نقض وفتل

[الشاااامخ]

موضوعي اعتبار محاوره وحبذا لو تكون مباشره .لتنميه المواهب .واثراء القسم

والمجال مفتوح للجميع
_______________________________

سلام رده وافيه في مبتدى قافي سلام*** للمنتدى واللي حضر يسد عن كل الغياب
ودي بقاف معتبر يرقى على راس السنام*** الين يرضى راعي الخصمه يخفف في العتاب

[الجــــ@ـارح]

هلابك اخوي الشامخ وسلمت يمينك وفكره رائعه

واتشرف ان ارد عليك ,,

يامرحبا بلي بدى القاف ونرد السلام ** للشامخ الي رقاء فوق الثريا والسحاب

بعلومه الى نفتخر فيها ولا فيها كلام ** العقل عقل الشايب ولكن قلبه قلب شاب

عاد تراني ماني بشاعر ياشامخ بس بحاول معك

[الشاااامخ]

الله يحيك ..وبالعكس كلنا مكملين لبعض ..بس شد حزامك

___________
الك البقا ياصاحبي محشوم من ضمن الحشام *** لكن عندي سالفه غلفتها وسط الكتاب
المهره اللي ذيرت من بعد ما ذقنا الغرام *** ماني بخيل في الوصل لكن مااحب الكذاب

[الجــــ@ـارح]

الخيل من خيالها واذهن تفك الها الخطام ** لابدماتعسف قبل ولا تروح مع السراب

تتعب ورها بالهوى وتضماء مثل ورد الحيام ** وتضيع في بحر الغرام تبطى ولا تلقى شراب

[نهروان العبدالله]

يتغرق في غنج دلعها لانطقت اسمك تعال**وبتوصل لك بعزها وتتمرد لااجل توصل وصال



موضوع رائع اخي الشامخ ,,

[الشاااامخ]

مـدري كـبر والا دلـع تختـال زاهـيه اللثـام *** وانا صـقر فـوق الـقمم مانـي شـبيهً للـغراب
اما نجي قلبً وقلب مثل المطيه في اللجام*** والا المخارج واسعه تلقى مع الطرقي ركاب

[الشاااامخ]

يتغرق في غنج دلعها لانطقت اسمك تعال**وبتوصل لك بعزها وتتمرد لااجل توصل وصال



موضوع رائع اخي الشامخ ,,


منوره اختي الدانه ..كل الشرف بمتابعتك :::

صحالسانك ..:17:

[نهروان العبدالله]

الحب ياشامخ ماهو مثل ماينقال ** الحب لغز صعب تلقى له جواب

إما توافق او إنفصال أو قلوبٍ بـــآكيه

[الجــــ@ـارح]

الحر يعرف صيدته بين الحباري والحمام** والا الطيور الطائره ماهمته لوهي قراب

انصحك بالشيهانه الي مطيرها وسط الغمام ** ومنزالها في شامخات الجبال مع الهضاب

[ريمنقو]

الله الله صحت السنتكم , متابعه

[نهروان العبدالله]

الصقر الحر مايسكن كداوي ....يسكن وطن متعلي شهير ....
ودز الرد انكانك اسطاوي ....البومه ليش خلوها اطير ....


:16:

[الشاااامخ]

يازين شورك نقتدي والا تعدينا ـالملام *** حيثك مجرب قبلنا في شوق تلعات الرقاب
انا اشهد انها نادره في وصفها ذنب و حرام***لكن لاتبطي علي في بعدها شوق وعذاب

[الشاااامخ]

الله الله صحت السنتكم , متابعه



والسانك ..الله يحيك ..

نور الموضوع

:16:

[نهروان العبدالله]

حال العشق( شوق وعذاب) **والا العشق من غيرهم( سراب )

كما قال عنترة ابن شداد**عقاب الهجر أعقب لي الوصالا وصدق الصبر أظهر لي المحالا

[الجــــ@ـارح]

الحب قبلك زعزع الحكام وارجالً احشام ** وابيوتهم صارت هدام وديارهم صارت خراب

الحب يبغاله وفاء ولا على الدنيا السلام ** لاصار من يعشق صدق في حبه يجيك الجواب

[نهروان العبدالله]

الحب يبي له قلب ما يعرف طريـق اليـأس**لا حاسد(ن) معنا و لا مبغض و لا جسـاس

[الشاااامخ]

