جامعة الدمام تعلن [ الدفعه الاولى ] للطالبات

[ريمنقو]

بسم الله الرحمن الرحيم



الجامعة تعلن الدفعة الأولى من المرشـحات للقبول في مسارات السنة التحضيرية والبـرامج الأخرى في الجامعة للعام الجامعي 1434/1435هـ وتهيب بالطالبات المرشـحات للقبول سرعة طباعة نموذج ”البريد الممتاز“، وذلك بالدخول على الرابط ”استعراض طلب سابق“ من خلال بوابة القبول في موقع الجامعة وإدخال اسم المستخدم وكلمة المرور الخاصة بالطالبة ومتابعة الطلب بالضغط على أيقونة ”تحقق من حالة الطلب“ مع ضرورة إستكمال المعلومات الشخصية وتسليم جميع المستندات أدناه لأحد فروع البريد الممتاز (خدمة جامعي) ومن ثم طباعة نموذج البريد الممتاز وإرفاق التالي:

*شهادة الثانوية الأصلية .
*نموذج التعهد موقعًا .
*نسخة من البطاقة الشخصية للطالبة أو كرت العائلة أو الإقامة لغير السعوديات .
*بالنسبة للطالبات المقبولات في المسار الصحي يتم طباعة نموذج الفحص الطبي والاحتفاظ به لحين إجراء الفحص في مستشفى الملك فهد الجامعي بالخبر ”سيتم إحاطة الطالبة بموعد الفحص برسالة نصية sms“
*إن عدم تسليم الوثائق الأصلية أعلاه في الوقت المحدد يغلق ملف الطالبة ويلغى طلبها في القبول ولا يحق لها المنافسة في الدفعات اللاحقة، علمًا بأن فترة تسليم الأصول للمرشحات للقبول بالدفعة الأولى من السبت 27/8/1434هـ إلى نهاية دوام البريد الممتاز (9 مساء) يوم الأربعاء 2/9/1434هـ .

كما تهيب بالطالبات اللاتي لم يحالفهن الحظ في هذه الدفعة بالدخول على موقع الجامعة بوابة القبول ”متابعة طلب سابق“ بنفس اسم المستخدم وكلمة المرور المدخلة وتنشيط طلب القبول للدخول في المنافسة في الدفعات اللاحقة. (عدم تنشيط طلبك يغلق ملفك ولا يحق لك الدخول في المنافسة للدفعة التالية).


النسب الموزونة التي توقف عندها القبول للبرامج والمسارات المختلفة للعام 1435/1434هـ


المسار الصحي 87.85
المسار الهندسي 87.36
المسار الـعلمي 85.10
كلية الدراسات التطبيقية وخدمة المجتمع 83.52
كلية العلوم بالدمام 81.22
كلية الآداب بالدمام 75.59
كلية التربية بالدمام 83.00
كلية المجتمع بالدمام 78.29
كلية المجتمع بالقطيف 72.98
كلية التربية بالجبيل الأقسام العلمـية 80.36
كلية التربية بالجبيل الأقسام الأدبية 79.40
كلية العلوم والآداب بالخفجي الأقسام العلميـة 75.88
كلية العلوم والأداب بالخفجي الأقسام الأدبية 72.11
كلية العلوم والآداب بالنعيرية الأقسام العلمية 74.12
كلية العلوم والآداب بالنعيرية الأقسام الأدبية 72.38
كلية التربية بحفر الباطن الأقسام العلمية 73.96
كلية التربية بحفر الباطن الأقسام الأدبية 72.97
كلية العلوم الطبية بحفر الباطن 85.60

[جرحني بسكآت]

الله يعطيك العافيه

لانك بسرعه جيتي تنزلتي الاعلان :42: :21:

ومبروك للمقبولين

وبالتوفيق للباقين يآرب

[ريمنقو]

الله يعآفيتسَ ,
نوآفي الآخبآر آول بآول :8:

[Sara Ali]

الله يعطيكِ العافية حبوبة ..

