متى المقابلة ؟

[Sky girl]

السلام عليكم ورحمة الله وبركاته ..

انا انقبلت في الدفعة الثانية علوم طبية تطبيقية طيب , وماحددوا لي موعد للمقابلة والفحص الطبي .. يعني هم عادة يحدوون ولا اروح على عماي .. !!

وشي ثاني محتاجه مشورتكم ..

انقبلت في جامعة الدمام مسار الصحي , وهنا انقبلت علوم طبية تطبيقية مع العلم ان موزونتي 89.98
وانا ودي بالطب كثثيير , فيه امل انهم يرقوني طب في جامعة فيصل ولا اروح الدمام ؟

وكم المعدل الي يبون في السنة التحضيريه علشان يقبلوني طب ؟؟

وجزاكم الله ألف خير :16:

[جرحني بسكآت]

وعليكم السلام .. مبروك القبول

فعلى المقبولين الذهاب مباشرة الى إدارة الخدمات الطبية
بدء من يوم الاحد 28/8/1434 في تمام الساعة الثامنة صباحاً .

و أما موعد المقابلة الشخصية للطالبات المقبولين في الدفعة الثانية
لكليات الصحية سيكون يوم الأحد 6/9/1434 بمبنى كلية الطب
بقسم الطالبات لدى مكتب وكيلة الكلية.

\

ماحد يقدر ياكد لك اذا راح يرقونك للطب بالدفعات الجايه او لا

بس إن شآء الله تنزل النسب الى نسبتك ورقونك لها

اما اذا تبين تروحين الدمام لانهم قبلوك مسار صحي

وماتبين تنتظري يرقوك للطب فالقرار لك وحدك

بالتوفيق

[ريمنقو]

والله اختي ماقدر اقول لك ان النسب بتنزل كثيرَ ..

/

انتي بين يدينك القبول بالمسار الصحي يعني تشدين حيلك السنه الاولى وتحققين رغبتك اللي هي الطبَ
لكن جامعه الملك فيصل بتجلسين ع توتر وقلق وشكوك هل تنزل كثير او لآ ..


/

استخيري وقدمي اورآقك للدمام