ودك نختمها ترى قد دار في راسي المنام*** ونعوض اللي خاطره بالشعر !!!ما بعد طاب
والا المحبه كامنه اضمن لها كـل اهتمـام*** قلبي وروحي والشعر في قربها عين الصواب

[♥فقدتك1433♡]

محدن في هالزمن يستاهل الحب ،، كل ابو الحب يغدي جروح
أمنتك الله كانك تبي القلب ،،،لاتجرحه ويكفيه ماشاف من نوح

:18:

[الشاااامخ]

محدن في هالزمن يستاهل الحب ،، كل ابو الحب يغدي جروح
أمنتك الله كانك تبي القلب ،،،لاتجرحه ويكفيه ماشاف من نوح

:18:




الله يحيك امالامورات...زياره كريمه

طبعاً هدف وهمي نغني عليه فقط لااكثر...وان شاء الله تتعدد المواضيع القامه

ايظاً نتمى تعدد الشعراء ..

اشكراخي الجارح شكراًلكم..وللمعلوميه كل ما كتب كان على الهواء


تصبحون على خير

[الجــــ@ـارح]

حانت ترى وقت الصلاة واختامها مسك الختام ** الله يطيب خاطرك في قرب راعيت النقاب

وصلات ربي عدماصلى المصلي ثم صام ** على النبي الي نزل جبريل واقراة الكتاب

[الجــــ@ـارح]

هلابك اخوي الشامخ

وصح السانك , واكيد

ليس كل ما يكتبه الشاعر يعبر عن حقيقه او واقع للشاعر

لكن ربما يكون هناك معاني لا يفهمه الكثير

فصح لسانك وعلى شانك


وسعدت بمجارتك واعذرني على القصور

[الشاااامخ]

الله يمسيكم بالخير جميع ...موضوع متجدد .. اللي يبي يشارك الله يحيه .
-------------------------------

اللـيل تــوه ســرى يا حـضـره الشـــعار***نبغى نـسري حــــدى الـشـعـار ذا الـليله
واللعب في الميدان والخيل في المضمار*** وانا حصاني اصيل ومربط كحيله

[الجــــ@ـارح]

الليل ساري ومن سرى الليل ماسار ** الليل من يسريه ماله عيونً تقديله

زانت علومك وشتبي قول وش صار** وين الكلام الي يشب نار الفتيله

[الشاااامخ]

يامرحبا بالصديق ولمه الـسمُار*** بغيت غيـرك يشـد الحـمل وشيـله
لكن دونك تفضل وافهم الاسرار*** خابرك ضرس ترد السد من سيله

[الجــــ@ـارح]

والك البقا يالصاحب المغوار ** حنا جمالً نرتكي للحمول الثقيله

السر في بير على مقيل ماله قرار** وان سال سيل الجبل بالفكر نتكيله

[الشاااامخ]

لاتكسرالمايده وتبعثرالافكار *** ما يعرف الجارح ويدينه بخيله
الاوله راحت ما تقبل المعذار *** افطن لها يا ولد لاتميل الكيله

[الجــــ@ـارح]

الله يزينها على ماقيل للاخيار ** ترى العوض موجود وانت الدليله

الحر لامنه بغى المطيار ** فك السبوق وخل عينك تخيله

[الشاااامخ]

ان كان تبغى الصحيح وزبده الاشوار *** ترى الدلال الصفر مبهرً هيله
الشـعر بالاوزان والحـر بالـمنقار***وان حـام طير الرخم نثـنـيه بالحيله

[الجــــ@ـارح]

لو طال ياشامخ ترى المشوار** ميل عقالك وانتبه للميله

تذكار لو عشنا على التذكار ** خيال والخيال راحت خيله

[الشاااامخ]

لا تدخـلك شكـهً وتضـيع ياستـار *** ما ودي اقول ياحليـل يا حلـيله
الشعر نقض وفتل وانته ركبك الزار***لا روح الجارح يازين تبديله

[بحر العطا]

الشامخ والجار ح الله عليكم اساتذه نتعلم منكم المعاني الجزيله ولايستغرب منكم هذا الابداع

[الجــــ@ـارح]

مافيه شكه يارفيقي بس ضيعت المسار ** احذر ترا النقطه بها الشرطي ودربيله

ان كان ماتدري عن المعنى عليك الاعتذار** ولا السموحه في القصيد ويازين تأجيله

[الشاااامخ]

البرق برقه لاح من غير ذكر امطار*** وان سال سيل الجبل نعطيه تحويله
لاتقلب المعنى يا الثعلب المكار*** ما يُفهم المصحف من غير ترتيله