الف مبروووك لجميع المقبولين

:16:
عقبال ابشركم بقبوول قريبتي :13:

دعواتكم

[جرحني بسكآت]

:20:

ما تنمدحين

\

Sara Ali :29:

ربي يوفق قريبتك يآرب

وإن شآء الله انها تكون من المقبولين بالدفعات الجايه

[أبو راكــان]

اقبولني بكلية العلوم الدمام وهي رغبتي الرابعة والاخيرة وانا ما أبي

أبي رغبتي الأولى المسار الهندسي واللي وقفت النسبة عنده على 87.36 مع العلم ان نسبتي الموزونة 81.57


هل تتوقعون في أمل انقبل بالدفعة الثانية أو الثالثة؟ بمعنى هل من المعقول أن تهبط نسبة القبول في الدفعة الثانية أو الثالثة في المسار الهندسي من 87.36 إلى 81.5


<<لو احتمال هبوطها بهالشكل راح أسحب شهادتي من جامعتي اللي انقبلت فيها وأرسل الوثائق لجامعة الدمام
ولكن أخاف ماتهبط نسبة القبول بهالشكل ويحدّوني على كلية العلوم وأنا ما أبي إلا التصميم الداخلي في المسار الهندسي


^^
كاتبة الرد بنت

[سعوديه مسكته]

كيف اسوي تنشبط طلب

اختي ماقبلوها بالدفعه الاولى :20:

[جرحني بسكآت]

اقبولني بكلية العلوم الدمام وهي رغبتي الرابعة والاخيرة وانا ما أبي

أبي رغبتي الأولى المسار الهندسي واللي وقفت النسبة عنده على 87.36 مع العلم ان نسبتي الموزونة 81.57


هل تتوقعون في أمل انقبل بالدفعة الثانية أو الثالثة؟ بمعنى هل من المعقول أن تهبط نسبة القبول في الدفعة الثانية أو الثالثة في المسار الهندسي من 87.36 إلى 81.5


<<لو احتمال هبوطها بهالشكل راح أسحب شهادتي من جامعتي اللي انقبلت فيها وأرسل الوثائق لجامعة الدمام
ولكن أخاف ماتهبط نسبة القبول بهالشكل ويحدّوني على كلية العلوم وأنا ما أبي إلا التصميم الداخلي في المسار الهندسي


^^
كاتبة الرد بنت

شوفي ماحد يقدر يقولك اذا راح تنزل الى كذا او لا

لان ماحد يدري بالضبط وش كثر راح تنزل

مع ان حنا نتمنى تنزل الى كذا واكثر

يمكن نقول لك اي نعم بتنزل وفي الاخير ماتنزل

ويمكن نقول لك ماراح تنزل وفي الاخير تنزل

ماحد يدري الا ربي

شوفي جامعة الدمام اخر دفعه لطلاب بدال مانزل ارتفعت

يعني ماحد عارف وش راح يصير الا ربي

افضل شيء انك تستخيري ربي هذا احسن شيء من رايي


موفقه يآرب

[Sara Ali]

بصراحة يا ابو راكان
انا عني ما اتوقع
مو تحطيم بس المسار الصحي و الهندسي
مسارين قويين ويتطلبو نسب عالية
وعليهم منافسة شديدة

وبنظري
غلط من كل طالبة تحط من ضمن رغباتها كليات هي ماتبغى تدرس فيها
لان بعدها راح تتوهق وتتشتت

[ريمنقو]

سعوديه مسكته

من سجلات الطلاب - التحقق من حاله الطلب , بتظهر لك الرغبات وتحتها ايقونة التنشيط اضغطيها

[أشواااااق]

ي ربااااااااااه
وش هـ النسب الطايره !
يارب تنقبل أختي :9:

ونسوي تنشيط :17:


يسلمو :3:

[أشواااااق]

زر التنشيط بوه خلل :10:

http://www2.0zz0.com/2013/07/05/00/398609911.png

[Sara Ali]

اشواق
الله يوفقها وتنقبل

جربي من متصفح ثاني

[الأمل الجميل]

ياجماعه اختي قبلوها بس نموذج التعهدات من وييين ذا ؟

[ريمنقو]

اشواق ان شاء الله تنقبل بس غيري المتصفح او جربي بوقت ثاني

/


الامل الجميل والله مدري ابحثي بنفس صفحة القبول

[مها المطيري]

ريمنقو مجهود تشكرين عليه يَ قلبي (:004:)

الأمل الجميل تحت مكتوب المعلومات الشخصية أضغطي عليه وعبي البيانات بدقة !

بعدين اضغطي التالي والباقي الحقك فيه عقب مايفتح معاي

عبيت البيانات لأختي وعلق عندي مدري البلا من النت ولا من شنو بالضبط

(:004:)

[exo]

انا مكتوب عند حالة الطلب (طلب) اش يعني؟؟
:39:

[مها المطيري]

إذا عند جميع الرغبات مكتوب طلب

معناتة لازم تعملين تنشيط من خلال الضغط على الأيقونة الموجودة تحت الطلب

علشان تدخلين المنافسة على القبول في الدفعة الجاية

(:004:)

[exo]

إذا عند جميع الرغبات مكتوب طلب

معناتة لازم تعملين تنشيط من خلال الضغط على الأيقونة الموجودة تحت الطلب

علشان تدخلين المنافسة على القبول في الدفعة الجاية

(:004:)




ما عندي زر تنشيط بس في حالة طلب عندي قبول مشروط
بس ابغا رغبة غيرها :44:

[مها المطيري]

ماعلية أنتي الحين ارسلي أوراقك وراح تدخلين تلقائي في المنافسة

وبإذن الله يرقونك للرغبة الأعلى

[exo]

يعني حتى لو ارسلت اورراقي ممكن انقبل في الدفعة الثانية ؟
لاني جد جد ما ابغا الرغبة دي :12::12::12::12:

[n00ry]

اختي لحد اللحين ما طلعت نتيجة قبولها ولا طلع لها زر تنشيط :36:

[خواطر انسآن]

يعطيك الف عافيه
ومبروك للمقبولين

[ريمنقو]

exo

اذا استوفيتي النسبة المطلوبه للرغبة راح يرقونك لها ..
واذا لا , رآح تبقين ع نفس الرغبه اللي انقبلتي فيهآ ..


/

[ريمنقو]

n00ry

غيري المتصفح او شيكي بوقت ثاني , واذا نفس المشكله ماتغيرت الافضل تتواصلين مع الدعم




،


خوآطر , الله يعافيك

[Moom Hussain]

الف مبروووك لجميع المقبولين
وعقبال اللي مانقبلوا ينقبلون في الدفعات الثانية

[ريمنقو]

^ الله يسمع منتس :16:

[ياالله ياكريم]

ان شاء الله يارب تنــــــــزل النسب كثيير :12:

[maram.]

الله يعطيك العافيه اختي ريمنقو ع مجهودك
ومبروك للي انقبلو وعقبال الباقين ب الدفع الجايه
ان شاء الله ♡♡

[maram.]

متى الدفعه الثانيه فيصل والدمام ؟
كل ناشبين لي ها الفاصﻻت > تعقدت منهم ههه:5:
الله كريم أهم شيء في امل انقبل بالدفعه الثانيه
وﻻاقعد بالبيت بعد سنه زياده:9:

[@Beedo111]

الله كريم :22:

[maram.]

تفائلي ان شاء الله الكل مقبول بأذن ربي ماعلينا اﻻ نصبر موفقين يارب :1::29::14:

[Mesh1]

الحمد لله انقبلت بكلية الاداب بالدمام
ومبروك للمقبولات واللي مانقبلو بالتوفيق بالدفعات القادمه :16:

[زمرد19]

شكرا لطرح ربي يعافيك

[♡ Chroma Heart]

بنات في نموذج التعهدات
رقم بطاقه الاحوال اهو نفسه السجل المدني
؟

[مها المطيري]

^^

أي نعم

(:004:)

[ريمنقو]

الله يعافيكم بنآت , منورينَ :16:



/

[ريمنقو]

بكره اعلآن الدفعه الثآنيهه لجامعة الملك فيصل ..
الجمعه الجآيه اعلان الدفعه الثانية لجامعة الدمام

[maram.]

تسللمين ♥♥♡♡

[بطوطة]

الله يوفقكم
وووعقبال قبولي ب فيصل او برغبتي
بالدمام :10:

[Dr. nsroon]

يعطيك العافية ريمنقو :004:

ما ادري اذا انسأل هالسؤال بالصفحات السابقه ما امداني الف واشوف
اذا الرغبة الاولى عندها طلب
والرغبة الثانية قبول مشروط

فيه امل بالقبول في الرغبة الاولى ؟؟
مع انه التربية وقفت عند نسبة 83 واختي نسبتها
اعلى من 83 ومع ذلك قبلوها بالرغبة الثانية :40:

[troooke]

الف مبروك للمقبولات

ولي ماحالفهم الحظ ينشطوا الطلب

وعساك على القوة ريمنقو

موفقين

[Sara Ali]

يعطيك العافية ريمنقو :004:


ما ادري اذا انسأل هالسؤال بالصفحات السابقه ما امداني الف واشوف
اذا الرغبة الاولى عندها طلب
والرغبة الثانية قبول مشروط

فيه امل بالقبول في الرغبة الاولى ؟؟
مع انه التربية وقفت عند نسبة 83 واختي نسبتها
اعلى من 83 ومع ذلك قبلوها بالرغبة الثانية :40:


الف الف مبروك القبول لأختك :27:

طبعاً في أمل وَ كبير جداً ..

ولو هي مصرة على التربية وخايفة ينسوها بالكلية الحالية
راجعو عمادة القبول و التسجيل بالجامعة

واعرفو ليش النسب تعدت نسبتها وتم قبولها في رغبة اقل من نسبتها

:16:

[Reem malik]

النسب الموزونة مرتفعه....
وأول رغبتين حطيتهم أعلى من نسبتي :10:
شكلي بنقبل بالكلية إلي مابيها :24::24::24:

[غرام اطفال !]

نسبتي 72.4 تتوقعون انقبل بكلية الاداب ؟

[كدووي]

والله بنات ضايق صدري ما انقبلت لا انا ولا اخختي ادعلونا ننقبل بالدفعات الججاية يارب :18:

[كدووي]

ومبروك لكل البنات اللي انقبلو يستاهلون:16:

[Jomanah.~]

ألف مبروووك لكل اللي انقبلوا :16:

--------------
أنا نسبتي الموزونة 85 !
تتوقعون ’’ انقبل بالمسار الهندسي ؟! ولا لا ؟! :39:

موفقين يآرب

[Wk1]

إن شاء الله

بنات وشو نموذج التعهد ؟

[waaad]

جد ايش نموذج التعهد كل ماأعبي بيانات الطالب واعمل التالي يعلق ايش السالفه:12:

[ريمنقو]

نصرونَ ..

خلآص خليهآ ترسل اورآقهآ حآلياً علشان مآينلغى قبولهآ ..
وبالدفعه الجآيهه شوفي ان شاء الله تترقى للرغبه الاولى .. لآن نسبتها اعلى من 83 ..
والله يعافيتس :16:


/



تروكيَ , الله يقويك

[ريمنقو]

لآتقلقون وكلوآ امركم لله ان شاء الله راح تنقبلونَ .. ونسبكم كويسه


/




waaad

غيري متصفحكك

[ريومة~]

بنات انا حدثت من متصفح و طلع لي الداله غير صحيحه
ورحت لمتصفح ثاني و جيت بحدث
لقيت زر التحديث لونه رصاصي ما يمدي اضغط عليه

الححين يعني حدثت ولا لا

[little muffin]

______

عندي سؤال انا حطيت الرغبة الاولى كلية التربية بالجبيل وحطيت الرغبة الثانية كلية الاداب
كلية التربية بالجبيل وقفت نسبتها 79 و انا نسبتي 78 و حطوني عند الرغبة الثانية الي هي كلية الاداب و انا ما ابيها ايش اسوي ؟ :9:

طيب هل صحيح انهم يرقوني لو نزلت النسبة حقت كلية التربية ؟ طيب كيف اخاف بس كلام و مو صدق :9:

طيب لو نزلت النسبة بالدفعة الثانية او الثالثة للكلية الي ابيها وما حطوني بالرغبة الاولى اقدر اشتكي او اي شيئ من هذا القبيل ؟ :24:

[maram.]

بنات انا حدثت من متصفح و طلع لي الداله غير صحيحه
ورحت لمتصفح ثاني و جيت بحدث
لقيت زر التحديث لونه رصاصي ما يمدي اضغط عليه

الححين يعني حدثت ولا لا
يب تحدث موفقه:16:

[ريمنقو]

little muffin

ارسلي اوراقك المطلوبه علشان مايلغون قبولك ..
الكلام صحيح 100 % في حال نزلت نسبة التربيه وحققتي النسبة المطلوبه راح تترقين لها

[maram.]

______

عندي سؤال انا حطيت الرغبة الاولى كلية التربية بالجبيل وحطيت الرغبة الثانية كلية الاداب
كلية التربية بالجبيل وقفت نسبتها 79 و انا نسبتي 78 و حطوني عند الرغبة الثانية الي هي كلية الاداب و انا ما ابيها ايش اسوي ؟ :9:

طيب هل صحيح انهم يرقوني لو نزلت النسبة حقت كلية التربية ؟ طيب كيف اخاف بس كلام و مو صدق :9:

طيب لو نزلت النسبة بالدفعة الثانية او الثالثة للكلية الي ابيها وما حطوني بالرغبة الاولى اقدر اشتكي او اي شيئ من هذا القبيل ؟ :24:يب يرقونك اذا نزلت ب الدفعة الثانيه
وتروحين لمكتب القبول هذا حد علمي ان شاء الله يفدونك اﻻعضاء اكثر موفقه:16:

[maram.]

الله يوفقك ويحقق لك الي تمنين موفقه يارب:16:

[little muffin]

مرام و ريمنقو مشكورين وماتقصرون الله يعطيكم الف عافية :2::12:

[ام صُهيب]

السلام عليكم انآ انقبلت بجآمعه الدمام وانقبلت برغبه الثانيه والرغبه الاولى مكتوب ( طلب )
وش اسوي وانآ ابي الاقرب لي وخآيفه وهل في امل ان انقبل بدفعآت الجآيه ووش المطلوب مني الحين ...؟
وهل في احد صار له نفس مشكلتي وانقبل برغبه الاولى بدفعه الثانيه:18::44:

[ريمنقو]

وعليكم السلام مبروك قبولك ام صهيب ..
اللي عليك ترسلين اوراقك المطلوبهه علشان مايلغون قبولك ..

/

الدفعات الجايه ان شاء الله تنزل النسب ويرقونك للاولى بس اهم شي ترسلين اوراقك بكره

[ام صُهيب]

جد امي وابوي ضآيق صدرهم وانآ خآيفه بودي اوراقي والله يستر :18:

[ام صُهيب]

طيب في احد نفس مشكلتي

[ريمنقو]

اي فيه غيرك وده بالرغبة الاولى وانقبل بغيرهآ ..
ومافي ايديكم الا ارسال الوثآئق ..

[maitham]

وش اكتب برقم التقديم في ورقة نموذج التعهدات
وش يقصدون يرقم التقديم ؟

[maitham]

http://im41.gulfup.com/Nh2WQ.jpg (http://www.gulfup.com/?QI2uuV)

رقم الطلب تلاقونه هنا :)

[exo]

اش هوا نموذج البريد الممتاز ؟؟

[ريمنقو]

^ اذا عبيتي بياناتك الشخصيه راح تظهر لك بعدها صفحه نموذج البريد اطبعيها

[exo]

^ اذا عبيتي بياناتك الشخصيه راح تظهر لك بعدها صفحه نموذج البريد اطبعيها

اللي اطبعها هيا ورقة التعهدات
بس جمبو لينك مكتوب عليه نموذج البريد ما يتضغط !!

[ريمنقو]

غيري متصفحك يمكن يفتح معك

[Wk1]

بنات محد رد علي وشو نموذج التعهد وش يقصد فيه جاوبوني !
:39:

[كدووي]

ححبيبتي فية نموذج مع نوذج البريد اطبيعيه هو نموذج التعهد :16:

[Wk1]

اوكي حبيبي شكرا.

[fatth ahmad]

سلام بنات
بليززز الي فتحه معها نموذج البريد الممتاز تحطه لنا هون مشان نطبعه
مو راضي يفتح بكل الطرق :7:

[أشواااااق]

جربي بكم متصفح !

أنا زر التنشيط مو مريحني م ينضغط ! :23:

[ريمنقو]

ياليت تغيرون المتصفح وتجربون تطبعونه ..




/


اشوآق الايقونة رمآديه \؟؟
شككلك نشطتي علشان كذا موب رآضي ينضغط معك

[أشواااااق]

م أظني نشّطت :39:
الله يستر بس م أذكر والله

اي رماديه ..

[ريمنقو]

مع ان الايقونة ماتصير رماديه الا اذا نشطتي بس علشان تتطمنين كلمي الدعم يتأكدوون لك

[مها المطيري]

ريمنقو مجهود تشكرين عليه يَ قلبي (:004:)

الأمل الجميل تحت مكتوب المعلومات الشخصية أضغطي عليه وعبي البيانات بدقة !

بعدين اضغطي التالي والباقي الحقك فيه عقب مايفتح معاي

عبيت البيانات لأختي وعلق عندي مدري البلا من النت ولا من شنو بالضبط

(:004:)


*

أخيراً تم بحمد الله

بعد تعبئة البيانات لازم تضغطون على ايقونة حفظ , بعدين موافق , بعدين تعملون تحديث للصفحة .

وراح تحصلون النماذج ظاهرة بإذن الله

وفعلاً المتصفح له تأثير

الله ييسر لكم أموركم ويوفقكم (:004:)

[غرام اطفال !]

متى راح تنزل الدفعه الثانيه ؟
انا نسبتي 72,4 تتوقعون انقبل بالاداب :( !

[ام صُهيب]

اممممممم يآليت اي احد نفس حالتي يرد انقبلت بجآمعه الدمآم برغبه الثانيه والرغبه الأولى طلب
المهم ارسلت اورآقي ويآرب صح الي هي الشهآده الثانويه الاصليه وصوره بطآقه العآيله
نموذج التعهدآت نسختين واخذ وحده قال وحده والورقه حقت البريد الممتاز
انآ نسبتي 76 ورغبه الاولى الي هي الجبيل توقف الدفعه الاولى على نسبه 79
تتوقعون يرقوني ولا لا وكيف اعرف ان اوراقي صح

[SILENT.]

اممممممم يآليت اي احد نفس حالتي يرد انقبلت بجآمعه الدمآم برغبه الثانيه والرغبه الأولى طلب
المهم ارسلت اورآقي ويآرب صح الي هي الشهآده الثانويه الاصليه وصوره بطآقه العآيله
نموذج التعهدآت نسختين واخذ وحده قال وحده والورقه حقت البريد الممتاز
انآ نسبتي 76 ورغبه الاولى الي هي الجبيل توقف الدفعه الاولى على نسبه 79
تتوقعون يرقوني ولا لا وكيف اعرف ان اوراقي صح

ايه صح كذا
الجبيل العام وقفت على 76 .. فيه أمل ان شاءاللله :16:

[Shosho1992]

ايه اختي نفسك بالضبط ونفس نسبتها بعد ان شاء الله تنقبلون بالتربية
بس حبيت اسألكم انتوا سلمتو اوراقكم بالبريد الممتاز وهل جتكم رساله بالنظام انه تم استلام الاوراق لان اختي ماطلعت لها رساله
وهل تحتاج الى تنشيط علما ان خانة التنشيط لم تظهر

انا وصل لي خبر انا التنشيط يتم دايركت بمجرد مانرسل الاوراق للبريد بس انا اللي قاهرني انه ماجتني رساله تؤكد انا اوراقي وصلت
ارجوو الرد سريعا

[ريمنقو]

تابعي وصول اوراقك عن طريق موقع البريدَ ..


/

صحيح طلبك منشط بمجرد ماتوصل لهم كامل اورآقك

[ام صُهيب]

امآآآآ حتى انآ مآجتني الرسىآله ليه يومه خوفتوني الله يستر بس يآليت احد يفيدنآ ...؟؟؟؟؟؟

[Shosho1992]

ها بنات جتكم رساله انه تم استلام اوراقك والا لا انا لحد اللحين ماتغير شئ بالنظام

[خواطر انسآن]

يغلق الموضوع بسبب الخروج عن صلب الموضوع
اي استفسار يمكنكم فتح موضوع جديد في قسم الطلاب ماقبل الجامعة