقد تقدري تسجلي في مكانين لأنه لازم تسلمي شهادتك الأصلية للكلية ...
والتقديم عالمنح يكون لكلية واحدة فقط

لو تريدي صيدلة فما عندك إلا المانع
اما التخصصات الأخرى فموجودة في الغد ...
آورنجة
2013- 6- 30, 12:08 AM
المانع فيها 3 تخصصات الأ وهي ( صيدلة.مختبرات طبية.تمريض)

,, الغد آكثر من 3

انتي حابة أي تخصص عشان تسجلي بالكلية اللي تناسبش !
Malak2
2013- 6- 30, 12:11 AM
طيب انصحوني وش التخصص الزين ترا ماعرف عنهم شي طيب بنسبه للغد فتح التسجيل اروح لهم بكره

والمانع كيف اسجل بموقعهم

انا ودي اسجل بالكليتين واشوف ايش افضل.

المهم دبروني الله يدبركم
انسان أنا
2013- 6- 30, 12:31 AM
طيب انصحوني وش التخصص الزين ترا ماعرف عنهم شي طيب بنسبه للغد فتح التسجيل اروح لهم بكره

والمانع كيف اسجل بموقعهم

انا ودي اسجل بالكليتين واشوف ايش افضل.

المهم دبروني الله يدبركم
ما تقدري تقدمي عالمنحة في كليتين ، لازم تختاري واحدة
كما أنه لازم تسلمي شهادتك الأصل لو تريدي تقدمي عالمنح ...

بالنسبة للتخصص فيعتمد على ميولك وقدراتك

عندك
تمريض مختبرات أشعة ادارة صحية اقري عنهم

وفيه بعد طوارئ لكن عمله غير مريح ومجالات العمل للبنات إلى الآن غير واضحة، نتمنى من الخريجات بعد ما ينتهوا من الامتياز يشاركونا بتجربتهم بالنسبة للتوظيف


بنصحك تزوري فهرس المواضيع (مثبت) وتشوفي المواضيع التي تتحدث عن كل تخصص وتقري عنهم ... وكذلك تقدري تبحثي عنهم في قوقل ...

عموما عند التسجيل تقدري تكتبي 3 تخصصات وبعد السنة الأولى تدرسي احدهم
Malak2
2013- 6- 30, 12:58 AM
طيب وش رايك بالصيدله بكليه المانع هل هو مريح ووظيفته مضمونه وراتبه حلو
آورنجة
2013- 6- 30, 01:01 AM
بقولش بصفة عامة كونا بنات وبتفهمين علي ّ

طوارئ : تستعدي لأي جالة تجيك يعني شغل ودراسه يبي لها عقول ^^

آشعة ❤♥ ❤♥ : هذا تخصصي اللي ابيه وحآبتنه وماراح أذمه :p صحيح الكل يقولي
ظآر بس ابيه وفي سلآمة وبدل خطر

صيدلة : توصفي الأدوية للمرضى او تصرفي دواء مادري بالضبط .. بس كل أدوية العالم تحفظيهآ بالتفصيل

تمريض : شغل شغل تعب يعني الممرضة عليها كل شيء وتكون متعاونة مع كل المرضى

مختبرات : تحليل يعني وفيهآ قرف عزج الله
آورنجة
2013- 6- 30, 01:06 AM
طيب وش رايك بالصيدله بكليه المانع هل هو مريح ووظيفته مضمونه وراتبه حلو


آقري عن تخصصات اللي تبغيها بالدقة !


صيدلة زينه . . آختي تدرس بالمانع صيدلة مااشتكت من شيء ^

و ع حسب الوظيفه ^ يمكن تحصلي بسرعه ويمكن لآ .. حظ يعني :)
Malak2
2013- 6- 30, 01:39 AM
^
والله ارتحت على كلامك الله يعافيك وصراحه سلميلي على اختك تحمست ادرس صيدله بس ياليت تسالينها كيف سجلت في الموقع والله لي ساعتين انفش فيه وسوال ثاني ولاعليك امر هل تدرس تحضيري واذا جابت نسبه عاليه تدخل صيدله ولاكيف نظامهم وشكرا كثر وطمنتيني الله يطمنك ويوفقك
M!ss Kemo
2013- 6- 30, 08:05 AM
^
والله ارتحت على كلامك الله يعافيك وصراحه سلميلي على اختك تحمست ادرس صيدله بس ياليت تسالينها كيف سجلت في الموقع والله لي ساعتين انفش فيه وسوال ثاني ولاعليك امر هل تدرس تحضيري واذا جابت نسبه عاليه تدخل صيدله ولاكيف نظامهم وشكرا كثر وطمنتيني الله يطمنك ويوفقك

اختي الموقع التابع لكلية المانع شوي مو اوكي في بنات عرفو يسجلو فيه وبنات لا بس عموما لازم تودي اوراقك الكلية حتى لو سجلتي بالموق
ومن البداية تحددي تخصصك ثابت من سنة اولى
الفرنسيه
2013- 6- 30, 05:56 PM
بدأ التسجيل او لسى ؟
آورنجة
2013- 6- 30, 11:14 PM
^
والله ارتحت على كلامك الله يعافيك وصراحه سلميلي على اختك تحمست ادرس صيدله بس ياليت تسالينها كيف سجلت في الموقع والله لي ساعتين انفش فيه وسوال ثاني ولاعليك امر هل تدرس تحضيري واذا جابت نسبه عاليه تدخل صيدله ولاكيف نظامهم وشكرا كثر وطمنتيني الله يطمنك ويوفقك


الله يحفظش عيني .. ولله يسلمش من كل شر :16: تسلميين :29:

التسجيل تروحي لهم بالكلية تقدمي اورقش ..

ولآ يهمش بسئلهآ وبجيب لش الخبر ,