[الجــــ@ـارح]

البرق برقه لاح من غير ذكر امطار*** وان سال سيل الجبل نعطيه تحويله

لاتقلب المعنى يا الثعلب المكار*** ما يُفهم المصحف من غير ترتيله



ههههههههههههههههههههههههه

الشامخ اعذرني تراك فهمك خطاء يعلم الله

والسموحه اذا كان فهمك للمعنى كذا

ارجع وحلل المعنى ويوضح لك

لاتستعجل في التفسير ترا والله قصدي شريف

الى القاء

[بحر العطا]

هههههههههههههههههههههههه




عزالله كلكم الشعار واساتذة بحر يتعلم منكم



اهم شي استغفروا وتركو الشعر قبل رمضان :14:

[غريب الديار]

الله عليكم مبدعين
صحت الالسن

واصلوا متابعينكم

[الشاااامخ]

شكراً للجميع ..وان شاء الله اقرب فرصه نعاود الابحار...

والموضوع للجميع ايناً يجيد اللعب يتفضل ....

[الشاااامخ]

كل عام وانتم بخير ..والله يقبل من الجميع الصيام والقيام
____________________________________

سلام مني للحضور اللي يجمعهم شعر *** اهل الكرم واهل السخاء واهل العلوم الوافيه
من بعدها مبروك للي صايماً هذا الشهر*** والصـوم ما يقـبل ترى من غـير شوف هـلاليه

[••ريــــم••]

شكرا ع الموضوع
استمتعت بالقراءه

كانت لي محاوله ولكن اعتقد ان الغير موزون لايليق بالردود

شكرا

[الشاااامخ]

الله يحيك ريم ...

تاكدي ..الابداع يبدى بــ محاوله

كل الشكر على الزياره اللطيفه

[الشاااامخ]

مره اخرى لمحبي فن المحاوره نحاول تنميه مواهبنا واثراء هذا القسم الرائع ..والاستفاده

من تجاذب وتفاعل اخواني الشعراء والمشاركين
في انتظار الشعار ....
..وكل عام وانتم بخير ,,

______________________________________

[الجــــ@ـارح]

كل عام وانت بخير اخوي الشامخ

واستلم

عاد عيدك وانت يالشامخ بخير ** وجعل ايامك سعاده وانشراح

اليالي فرقتنا ماعرفنا وش يصير ** وكل منا في طريق العلم راح

[الشاااامخ]

مرحبا ياصاحبي وانت المدير**عيدك مبارك ياعسى عيدك فراح
الليــالي ثابتـه مافيــها تـغٌـير** وانا طريقي يالخوي قفـرً براح

[الجــــ@ـارح]

الله يدوم المحبه وبالمعزه نستنير ** والله يصف القلوب وترجع ايامً ملاح

مانبي هرج يزعل لانوينا بالمسير ** والعلوم الي تضر الفكر وتزيد الجراح

وعتذر عن التاخير لان النت بطي جدا عندي

[الشاااامخ]

ابطيت يالجارح عسى في الامر خير** والمعاني كلها عطرً وفاح
ارجد المـعنى لاتـونا يـالخبـير ** والـعدود الـراويه عـذباً قـراح

[الجــــ@ـارح]

مايطير الحر لين يشوف له طيرا يطير** ولانوى نيه تعلى ثم بالجنحان لاح

كل طيرا يشوفه مايفكر بالمطير ** والحباري من مطيره يصبحهن صباح

عااااااااااد اخوي الشااااااامخ اعتذر لابطى النت لان الصفحه تطووول ما تفتح

وتشرفت منتظر ردك على البيت الاخير ولنا لقاء

[الشاااامخ]

الطيور النادره ماكرها عسير**وان حصل لك فرصه تغانمها ياصاح
ما يطير الحر!! واجناحه كسير **لا بــغا المـــطيار هــون وطاح

[قلبي مجنوونك]

\





الله يعطيك العافية يَ الشااامخَ ....
بـَ امكانك فتح موضوع للمحاوره بـَ القسم الفرعي (قصائدكم وخواطركم الخاصه)
كـَ نوع من التنظيم اكثر ويكون موضوعك بمكانه الصحيحَ


6-عدم رفع اي مشاركة قديمة لأي سبب كان , فالمشاركات الجديده هي الاولى بالنشر والتواجد في الصفحة الاولى



قوانين القسم واضحهَ .....بعد اذنك
يغغلق
وفي انتظار موضوعك انت والجارح ومحاورتكم الشعرية :21: